去旅行大家有無試過遇到啲靈異事件?

似係跟住你

啊婆幾廿歲人仲跑得快過架lift

屌係喎

唔知點解好好笑 打空氣

屌 啲泰妹好撚痴線㗎 為咗要個仔友鍾意佢真係會落啲降頭令個男仔返佢身邊

諗起之前睇台灣綜藝d藝人分享鬼故
有一個話入到房個電視自己開 仲要一開個畫面係符文黎 之後打電話落前台叫人上黎睇下部電視 幾分鍾後有個職員上左黎 入房幫佢睇睇個電視 仲同佢講冇野呀呢個係我地酒店既待機畫面黎
個職員走左之後隔5分鍾又有一個職員上黎 個藝人同佢講 你地頭先有人上左黎喇 搞掂喇

跟住個職員同佢講 我地頭先冇派人上黎喎......

職員會同你講room service 個啲

猛到咁

壹樂園？

細個中三四左右一家人跟團去台北玩，一入間酒店已覺得古古怪怪，酒店lobby勁多符

入房後打橫放低行李箱，個碌無啦啦自己轉，轉下停下咁，細個未係好識驚，但已經覺得有鬼

我去左書台寫下遊記，有人用力拍門，我以為係老豆老母，嫌煩無去開門

夜晚同細佬分開兩張床訓，我蓋被打算訓覺，背住細佬果邊張床，突然有人大力拍左我手臂兩下
即刻彈左起身，但發現隔離床細佬已訓到豬頭咁
好撚驚，但細個唔識要求轉房，合埋眼迫自己訓算

第二朝同老豆老母講返，佢哋不嬲唔信邪，竟然都話成晚衣櫃門不斷自撞。細佬又講返，佢夜晚照鏡發現塊鏡變左黑色，佢以為係酒店設計，所以無理到，但第二朝塊鏡變返正常

另一個團友聽到我地講野，話佢地個廁所都自沖左成晚，仲有一家四口團友話check out時酒店話佢地打左3000蚊長途電話，但佢地電話都無掂過。最後酒店幫佢地waive左

以上係台北君X酒店
後來先知係全球十大猛鬼酒店之一

台灣真係猛到仆街
讀到大學時同兩個朋友去台北，有一晚唔記得book酒店，求其入左間殘到喊的賓館住

一入間賓館房，電視就自己開左，黑白畫面+眨雪花
間房極細，有臭味，幅牆有條一隻手臂長既血痕，坐坐下我地聽到個排風口傳來女人尖叫聲，嚇到瀨屎

我地決定去隔離誠品hea一晚唔返去訓，走前三條友在賓賓間房影左張自拍留念。影完後出返賓館，發現張相消失左

聽過空姐講，台灣、泰國、日本係最撚猛既

我次次去親旅行住酒店都有奇怪事發生
講兩單泰國曼谷架啦
有次住間酒店係勁新勁靚 間房係超級大
仲有個家用式既座地雪櫃 咁呢啲雪櫃你閂唔實對門會響架嘛
咁有晚訓訓下個朋友拍醒我話雪櫃好似係到響
我仲勁燥咁話佢：妖 響咪行返去閂返實個雪櫃囉 點解要拍醒我
跟主我就燥燥地行去閂返個雪櫃
隔左冇幾耐 dllm 又響過
我個陣都冇意識到啲咩 只係純粹燥底點解訓覺要嘈醒我 嬲嬲地又走返去大大力閂返實個雪櫃門
之後諗返起 唔對路 點解成晚係房都冇響過 係訓訓下自己識響....

第二單 同一條街既另一間酒店
今次尾房 因為連埋屋企人book左三間房 因為早check in 酒店淨係比左兩間我地 咁我就抵諗啲遲啲先check in埋第三間啦 咁酒店就好好upgrade 左我間房 拎房個陣得我自己一個既姐 因為朋友去左第二到 晏啲返黎 咁我一個人係房都慣左開哂所有燈 （個陣係日頭）突然廁所燈自己熄左 嚇到我仆街！初初以為係佢壞燈咁樣 我就重新開返個燈 閂埋個廁所門 實行睇唔到當冇野發生 個幾晚每次得我係廁所入面 佢就會自動熄左 擺明玩我 有朋友係入面就唔會！ 好啦 check out個日好開心終於可以走 推哂啲行李check多次有冇漏野就打算離開 仆佢個街 突然我聽到間房既門好似有人發脾氣咁一野彭一聲勁大力閂住左 我就走埋去睇下 我問frd 做乜個門自己閂左 佢話：可能有風姐
我風佢老母啊 酒店房入面點會有風大到可以閂埋個門

喺柬蒲寨住酒店尾房，嗰時好夜我仲同fd傾緊計。我講講吓野突然有人喺我耳邊好大聲「嗯哼」我，我仲同朋友講話：人哋覺得我嘈呀，叫我靜啲喎

我個fd驚到仆街，猛咁話佢咩都聽唔倒，因為間房得我同佢

我嗰時未意識到已經奶咗野，仲不斷講野，條友又不斷「嗯哼」我

之後我頂唔順佢咁煩，就開始鬧：嘈嘈嘈，我家吓去訓囉，嗯哼嗯哼嗯哼

嗰晚我同fd訓得勁好
連鬼都頂唔順我咁嘈
不過第二朝其他團友話佢哋尋晚比啲朋友仔連人帶床移晒位

諗返起一個之前睇節目聽返黎既鬼故

大概係話一班人行山
行到天黑都搵唔返路落山
於是大家驚危險
就決定去山入面一間好殘舊既旅館住一晚
而因為冇帶咁多錢喺身
所以大家淨係book咗一間房一齊訓
而間房係好簡陋
不過淨係住一晚大家都唔會點介意
過咗一陣 大家都訓唔著
於是大家就攞支電筒周圍照下
照照下發現每面牆都掛住一幅人像畫
大家都冇覺得奇怪
覺得係酒店既歷代管理人之類
反而笑鳩啲人個樣幾好笑
之後唔知幾時大家就訓著咗
到第二朝
其中一個人起身發現其他人唔見晒
就諗住係落咗去食早餐掛
正當佢起身落床之際
發現牆上面既其實係窗...

最奇怪係佢知你經過

喺個喼入面

泰國住過間Villa
唔知點解泰國D燈成日唔夠光好暗
入到房有個大衣櫃好舊個感覺唔舒服
盞床頭燈又成日喺到閃
兩個女仔一間房一張大床
訓到夜晚點幾兩點
聽到窗上面凌空既方向有把好憂怨既叫聲
把聲Keep住好慘好淒厲咁叫
大聲到我朋友都嘈醒埋一齊聽到
之後愈黎愈多把叫聲好似一群人喺到慘叫
維持左5分鐘就慢慢消失
途中嚇到唔敢擘大眼搵被遮住逼自己訓
喺夢入面又出現返呢D聲嚇醒左
半夢半醒咁等天光

我上年都住過，無事喎，4個男住4人房。係廁所，沖涼，洗手分開透明有啲怪

大家成日問有乜好驚
我解釋一下

精神上驚的確無乜嘢
同睇左套咒怨無分別
仲可以開心share

真正要驚係輕則生病
例如發高燒或者任何奇難雜症
醫生醫唔到

重則精神困擾，思覺失調
心神恍惚

唔排除其實算係心理病
同精神病一樣醫法：鎮靜

但係仲有係黑仔
例如破財、自己或家人受傷等等

並唔係唔搞人地就無事架
所以要瀨都無辦法架咋

我認同講粗口係可以壯膽，但鬼真係咩語言都識聽咩 唔通到外國撞親果啲都係香港人咩

係日本住過一間酒店
夜晚食完飯番到去唔夠1分鐘就即刻上吐下瀉,誇張到完全離唔開個廁所
又頭暈到行都行唔到
然後拎左以前阿媽比落既一樣野出黎,用個利是封整左三角形然後入面包左唔知乜野
即刻止左痾同嘔,但個人仲係暈到唔知自己做乜
我成晚不停講一到天光我就執野走……
但成晚都仲係聽到有金屬聲
然後臨天光又聽到有把聲講日文叫我起身
最後一離開間房成個人清醒晒沒病沒痛
但痾嘔左成晚個人虛到沒晒精神玩