[少年監獄] 感受沙咀 奴教外傳，之後的一年

Thank you sir 唔該半肥瘦同學
終於出文，餓左好耐了

我都諗緊佢會唔會又咁樣衰多獲

LM

留名 而家先見到你個post

張衝同學！！加油！

豐力樓都仲會打手板

好耐無見啦咁多位

「有咩咁好笑啊?」

「Sorry sir...」

如是，這場小小試煉當然好無印象地度過咗。

（題外話：
豐力樓都有少少體罰嘅 ，但力度上，最多都係阿媽教仔嗰種，而且唔會無端端就找你數，通常都係你做錯左先象征式打你幾板。

咁痛唔痛呢？

嗯。。。 唔Del咯，但我地都會扮到好痛，哈哈。）

總之，豐力樓阿sir，全部都唔係沙咀嘅style。

加上環境朗明了很多，放鬆的氛圍開始讓我慢慢覺得，我不再是個監躉了。

坐咗大概兩個鐘吧？

蘇sir又落Order，係時候見見豐力樓的舍監了。

落去二樓，行到去一間阿sir辦公的房門前，著住西裝的舍監已經坐在裡面了。

但其實舍監這個角色，只是一個類似最高長官的角色，見佢就好似見沙咀啲監督般，只要裝出一副乖乖仔模樣，點點頭做個樣，這個見舍監的程序好快過。

隨後，就到五點了。

豐力樓二樓有兩個飯堂，一個小飯堂，一個大飯堂。

「你哋入去先，坐係到乖乖地睇電視啊。」
我哋先入了小飯堂，誰不知驚喜來了。

驚喜的是，見回了熟悉的面孔。

「誒咁多位學童，出冊啦？」
著住自己嘅便服，迎面走來的子豪先說一句，

他身後還坐了幾個早我哋出冊嘅人。

就連阿壯都係到。

「出咗黎啦。」

「嗯。」

會心一笑，就如重見戰友般。

「你未返工咩？」

「有工返啦，不過我今日放假，五點前要返到黎。」
阿壯搔了搔佢嘅“大頭”，笑說

「哈哈哈。。。」

「笑咩啊？」

「無，原來著返你自己衫咁望，你嗰頭真係幾大下哈哈哈」

「啊屌，出咗黎都仲要潤鳩我啊？」
大頭笑住錘了過來。

「係喎，新黎嗰三個，你哋啱啱落黎，好似仲未沖涼哦呵。 子豪，你帶佢哋三個上去沖涼先，六點飯車到之前好落黎啦。」

蘇sir放心將指揮權交俾子豪，睇黎佢討好別人的那套在這裡也適用呢。

不過還好，子豪也沒有特別玩啲心計行為針對我，雖然話曬都係入面同佢吵過。但可能行得返出黎，入面嘅恩怨我們都只會擺係入面吧。

我哋雖然就黎二十字頭，但內心都仲好似小朋友，打打鬧鬧，笑下笑下咁就可以行埋一堆。

挨到出黎，都算唔容易了，這些瑣事，就算了吧。

不過閪人，就唔同了。

搏衰了N咁多次嘅逆天都在這裡。仍然是那副傻頭傻腦嘅款，不過我已不會再理他。

畢竟從此以後，佢無得再搏衰所謂的“大棚”了。

自己閪，就自己受吧。

隨後我哋三個，跟住子豪返上三樓，入房拎嘢。

係阿媽執的袋裡，摷出自己嘅拖鞋，自己嘅衫，自己嘅沖涼液，洗頭水，毛巾等等，

一路摷，一路有啲唏噓， 這些日常用品，再也不會一式一套，人人相同了呀。

沖涼房位於宿舍走廊倒數第二間。

入去後，除曬衫。

沒有時間限制，淋浴花灑隨便調教，沖涼液洗頭水想用幾多就幾多。

仲可以同其他人有說有笑，在入面打打鬧鬧都無阿sir理。

痛苦的日子，終於過了啊。

而且沖完後，著返衫，照照鏡，才發現著住便服，剃了光頭的自己係如此與眾不同。

黑了，瘦了，樣子都好似改變了。

「喂肥衡，照夠未啊，又唔係特別靚仔，望咁耐嘅？」

「得啦，宜家黎。」

嘻嘻，何止外表變了呢，

內心，都一定不同了吧。

而且我肯定，我連胃口唔同了。

飯車一到豐力樓門口，我哋三個跟住安排入去飯堂後面的廚房將保溫箱拎落樓下， 一架囚車已停在樓下門口，然後我哋再搬新的保溫箱返上廚房。

三個藍色保溫箱，入面裝住一盒盒飛機餐。

分完必須留下的飛機餐後，剩下的就是我們的。

坐埋位開餐，打開飯盒一望。哇，

又係兩隻雞翼 。

不過我中意。

食完一盒之後，我仲有啲唔夠喉。

於是子豪帶著我倆再入廚房，將剩下的飯盒全部清空。

我記得，嗰陣蘇sir已經無乜點理我哋，加上子豪帶著我哋三個新人，進出廚房都相當自由，我便知道沙咀式的監獄生活，看來真的過了。

畢竟在沙咀，你無可能將十個飯盒的雞翼和飯分開，然後只食雞翼不食飯吧？

哈哈，

我知道啲雞翼唔係話啲乜嘢人間極品，但擺咗落口嘅肉就係停唔到，我就好似回到食放題會食漲自己嘅年紀，大快朵頤。

巴不得食夠呢半年錯過的分量。

然後，晚上到了。

一到夜晚，其他返工的人亦開始漸漸回來。

阿大，華利沙，一智等等，再見返這些熟悉的面孔，有些開心。

在大廳有講有笑，hea到9點左右，係時候訓教。

回到房間，躺上碌架床。

我訓在下鋪，訓在一個有軟墊床鋪的床上，蓋著棉被，開著冷氣。

這舒服的感覺，就好似發夢咁。

應該話，今日都好似發夢咁。

「肥衡，聽日七點鐘先醒，你知哦呵？」

「真係？！」

哇。。。

足足遲沙咀兩個鐘起床！

太美好了。

舒服的頭望天花板，

頭頂的燈泡再也不會被鐵籠罩住了。

明天早上也不會有檢查毯席了。

更加不會有除曬衫的檢查身體了。

啪嗒一聲，燈光已熄。

這一晚，再也不是之前的那些夜晚。

之後豐力樓的一切，都不值得再講了，因為大致如此，有限度的自由，也是自由吧。

後來住多一個星期，陳沙展終於俾了一份工我返，出冊後的第一份工。

就係做個在灣仔四圍跑的美食速遞員。

簡稱，外賣仔。

大概寫多兩三篇左右，呢個後記就完嫁啦

雖然唔多，但都多謝大家支持 感激

推

寫多d啦

咁短

豐力樓都有少少體罰嘅 ，但力度上，最多都係阿媽教仔嗰種，而且唔會無端端就找你數，通常都係你做錯左先象征式打你幾板。

象徵

5板 thank you sir！

留咗名先講

推爆你肥肥

Thank you sir, Good evening sir, 同sir報，我係黎留名既，thank you sir

如果無屋企人咁點？

Thank you sir, good afternoon sir

想問，之前阿爸搵番佢個個（sorry sir我唔記得個名）

仲有無見過佢？