去旅行大家有無試過遇到啲靈異事件?

屌啊 我女朋友又係 話訓到咁上吓好熱出晒汗 但我就無咩嘢
但正常唔係有嘢係陰涼咁

一路都冇除到
第二朝起身先發現唔見左
搵左陣發現原來晌地下
但係成晚都冇特別事發生過

Sensor就壞唔出奇嘅我覺得
發覺好多人都會經歷按門鐘但無人係出面嘅事

講粗口真係最有效 發覺

開個靚名先屌 下次去skip咗去 你個間似係有啲嘢

咁啱我又去曼谷，住果間 叫SSHOTEL，一上去睇房，經過走廊真係極度陰森，不過因為平瞓咗一晚。入房之後，有塊鏡對住床尾，心知有伏，之後用窗簾遮住。
點知醒咗之後甩咗一半出嚟....

真 粗口勁過你念一百次佛號

可能撞到勁嘢 我自己都一直有帶住玉觀音 唔知係心理作用定咩啦 個人會安心啲

入到去都應該feel到唔對路咁啦

屌 真...
我曼谷個間叫at mind唔知咩咩咩 佢長期都特價 見叫平先book嚟住

夜晚瞓瞓下廁所係咁沖廁
阿媽頂唔順向住嗰邊鬧：屌你我要瞓覺
就冇再沖廁

咁可能唔小心除咗

如果係有嘢 佢無搞你算係咁

如果係巴打嘅都可以一試 最多咪包條女玩咪得囉

試過成班細路，夜晚走去玩親戚間房門鐘，㩒完即刻匿埋

係咪個個啊媽都咩都唔驚

普通話啲粗口個音調完全唔霸氣 我地廣東話就咁屌你老母已經夠造

真係太陰森嘅關係，入房前有敲門
加上八字上睇比較難見到鬼
但係果晚堅驚

2014年喺東京遇過一單非常深刻
我冇親眼見到/感應，但同行三位朋友全部都分別見到野
AB訓同一間房，C同我訓另一間喺隔離嘅房

第一日check in 入房放低野時，朋友A見到有個黑影喺眼前一野穿過左幅牆，去左我果間房
夜晚玩夠食夠，全部人入晒我影戰利品果陣，朋友B話見到有個男人企左喺我後面望住我
當晚我同C訓到凌晨4點果陣，C突然好大聲嗌
成個彈左起身，勁大力咁捉實我，整到我兩隻手臂瘀埋
我問佢咩事佢都淨係識嗌，嗌左十幾秒終於停左冷靜返
佢話夢入面有個天狗咁嘅樣嘅人突然衝埋去要殺佢，佢話一嚇醒彈起身見到我係天狗個樣，所以驚到淨係識捉住我亂嗌
由於係第一晚大家覺得可能係未習慣，所以冇提過任何野，諗住第二晚照訓睇下會唔會好啲

第二晚朋友AB講返話佢地成晚聽到有人玩膠袋嘅聲
係有節奏咁玩：沙、沙、沙。靜幾秒，又沙、沙、沙。咁
當晚四點鐘C推醒左我，佢話好驚，話不停有人同佢講野
又問佢「如果你有事你覺得你啲朋友會唔會掉底你走左去」
最恐怖係問佢「你覺得張床下面係空心定實心」
我即刻同佢落樓下行食下野下，等天光先返上去訓多陣
好衰唔衰佢訓訓下真係掃左個電話落床同牆中間，要我推開張床幫佢執返
好彩執到之餘冇見到啲咩
到果朝早大家開始講呢兩晚有咩怪事
講講下我同C就話要轉房，AB 唔轉，照訓返果間

當晚返到酒店沖好涼，AB突然古古怪怪咁走落黎，話想食宵夜，叫我地一齊食杯麵
食完飲埋酒之後A醉醉地話返返上去訓
而B就話見C咁驚，就話不如留喺度訓多個人陪C啦
當晚C冇再嚇醒，但佢第二日同我講返佢半睡半醒之際見到有個女人喺窗度飄左入黎，五官都清楚見到果隻
之後搭地鐵去動物園中途大家講返琴晚啲野
原來A話佢坐喺廁所痾緊果陣見到有個影坐左喺浴缸邊，壓住左個浴簾望住佢去廁所（佢話浴簾真係有郁）
到佢沖涼果陣，佢話啲衫原本喺廁所板上面
佢一沖完拉開浴簾見到全部去晒地下
B就話有人喺佢耳邊係咁講野
所以佢地驚到走左落我地度話要食宵夜
大家講講下坐喺旁邊有個女仔，香港人黎
突然問我地係咪酒店遇到怪事，我地傾落先知原來大家呢幾晚都係住同一間酒店
個女仔話佢細細個就見到呢啲野，尤其佢而家做空姐更加多機會見到
佢問我地有冇擺左啲咩出黎或者做左啲咩不敬嘅野
C先醒起佢第一日入房就即刻擺左個佛牌出黎，又遮晒間房啲鏡
而AB講返話曾經口多多話，邊有咁多鬼呀/有鬼我想知咩樣添呀呢類說話
當刻真係覺得好神奇，好似上天安排要話比我地知我地做錯左啲咩咁

果晚返到酒店，亦都係最後一晚
C仲係好唔安樂，唔係好夠膽訓
就提議不如食下居酒屋行下Donki，等過左4點先返上去
大家話ok就等lift 落去啦，lift門一開果陣C呆左一兩秒
我冇理佢照入，佢之後先跟住入
佢事後同我講返當時見到成lift企滿左一班小學生，我一入去就消失晒
食完野凌晨兩點幾，諗住行多陣好快會過4點然後到天光
點知行左幾步就落到好大雨，於是大家決定返去
A又醉醉地就自己返左佢間房訓，B就聲稱要陪我同C（其實我知佢都驚）
咁返到去沖好涼執好野大約三點半
C因爲咁多日都冇覺好訓真係頂唔順，好想訓一陣
就千叮萬囑叫我3點55分叫醒佢
B就話「訓你就訓啦咁多野講」
咁我就一路上網一路等3:55
過左陣B去完廁所行到床側邊，喺C身邊果陣
C突然嚇醒之後又大叫，B比佢嚇到成個人硬晒唔敢郁
C話又突然見到天狗樣嘅野衝埋佢身邊所以佢嚇醒左
我再望一望個鐘，係3:54
大家都再頂唔順呢個環境，所以拿拿臨拖晒啲野落lobby 坐到天光，再check out 話以後唔會再返呢間酒店
到天光A落黎會合我地果陣，佢話琴晚一個人訓果陣有啲驚
所以戴住耳筒聽喜氣洋洋果類歌等個人定啲，點知一路播一路聽到操兵腳步聲

事後返到香港C連續幾個月都要開燈先夠膽訓
而B同佢家姐提起件事果陣，佢家姐話都住過同一間酒店
仲曾經見過一個武士喺走廊尾度行

真心唔明整咁多鏡做乜尻 唔比朋友仔嚇 都比自己嚇死先

去芭提雅住獨立屋酒店，因為鼻鼾太大要訓最上面嗰層嘅房仔，好似哈利波待間房咁，咁我隔離都有間吉房。頭兩三晚無乜事，之後就聽到出面有泰國人開party咁但係我地附近幾間屋都無人住，最近有人住嗰間距離都有成十幾米，但啲聲喺正我地間屋出面 仲要有人住嗰間屋係大陸遊客
第二朝同朋友講，佢地一粒聲都聽唔到
仲有我聽到隔離吉房有把聲講野，以為係我朋友，點知佢同時喺樓下叫我 把聲就無咗