守護香港話 由潮語開始

洪荒之力：九牛二虎之力

所以我一開始已經喺個post講咗，唔好鬧00後

蝗講唔代表蝗語 CP值明顯唔係
佢地將香港啲潮語拎晒嚟用 唔通我地又反
來源唔係支那既無必要反

//咁屌打都唔係蝗語 其實我係想復興香港潮語、慣常用語，少啲依賴中台都相通嘅字眼，例如手機 //

經過呢個post同隔離post嘅討論，有啲嘢改。因為我語文底子都麻麻地，純粹想集思廣益，想人有多啲香港慣常用語

顏值: 本來香港無呢個概念，勉強要譯就係外貌水平，咁不如直接用個樣靚/唔靚、相貌平平、樣衰、個樣高質(汁)/低質(汁)

小鮮肉: 好似係源自英文嘅Fresh Meat？但支那將佢發揚光大，本來見到個英文已經唔多開胃。香港係本來有青靚白淨、美少年、花美男

高富帥: 男神、荀盤

白富美: 女神

屌絲: 毒撚(西)

黑木耳: 黑鮑

外亂協會: 應該係韓國term譯返做中文。通常追星用，香港一般用以貌取人、睇樣。

婊: 西、臭西、姣西、西口西面

正義魔人: 台灣都會用嘅。香港即係道德撚、道德塔利班、大愛左膠、口德邨邨民

鍵盤俠: 鍵盤戰士

矯情: 作狀、假、虛偽

白蓮花: 正義撚(西)、偽君子、偽善、假

綠茶婊: 密實姑娘假正經、臭雞、作狀臭西、假

心機婊: 雙面人、狗(男人可以被形容做鳩屎)、假、好勝Gigi

傻b: on9、傻西(鳩)

小三: 台中通用，請放過小學三年班嘅學生啦。香港用開二奶、狐狸精、情婦、奸夫、情夫

親: 朋友 (「四海之內皆兄弟 網絡之內皆朋友」、「因為一張相而成為朋友」)

裝逼: 扮哂嘢

糊: Dup、霉、暗星、奀星

心很累 = 無奈、O嘴、Why always me?

CP值高: Cost-Performance Ratio，香港以前通常譯成本效益，近年跟共式中文變性價比。香港一路用開抵買、抵屌、高質(高汁)

招黑: 引負皮

坑爹: 仆街中伏

逆天: 蝗語，來自逆天而行，意思係不行天道 一般中文用非比尋常、非一般，諗起「非比尋常菲比斯」

屌打、666: 屌打係源自台灣，而家港中台通用。香港用開屈機、屈。唔想用屈機嘅話，我寧願你用日文「完勝」，再唔係用返屌打，都唔好用666

吸睛: 吸精咩屌？搶眼、注目呀

倒貼(微博追星用語，非一般中文用語) 、消費: 一味靠黐、黐金糠、攝石人

炒作、搏眼球: 做新聞、搏出位、搏上位

優化 = 夾硬譯Optimization，係共式中文嘅典形，本來中文已經有改善、改進、改良、完善

嚴打 = 共式中文，一般中文用開嚴格執行

開幕式 = 夾硬跟日文嘅共式中文，一般中文係叫開幕(典)禮、開幕儀式。

講起，支那人真係好鍾意用個刷字

刷屏: 通用網絡用語係洗版

刷好評: 打手/支持者用正評洗版

刷音源: 香港無呢種概念，因為源自韓國音樂節目排名嘅分數，就係計碟銷量、歌係Music Streaming網嘅下載量、收聽量、投票同Youtube嘅View。音源係呢度嘅意思即係串流音樂。每到Idol出碟同plug歌，fans會下載成隻碟計咗下載流後就del，再整定個list去無間斷「播歌」去推高成隻碟嘅播放量。其實用去聽歌都得啦

刷榜: 用理，用投票咪得囉

刷水管: 水管即係Youtube，有啲直用你管。照舊，用睇Youtube咪得囉

刷MV: 睇MV

打歌: 台中都有用，香港通常用plug歌

立即駁嘴

我睇完百度綠茶婊嘅意思，覺得仲難明過我自己get到係扮清純嘅臭西

支持樓主

你走先，好多五毛黎緊

其實係台灣興先嘅，類近日文嘅orz，之後傳到港中，不過而家都少人用。唔想用囧，可以用返orz或者O嘴、O咗、唔撚係啩樹熊.jpg

但係有啲係書面語黎喎
優化

邊個話香港話同潮語唔夠傳神, 同我罰上面個list一萬次

其實所謂既香港話。咪只係粵語。粵語係廣州歷史比較長。正確D講 香港話炒廣州既。

支持三件巴

凡係咩咩化都係共式中文，夾硬將英文咩咩lization, 咩咩lize呢啲字眼變做名詞，本來嘅中文文法唔會咁用

語言會影響思想，呢啲先係共式中文同蝗語嘅禍害

支持樓主

你走先，好多五毛黎緊

我都想做5毛啊。

唔係想同你拗 其實我非常支持你嘅諗法，只不過我地好多香港本土文學作家都會用乜乜化（用作動詞），仲有矯情，我覺得係白話文書寫上係可以放過嘅
咩傻b小三綠茶婊，呢啲就真係離晒大罩

見到蟈啲潮語好反胃

搏出位、搏上位、attention whole/seeker

睇嚟矯情、Cp值、優化呢啲有比較大爭議