[平民廚房] 我間餐廳就快執 想執之前拍到幾多煮野食片得幾多 2

已經搵巴打book左下星期去食
留名支持

得罪講句 薯條好難整得難食

事實上都有唔少地方連薯條都難食埋

星期六晚walk in去左巴打個間食

野食大致上對得住個價 同埋係足料既
咁食評都同大家差唔多架喇

反而有幾樣特別想講
Beef Wellington 做得相當好 個酥皮做得好香口 同個蘑菇汁好夾 又唔會搶左陣味
而牛肉亦好夠汁 唔好過熟或者生 都冇痴牙
480黎講對得著個價
不過係咪少左煙肉??

另外想提一個後生啲同埋一個短髮好似金定白既waitress
服務相當好 會好留意我地枱既情況
例如我地食完前菜唔知原來要叫起菜啦
家母食完想”了”牙唔洗叫就會拎左牙籤黎
真係好細心 最少我住呢區未試過 不論咩價錢既餐廳

另外咖啡就好啱我口味 唔澀唔酸仲幾滑同香

相反 作為walk-in客 海鮮就差少少
的確係唔算新鮮
坦白講 唔可能話全部客都事先訂枱等您可以預備好食料 呢個食材管理亦相信係所有餐廳要面對既難題
只可以話老細盡左力

今次我兩老難得地都話唔錯 只可惜開左係呢個位
但亦都講話呢個價錢 離開荃灣的確好多選擇
如果講競爭力就冇辨法 的確係唔夠其他樓主所講用次級少少食材 但更加迎合大眾口味同價錢既餐廳比較

我個人黎講就相當滿意 因為我工作關係經常係中環區 同樣價位以粉麵同肉類計係拍得住 當然個邊租金更貴
但海鮮就要再努力 始終海鮮我都明係好難管理

服務就超哂班

總括係相當好體驗 支持巴打




老實講 九月後有機會開餐廳既話
希望作唔好以呢兩個月既客作為基礎流量
唔好俾呢兩個月既感動影響
香港人係易容被感動 相對地亦都容易遺忘
目標始終放翻係大眾 餐廳先可以持續
因為樓主餐廳既類型太多替代品
要殺出一條血路係好辛苦

不過請加油 有心鑽研自己專業既人實左太少
想賺快錢既人太多
衷心希望樓主成功

未食過有煙肉既威靈頓牛

喺樓主開post之後先知道有間咁用心煮嘢食既西餐廳，嚟食過兩次Lunch，唔係啲乜食家，但真心覺得好好味，食完好滿足。至於晚餐，係7月中前一定會嚟試。專心一致地去做一件事真係唔容易，支持你！！

Btw 哩嗰post應該有啲舊登人 好有愛 好溫暖

今日一家大細去咗樓主度食晚飯，總括而言:

1.menu所有嘢質素對得住個價錢有突
2.1 個乳豬好正，不用過多調味係正確方向，全餐最好
2.2 beef wellington 真係做得幾好，塊皮唔濕，牛肉不會煮過龍，火腿份量啱唔會搶味，磨菇蓉清清淡淡，好彩冇用黑松露醬如果唔係咩味都食唔到 ，啲薯泥係新鮮整唔係開粉 ，有一點就係個皮好易散曬，應該係我手殘🤷‍♂️
3. 個馬賽魚湯有少少過鹹，不過之後用嚟煮意粉都 ok，呢個安排亦好新鮮，西餐少見
4. 個 earl gray panna cotta 本身已經甜，再淋糖醬喺面真係甜到癲，我仲要已經係熱檸水落兩包半糖嘅人，建議用酸底醬中和一下，不過又同奶茶味好似唔係好夾
5. 如果有機會下次嚟想試duck confit
6. 個 helium balloon 真係帶畀我地好多歡樂，好少食飯咁開心

樓主加油，希望就算九月前嚟唔到九月後重新上路都可以再幫襯

個個都食beef wellington

痴線 我partner釣左咁大條細鱗
睇下拎番黎死未 唔係拎黎賣先

巴打 上面對字就係打俾你睇 真心多謝你呀
海鮮相對依個價錢 我嗰日都有對你講 我真係做唔到啲太靚既食材 抱歉 你每一句我都有用心聽

其實係有落parma ham可能你食唔出？

係呀 其他我好掛住 舊高登會同我吹水既人 嗰時好開心
多謝你巴打

你好呀 你地係咪一家人嗰枱呢？
我好忙 剩係出到黎同到你地講再見
多謝你欣賞我地既野食
panna cotta其他本身真係唔係好甜
可能同事真係落多左蜜糖 抱歉抱歉

第時有無機會再煮到俾大家都好 我會盡力 謝謝

真係唔會考慮 叫我轉行好過
高級快餐店

有無巴打提議點整
真係第一次見咁大

法廳係好
但我咩新鮮蘿蔔皮丫
最多咪做buffet

唔係呀 我意思係呢
唔會請我 因為我識啲人唔係做酒店

會唔會中式整法無咁哂？
巴打同班手足去酒樓加工食餐好？

可以刺身都得

巴打其實仲有冇轉機？我見呢度都好多人都即刻行動上去支持你，其實咁有心去做，俾人頂手真係有啲可惜。做餐廳我真係唔太認識，我諗不外乎租金，食物同人工啦。不過只係好奇咁諗經營一間餐廳其實最貴都係租啫，你地個位置係街尾應該都唔會太貴掛？食物成本我唔太在行，不過見你用啲料都好似唔平咁，睇黎都係佔得最重比例。

希望去到下個月你地餐廳會有奇蹟出現啦，可以令你改變主意繼續做落去