去旅行大家有無試過遇到啲靈異事件?

嘩屌巴打 呢單野癲喎 求出酒店名 下星期去東京

住airbnb係咪無咁容易遇到靈異嘢，就咁聽好似全部都係酒店發生

第日係counter睇番cctv 冇人

有無諗過其實係樓上樓下隔離左右拍門呀~

SAM GOR

我本身都幾易撞到鬼
已經係去到見到都唔驚既程度
人生中真係印象深刻既有 4 單
其中 1 單就係旅行發生

想當年買到平機票同隻乸去曼谷旅行
住既係 Pullman King Power
話說我出發前曾經 email 同酒店經理聯絡過要求幫手安排少少野
所以去到 check-in 所有職員都好好招呼
專登有個人帶上房做介紹
又有 welcome wine, welcome chocolate 同 daily fruits 咁
當時個除左個職員另外仲有一個執房工人幫我拎行李入房
初頭係職員先敲門再用匙卡示範開門
當時覺得佢只係有禮貌唔為意有咩古怪
然後一行人 4 個前後腳行入房內
間房係一推門就係一條走廊
走廊右邊係入牆衣櫃、左邊係牆(遮住馬桶位)然後浴室入口
內有花企位、洗臉盆及浴缸咁
浴缸可以拉開木窗同房內互通同望到電視
穿過走廊就係大床
大床向住牆身電視
再向內係書檯、梳化位等
最入就係窗簾及窗

當時應酬緊介紹間房個職員但留意到幫手搬行李果個工人有怪異舉動
因為佢唔係先搬行李入內
而係除左鞋在房外赤腳行入來
穿過走廊通過浴室入馬桶位
向住個馬桶一邊講泰文一邊雙手合十趴低跪拜
做完呢個儀式先出去搬行李入來
果刻我個心打個突但扮晒唔知以免嚇親隻乸
況且我一向見慣鬼其實唔太驚
隻乸就從來遇唔到見唔到都唔想嚇親佢
到個職員介紹完間房同個工人出左房
我同隻乸執好隨身野都離開左出去行街食飯

夜晚玩完食完返酒店
我習慣一定會浸浴有時仲會浸到訓著
隻乸都知我有呢鋪癮所以通常佢有佢自己疴畸同沖個花灑浴就上床訓先
差不多近 12 點我浸完浴赤裸出浴室
見到有個同酒店執房工人一樣衣著既人影
由走廊馬桶果道牆穿過
打橫路過穿入對面衣櫃果邊牆走左
果下我記起返入房時個執房工人既舉動
心諗原來馬桶位咁猛唔怪得個工人要跪拜
仲慶幸自己無扎馬疴畸
我亦諗隻鬼只係路過而且我又唔係尾房
所以無理佢咁多照行埋去隻鬼剛剛路過個位檢查大門鎖好同落埋防盜鏈就當無事發生
埋床叫醒隻乸同我啪啪啪
啪完隻乸繼續大覺訓
我就在床上半挨半訓煲煙及睇電視
當時我哋兩人都係赤裸
睇睇下電視我望向天花板覺得有野
見到角落頭有個執房工人衣著既人背脊痴住天花板牆角成個蜘蛛俠咁
用好凶狠既眼神瞪住我
第一下真係被佢嚇左一嚇
諗緊頭先啪啪啪有無被佢睇住
所以立即用張被蓋住隻乸同自己下半身
不過唔想整醒隻乸無出聲
淨係心裡面同佢講我唔驚你架唔駛嚇我
撥手叫佢走啦唔好阻住我訓覺就無再望佢
但我眼尾其實哨到佢無消失
不過亦都無任何動作
就好似紙板咁定晒格怒啤住我
咁我亦唔理佢繼續睇電視睇到訓著
我習慣去旅行住酒店時係通宵唔閂電視同有時懶或太累無落床熄燈
到左三、四點我責醒轉身望下電視
見到天花板果隻野都仍然無走到啤住我
心裡面又同佢講句走啦我要訓呀
跟住攬住隻乸繼續訓
第朝起身就唔見左
隻乸亦唔知有咁既事
最後間酒店住左 3 晚
淨係頭 1 晚有見到野
第 2-3 晚都無事發生
坐飛機走果時我先同隻乸講返件事
佢問我點解唔要求轉房
話好彩我無同佢講如果唔係實嚇死佢
仲叫我以後如果再有呢啲事發生
事後都唔好講返佢聽

香港有啲咩猛鬼酒店？

所有"最佳西方酒店" 淨係個大堂已經成個靈堂咁，有次去銅鑼灣嗰一間仲要係尾房， 嗰晚發咗三個惡夢，三個夢都係有唔同嘅人死去， 不過咸濕鬼係最撚惡， 第二朝執多一劑就即刻退房走

佢成個集團嘅酒店都係搞到成間60年代夜總會咁
都唔知乜撚嘢taste嚟

上兩個星期去台北，住南京路匯豐個路口附近
其實好少事

我book嗰隻係單人房，而嗰間酒店嘅單人房係喺每一層樓嘅走廊尾，冇窗嘅，亦都冇得轉，因為轉極都係咁

第一晚住嗰陣已經覺得間房啲電器有少少怪，部電視撻極都撻唔著，大大力兜嘢拍落機頂度先著到
冷氣我長keep 25度，但係都忽冷忽熱
門口兩支射燈有時會無啦啦自己熄咗，要狂啪個電制先開得返
咁我冇理佢，住咗兩晚，

到第三晚有移咗民嘅舊同學搵我去食飯，
我食飯嗰陣就同佢講“其實我覺得我間房有啲怪怪哋“，根住佢揸車送我返酒店，我就叫佢上嚟坐下（順便飲埋啲family Mart買一送一豆漿佢）。咁我哋坐低咗幾分鐘，我啱啱飲晒盒豆漿，門口嗰兩支燈就無啦啦熄撚咗

咁我就撚手成個豆漿盒車埋去門口度，然後好大聲咁向住我朋友嗰咗句：“嗱你見啦，屌你老母又熄撚咗啦！”，語畢，兩支燈自己開返

然後再之後嗰兩晩間房啲電器都好撚正常咁運作，冷氣冇再忽冷忽熱，電視一撳即開

係臨退房嗰陣發現個門鎖唔知做乜柒壞咗，鎖唔到

撞得鬼多先會明
根本俾你見到一係有心嚇你
一係無心被你發現
唔會點搞到你
夠鎮定的話當佢透明扮見佢唔到
好多時都唔會再有進一步接觸

呢個post成功令我岩岩嗰轉旅行唔敢閂燈訓覺

對比起樓上編大字文,
巴打你講故仔好睇好多
有冇其他你覺得驚既share下

開聖經會有鬼搞

2014年喺東京遇過一單非常深刻
我冇親眼見到/感應，但同行三位朋友全部都分別見到野
AB訓同一間房，C同我訓另一間喺隔離嘅房

第一日check in 入房放低野時，朋友A見到有個黑影喺眼前一野穿過左幅牆，去左我果間房
夜晚玩夠食夠，全部人入晒我影戰利品果陣，朋友B話見到有個男人企左喺我後面望住我
當晚我同C訓到凌晨4點果陣，C突然好大聲嗌
成個彈左起身，勁大力咁捉實我，整到我兩隻手臂瘀埋
我問佢咩事佢都淨係識嗌，嗌左十幾秒終於停左冷靜返
佢話夢入面有個天狗咁嘅樣嘅人突然衝埋去要殺佢，佢話一嚇醒彈起身見到我係天狗個樣，所以驚到淨係識捉住我亂嗌
由於係第一晚大家覺得可能係未習慣，所以冇提過任何野，諗住第二晚照訓睇下會唔會好啲

第二晚朋友AB講返話佢地成晚聽到有人玩膠袋嘅聲
係有節奏咁玩：沙、沙、沙。靜幾秒，又沙、沙、沙。咁
當晚四點鐘C推醒左我，佢話好驚，話不停有人同佢講野
又問佢「如果你有事你覺得你啲朋友會唔會掉底你走左去」
最恐怖係問佢「你覺得張床下面係空心定實心」
我即刻同佢落樓下行食下野下，等天光先返上去訓多陣
好衰唔衰佢訓訓下真係掃左個電話落床同牆中間，要我推開張床幫佢執返
好彩執到之餘冇見到啲咩
到果朝早大家開始講呢兩晚有咩怪事
講講下我同C就話要轉房，AB 唔轉，照訓返果間

當晚返到酒店沖好涼，AB突然古古怪怪咁走落黎，話想食宵夜，叫我地一齊食杯麵
食完飲埋酒之後A醉醉地話返返上去訓
而B就話見C咁驚，就話不如留喺度訓多個人陪C啦
當晚C冇再嚇醒，但佢第二日同我講返佢半睡半醒之際見到有個女人喺窗度飄左入黎，五官都清楚見到果隻
之後搭地鐵去動物園中途大家講返琴晚啲野
原來A話佢坐喺廁所痾緊果陣見到有個影坐左喺浴缸邊，壓住左個浴簾望住佢去廁所（佢話浴簾真係有郁）
到佢沖涼果陣，佢話啲衫原本喺廁所板上面
佢一沖完拉開浴簾見到全部去晒地下
B就話有人喺佢耳邊係咁講野
所以佢地驚到走左落我地度話要食宵夜
大家講講下坐喺旁邊有個女仔，香港人黎
突然問我地係咪酒店遇到怪事，我地傾落先知原來大家呢幾晚都係住同一間酒店
個女仔話佢細細個就見到呢啲野，尤其佢而家做空姐更加多機會見到
佢問我地有冇擺左啲咩出黎或者做左啲咩不敬嘅野
C先醒起佢第一日入房就即刻擺左個佛牌出黎，又遮晒間房啲鏡
而AB講返話曾經口多多話，邊有咁多鬼呀/有鬼我想知咩樣添呀呢類說話
當刻真係覺得好神奇，好似上天安排要話比我地知我地做錯左啲咩咁

果晚返到酒店，亦都係最後一晚
C仲係好唔安樂，唔係好夠膽訓
就提議不如食下居酒屋行下Donki，等過左4點先返上去
大家話ok就等lift 落去啦，lift門一開果陣C呆左一兩秒
我冇理佢照入，佢之後先跟住入
佢事後同我講返當時見到成lift企滿左一班小學生，我一入去就消失晒
食完野凌晨兩點幾，諗住行多陣好快會過4點然後到天光
點知行左幾步就落到好大雨，於是大家決定返去
A又醉醉地就自己返左佢間房訓，B就聲稱要陪我同C（其實我知佢都驚）
咁返到去沖好涼執好野大約三點半
C因爲咁多日都冇覺好訓真係頂唔順，好想訓一陣
就千叮萬囑叫我3點55分叫醒佢
B就話「訓你就訓啦咁多野講」
咁我就一路上網一路等3:55
過左陣B去完廁所行到床側邊，喺C身邊果陣
C突然嚇醒之後又大叫，B比佢嚇到成個人硬晒唔敢郁
C話又突然見到天狗樣嘅野衝埋佢身邊所以佢嚇醒左
我再望一望個鐘，係3:54
大家都再頂唔順呢個環境，所以拿拿臨拖晒啲野落lobby 坐到天光，再check out 話以後唔會再返呢間酒店
到天光A落黎會合我地果陣，佢話琴晚一個人訓果陣有啲驚
所以戴住耳筒聽喜氣洋洋果類歌等個人定啲，點知一路播一路聽到操兵腳步聲

事後返到香港C連續幾個月都要開燈先夠膽訓
而B同佢家姐提起件事果陣，佢家姐話都住過同一間酒店
仲曾經見過一個武士喺走廊尾度行

天狗都見到 邊間？想去見識見識

會唔會係用Google Translate 鬼都要上連登

會唔會係用Google Translate 鬼都要上連登

廁所水龍頭自己開咗

同fd 去韓國住尾房
一入到房拉開個窗簾就見到個十字架對到正
應該係教堂掛
但係個十字架識發光 啲光仲要係紅色
熄咗燈啲紅光會照到間房都紅紅地
瞓瞓下廁所係咁沖水 沖咗成個鐘
我地驚到唔敢出聲
第二朝問返對方都話聽到

呢個堅係驚

試過比學校安排去青島參加乜春領袖洗腦團，住酒店

同個唔識嘅男仔同房，其實連續幾晚大家都去左第二間房同自己組人玩，所以幾晚都係各自返房瞓

去到最後一晚，我兩點左右返房瞓，執埋行李攰到仆街，好快瞓著，隔左唔知幾耐，聽到廁所不停有人沖廁，第一個反應係心諗：同房飲多左不停嘔，但真係好眼瞓，完全無理過繼續瞓，期間斷續都聽到沖廁聲

第二日上車走人，見到同房先知佢成晚都無返過來，一直去左人地房玩

咁邊個成晚不停沖廁？

有次成班friend去台灣，我地係酒店房hea下，有個friend話眼訓所以訓左，我就出去酒店大堂攞啲野，攞完返房發覺廁所開左花灑，我以為另一個friend係入面沖涼，咁我就唔理，而眼訓個個friend依然訓緊，突然，另一個friend（以為佢沖涼個個）係房外面返黎，原來佢又落街買啲野，咁我就問佢有冇開過花灑，佢話冇，我再叫醒訓緊個個friend，佢都話冇開過，咁廁所個個係...... 之後我地一齊入廁所，發覺個花灑開到最大同最熱，但之前一直冇人入過去

另外有一次，我又同班friend去長洲租屋住，個晚打緊麻雀個陣我突然話不如開部電視睇下，話口未完，部電視就自己開左，佢地成班呆左，最後發現個搖控係梳化根本冇人會隔空攞到，除非部電視聲控

係氣勢關係
因為你鬧得一定好火
若果你母語普通話咁你用普通話都得
人地都係用母語鬧架啦

入房敲門