念珠菌取暖區 (2)

我見到女性身體檢查驗 陰道炎既常見3種菌既dna

係咪指呢種？

終於得到答案啦！

食完藥覺得點啊？

好啊唔該絲打

正常嚟講係會check到
根據健康院嘅網站寫:
如果有菌, 會一個月後寄資料同處理方法俾你
而報告上會寫明: 有「念珠菌」或「陰道細菌增生症」
但我估計就唔會開藥俾你, 只會話你知應該點做
除非真係大吉利是係陽性, 先會返去見醫生
家計會點處理就未知, 但佢就同我講約6~8星期先有報告出
有事會打電話俾我, 否則都係自己預差唔多時間去拎

但如果絲打有心做, 建議去家計會去晒兩樣
加埋先係400幾蚊, 因為抹片成2個月先出報告
驗菌只係等十日, 所以有咩異樣就唔好拖
直接去驗, 驗完有事會開埋藥俾你, 然後先慢慢等抹片

長氣講多句, 有性經驗嘅絲打
唔好怕麻煩, 一定要做抹片
因為宮頸炎同陰道炎嘅病徵好相近

姑娘話念珠菌以塞藥為主, 所以我都係塞一粒
不過粒藥成500mg, 上網問過啲台灣醫生話已經足夠殺入面嘅念珠菌
尋日就流返啲藥出嚟, 所以全日都冇咩嘢
睇睇今日嘅分泌係點

絲打終於好番啦 congratulations

我後日會做pap smears,

琴日黎完m,本身都冇咩事

但今日開始覺得痕痕地

求神拜佛唔好又黎料

多謝絲打
不過唔敢咁快開心住, 觀察多幾日先
同埋9月頭應該差唔多嚟m, 睇下嚟完情況係點

錢絲你始終剛嚟完m, 陰道環境未咁快平衡返
我上個月尾嚟完之後都覺得熱熱地, 但隔幾日就冇咩事
所以可以俾多幾日時間睇下身體修唔修復到

我依家都等緊pap smears報告, 希望冇事啦

唔該曬絲打，我睇過家計會青少年服務個到，佢冇單獨驗念珠菌，一驗就係連其他性病嘅檢查，比較貴，所以唔知去邊到驗好

未過26的話我都唔sure可唔可以去普通門診
建議絲打打去青少年服務到問下, 家計會啲姑娘好好
你同佢講返你情況佢會好有耐性教你點做

另外, 驗埋性病嗰個係幾貴
如果姑娘答你可以去普通門診
你做"上陰道拭子細菌培養"就得
200蚊, 藥另計

不過都支持絲打做埋抹片
橫掂驗菌都要撐開拎分泌, 順便做埋抹片就更安心

好啊好啊 唔該曬絲打咁詳細咁答我

唔好客氣啦
之前都係足絲教我去家計會我先識
希望你驗知咩事快快好返

我幾個月前係謝醫生到驗過係念珠，最初謝醫生比個d塞藥同殺菌口服藥食到我又屙又嘔都冇咩用，d分泌物keep住黃黃地，係後尾我狂食加塞益生菌同用鹽水浸，依加好似介乎好翻同未好翻之間，check下好翻未同check下有冇奶其他野都好 ，呢場戰打咗成年，屌錢都洗咗幾千，再唔好翻我都唔知點算 多謝絲打嘅祝福

但絲打你除咗分泌黃黃地之外有冇其他唔舒服?
就咁睇你同我情況都幾似, 我上次月經之後
分泌係keep住淡黃/黃, 同樣係介乎好同未好之間
不過就完全冇其他症狀

我自己就決定, 如果大吉利是塞埋呢次藥都仲係黃
就唔理佢住, 做多啲運動同注意飲食, 增強下抗抵力再睇下點
畢竟咁樣瘋狂食藥塞藥都唔係辦法

絲打我同你有d似！！我係上年九月就中過一次念珠，個陣黃綠分泌加屙尿好痛，到依加我除咗黃分泌就咩事都冇，唔痕唔痛唔臭冇豆腐渣，但謝醫生到驗話仲有念珠，所以我勁煩，唔知自己做錯咩 不過我有用護墊，已經換得密過呼吸，但用護墊有樣野好，一定睇得清d分泌係咩色

絲打有冇試過塞益生菌？ 我塞過一排，之後d分泌會正常d，一排之後又打回原形。。

終於有人同我情況差唔多喇
我今次驗完菌, 個結果係念珠菌種, 但非白色念珠
上網睇過亦都問過, 雖然大家都係念珠菌
但係念珠菌種係比白色念珠難醫少少, 而且會相對易有抗藥性
絲打可以去驗驗下睇係點, 始終念珠都分好多種
至少知敵人係邊個, 大吉利是就算再要睇醫生
起碼都可以俾份報告佢睇先

益生菌我都係食, 冇塞
其實對上個月我再復發, 我依家情況已經好咗超多
只係想斷尾同知係咩嚟所以先驗

其實我呢3個月都不斷食同塞抗生素
呢3個女入面一個月起碼食足5日

我都好驚

其實錢絲你有冇考慮下停一停先?
嗱我自己覺得, 念珠菌本身唔係難醫, 只係易再中招
正常嚟講如果食同塞抗生素係work
點都一定有段時間仔係正常返, 然後先不幸復發
但我見絲打你都non-stop咁食
而長期食抗生素又會破壞埋好菌令陰道炎有機可乘
咁唔係好矛盾咩

我上2個星期開始冇再食啦

不過仲係有淡黃分泌物，一時時出現

想問下絲打你係咪都係一時時有淡黃一時就冇

加上有時會覺得痕痕地 吉吉地 都係維持2日

之後就好怕會再黎料

後日做pap smears 果時順手問下醫生會唔會仲未清好d細菌

係呀
我M後直情Keep住黃同少少熱
之後冇啦啦開始變淡黃同有透明
情況就同你一樣喇
直到塞藥前啲淡黃都係時有時冇
所以我觀察得到自己情況係有好轉
不過報告出咗又有藥，塞一粒亦無妨

既然絲打依家唔係嚴重，亦都停咗藥
不如嘗試注重通風同飲食
食返啲無糖乳酪同益生菌補充下
睇下利用自身能唔能夠打底埋嗰少少菌

究竟我要幾時先好番啊！
困擾左我好耐啦！

其實點先知自己打低到d菌，分泌正常顏色氣味，下面冇痕冇痛？