[少年監獄] 感受沙咀 奴教外傳，之後的一年

Lm

G持肥衡
記得出文

lm

終於！！！！！！

雖然，完故嗰陣應承咗大家會盡早寫埋之後嘅故事。

但老實講呢，我覺得我出來之後的生活，真的不算什麼故事。

我都糾結左好耐,到底寫唔寫好呢?

有乜好寫呢？

其實我同你地咪又係一樣，都係住在香港，活在香港的小市民之一。

香港係個點樣嘅地方，我同你哋都一齊體會緊。

不過我都明白，睇曬成個故嘅你，一定會好期待之後肥衡嘅日子到底會點。

完故嗰陣誇下嘅海口，係時候填返佢了。。

所以一於，就從這裡開始說起吧。

那一日，還是五月四日。

囚車載著我和武傑，加一個J仔，三人到達豐力樓。

多謝支持, 好好享受

下了車，和車長說聲Thank you sir 後，便跟著車長入了門口。

我還記得，一入門口，是一條明亮的走廊，走廊左手邊是個長方魚缸，右手邊則是大堂接待處。

至於走廊盡頭，則是一條Z形樓梯直通各層，特別的是樓梯門口有道藍色的鐵閘，而且那道鐵閘的設計風格是監獄的那款，甚有風味。

果然啊，就算出了沙咀，豐力樓都應該有些牌頭的，這是我當下的感覺。

接待處那邊，坐了個守門口同幫家屬登記的綠色軍裝劉記。

佢與帶我們來的車長寒暄幾句後，

「Good afternoon sir Thank you sir !」
目送完車長，到守門口嘅佢走來了。

我仲記得佢嗰樣同氣場帶住啲女人先會有嘅陰氣，所以一於就稱他為陰sir吧。

陰sir嘅第一句，當然係陰聲陰氣：

「做咩啊？落咗黎豐力樓就唔識叫人啦？」

我哋三個頓了頓，立即說：
「Sorry sir ！ 。。。。。。Good afternoon sir！」

陰sir見我哋醒水，也沒有多說什麼了。

我只好偷偷地和武傑對望，咋咋舌。

佢呢啲示威般的套路說話，當然沒有讓我感到什麼。

反正都習慣咗半年了。

只是仲以為出咗黎後，再也沒有人會咁無禮貌同自己講嘢。

誰不知個個柳記都是這副德性。

「企係到等下啦。」

「Yes sir !」

如是，我哋三人就真的企在魚缸前慢慢等。

但我唔介意等。

因為比起出面五月讓人曬到想死嘅陽光。

我仲中意大堂呢到嘅冷氣多啲。

而且，

啊嘶~

係久違了好耐嘅冷氣啊。。。！

上次吹冷氣嗰陣，係幾時呢？

總之，呢刻真係幾舒服。

然後，終於等到了。

樓梯的閘門打開，第二個豐力樓阿sir出場。

帶著老練的威嚴面孔，講嘢時微微抬高的下巴，再加上肩上的三柴，一睇就知佢都應該係懲教老海鮮一個。

「阿陰，就係呢三個啊？」

「係啊，蘇sir。」陰sir回話

「good afternoon sir !」

「嗯，咁你哋三個，跟我上黎。」

「Yes sir。」
我哋乖乖聽話，照跟上樓。

先到了一樓，我哋幾個被帶到一個房間前。

房間門頂掛住塊牌，寫住探訪室三個字。

未入去前，我仲以為呢個探訪室同監獄嗰啲差不多一樣，又要隔住玻璃之類的才可以聊天團聚。

誰不知，這裡沒有玻璃，沒有對講電話，沒有讓我和家人對坐的長枱。

相反環境更是開陽明媚，柔和的佈置，沙發，冷氣和電視。

加上，我們三人的家人已經全在屋內了。

「各位家長，你哋可以係到聚下先，等陣會有沙展落黎同你哋交代之後嘅事，你哋三個過去先吧。」

「Ye,Yes sir」

























好似

好耐了。




好耐好耐，

無真正攬住佢哋一下了。

我情不自禁走向前，主動攬過去。


噗通。


溫暖得一塌糊塗。


「媽，阿爸。。。我返黎啦。」
我只是柔聲說了句，這句已有半年沒說的說話。

我仲以為自己會喊添。

但我好堅強，我無喊到。

畢竟還有其他人在場嘛，加上呢個時候裝出硬朗嘅一面，先可以顯得出我有改變。

這樣的話，才可以讓他們不用繼續擔心我，讓他們安心。


「阿仔，你瘦咗好多。。。」

「當然啦，入面有步操嫁嘛。。。。。。」


接下來的寒暄，聊天，無非都係啲媽子嘅囉嗦加老豆嘅陪笑。


這些只是一個家庭常見的對話，但我卻好懷念這刻的一切。

失而復得，係最值得開心的。





















然後，有一個沙展走入來了。

「各位家長，我係豐力樓呢到嘅陳沙展，辛苦各位黎探仔了。」

佢帶住一副老花眼鏡，輕輕一笑。

由髮根開始漸白的頭髮，顯出佢久經職場的歷練，眼神溫和，望落仲有啲親切感。

不過這些都不重要，重要的是佢跟住落黎說的話，會讓人面色一變：

「個仔出返黎，大家都好開心啦，但係黎緊個一年，佢哋仲有機會返返入去的，各位家長有聽過監管令嗎？」

全部家長搖了搖頭，見到反應如此，

陳沙展繼續單刀直入：
「監管令簡單啲講，就係俾呢班出返黎嘅後生仔一個機會，只要跟住嗰年佢地乖乖聽話，安分守己，咁就可以乜事都無，重新做人。等多兩年，甚至連案底都會洗走埋，唔使同人講。」

前景被陳沙展講到一片明朗，但
「但係相反，如果呢一年內唔聽阿sir話，四圍玩，唔返工唔返學違反宵禁的話，佢哋就會再被Recall返去沙咀受訓多三個月。 各位家長唔好意思啊，因為呢樣嘢始終係嚴肅嘅事，所以我就醜話說在前面了。其實我哋阿sir同你哋一樣，都係想呢班𡃁仔相安無事咁渡過呢年，所以黎緊嘅日子，要麻煩各位家長繼續操心少少，幫忙監督下佢哋了。」

最後陳沙展一面認真，更瞟了我地一眼說：
「話曬，我哋都唔想佢哋再返沙咀嘅，係咪？」

「嗯，麻煩阿sir操心了。。。。。。」
「聽到未啊衰仔，乖乖聽話啊。。。。。。」

此時家長們自然響起一片苦口婆心的嘮叨。

但不得不說，這股還將你當成細路的感覺，會讓人有些不忿。

感覺上，就好似被佢哋睇小左咗，我出返黎一定會Recall返去咁，睇小咗我返出黎之後嘅決心。

不過，這也不是什麼大不了的事。

因為係出冊前，我早已探討過監管令應該點守。

監管令最大嘅關卡，應該都係豐sir所說的第九條 ——

十一點前返屋企吧。

對我黎講，難嗎？

嗯。。。。。。

呵呵， 不在話下啦。

我敢話，我一定守到。

除咗因為我應承咗好多人唔會Recall之外，

我最大的信心就係，我一直都不是個出去蒲，夜晚出去玩的人。

比起夜歸的蒲吧生活，我寧願留在家中守住中路。

我只係個毒撚。

毒撚只會宅在家中，生活不會那麼精彩的。

說完開場白，打了照面，陳沙展繼續向家長說
「大家都明白嘅話，黎緊你哋嗰仔就會係豐力樓到住兩個月。期間我哋會安排一份工俾佢哋返住先，兩個月之後就可以返屋企住，再同佢地自己跟開嘅更生組沙展主任安排之後十個月嘅生活。 守埋嗰剩低嘅十個月，成件事就會徹底完咗啦。家長們，之前打電話聯絡你哋嘅嘢， 有帶來嗎？」

「帶咗。」
我望了望阿爸身邊的兩袋東西，應該係衫同日常用品吧。

「嗯，咁就好，勞煩你哋上心了。咁跟住落黎就係探訪時間，我哋呢到嘅探訪係每日一次，每次一個鐘，雖然無話好似沙咀咁一個月最多探四次啦，但都請各位量力而為，唔需要黎太多次，因為都只係住兩個月姐。 係咁嘅話，三個聽住。」陳沙展語調一轉，略帶威嚴叫了我們


「Yes sir 」

「陪屋企人好好坐下，傾下計吧。」
隨後溫柔一笑，走了出房。

之後，


當然係溫馨的時光。

醫官Gun哥？

仲要坐多2個月先有自由

肥衡返黎啦

張衝

留名

正呀

Thank you sir 唔該同學

Thanks you sir唔該同學

Thank you sir 唔該同學
同sir報幫手推po