念珠菌取暖區 (2)

到你冇形住 唔妥的時候

好番！

其實都係自我感覺良好架咋
因為就算分泌正常冇其他唔舒服
都有可能會check到菌量過多
但係一般嚟講，分泌透明/小淡黃冇味
量正常，陰部冇唔舒服就係所謂"健康"
始終身體嘅嘢都冇可能追求完美
表面上冇特別嘢咪得

想奶

唔該呢位絲打同錢絲，因為依加只係有小小淡黃分泌，可能我其實冇咩事 ，book咗家計會check，拜個神，大家都快d斷尾！

我今日打去問過 都要7日先知結果

如果7日都OK喎, 我月頭去驗要等10日

今朝上啲外國網站睇有關於分泌顏色嘅嘢
搵到呢個color guide幾得意
佢例晒咁多隻色嘅分泌到底係正常與否
(當然都係作為參考之用, 有疑問都係去睇醫生)

https://www.healthline.com/health/vaginal-discharge-color-guide

因為我地成日都話淡黃, 但顏色嘅嘢又好難講
我依家嘅情況就係Cream and milky white第3
至Pale yellow to neon green第1格左右
哥基絲同錢絲你地係咪都差唔多?

我係cream and milky white 第4格

不過痕同埋吉吉地

所以呢2日都會睇醫生 叫佢幫我驗多次

比多幾舊水買知安心

叉燒絲 塞完藥過左幾日啦你，感覺如何？

有冇好點？

如果有痕同吉吉地就真係去睇睇比較好
但絲打你係去邊到驗呀?

今日塞完藥第3日, 冇任何唔舒服
不過仍然keep住有淡黃分泌

我前排係iherb買左茶樹精油塞藥， 見咁平試下無妨，咁岩呢幾日唔夠休息就痕到pk 試試個塞藥，塞左二日已經好返好多，但要有心理準備塞入去之後個30分鐘-1個鐘la到pk

我都有買嚟用
仲要已經用咗兩盒
一盒24支果隻
開頭塞得唔夠入, 係會有火燒感覺
之後塞得入又無咩呢種感覺

我而家間唔中連續塞幾日當保養
或者感覺好痕同分泌多咗又會塞下

我一時時，cream and milky white 第三、四格，同pale yellow to neon green 第一格都會，睇天氣同自己食d咩而定，但咩色都好，都係唔痛唔痕唔臭。。

話說之前睇資料個陣見過，白帶顏色同多少，同你個人濕唔濕熱有關，如果好多白帶但顏色正常，就可能係身體太多濕氣，如果量正常但顏色偏黃甚至綠綠地，就係個人多熱毒，但上面d症狀都係味道唔重同唔痕嘅，如果去check到有念珠菌就係因為個人本身就會有少量念珠菌，濕熱嘅環境助長到細菌滋生，有冇中醫絲打解答下係咪真？

今日睇咗家計會，個醫生勁臭串同勁暴力，佢check完我流血 又串我話你想我點幫你，念珠菌冇得醫，你做完分泌物檢驗知咗係咩都冇用

絲打，我之前都想買呢隻黎試，請問粒藥溶溶地個陣會唔會好大陣味，好驚粒藥未溶曬但要出街個陣會變移動茶樹油

唔會好大陣味
係去廁所果陣會聞到D茶樹油味
放心你唔會變成移動茶樹油

絲打你喺家計會做咗咩檢查?
你去邊間做?

我想問呢大家點樣知道自己有念珠菌架？係咪全部都睇完醫生先知自己有㗎？ 我追post發現原來着啲窄同局嘅褲都會搞到可能有念珠菌，我前幾日返工着咗條褲幾窄然後搭地鐵又多人焗到出咗好多汗頂左成日。我又好鍾意用護墊，跟住前晚游完水之後就開始覺得下面好唔舒服，又唔想同屋企人講喎 我想問好地地會唔會突然之間有念珠菌架.. 見到上面好多絲打都都復發，我好驚如果今次真係念珠菌嘅話成世都有咁咪好大鑊囉！

絲打你覺得有咩唔舒服?
唔駛咁驚, 冷靜d

多謝你呀
我本身都會有啲分泌物，但呢幾日好似特別多
然後覺得好痕好乾，我已經係咁沖涼
係咁用laticid, 但係好似沖完涼隔一陣又開始唔舒服
好想切咗個子宮出嚟

一直以為用護墊會乾淨啲...

你d分泌物係咩色?
唔可以係咁洗架, 你追下post就知道咁樣只會愈來愈差
如果已經持續咗幾日, 建議你去睇醫生先

白白地又有啲透明咁樣..
咁我今晚淨係用清水清潔先
係咪要睇婦科㗎？

其實我上個月中係睇過中醫, 中醫同樣話我濕熱毒
沖咗6日藥, 真心講, 陰部係冇咗熱嘅感覺, 但分泌仍然係淡黃
不過睇啲人嘅成功心得, 起碼都要食足一頭半個月先有成效
所以我唔敢講我睇個中醫有冇料到, 但至少清咗啲濕熱, 人都舒服咗

我上網睇咗好多都係話白帶異常同個人濕熱的確好有關係
至於絲打你話, 濕熱嘅環境助長到細菌滋生, 理論上係絕對正常
因為濕嘅環境係對念珠菌極有利
之前都有絲打分享話M前M後飲祛濕嘢就再冇復發過

btw 你去邊間睇? 啲態度咁差咁仆街嘅

你呢d徵狀似係發炎但只係輕微
一係你呢幾日試下唔好焗住, 注意通風
仲有休息多d
同埋唔好過度沖洗
睇下情況有無減輕
如果無減輕或者嚴重咗, 就去睇醫生

其實去睇一般普通科醫生都可以
如果你好擔心想再檢查嘅, 就去睇婦科

你再話我地知咩情況
唔好咁擔心

知道啦多謝你哋啊
睇到你話係輕微我即刻覺得安心左好多！
希望呢個post入面嘅大家如果有發炎都快啲好返