去旅行大家有無試過遇到啲靈異事件?

乜真係咁猛咩...平時我好鐘意行呢個商場，跟住洗手間又大又舒服，重點冇乜人

依間好出名猛架 之前聽早霸王森美小儀都有講起依間野好猛 日本人係唔會去住..
我聽完都google下 https://goo.gl/maps/vBeVhASTBYv 其實個地點都真係好奇怪..

請問有乜O野咁奇怪?

太陽城王子酒店
上GOOGLE MAP想睇下個正面都不彈出
我真係好驚了

但而家講緊係sunshine city啵，好好行 ！
王子都住過2晚，好彩無事發生

上面清邁個巴打開名plz

潛水咗幾日 就爆po 有無巴打得閒整合到啲酒店

pangviman

咩冇日本人住，大撚把日本人住

我都住過幾次，有次仲要尾房，時運高冇事，好撚好瞓，不過離池袋站好遠

你呢個case 我係九龍站商場試過
行行下突然就暈
離開左就無事

原來的鬼全部都好無聊既，都鐘意係酒店開下的電器呀，水龍頭呀，同望住人瞓 隻隻都識廣東話呢下先得人驚

係北京某酒店半夜責醒見到無臉女疏頭

2014年喺東京遇過一單非常深刻
我冇親眼見到/感應，但同行三位朋友全部都分別見到野
AB訓同一間房，C同我訓另一間喺隔離嘅房

第一日check in 入房放低野時，朋友A見到有個黑影喺眼前一野穿過左幅牆，去左我果間房
夜晚玩夠食夠，全部人入晒我影戰利品果陣，朋友B話見到有個男人企左喺我後面望住我
當晚我同C訓到凌晨4點果陣，C突然好大聲嗌
成個彈左起身，勁大力咁捉實我，整到我兩隻手臂瘀埋
我問佢咩事佢都淨係識嗌，嗌左十幾秒終於停左冷靜返
佢話夢入面有個天狗咁嘅樣嘅人突然衝埋去要殺佢，佢話一嚇醒彈起身見到我係天狗個樣，所以驚到淨係識捉住我亂嗌
由於係第一晚大家覺得可能係未習慣，所以冇提過任何野，諗住第二晚照訓睇下會唔會好啲

第二晚朋友AB講返話佢地成晚聽到有人玩膠袋嘅聲
係有節奏咁玩：沙、沙、沙。靜幾秒，又沙、沙、沙。咁
當晚四點鐘C推醒左我，佢話好驚，話不停有人同佢講野
又問佢「如果你有事你覺得你啲朋友會唔會掉底你走左去」
最恐怖係問佢「你覺得張床下面係空心定實心」
我即刻同佢落樓下行食下野下，等天光先返上去訓多陣
好衰唔衰佢訓訓下真係掃左個電話落床同牆中間，要我推開張床幫佢執返
好彩執到之餘冇見到啲咩
到果朝早大家開始講呢兩晚有咩怪事
講講下我同C就話要轉房，AB 唔轉，照訓返果間

當晚返到酒店沖好涼，AB突然古古怪怪咁走落黎，話想食宵夜，叫我地一齊食杯麵
食完飲埋酒之後A醉醉地話返返上去訓
而B就話見C咁驚，就話不如留喺度訓多個人陪C啦
當晚C冇再嚇醒，但佢第二日同我講返佢半睡半醒之際見到有個女人喺窗度飄左入黎，五官都清楚見到果隻
之後搭地鐵去動物園中途大家講返琴晚啲野
原來A話佢坐喺廁所痾緊果陣見到有個影坐左喺浴缸邊，壓住左個浴簾望住佢去廁所（佢話浴簾真係有郁）
到佢沖涼果陣，佢話啲衫原本喺廁所板上面
佢一沖完拉開浴簾見到全部去晒地下
B就話有人喺佢耳邊係咁講野
所以佢地驚到走左落我地度話要食宵夜
大家講講下坐喺旁邊有個女仔，香港人黎
突然問我地係咪酒店遇到怪事，我地傾落先知原來大家呢幾晚都係住同一間酒店
個女仔話佢細細個就見到呢啲野，尤其佢而家做空姐更加多機會見到
佢問我地有冇擺左啲咩出黎或者做左啲咩不敬嘅野
C先醒起佢第一日入房就即刻擺左個佛牌出黎，又遮晒間房啲鏡
而AB講返話曾經口多多話，邊有咁多鬼呀/有鬼我想知咩樣添呀呢類說話
當刻真係覺得好神奇，好似上天安排要話比我地知我地做錯左啲咩咁

果晚返到酒店，亦都係最後一晚
C仲係好唔安樂，唔係好夠膽訓
就提議不如食下居酒屋行下Donki，等過左4點先返上去
大家話ok就等lift 落去啦，lift門一開果陣C呆左一兩秒
我冇理佢照入，佢之後先跟住入
佢事後同我講返當時見到成lift企滿左一班小學生，我一入去就消失晒
食完野凌晨兩點幾，諗住行多陣好快會過4點然後到天光
點知行左幾步就落到好大雨，於是大家決定返去
A又醉醉地就自己返左佢間房訓，B就聲稱要陪我同C（其實我知佢都驚）
咁返到去沖好涼執好野大約三點半
C因爲咁多日都冇覺好訓真係頂唔順，好想訓一陣
就千叮萬囑叫我3點55分叫醒佢
B就話「訓你就訓啦咁多野講」
咁我就一路上網一路等3:55
過左陣B去完廁所行到床側邊，喺C身邊果陣
C突然嚇醒之後又大叫，B比佢嚇到成個人硬晒唔敢郁
C話又突然見到天狗樣嘅野衝埋佢身邊所以佢嚇醒左
我再望一望個鐘，係3:54
大家都再頂唔順呢個環境，所以拿拿臨拖晒啲野落lobby 坐到天光，再check out 話以後唔會再返呢間酒店
到天光A落黎會合我地果陣，佢話琴晚一個人訓果陣有啲驚
所以戴住耳筒聽喜氣洋洋果類歌等個人定啲，點知一路播一路聽到操兵腳步聲

事後返到香港C連續幾個月都要開燈先夠膽訓
而B同佢家姐提起件事果陣，佢家姐話都住過同一間酒店
仲曾經見過一個武士喺走廊尾度行

三個男人老狗都驚果隻天狗 擺出三條巨龍出黎同佢格劍啦

你以為佢地見到點樣嘅天狗？

來源：《陰陽師Onmyoji》

我老豆去澳門做野，試過訓醒見到成個浴缸同牆都係血

之後點呀

自己洗返乾淨佢

無諗過係命案？

都有可能
30年前ge澳門

訓醒先有應該唔會係命案呀

有血喎
咁實在
唔係人命都係命啦

分享多一個我阿媽既

咁我阿媽就七兄弟姐妹既，細個住澳門，之後黎哂香港

咁依家上左年紀，基本上每個月都會去一次澳門玩、賭咁

當中佢地排第三果個阿姨，佢老公就好錫佢既，但就因為癌症過左身

錫佢係錫到知癌症冇得醫仲寧願走去做保安黎搵錢俾佢，咁多年黎佢地兩個都好恩愛


咁基本上每次去澳門賭錢(佢地靜係玩老虎機)

我三姨都贏，講緊係玩勁細都可以贏3-4K走，就算輸都係去10次輸1次，都係輸幾舊水，但贏親一般都係3-4K，呢個係第一件少少怪既事，因為本身賭場D老虎機就係SET到好撚難贏錢，我老母佢地基本上次次都係輸，得三姨贏。


另一件就係因為佢地賭錢通常賭到唔太訓，所以住酒店都係卜一間房就算

有一次佢地6個人去(全女)，卜左一間房

賭完錢上番房，我老母就話沖完涼出黎見到其中一個阿姨ON99目無表情咁坐係度，叫佢又唔應，之後我老母就唔理咁多訓左

然後果個阿姨第日講番就話唔係，佢睇住我老母沖完涼出黎ON99咁，之後走左去訓

咁果晚記憶中好似大家都訓得幾好

然後第日再落去賭錢

佢地全部人都贏錢，少則500，多則5K咁反CUP埋前一日輸果D贏住走