念珠菌取暖區 (2)

我都覺得好痛苦折磨
我地要振作呀絲打
上嚟傾下互相開解下心理會平衡d
You are not alone

我而家嚟緊M都痕

你講既酵母係邊隻？ 同埋有無清潔底褲既洗衫液介紹？

我喺iherb買嘅，你去iherb睇下

洗內褲我冇特別用咩洗衣液
我而家只係用滴露沐浴露洗
我都想試下買內褲專用果d洗衣液洗

其實係咪有啲臭味就中左？？

但問題係唔放鬆心情，壓力一大又好易有
根本就係無限loop
我都好努力戒甜，本身都幾鐘意食甜品
身邊啲frd話我好勁，心諗，有得俾我唔戒咩

好多謝絲打你鼓勵
大家都要加油

其實分泌物變黃已經要留意
如果有痕同異味就好去睇醫生

我係男 無分秘物
只係覺得臭

戒完都唔會斷尾 果下先最慘

我今日無啦啦都出番小小小小黃色分泌物又小小小痕

但我仲塞緊藥架，未完成個療程

有時唔知係我壓力大定緊張 成日形住

唉 點解究竟係我地！？

唯有係安慰自己當順便減肥同健康啲
絲打你整晒成個療程先，我第一次都係咁，中途仲有，但完晒藥就冇事
不過衰在之後大病咗一場，跟住又嚟M，咁又奶嘢
今次仲衰到食完藥都仲係唔好，聽日又要睇多次

已經好注重衛生，又戒埋口，運動都有Keep住做
大吉利是講句如果之後又再翻發，我都唔知可能做啲咩喇
我都學習緊盡力放鬆，係好煩，不過起碼叫有得醫嘅

你大病果時有冇食抗生素啊？

今次係你第2次復發？

我前後都復發左3次

今個月更加係復發左2次

「以前黎完m就free，依加黎完m先係折磨的開始」

冇食抗生素，不過嗰陣連續睇咗兩次醫生啲傷風先好返
因為婦科醫生話抵抗力一差，陰道炎就好易返出嚟
所以我諗兩者都有關係，加上之後就嚟M

我今次係第二次
絲打你一個月內兩次中間有冇好返先再嚟？
如果真係發得咁密，有冇諗過去專科到check下係咩菌？
老實講，我去睇開嗰間，都係肉眼睇完就開藥
可能啲菌唔只一隻都唔出奇…
我諗住如果咁黑仔聽日睇完食完藥都係唔掂
寧願俾貴啲去專科直接驗係咩菌

呢個月都係塞完藥格左5日又再復發，
謝醫生都係憑肉眼睇就開藥
不過我信佢 始終佢咁資深

如果今次再唔好 我都會考慮去專科驗菌

咁我都信我睇開嗰個醫生
始終之前食完一次藥真係好返晒
只係有時發完又發，好難講有冇第二種菌
希望大家都唔洗驗今次就搞掂

由我4個幾月前第一次中招之後, 我都復發左3次
唉....
我今日M完啦, 但仲係覺得痕
無分泌, 就係痕
我都唔知點好

救命

瀨過一次嘢之後我完全唔敢食抗生素
一諗起有念珠菌仲辛苦過本身個病 就唔敢博

我上兩個星期M完都係咁
覺得好熱, 但就係冇分泌
後尾頂唔順去睇醫生, 原來入面係有
只係剛剛嚟完M分泌唔多先冇流出嚟
絲打你發得咁密, 不如真係驗下咩菌嚟啦

btw我依家情況好奇怪
唔痕唔熱, 又冇異味, 但就係多分泌
一時透明一時又黃黃地
唔知係咪啲益生菌有用
不過今日都係去多次醫生算

唔好話抗生素
我依家直情連普通傷風感冒都驚
醫生話抗抵力一差都會奶嘢

我又碌入來取下暖
做了運動之後好少少, 但有時都有白色同透明的分泌物, 幸好沒㾗同異味
出糧試下買絲打介紹果隻益生菌試下, 萬寧果隻好貴

抵抗力差的朋友握個手, 以前冬天就大病一場, 現在再加埋皮膚敏感
有時M到前後又復發