【末日】 《末日下的那些人》 世界面臨終結, 我卻沒能登上方舟

幾好睇 不過想睇晒主線先睇番外

要唔同諗法, 或者部分所謂「番外」都可以開個咁長既故.....不過依加先寫好主線, 多謝巴打

把女神大人請到屋中後, 我又飛快地檢查了屋子附近, 確保沒有人發現, 然後再掃掉沙灘上的足跡。貝兒和舜兒看狀, 也知道事情糟糕了, 也取出盾牌和弓箭以備無患。

那盾牌是我們用滑浪板改造的, 始終羅醫生死後貝兒再沒有了變身的能力, 有東西防身始終較好。

「..........」女神大人坐在桌子旁不發一言。昨晚太黑, 今天早上我又半跪著, 這時我才真正的看清女神的臉。她看似是一個混血色, 頭髮棕金色, 皮膚也白晢得出奇, 甚至比言寄葉更白, 雙瞳也是黑中帶點碧綠。

搞甚麼...她其實是在害怕?

言寄葉也察覺到了這一點, 輕輕用手搭著女神的手背, 又好像我這樣輕撫她的頭髮般安撫她。

「女神大人...」我小心翼翼地開口問道。

這小女生看看我, 搖搖頭:「楊子平先生, 係呢度既話, 請停止女神既稱呼,請叫我做小莉。」

......出聲了!超老成!這對話, 不是這歲數的女生能說出的吧!

「女....小莉, 咁你半夜第二次大駕光臨, 有咩指教?」連我也忍不起突然用上很正式的對話。

「係請求,歐舜兒先生, 歐貝兒小姐, 言寄葉小姐, 楊子平先生, 我有一事相求...」

突然覺得她超不可愛。

好像把一個中女的魂魄硬塞到一個小女生身體內。

平日一言不合就踹我的言寄葉這時母性大發:「小莉, 唔使咁見外, 你有咩要幫手, 唔搵高神父佢地? 當然我地都好樂意....幫...手...」

她愈說愈覺得不妥, 因為高神父三字才說出口, 小莉就全身為之一抖!

先搶回主導權吧。

「你要我地幫你手, 就要答我地問題。」

「嗯...呢層當然。」

第一個問題是我最想知道的, 也是最重要的----

「你有預知能力?」

室內靜默一片, 好像我說出了佛地魔三字似的。

「阿平!」言寄葉喝我一聲, 連忙看著小莉:「唔使答佢, 你唔使理呢個人。」

小莉搖搖頭:「非也, 佢問呢個問題都係無可厚非......我就從實招來, 我的確可以睇到未來, WIN遇襲, 同言寄葉係海邊既事, 你地今朝既到訪, 我都一早預知到。」

不用甚麼測試, 我已經知道她是真正的預言能力者。

但是----

「係冇未來既世界預知未來, 真係可悲。」

舜兒道出我的心聲。

「無錯....我....我每日都係不斷睇住末日既一瞬間, 都真係可悲....」

「你可以預知, 但改變唔到?」

小莉點點頭。

她的能力, 是在某一天突然的醒覺,而第一個預見到的未來, 就是隕石擊中地球, 火環, 強光,灰塵, 沖擊波, 爆炸, 瞬間真空等種種力量咆嘯著撕裂天地, 這星球上的一切都彈指間化成飛灰。

可以預知未來, 但卻沒法完全改變。

「完全?」

「可能, 就係所謂既命同運。」相信這成熟的談吐, 就是被逼看到了種種不幸的未來, 而逼使的成長吧。

可能是另一種意義上的悲哀。

「以言寄葉個日係海灘出事為例, 個日本來既未來應該係言寄葉被水母襲擊, 於水底無法行動而溺斃, 而楊子平都因為去救佢而受重傷, 最後五日後因為悲傷而自殺身亡。」

別一面平靜的說出這樣恐怖的事啊!

我的臉色一定難看到極點, 也看到言寄葉的表情扭曲著。

「但係, 受水母襲擊只係命, 我仲可以改變運, 所以係我通知高神父, 佢通知莊臣, 個一下開始未來就改變左, 變成依加咁樣。」

我吞一吞口水道:「咁, 地球滅亡---」

「命, 而且無任何辦法改變。」

也是呢....

「經過今日見到歐舜兒先生同楊子平先生, 我睇到左新既預知, 你地四個就係改寫未來既關鍵。」

貝兒問道:「改變未來..?」

「係...係咪好開心呢!」她笑著笑著, 卻嗚嗚嗚地哭了出來。

為甚麼..

難道...

「唔好喊, 你到底要我地做咩?」 言寄葉抱住這小女生安慰她道。

「你地見過阿瓦隆, 大家都好開心...係咪?」

我點頭表示認同:「係你為大家帶黎希望, 你的確係佢地既女神。」

如果世界沒有進入倒數, 她大概會成為科學界的新寵兒吧。

真是生不逢時, 如果早出生一點, 說不定我們就有時間制止末日了。

「唔係....」小莉神色哀傷地搖搖頭, 「佢地講得無錯..我只係, 魔女。」

魔女?

「邊個佢地?」

「係咁個D反對我既人, 個D唔接受阿瓦隆呢個體制既人, 高神父叫佢地做異教徒。」

也是呢, 沒有反對者的完美社會, 我才不相信。

「四位....你地係我唯一既希望, 請你地救出被高神父囚禁既異教徒, 然後...請你地帶領佢地, 推翻阿瓦隆, 推翻我。」

推翻她--

下子我明白了。

因為女神帶來的希望, 有些人被高教父所囚禁, 被指是異教徒。這些被囚的人, 使小莉覺得是自己的過錯, 但現在整個阿瓦隆也是自己的教徒, 所以我們四個來自外地, 沒有拜倒於神權下的人,就成為了改寫未來的關鍵。

「推翻你?」貝兒不明白。

「依加未來, 有兩個, 一係你地唔接受, 咁佢地就會被高神父係十日後秘密處死, 而如果你地接受我既請求, 救出異教徒, 推翻左我同阿瓦隆, 就.....就好。」

「好?」我已察覺到了她口中的命, 「推翻左之後呢?」

「阿瓦隆解散, 大家都開心。」

「小莉,講真話。」

「........我會被憤怒既群眾殺死。」

「好, 咁我拒絕。」我斷言拒絕。

「你最終會答應, 呢個係未來, 已經注定左。」

「唔會, 我唔會答應!」我拍枱怒喝, 「要我推一個靚妹去死, 我點會同意!班人被處死就算啦!」

「阿平.....」言寄葉不知如何應答, 看來她已不能理解這些過去未來因果的關係。

小莉哭道:「我呢個所謂女神, 已經為大家帶黎太多苦難。」

我否定:「你睇下外面D信徒, 佢地唔係好開心咩, 推翻你邊個有著數。」

「但係仲有更多人, 被囚係地下, 不時攞出黎殺雞儆猴,呢D全部都係因我而起..我係魔女..係我既錯!」

這小女生, 很自責。

即使會令自己死掉, 也要拜託我們推翻自己。

舜兒似乎捉到了另一個重點:「似乎要推翻既, 係高神父。」

小莉搖搖頭:「無用, 未來就係咁, 係高神父被推翻一刻, 我就失去保護同光環, 憤怒既群眾就...就會將我...... 唔會改變到!」

「好啦, 唔好諗D未發生既野!」言寄葉抱住她輕搖安慰。

換句話說, 只有兩種未來。

A-- 不理會小莉, 任由高神父以她的預知能力作惡, 使她自以為不斷累積罪孽, 最終心靈崩潰

B-- 答應她, 救最被囚的人, 造成反抗軍, 推翻高神父的神權, 但他倒台後小莉將被視作魔女處死。

我們應如何選擇那個未來呢?

貝兒先打破沉默:「小莉, 我地都知道左未來, 192日, 隕石撞地球, BOOM, 全部玩完。」

被言寄葉抱著的小莉望向這大姐姐。

「但係, 我地點解仲不斷有唔同既行動? 阿平, 寄葉, 佢地搵到彼此相愛, 我要成為弱者既救星, 伸張正義, 我細佬成日串我,但係我唔掂既時候總會幫我收拾殘局........我地全部都睇到未來, 或者冇一個未來係HAPPY END, 但我地每日都好俾心機。」

她走過來, 捉著小莉的雙手:「我冇預知能力, 但我相信未來一定可以改變, 我地點做都逃唔過末日, 但係---」

貝兒雙眼放出她打針後成為英雄的那種勇氣的光芒:「未來一定可以改寫!」

等等, 我還是反對的, 為甚麼氣氛漸漸變成我們對抗命運的那種套路?

我是來渡假的, 不是來革命的..!

「但我...我好驚死...雖然係我自己攞黎,我要贖罪... 但到時個D憤怒既群眾, 一定會殺我, 我已經睇到..」

「未發生既野, 理得佢呀!」貝兒就是有種傻勁。

可能這就是英雄和盜賊之間的分別吧。

「無論係你, 定異教徒都好, 我地都要拯救, 我地一定會有第三個未來, HAPPY END!」

言寄葉好像也被貝兒感染:「嗯, 你已經改寫左我同阿平既未來, 今次就由我地黎改寫!」

總感覺她在可憐和成熟之間的形象轉換得很流暢呀...

「家姐要玩命, 咁我只有陪佢既啫。」舜兒背上弓箭。

「你地...」

「打倒高神父, 推翻你既神權, 拯救你, 同所有人!」貝兒舉拳向天。

突然間, 小莉雙眼失去焦點, 好像看到了些甚麼的。

「多謝你地...」她一邊感動而哭, 一邊於枱底向我比出勝利的V字。

「你最終會答應, 呢個係未來, 已經注定左。」

啊, 她剛剛---!

唉, 沒辦法了。

假期完結了呢。

第七章- 末日將至, 賜予了希望的女神

完

第八章- 末日將至, 築起了聖域的神父

小莉既「預知能力」只係推進劇情既一個工具, 呢個故唔係科幻小說, 所以唔會深究佢異能既設定之類, 都係個句, 《末日下的那些人》 講既係人, 呢度係想強調「係冇未來既世界預知未來」既可悲, 同「即使冇未來, 都要去對抗命運」既勇氣, 多謝大家支持, 希望大家鐘意個故, 同唔會令個故變調。

都係咁好睇

第八章- 末日將至, 築起了聖域的神父

我們的行動, 由第二天開始。

高教父, 本來是小莉學校的駐校神父,宗教解體後, 高神父以她貨真價實的預知能力組起了強大的女神教, 築起以赤柱為根據地的「阿瓦隆」。

阿瓦隆 ( AVALON ) - 源自不列顛民間傳說, 意指「遠離俗世的理想鄉」。

理想鄉嗎......

如果沒了解到背後, 大概我也會被騙到呢。

「大家歡迎我地既新弟兄, 楊子平。」於美利樓一角的教堂內, 高神父把手伸向我, 密密麻麻的教友們響起所雷的掌聲, 一對對快樂的眼睛望向我。

一想起那些目光, 真的是有點噁心呢。

「願你係女神既祝福中得到喜樂。」高神父微微一躬。

仆你個街.....如果不是言寄葉求我, 我才不會來這兒!

我傻傻地笑, 不發一言。

第一步是要找出被囚的異教徒。

但是, 連小莉也不知道異教徒被囚的地點!

於是, 他們就想出了這一條妙計----

「女神預知到一切, 只要我地常常抱有希望, 末日並唔可怕----」

「咁我地要希望D咩?」要開始了。

高神父望向我:「上天堂既希望, 楊子平弟兄。」

「天堂...但地球都爆左, 天堂係邊..?」

高神父微微一呆:「天堂唔係呢個宇宙中。」

「所以, 女神係外星人?」

應該不會被殺吧!

「........並唔係, 女神雖有肉身, 但係佢收到既係神既啟示, 我地稱之為預知。」

「哦, 所以有神。」

「無錯, 女神係神既使者, 傳遞既係神既旨意......」

「咁點解神要毀滅我地?」

憑空創造的宗教, 一定比其他宗教更禁不起挑戰。

「楊子平弟兄, 唔可以質疑女神架。」旁邊的一個信眾拍一拍我的膊頭。

「新黎想知清楚D啫。」

高神父笑笑道:「無妨, 無妨, 正係因為人類被惡, 被仇恨, 享樂呢D不被神認可既情緒同主張纏繞, 所以我地先會被毀滅。但正如女神所講, 常懷希望, 快樂, 就可以安然渡過末日, 進入神既懷抱。」

「感謝女神!」

「讚美女神!」

幾個人無故地向空中流淚呼喊。

「但係------」

「夠啦!」另一頭的一個老伯站起來, 指著我, 「你條撚樣, 你黎係搞事定崇拜!」

我舉手:「Wow! Wow! Wow! 你嬲呀? 你講爛口呀? 喜樂呢? 小心落地獄呀!」

「你...!」被我用自身的教義駁倒, 一時間老伯為之無法說話。

「兩位, 冷靜先, 楊子平好似對我地既女神有好多質疑, 但你見過預知既權能後, 就會知道, 女神的確降臨到我地之中。」高神父擺出一副和事佬的姿態。

好, 把話劇推向高潮!

「假神~!」我亮出昨晚找到的十字架, 「真神, 只有一個!作為基督徒, 真係睇唔過眼!」撒個謊吧, 反正地獄我也一定會下。

「..........」高神父臉色一沉, 在場所有人也不敢作聲。

.....「哈哈哈--!! 女神在上!」

他仰天大笑。

其他人也跪在地上, 齊聲高呼---

「楊子平, 你剛剛, 成就左女神既預言啦!」

呵~

高神父取出一部IPAD, 點開影片, 然後小莉---不, 女神大人, 出現於她的神座上--

「今日既崇拜, 會有一個男人出現, 佢會自稱亞伯拉罕教派既傳人, 為敵擋女神既存在。」

中伏----了嗎?

「你睇, 你既出現, 通通都係女神既預言之中, 你仲可以唔信咩?!」

我也來預言一下吧。

馬上, 莊臣就會出現! 因為小莉早告訴了我......

教堂的大門打開, 一向陽光的莊臣出現逆光之中-----

「又一個異教....楊子平..!?」

「屌你呀!」我舉起中指。

「莊臣, 執行神罰。」高神父冷冷的說道。

「....係!」

他一面不解, 又帶點惱怒的地走向我,旁邊的信徒們也把我推出走廊---

就在他抽手抓向我的時候!

「哎呀!」我馬上倒地, 抽搐兩下, 翻白眼裝成昏死過去。

「呢個人, 需要贖清佢地自己罪, 仲有同佢一齊住既狗男女, 通通都要!願女神與佢地同在--」

接著, 幾個人把我抬出教堂。

糟了, 牽涉到言寄葉他們可不是我們計劃的原意!

但, 也沒其他辦法吧!

第一步, 勉強算是完成了。

推

不是我自吹自擂, 裝死可以說是我少數的特長之一, 不但呼吸可以又緩又長, 甚至連手腕的脈絡也能暫時封住。

但我現在的設定只是被莊臣揍昏過去, 用不著死得這樣徹底。

我們先前預計過到底異教徒們會被關到甚麼地方? 舜兒估計會有一個類似集中營, 或禁閉營之類的地方。查看過赤柱附近地圖, 的確有不少地方適合這樣用, 軍營, 學校, 博物館, 警署---

-----甚至是荒島。

結果不出我所料....

麻包袋被脫去, 我重重被扔到地上, 等我爬起來時,「赤柱監獄」 四字出現在我頭頂。

舊地重遊呢。

別誤會, 我沒有坐過牢, 來這兒只是為了別的事情, 但現在就難說了。

「楊子平, 我對你好失望。」莊臣用水潑我, 我也順勢假裝醒來, 只見他板著面和我說, 「女神令大家都開心, 有咩唔好呢。」

老實說吧, 我也認為沒甚麼大不了的, 除了氣氛比較令人不安。

但是小莉的內疚和自責也是貨真價實的。

我要看清這理想鄉背後的黑暗。

既然已找到了異教徒囚禁的地點, 我也沒必要進去-----

「入去, 192日後, 你就自由!」

192日...

末日啊..

可惡, 我只想死前能留在言寄葉身邊多一分一秒, 為甚麼我來這兒啊!

「我...呢度係....頭痛...」要連戲。

「你呢D小人, 係度好好後悔啦!」

監獄在之前的暴動和劫獄時已被轟得破破爛爛, 沒想到他們又再次築起了高牆, 把反對他們的人扔到入面。

附近有著為數不少的阿啊龍維安隊, 甚至持槍, 我現在硬要逃的話不是易事...

言寄葉, 我好掛念你。

被逼穿過路障, 哨站, 最終我被推至監獄內。

「只要你地唔出圍牆, 我地唔會理你地, 每日我地食淨既野會送黎俾你地, 好自為知啦!」

「咪住!」我叫住了他, 「言.言寄葉佢地...」

「佢地好快就會黎陪你, 出入赤柱既路都有我地既人, 佢地.....」

「莊臣, 你根本就唔想做聽高神父指揮?」

「唔係!」他突然怒喝一聲, 「我.....我只係覺得我睇錯左你地, 有D失落。」

「你當我地, 係朋友?」

「曾經係。」

他似乎真的很失望。

但----

「每個人都快樂咁生活, 唔會再怕末日, 真係唔明你地點解要同女神為敵!」

「你只係安於假象既無腦大隻佬。」

「..下?!」

「好好諗清楚啦!被圈養既大隻佬 唔使送!」我打發他, 步向圍牆內。

今日夜左返, 出唔多太多, 好對唔住

已經好多啦

補數時間

牆內的情況, 很糟糕。

當年赤柱監獄發生過劫獄事件, 本身建築物就炸得破破爛爛, 即使用水泥強行補好也是凹凸不平, 而且不少基礎設備也日久失修, 說白了就是廁所坑渠那些。

牆內臭味處處, 地上都是水灘, 角落其至有老鼠閃過, 齊姑娘看到大概會發瘋吧。

本來的監倉和工場早已經沒法住人, 於操場上勉強地架起了帳篷, 甚至是鍚鐵片, 就是這如難民村的光景。人們不如外面的人, 皮包骨的有, 雙目無神的人, 身上有著陷膿傷口的也有....

如地獄一樣。

看到我, 幾個人以空洞的眼神看過, 但卻沒人行動。

靠這些人去打倒神權嗎......

本來以為一進來會如監獄那些有人來給我來個下馬威, 要我知道誰是大佬之類的事件, 可是卻完全沒有, 只有頹然和無力於空氣中漫延。

那不太行呢。

如果一個群體有隻一個首領的角色, 那倒易辦, 只要對付他就可以成事。可是眼前是被囚禁著, 失去了鬥志的人們, 不但沒有領袖, 而是其麼也沒有....

一個個活死人。

「喂後生仔。」

放眼過去, 大都是中年男女, 最年輕的目測也20多歲---

「喂, 靚仔!」 一個大叔打算伸手拍我的膊頭, 可是我早已察覺到!

「阿叔, 你想點?」我輕輕扣住他的手腕。

「打個招呼啫, 哎呀, 好痛....」

我放開他:「你好。再見。」

「依加D 後生, 真係無禮貌!想當年見到師兄呀, 唔主動講早晨要去洗屎坑架!」

無聊人。

「嗯。」

「衰咩呀,搞到要入黎?」

「唔關你事。」我決定於鐵絲網內巡一圈。

好掛念言寄葉.....

「哎呀, 唔好咁啦, 阿叔我就黎悶死!」

「我唔係小丑。」

「同你講呀, 當年我出黎第一份工, 都係同你一樣, 冇好處呀!冇好處!」

在這兒殺他滅口沒問題的吧!

我不回應, 他卻繼續說下去:「個老世個日就叫我入話, 呀榮記! 當然我個時係叫榮仔, 咁佢就話.....」

救命..!

「榮記, 我唔識你架!」

「我識你WOR!」

「你...識我?」完全沒這人的印象! 黑鬍子, 短曲髮, 瘦巴巴, 煙屎牙, 看過的話我一定記得!

「你...你係阿邊...阿邊個啦嘛!」

.............

「阿平。」我試圖打發他走。

「拿, 咁咪識囉!雖然你個樣大眾臉到震...」

這些人成不了大器, 沒有一點鬥志, 沒有希望, 只是在等死。

等死...

還是說, 他們才是末日下人們本來的樣子?

不行了, 內外夾擊的戰略行不通, 即使言寄葉他們帶來了援軍也沒用。

「似乎你係度, 圖謀緊D大事?」

這傢伙---

「榮記, 你真係死纏難打到一個點。」

「哈!」他搔搔頭, 「多謝!」

「唔係讚賞黎....唉, 算啦!」

「你係咪諗住, 可以殺返出去, 甚至推翻教會?」

我眉光一揚:「你覺得呢?」

「我覺得, 不如收皮。」

「的確.....」

「佢地只係反對, 或者質疑女神少少, 就俾人推黎呢度, 不過, 本來佢地都係咁, 只係換個地方啫。」

「換個地方?」

「嗯, 要等死既話, 度度都一樣。」

十日後就要處刑了, 如果把這消息擴散出去, 能否激起他們的行動?

我不禁回想起WIN時, 琪琪揮動獅山十字旗, 後方的群眾一邊叫陣一邊突進的畫面。

他們欠的, 可能不是武器或人數。

「岩岩咁既態度對你, 唔好意思。」

「哎~ 我又真係煩D既!」他笑笑道, 「明既! 明既! 我都後生過!反抗暴政, 伸張正義呢D, 我都知既!哈哈! 跟我黎!」

我和榮記穿過異教徒的難民營, 到達了可以看到海的操場。斷崖之下, 浪濤拍岸, 警戒那些曾被囚於此的惡徒: 牆外也沒有出路。

「你見唔見到個邊, 有個島?」

「你當我盲架?」

「唔係呀,個個叫羅洲, 再遠D! 望遠D!」

的確, 於海平面的遠方, 可以看到隱約有個島於那兒躺著。

「睇到啦嘛, 個度叫螺洲, 高音D, 螺~~~~洲。」

「係, 咁又點呢。」

「個度, 曾經係地獄。」

「啊?」

1944年, 日軍佔領香港時, 這名為螺洲的無人荒島是難民的流放地。為數400人的難民被放逐到島上, 島上沒有淡水和食物, 附近又是水流極急和極深的水域, 死路一條。

結果, 那兒變成了人間地獄, 人食肉, 互相撕殺, 相傳於對岸的漁民半夜時不時會聽到來自螺洲的慘叫聲, 撈到浮屍或人骨也是家常便飯。

「所以呢?」

榮記望向螺洲:「 2隻船, 日本仔得10幾20個, 但上面有難民400人, 計埋附近既想救人但又唔敢去既漁民, 足足500以上, 點解冇人敢反抗?」

「......的確。」我漸漸明白他想說的話。

「同樣地, 戰狼300入面, 斯巴達300個戰士用生命抵擋住七萬波斯大軍既進擊,直接改寫左往後既歷史。」

戰狼300的故事和電影, 我也聽說過。

感覺榮記不是個普通的大叔。

「人數, 從來唔係唯一既勝負關鍵。」

「係覺悟...」榮記嘆一口氣, 「一個末日, 所有野都崩潰晒。」

這兒的所有野, 包括著人心吧。

「但都有D野, 小行星都破壞唔到。」想起了WIN眾人奮戰的樣子。

「如果你諗住靠佢地殺返出去, 可以死左條心。」榮記點起煙抽起來, 「呢一班人, 早已經死去。」

有些人死了, 但仍然活著。

有些人活著, 但早已死去。

好睇
加油