其實有時好唔知對方點諗
雖然真係識得唔耐
上個月頭APP識既
佢J字頭hi完我 係H字頭再hi多次 (依家已經DEL哂)
咁見佢咁我就覆左佢 之後傾左一晚(?)
好似幾好咁就add左佢line 之後轉落whatsapp傾(記得係星期六黎)
(不過都覆得唔密) (對方A0 讀engine做緊engine工) (係真毒黎)
之後星期一放工就約左一齊放工返屋企(住附近)
過程都傾得好開心 起碼有講有笑
之後繼續覆得唔密既whatsapp
每個星期日佢都會係教琴既時候錄段佢自己彈琴既聲比我聽
(第一次係因為之前同佢講過好鐘意玩寵物小精靈
佢會彈佢記憶入面之前玩經過城鎮經過河邊入醫院既音樂)
(上星期仲彈左首夢中的婚禮....)
平安夜夜晚去左沙灘同fd吹水 佢仲叫我唔好咁夜 凍呀
但聖誕約佢出街都係唔成功 之後我就飛左去台灣
每日都會影相話我去左邊我去左邊 (有時我都覺得自己煩
不過上山個日有叫我著多件衫
有一日我就send左張相比佢然後就話instagram有個hashtag係我放個類相既叫佢睇啦
第二日佢就主動加左我fb啦...(之後我就搵到佢ig 原來佢冇玩 無相既)
30號個日問佢可唔可以31號借30秒比我同佢一齊倒數佢答我好
咁我31睇演唱會期間就打左比佢
佢本身冇聽我電話 但到倒數5秒個陣佢打過黎 我就聽左
其實唔係好聽到佢講咩 因為我現場好嘈
佢又唱緊K同FD 之後就傾左冇2分鐘就收左線話返香港見
之後1月1日佢成日都雙藍TICK我
我就係夜晚飲酒期間無啦啦send左句比佢：「其實我會唔會好煩？」
之後佢應我係話：「唔會呀 我今日同fd唱通K(笑喊 馬嬲姐面)」
我就補左句：「無呀((笑喊)) 成日好驚自己會煩到人」
之後都有keep住覆得唔密既whatsapp到返香港都冇乜進展
而上星期無啦啦佢講起瘦既身材容易d有線條
我就話 等我操下先
佢講 操比我攬
...我當場笑到收唔到聲 (第一次flirt我)
但之後佢都係成日雙藍tick我
雖然隔一兩個鐘藍tick後都會覆返一兩個鐘前問過/講過既野
((佢唔係成日on whatsapp既人))
有時真係覺得搵話題搵到好攰
但又驚如果我唔搵佢佢就唔會搵我 至少佢主動搵我既機率係5%
夠竟佢係點諗 係對我有意思定冇
定我試下約佢睇戲食飯?
定再傾耐d先?
其實最驚係佢有係APP識第2個然後傾得好開心
好怕食檸檬
定其實我真係成日坐係部電腦面前玩得太多whatsapp
所以對whatsapp既價值觀出現左問題
(認真mode 我173 63 個樣就由細到大都比人話靚仔)
((佢應該都冇上lihkg嫁啦))
你想聽好話定真話先
