念珠菌取暖區 (2)

會唔會係因為天氣乾燥？我d手手腳腳都痕到傻

各位絲，我陰唇keep住痕，R完好返又會甩皮，不斷重複
唔知係咪念珠菌，之前睇過醫生話係癬
然後上次M到唔知係咪焗得濟，定係茶左隻新藥膏，定係食得太多海鮮
搞到兩片陰唇加周邊都敏感，忍唔住R，會有種心癢既感覺（但以前冇）
其實敏感都係我自己估，但情況差過以前好多
大脾la都有少少痕
過左幾日　而家好返D
但係每晚都又痕又吉　一時會有種俾針吉既感覺　一下一下咁
好痛苦　訓唔著
有冇人知係咩事

我呢幾日有keep住食300億益生菌 飲水量正常
間中食蔓越莓素
底褲手洗+曬乾
著鬆身褲
差唔多你地話要做既都做哂

唔知係咪我搽得太耐藥膏所以而家皮膚好易敏感
但唔搽又唔得
外陰皮膚損好唔舒服
我真係大大話話唔知搽咗幾多支藥膏啦
差唔多晚晚都搽

你大脾同陰唇皮膚D徵狀係咪一樣?
你睇普通科醫生?

差唔多 都係好細既粒粒
唔明顯 而家退左了
但陰唇都係吉吉下
我睇果個應該係普通醫生
係個老女人 聽講唔少人搵佢睇婦科病

皮膚有粒粒凸起又似係皮膚病唔似係念珠菌
咁你有無分泌物?
你睇果個醫生睇開婦科病應該可以驗菌
如果你覺得搽極藥都無好轉可以試下抽分泌驗菌
因為陰唇吉吉下又的確少少似陰道炎徵狀

我身同感受 念珠菌斷唔到尾真係好沮喪
痕到喺街或坐喺度無時無刻都好想R佢
啲豆腐渣又臭又嘔心
我仲試過痕到R到潰瘍 一郁個人就痛
又睇過專科拎去種菌驗
又買過各式各樣supplement
又戒過甜 又食過長期口服藥療程
又不停換底底 全部都無辦法令我斷尾
只可以無了期喺藥房買口服抗真菌藥同塞藥

宜家我已斷左尾一年了
奉勸各位絲打：

1) 必需做運動
每日跑步20分鐘又好半個鐘又好
總之一定要運動 日子愈耐愈少翻發
本身我都好撚懶 但運動真係有效
個人免疫力好啲 念珠菌真係會少出現

2) 真係唔好扑野
就算自己已經康復無念珠菌跡象都切忌扑野
我知如果有另一半的話真係好難做到
但啲菌喺男人身上未必會有症狀
我飛左條仔半年後久唔久先翻發一次
有啲case真係因為互相傳染而不斷翻發

3) 只用清水洗外陰
我知你好想挖啲豆腐渣/塞藥出嚟徹底清潔
或者真係勁臭令你想用沐浴露洗下外陰
但真係唔好咁做
你由佢地自己排出 最多勤換底底

其他例如避免食抗生素啊戒糖啊唔好用護墊啊就唔講了
個人覺得以上三點無錯係老土 但真係最有效斷尾
祝各位絲打早日甩難 共勉之！

絲打係勵志例子
你而家係咪成年都無再翻發過?
恭喜晒！

第1, 2點無問題
我而家都有勤做運動
第3點我暫時未戒到
我外陰損, 我試過只係用清水洗
第二日仲更加損同痛

足絲你查咩藥膏啊？殺菌止痕？

我之前搽醫生開嘅藥膏
而家搽嫡護霜, 係殺菌止痕
已經搽咗兩支

陰道炎呀嘛
塞完藥都唔得?

無呀好似有好轉但m 前又流d 奇怪野
醫生都係叫我唔好食藥等佢pH 值平衡番先
照做任何野

外陰皮膚損會唔會係你半夜訓着咗自己r損？定係係毛囊位紅咗？

流d點樣既奇怪野？
痕唔痕的？

係呀 一年都無翻發過了
關於外陰損果方面
我之前潰瘍 連行路都痛到仆街
最後去睇一個中環姓尹既婦科醫生
佢用唔知咩藥水幫我點左一下
當日即刻唔再痛 絲打可以google下果位醫生

不過點藥水果一下真係乸到我成世都記得

淡黃色既野
少少啦

你講下自己有咩徵狀?
睇過醫生?

絲打, 你講果位係咪尹鎮偉醫生?
價錢係咪好貴?
我叫佢好似係名醫嚟

各位絲，想請教一下我呢種情況係咪真係念珠菌？
雖然我知呢度唔係醫院
但我都想比個心理準備自己先
上網查過念珠菌感染既症狀 發現我有部分中左：
1.陰道口痕 特別夜晚/坐耐左
2.扑野既時候陰道口痛(並非乾引起)
3.前幾日屙尿有刺痛感覺 但兩三日後已無
4.陰道一直感覺濕潤 但並無豆腐渣分泌？定係我自己唔識睇
5.每次屙尿後抹下面 紙巾上分泌都偏黃？
6.扑完後出現血絲
我都已經諗住睇醫生架啦
但咁大個女第一次有婦科病
請問有無好既女醫生推介？定係去家計會睇都ok?
無追哂成個post唔好意思
因為我都疑惑咗幾日

補充返上面，男友話我下面無臭味

其實護墊應唔應該用
有醫生話用有醫生話唔好

係尹醫生啊 價錢我都唔太記得了
我印象中都係去醫院睇專科咁上下

有件事比較深印象
當時佢都有幫我種菌拎去化驗
事後姑娘貼心地whatsapp我解釋報告
仲俾圖我叫我去藥房買邊隻藥膏舒緩症狀
感覺上幾好 唔係叫我返去覆診攞藥賺多筆

我都唔知佢係名醫
因為以前我係由佢接生既
家人記得呢個婦科醫生好pro
所以建議我試下搵佢
如果絲打r損太痛太難忍
推薦你搵下佢