去旅行大家有無試過遇到啲靈異事件?

如果抆咗個插頭
個電視仲識開

香港有啲咩猛鬼酒店？

所有"最佳西方酒店" 淨係個大堂已經成個靈堂咁，有次去銅鑼灣嗰一間仲要係尾房， 嗰晚發咗三個惡夢，三個夢都係有唔同嘅人死去， 不過咸濕鬼係最撚惡， 第二朝執多一劑就即刻退房走

其實可以好高
因為人好易受影響
通常旅係得幾個人
一齊係同一個地方
大家各自有相近嘅「撞鬼」意識
加上杯弓蛇影
就會集體病發

呢個佔9成可以當故仔講嘅case都係ff

我當你同一個國家都仲講得通. 係幾十年前未有internet 年代, 係無渠道知道其他國家d 人既撞鬼經驗之下, 可以做到每個唔同國家都有相同或類似既撞鬼經驗, 仲要唔同種族, 唔同國家都同時有人有類似經驗的話, 你覺得要點樣先可以做到全球係呢個經驗上完全in sync?

人驚鬼？鬼驚人？鬼都係人變出黎既，唔明點解要驚佢？但鬼變唔番人，佢應該仲驚撚過我地啦。從來都抱住：佢搞到我，我一定搞撚到佢連鬼都無得做。

去咁附次旅行
係得去泰國果陣好似遇到
一入酒店已經周身唔聚財
電視自己著左
係咁有流水聲
明明淩晨黎但出面係咁有開關門聲

大概追完po來來去去都係玩水同敲門

集體潛意識
雖然我地唔係同時去同一個地方
卻同時聽過各種都巿傳說
你睇返係有好多共同之處
同埋，環境陌生，夜晚，加埋幻想就可以好嚴重架啦

注意返，大部份ff都係嚇親然後得啖笑。

真係搞你，唔死都脫一層皮

利申：我唔科學

我可以係街頭就感覺到街尾有墳場（未睇到）所以我啲朋友普遍唔會質疑我

我都覺 好難安心

似係跟住你

二十x都出晒名 trip advisor好多comments都話間酒店係有d野

我都住過二十x
但唔覺得有野

我book酒店通常會做多個動作，google吓間酒店個英文名+hau 如果下面自動出haunted的話，好多時都唔係好野（不過有例外），再睇睇d result如果都係嘅話，我幾平都搵過第間，如果d result冇料到嘅咁就可以繼續book。

分享一個新鮮滾熱辣
就係尋晚嘅事
我原本應該尋晚係柬埔寨飛番香港
點知 落大雨 周圍水浸 提早咗好多都miss左班機。 由於我同伴急住返香港，佢買咗飛機去新加坡再返香港。

今次因為係半工幹 係同當地NGO做嘢， 有三個當地staff好好人咁臨時揸電單車幫我去搵酒店，由於太夜 好多酒店都full 哂或者勁貴， 逼於無奈搵到間 motel.

睇出面都覺得靚靚仔仔 VILLA 咁嘅，但自己都有敲門習慣 ，之前去嘅酒店都有咁做完全冇事。今次我都想係check 房之前敲一敲門啦。

屌屌 間motel 職員一支箭咁沖去開門 好好服務咁 我已經心知不妙。 跟住佢一開燈，嘩 ！
間房好新喎又夠光猛 而且白色牆 冇污糟。 即刻就check下厠所啦 ：喂 唔錯喎，所有設施勁新 勁乾淨 地下又乾 冇污漬 OK啦 唔錯。
正常講good good 嘅時候 我行去床位睇。

仆街 Love motel嚟嘅
情侶酒店嘅特色係 勁多鏡 而且係好撚大塊！ 為咗可以比情侶啪啪啪時睇到對方 增加情趣。

心諗 今次仆街了。
個環境大約係咁
======窗窗窗窗窗窗窗窗=======
鏡 櫃 ＊＊sofa ＊＊＊＊＊＊＊＊鏡
鏡 檯 ＊＊＊＊＊＊＊＊＊＊＊＊ 鏡
鏡 ＊ ＊＊＊＊＊＊＊＊＊＊＊＊ 鏡
鏡 ＊＊＊＊＊＊＊＊＊＊＊＊＊ 鏡
床床床床床床床床床床床床 電
床床床床床床床床床床床床 視
床床床床床床床床床床床床
床床床床床床床床床床床床

櫃
檯
鏡鏡鏡鏡鏡鏡鏡鏡鏡鏡鏡鏡
=======================

大約係咁啦
但基本上冇得揀 唯有硬食

當佢哋走哂 得番我一個時候 ，後尾枕 開始涼涼地
由職員冇敲門 我已知出事
我即刻坐係度講 excuses me , sorry to bother you 講埋一兩 句柬埔寨話 多謝 sorry咁

點知一路講一路打冷震 毛管由頭動到落腳 維持咗好幾分鐘
之後開喼 拎本聖經仔 出嚟
(手掌咁大 習慣去旅行都會帶 放係枕頭底 雖然唔係耶撚，但呢本係係澳洲一間教堂 個牧師俾我)
放係床邊，但毛管仲動得更哂利 ， 隻手仲係度震。 個人坐係床角完全唔知做咩好 隻眼完全唔敢望開個電視 完全唔想望去任何鏡。 由於下面塊鏡太大 眼角望到有少少黑影

即刻開大聲個電視，手震 毛管動維持咗十幾分鐘。

由於太肚餓 開咗包 oreal 同牛奶飲。
咁我拎咗塊 擺底包餅 繼續食啦。
食食下手開始冇咁震 都冇毛管動。
我想拎第二塊時候 見到包餅輕微左右搖動。 即刻細細聲講 ok ok ok eat eat. eat together ah we share 即刻放埋包奶落床 OK ok drink drink milk ah good ah? 見到個管有少少移位 我再飲 多幾啖就放返落床 又講drink drink
餅食到一半都飽飽地冇再食 放係櫃檯度

之後就見冇咩事，就去沖涼 ，其間都平平安安冇咩嘢。
最後全程開住電視睇世界盃 開哂燈 咁瞓
最睇睇下電視突然個門位置有開門聲，我即刻揸緊聖經 望實電視 等到自然瞓着
之後就瞓到天光 冇事發生。
最後可能係個朋友 飲飽食夠就走咗

講多少少
鏡 係通靈之物 好容易引領朋友聚集 出入
而互相對住嘅鏡 更為容易 所以 盡量唔好留係 鏡同鏡之間

試過去新加坡
一開始已經用房卡開唔到門
要叫職員上黎開
第一晚半夜水喉自己開，淙淙聲好撚響
第二定第三晚就半夜電話響
但接聽個陣冇聲
間房最怪係入面有幅類似清朝官員既人像畫

一間叫Hxxsar Bangkok Hotel
一間係Grand Central Point Ratxxxxxxxxxx
兩間都係四面佛條街

琴晚睇完呢個post, 夜晚一熄燈個心就壓住壓住, 我諗瞓左差唔多成個鐘先瞓得著,
仲要發惡夢, 夢見自己對眼生滿晒蟲

真係撞嘢
日光日白都中
咪成日自己嚇自己

舉個例子
醫院有部專門運屍

果部日頭都有凍風係腳下面

唔通你以為夜晚先有積屍氣

其實睇依d post真係會睇到好撚嬲
d 鬼淨係識得個幾味嚇9我地
而我地又同佢無怨無仇 又無得還拖打到佢地魂飛魄散

其實我好鐘意異靈靈異 依套戲 起碼對住d仆街鬼都叫有得還拖

好彩我未遇過，以下係我哥哥親身經歷
我哥哥大學放假同朋友去大阪玩，邊間酒店就唔知，去到酒店放底行李就出去食嘢，到夜晚返到酒店發覺行李被移動過，佢當自己記錯冇理，瞓覺時我哥哥同佢朋友各自一張床，佢瞓瞓吓feel到有人坐佢床邊，佢驚到唔敢開眼，到第二朝起身同佢朋友講，佢朋友就話聽到有人行嚟行去

到佢哋換晒衫準備著鞋出去，我哥哥發現佢有一隻波鞋入面有一隻襪，但我哥哥習慣著鞋唔著襪，根本就冇帶襪去，隻襪都唔係佢朋友嘅，佢掉咗隻襪落垃圾桶就著鞋出去，之後出到去佢有隻腳好唔舒服，好似有嘢銀住，佢就除咗隻鞋出嚟睇入面有乜，發現鞋入面鞋墊底下有隻耳環⋯ 來歷不明

之後幾日都發生啲零碎怪事

其後返到香港佢同人講起，有人同佢講臭味係會惹鬼，可能佢著鞋唔著襪有臭味所以招惹到靈體，從此之後，我哥哥去旅行都一定會著襪⋯ 有點on9

好多都係幻覺啫
自己嚇自己