念珠菌取暖區 (2)

吓 長期食都會有？我食左差唔多成年啦喎...

我唔知小六定中一開始黎 而家20頭...
之前驗過血荷爾蒙冇問題
同埋應該都唔係壓力問題

其實避孕藥本身對多囊都係好事嚟
起碼會準時keep住到
但始終都係藥, 而且同陰道炎又有啲關係
不如問下私家醫生建議睇下點

我自己就靠運動, 減磅同控制食乜
雖然都係好耐先嚟一次, 但起碼都自己嚟

其實催經都係荷爾蒙藥
只係一次性
而避孕藥就係長期食

我過來人嘅少少分享, 我未食前都叫做3,4個月有得嚟
有時嚟得亂d但都會嚟
但我食咗避孕藥之後, 唔食係完全唔會嚟
所以真係唔好亂開始食避孕藥

我都唔知 見到D絲打咁講

google左
https://kknews.cc/zh-hk/health/96qz3jb.html

唔係食避孕藥就一定有
但係長期服用避孕藥係高危人士
比較易會有陰道炎
但唔係一定, 只係較易

想問絲打隻酵母片叫咩名

因為多囊就係卵巢表面嘅囊泡有10粒以上
所以基本上你一照就可以知道係唔係
至於中醫我就唔係太清楚有冇辦法確診

始終你唔係好似小好奇絲打所講嘅季經
有懷疑最好都係睇醫生照照

我仲諗住食一次等佢黎我就唔食...

我都唔知係咪好事
但我停藥之後就真係完全無得嚟
我試過停藥半年, 半年真係一次都唔嚟
果半年無M嚟, 我個身係發臭 (我媽講嘅)
可能係荷爾蒙問題喺體內發出嘅味
跟住我迫於無奈食返藥
嚟返M我媽就話我無味啦

原本我plan係嚟緊11月試下再停藥
諗住俾時間鍛鍊自己身體好d, 做多d運動
點知我就奶野有陰道炎, 呢幾個月真係完全唔敢做運動
唉...我都唔知可以講咩好

咁我都係搵日去照下......
唔該曬絲打
想再問下有冇診所介紹可以去照

食一次唔係食避孕藥
絲打你真係太長時間唔嚟就睇婦科
平時中醫調理下, 做多d運動應該有幫助

唉, 根本就係互相影響
不過月經方面, 我覺得可以停藥, keep住3個月唔嚟先食催經丸
等佢3個月嚟一次, 跟手就做運動改善下
又可以睇埋唔食避孕丸之後陰道炎會唔會有好轉
唔係的話不停咁loop真係好難頂
當然呢啲都係我嘅諗法, 可以問下醫生建議再決定

有無同醫生提過體臭呢件事？我覺得有必要搞清楚

我知呀，我意思係食一盒，佢黎唔黎都食完個盒就唔食了
我都會去睇婦科嫁啦..唉
唔該曬絲打

你呢個提議都好
我都諗住出去睇私家婦科
政府果度都會照去
一年先睇得一次我點都繼續去唔俾佢斷我
我上一次去, 個醫生話既然我都keep住食避孕藥, 仲駛唔駛再嚟覆診
我就話我都係想繼續跟進

我之前去照嗰間係專科嚟
因為當時幾個月冇嚟個人好唔舒服先咁視錢財如糞土

絲打, 都係聽醫生建議先
咁我又覺得食一盒就應該唔會太大影響
我呢個情況係長期食咗幾年

我無呀
咁我下次去睇私家果陣同醫生講下
問佢點解會有呢個情況

緊係照覆診
唔通真係食避孕藥食足一世咩
當然, 遲啲想生小朋友可以食排卵藥
但可以自己嚟就緊係自己嚟最好啦
先唔計咩副作用, 依家避孕藥副作用都少
係日日要keep住食都好影響心情

佢高質服務成千蚊 咁普通係咪6 7百左右就OK...
不過一次一千都OK既...我都覺得接受到
但如果之後仲需要覆診食藥個D都係會好貴嗎?
係既話我再搵下有冇其他平D又OK的

食左幾年
絲打加油啊 慢慢改善

［member] 我都係出面啲毛毛位好痕 尤其是著完啲緊身啲嘅底褲後 分泌物白白地色好似正正常常 但始終都有味 唔知點搞 ［/member]