[平民廚房] 我間餐廳就快執 想執之前拍到幾多煮野食片得幾多 2

我屌你老母

清，我公司係荃運個邊，LUNCH 有時都會黎食下，琴日2點左右再同個女同事黎幫襯你，唔知你係唔係到。有D comment想分享下~~

以前未轉名時，記得有高級頹飯食，揀肉再再揀汁個隻。個陣係超大件夾抵食，我D同事好鐘意。餐湯雖然要加$$，但我差唔多次次都叫，因為真心好飲。鴨肉RISSOTO食到我舐舐脷，牛扒都大件。絕對對得住個價錢。

之後到4月左右好似停左幾日，餐廳都轉埋名。質素開始走下坡。可能成本問題啦，但當客人同以前比較，發現得到既野比以前小左，自然有怨言。

另外主要我想反映既係，各方面既小扣分，會積埋積埋變致命傷。例如話熱飲唔夠熱，個碟係凍既..之類之類

有一次，同事們去幫襯叫左幾份BURGER，等超耐，結果有一個包烘到黑左，有d個包直頭放上沙律上面，索哂D沙律汁，成個包淋哂，同 waiter 講番，佢只係話會反映番，完全無打算幫你更換另一份。service方面的確係有待改進，以前好d架，改左名之後就差左。d伙記無咁細心去介紹，有時請佢地拎多兩隻碟過黎，都好似掟落張台到咁。

我就無乜所謂既，因為我係黎食野，但好多人唔係咁諗，佢地想食feel，食service，食環境，食物反而係排最後。就好似上面burger個例子，我d同事就係嘈點解無野補償佢地，佢地只係想拎最多既野走。又或者西式頹飯咁計丫，識食既又點會食呢d.....但香港人就咁仆街既生物。

可能你會話，lunch收你70蚊仲想點? 但跳番出黎睇，係荃灣車房堆中間，一條巷仔，一間大單邊鋪位，一個北歐既cozy裝修，與附近吵鬧異常既荃灣以及工業區保持小小距離，成件事已經係好有character，不落俗套，完全係大坑d西餐廳既格局。

你間餐廳個氣氛就係suppose 要賣service賣feel的，話知你唔收錢都好，都應該要俾到呢種感覺出黎，呢個係氣質同格調既問題。要做一d你想做既野，一d獨特而屬於你既野，而唔係走大眾路線。人客夜晚特登走過黎，食完會記得你的

我好想回應 我可能係一個好老闆 但唔係一個成功既老闆 同事間 我地每個都好好朋友 依個就係致命傷 我一直唔同意 要同同事有距離咁去做老闆 但我知咁樣做係最方便 因為只有恐懼 你先最容易達到嗰個效果 我想試另一套 方法 用和善方法去做 但結果我失敗 令到好多事 你同得佢地傾黎 唔驚你 就做唔到個效果
我好多野都知道發生係邊 但作為乜都係我管既position
無論service, 宣傳， 諗menu ,同埋 野食quality都係你自己
真係令到我身心疲累
我自己做樓面可以氹到好多客 但同時點令到你既同事配合你既步伐呢？
我知道啲野食點煮係最好 咁係咪樣樣野都係你自己入去煮？
人既能力有限 我真係無能力令到每件事盡善盡美(唔係講緊無人做到 係我個人廢)

用巴打文章黎講 當時由真正lunch都係好西 變到有高級頹飯 你唔會知既係 我講左幾個月 廚房先肯降自己grade做

係我未知要頂手既時候 我開完個post睇完咁多人既feedback我即係捉住啲樓面傾計
我問佢 你記唔記得以前既stella 既service係點 你地知唔知你地差左好多 好多時佢地同我講 因為啲野賣平左 多左好多佢地覺得無咁高級既客 變左好多茶記客
例如入黎會問飲品 要華田 或者開口埋口叫人呀姐 又好多無理要求
我同佢地講 自己既守則係自己 而唔係客人俾你 如果啲客唔同左 你要變差 你係對唔住餐廳 對唔住自己
我係迪士尼底 我唔係因為驚俾人鬧而我一直都有好好態度 而係我真係覺得咁多旅客黎迪士尼 我既言行係represent既香港 講完之後 我好開心 當晚已經俾我見番以前既服務 就算要執都好 我地都要堅持自己做到落尾 我要同以前黎到覺得唔滿意既客人講句sorry

(shows blocked user 厹)
你覺唔覺得你好幼稚

有時太Care 每一個客會令客人覺得唔好意思
用質素做主打亦都會令到 Customer Expectation 過高

上網都搵到 我同意真係好靚既

7 月頭會有多一個師父黎幫手
每日我都會盡我能力做到最好
正如我上個post所講 我未必係你地心目中係好味 但希望食到我誠意
我會盡量cut走啲items
真係仲有未黎既巴絲
我會focus係一啲以前我地會整
但市面上少啲有啲食既菜式上面
例如beef wellington

beef wellington係七月先有？想嚟食

尋日黎左食

頭盤叫左吞拿魚他他幾好味


餐湯好濃郁

不過我認為應該加個只配餐湯既選擇

主食蒜香意粉一上台勁香
意粉係偏硬身
唔似一般店鋪浸到淋脹哂
我個人幾鐘意



雖然調味上我覺得胡椒都足夠吊到味
不過相對大部份香港人黎講
味道真係淡左啲
明白樓主唔想落雞粉調味
但可以考慮落翻多啲蒜

意大利飯係我鐘意既淋身
有人話唔夠creamy
但我覺得足夠
味道上一樣偏淡
但我覺得比味精好


不過略嫌意大利飯配料比較dry
一般人都會覺得138無肉食唔抵
可能考慮唔影響食身本身情況下加少少雞肉/其他野入去
愈多配料就愈引人叫
因為有用最少既錢買最多既野既感覺

其他巴打都有講
問人要淋身定硬身/濃味定淡味係一個好方法去配合唔同人口味
問時可以解釋佢聽硬身淋身分別/濃味會多蒜味啲咁樣
立即令人覺得服務細心體貼加分

甜品真係好好食
個人覺得係必食
我唔知成本價係幾多
但甜品價錢可以既話平啲會好啲


始終呢度係荃灣區
本身主食已經唔平
甜品過50會令人減低食既意欲
可能考慮增加幾款成本低但靚既甜品

如果可以既話我建議tea time可以整tea set
姐係好多甜品一層層個啲
擺得靚就大把人食
特別係港女 由學生好到中女都會黎

另外有樣好重要
我當晚食得好飽
但初初見野食上盤時
一望就覺得唔飽
因為擺盤方面令人覺得好細碟
碟既顏色無特別
仲有完全無裝飾唔夠豐富
呢方面我都唔識
巴打可以參考下其他西餐廳

最後
餐廳既氣氛佈置真係令人係高檔野應覺
1. 玻璃窗對街景
街景完全工廠感覺
呢度出面唔係陽光海灘
你唔係賣緊all day breakfasts
而且玻璃都唔夠乾淨
立即跌grade
玻璃亦焗限左室內裝潢擺設

2. 光線太明亮
下午時份陽光入黎太光
唔夠high calss
燈光應該暗啲
枱應該轉做黑色/暗色
淺色木台同食物有格格不入的感覺

3. 位置
想做高檔真心唔應該開呢度
呢個價錢同食物真係未特別到我黎
我諗九龍東/港島/新界東北都係咁諗
C字頭做得起既原因係佢配合到荃灣人口味
但咁樣做法就會違背你自己原則
Youtube同樓上鋪應該會係一個唔錯既重新開始地點
只少租平啲

感覺到樓主對煮食既熱情
野食有別於大部份香港餐廳
加油

所有巴絲意見我都有睇 你地意見都真係非常非常啟發我
每日每個意見我都一直學緊野
多謝哂
不過我真係唔知後路可以做乜
我只係可以講 我一定會一路拍片
因為分享野食 唔係因為認叻
我目的係好想令大家有興趣動手煮野食
正如我以前都係因為俾gordon ramsay條仆街引到我自己自學 先知煮野食俾身邊既人食係件幾開心既事

你個電話有冇改過？之前有你電話

遲啲好朋友生日想帶佢嚟食

巴打
琴日黎荃灣時想食，不過見太多人要等位
所以走咗去隔離嗰間c字頭食
我諗呢間嘢都係你嘅競爭對手
我睇到第一個post入面有巴打話呢間野好食又好成功
但我同女朋友琴日食完， 覺得呢間嘢完全唔掂
嘢食賣相好hea之餘, 亦一啲都唔好食
同類食物價錢感覺同你相差無幾， 唔覺得特別平， 雖然未試過你嗰度， 但之前有巴打話簡c都唔簡你， 真係戥你唔抵
7月 頭應該會再嚟試過， 唔知幾時可以試到你嘅beef willington呢 ?

都唔知應唔應該恭喜你好。
一方面係唔使再負債，但係另一方面又一番心血賣走咗。
不過，決定咗就唔好諗返轉頭。
希望，9月前有時間嚟食一次。

thats me
睇下你揾我 知唔知你係邊個先

你岩
所以做嗰啲 你唔求啲咩既餐廳 個心會輕鬆好多

家家有求
希望最快下星期就有

如果真係頂左手就夠還錢
我就唔洗愁

我而家剩係諗緊遲啲無得每日返工個心就唔知點

( Show Blocked User - 厹 )

巴打加油
住附近的 遲啲會黎食！

巴打頂左個場俾人

係呀 記住 如果大家想借個場又好
或者想達成啲咩都好 我都好歡迎 大家用盡個場最後生命

令你失望 抱歉

其實出面坊間有啲煎牛扒

係咪好中意放佢炸一炸先呀

搞到一切落去嗰陣時好似豬扒

既然都簽左約 只能夠講加油
希望你搵到你將來既路

好想見到你間餐廳有捲土重來既一日！因為真係見到你舊火

留名 想試beef wellington