[少年監獄] 感受沙咀 奴教外傳，之後的一年

又屌得幾好喎
我又屌埋一份先

有外傳
留夠

lm
thank you sir 唔該同學

加油肥衝

最後終於，到了踏出豐力樓嘅嗰刻了。

「唔好再返黎啦，」
「Yes sir」

和蘇sir陰sir送別後。

拎齊行李，阿媽已過了來樓下接我。

「返去啦仔。」

「嗯！」

總算，可以回歸家中了。

就奇。

和阿媽一齊的，仲有兩個更生組的沙展主任。

這就是黎緊十個月，都會睇住我，監察住我的二人。

「我係姚主任，呢位係陳沙展。」

「姚主任好，陳沙展好。」
即使我已不再穿著囚衣，但招呼必須要打。

「衡仔媽媽，我哋上車，返屋企先好無？」

接著，我和媽媽便坐著陳沙展的車回到家中。

一行四人，說不上浩浩蕩蕩，但有兩位阿sir在後面跟住，仲覺得有種被人押著走的感覺。

大堂，入lift，開鐵閘，開門。

踏入門口，全是熟悉的一切，讓我安心，舒服。

回家了。

但當然，要先“招待”好兩位沙展主任先。

又是慣例的，沙展主任先向我父母交代完我處於一個咩情況，黎緊會不定時監視我有無好好放返工返學，甚至更會偶爾夜晚上來查看我有沒有在家，希望我父母見諒之類。
這些說話，說得都算客氣，因為我父母在此。

但私底下，就不同了。

「衡仔，跟我出黎，我同你講啲嘢。」

「Yes sir」

和他們兩個一起走到樓梯口，確認附近無其他人後

「嗱，聽住啦衰仔，醜話就講係前面，雖然呢到唔係沙咀，但你要知道，我可以隨時讓你再次入去沙咀。」

他們的嘴面忽然變得猙獰，我當然知道，呢一套係佢哋常用的威脅。

但這一次，我真的有些怕了。

「Yes，Yes sir」

「當然，阿sir我哋都唔想咁做，難得挨完成個沙咀，有邊個想再返入去係咪？ 所以只要你乖乖聽話，照足曬我哋教你嘅流程，報返應該報嘅嘢，我同陳沙展都唔會為難你嘅。睇你嗰樣，你都應該係乖仔黎嫁啦。」

「Yes，Yes sir」
我點頭和應，呢個乖仔嘅形象，我的確已經扮演了半年。

「係咁嘅話，你識做，我就會識做。你唔識做，我哋就一定會做。 收唔收到？」

「Yes sir」

雖然，這裡已不是監房，但我依然覺得這刻，猶如身處在牢房之中。

live

「跟住落黎嗰十個月，你有無乜嘢打算啊？」
姚主任突然開明問我

那時，已是七月。
「Yes sir，同sir報我打算返多兩個月工，跟住讀返書。」

這是我送外賣時，已打算的決定。

「嗯。。。好啊，咁你送多兩個月外賣，再send啲讀書嘅資料俾我。」

「但係。。。sorry sir， 我已經同灣仔嗰份外賣工話唔做了。 可唔可以俾我返第二份？」

「喔？ 宜家係你決定？」

氣氛，突然驟變。

我感覺得到。

「Sorry sir」

「𡃁仔，你宜家自把自為wo？」
佢湊近我面前，好似江湖人戳啲人咁質問我

「Sorry sir。。。 」
這刻，最正確的做法是低頭認錯。

幸好的是，姚主任他算好人, 立即買了我的賬。

「。。。見今日第一次同你見面，入面啲阿sir又話你乖仔，我就俾你放五日假.五日內，你同我死都要死掂一份工出黎返啊，如果無，你就算跪，都要跪返去灣仔嗰邊送外賣，知唔知道？」

「Yes sir！多謝姚主任！」

事後我當然先嘆了五日假期.

至於工方面，其實都只是為了挨多兩個月的工作。

所以在阿媽穿針引線下，我被介紹到阿媽之前返工的酒樓，開始返第二份工。

傳菜員，俗稱班地尼。

又是餐飲業。

但今次的人工就多了些了，時薪有五十，返到九月讀書前，都算係儲學費嘅日子。

不過奇怪的是，有陣時我仲要兼職幫手洗埋碗。

仲要係真係洗碗嘅嗰隻洗碗。

如果洗碗唔夠人手，我都會補上。

帶上手套，著返對水鞋再綁上一條圍裙，我真係有一段同一班阿姨阿嬸一齊洗碗的日子，哈哈。

那時候，洗碗不算累的。初時頭兩個星期，我都還算頂到。

但漸漸地，漸漸地，我開始覺得難捱，難頂了。

不是身體受唔住，而是精神上開始受唔住。

這令我覺得，啊，點解呢份工同之前嗰份外賣工一樣，一樣讓我厭煩呢？

每日都是重複相同的事，說著差不多的說話。

一日二十四小時撇除了訓教，我竟然用了三分一的時間，去重複手頭上洗碗，傳菜的步驟。

有陣時返返下工，會不禁想象，以後的自己會唔會都好似宜家呢副模樣咁。

不知不覺，有種莫名的恐懼出現。

那種怕，不是怕自己捱不到，而是怕自己會習慣這種巴。

我總算開始明白了大人經常說的那種，社會的殘酷，和返工的痛苦了。

真係幾折磨。

洗下走下，日子雖然難捱,但日子總會渡過.

好快，這兩個月就如雲煙，過了。

你真係自把自為喎, 寫得咁少啊? 呵呵

肥閪仲未找數 ？

屌你

係咪想recall

肥衡唔出文係咪想返沙咀recall

返完傳菜那份工後，大概是九月份了吧。

終於挨到開學了。

讀的是IVE的IT高級文憑課程，我當呢個兩年制課程，是一次順便的逃避。

逃避壓力，逃避返工時厭倦的一成不變。

亦算是一次難能可貴的放鬆。

之後的，都是返學的事，玩下，讀下，識下朋友，

整個返學時間，都是這麼普通，平常，唯一例外的是，上堂時偶爾會收到沙展電話，話黎“探”我，所以立即要出去見佢一面之類。

而且，想不到沙展主任他們是真的在做事的，印象中都有五六次，大約凌晨兩三點左右，他們真的夜媽媽出動，走來我屋企拍門，為的就是確保我有遵守到監管令第九條，必須在11點後前回家，留在家中。

可是試下想象呢，睡得正香，發著美夢的時候。電話鈴聲一響，拿起一看。

屌，凌晨兩點邊個打黎啊？

然後再望一望個來電顯示，哇屌，係沙展主任佢哋！

跟住即刻接起電話：「Good，Good evening sir。」

「出黎啦。」
簡簡單單一句，即使在家中，我都要逼住走去，開門應酬。

「good evening sir。」

「呢排點嘛？」

「同sir報。。。讀書還可以，而且我每日都有早返屋企嫁。」

「我知道，所以我先黎確認咋嘛，無其他嘢了嘛？」

「yes sir，同sir報，無其他事報了。」

「嗯，咁你繼續訓啦，我哋仲要去下一家，訓吧衰仔。」

「Thank you sir，姚主任再見，陳沙展再見。」

我就這樣目送他們離開，然後產生一種錯覺，一種好似被人收緊陀地嘅感覺。

監管令，就是這樣的。

給予你一半的自由，然後話俾你聽，呢幾條規矩你一衰，無情講，即出渦輪Recall你。

所以每逢同學食飯，接著唱k時，我都要講個大話，話屋企有事，早啲回家。

所以每次電話一響，我第一時間諗嘅，唔係邊個約我有節目，而是擔心沙展主任的電話是否會出現在屏幕上。

亦因此每逢放假，我都要逼住打個電話，報下行程。

被約束的自由，還算是自由嗎？

這種吊著頸仲抖到氣嘅滋味，足足維持了十個月。

擔驚受怕的心情，讓每次我返學時遇到的開心，每次和朋友相處時的喜悅，都減了一半。

身處在恐懼中的感覺，好似分分鐘行錯一步，那個地獄就會重新出現在我眼前般。

咁大嗰仔，第一次，我嘗到了活在恐懼之中的生活。

為何住在文明香港，我都會有啲咁嘅感覺呢？

我開始，有啲不忿，

開始覺得好無奈，甚至乎開始，我覺得好嬲。

點解出黎之後，我仲要擔心咁多，害怕咁多呢？

抱著呢層不快的陰霾，終於，又一個五月四日。

監管令守完了。

就如我一年前所講的說話，我絕對不會Recall，絕對不會返去。

我理所當然地做到了，卻意外地，我不是太過開心。

這一年，我不知說了多少個大話，隱瞞了多少次，自己有案底的事實。

我呃的，都是我想識的人，我瞞的，都是不想讓他對我失望的人。

原來謊言，真的會讓人變得虛偽。

那一年，我變得好討厭自己，好憎做唔到真實嘅自己。

我變得不會享受開心，不會享受與其他新朋友相處時所嘗到的喜悅。
好多時候，我變得學會了假笑，陪笑。帶上了一張面具，假裝著自己和其他人一樣，是個正常人。

有陣時難得玩得慶起，但個心都會突然心諗：啊，如果我宜家同你講，我有案底，而且仲會衰得咁on9，你仲會開開心心，如常地同我嘻嘻哈哈，胡鬧一頓嗎？

還是會對我露出失望的眼神，然後疏遠我，鄙視我，最後更斷開與我的緣？

當你知道，真正的我是如此不堪時，你還會待我如初嗎？

那時候，我覺得所有人都會是後者。

我不信任自己，亦都不信任其他人。

好諷刺啊。

明明抬起了胸膛，以為乜債都還曬地走出沙咀，誰知到頭來什麼大志，許下的願望，都輸咗俾呢刻嘅自卑和恐懼。

明明，我已經不再是那種人了。

明明，我已經決定了。

但我就是怕了。

我怕我再有啲咩嘢事，下一次的犯事又會再判我入去沙咀。

我怕自己會再有這麼的一天。

亦因此，在守完監管令後的日子，我都未算走得出呢個陰影。

不過幸好，那時還在讀書，忙著project考試，這些陰影都可以暫時放下。

只是越近畢業，又有些不同的困擾冒了出來了。