[少年監獄] 感受沙咀 奴教外傳，之後的一年

Thank you sir唔該同學！！！！！
等咗咁耐終於睇到後記喇
我係你嘅忠實讀者呀肥衡

LM

Thank you sir唔該同學
等左你好耐la張衝

對唔住, 我真正身份真係外賣仔

終於等到啦

係豐力樓期間 有冇親眼望住同期被recall啊？

豐力樓做錯咩會體圍罰？

久等了

無啦，係我出冊嗰日，佢已經由豐力樓走甩左（安排去返工跟住唔返黎）。 之後好似又被捉到Recall返去

無見到嘅，至於體罰啊，都無乜嫁啦。

可能被虐得太多了。 打手板我已經唔覺係體罰

今晚打完波，聽日出吧

推

籍口

幫手推po

留名

肥衡

等你呀今晚呀

多謝你啊，咁支持我
亦都多得你催我咁耐，我先會寫埋個後傳佢

同學咁文呢？
冇文既？

返工，大概是一個人一生用最多時間換取的東西。

若將社會比喻成一個系統，那麼返工的我們，便是讓其運行的組件,齒輪。

兩個星期後，豐力樓給我的一份工，便是在灣仔某間港式快餐店，擔當一個地道外賣仔。

而返工的第一日，永遠都係最緊張的一日。

不過好彩, 阿大同諸仔係前輩，我哋三個都係同一間嘢返工。

早上八點起床後，刷牙洗面換好衫。

陳沙展俾了一張返工紙我，話呢張係返工時出入豐力樓用的。

跟住，起程。

自由地fing手走出豐力樓，首先，係要搭巴士。

不過係去巴士站前，阿大卻在上黎時嘅斜坡到停了停.

仲要東張西望望咗陣，好似做賊咁。

「做咩啊？」

「攞煙啊，幫我睇水！」

哦，我醒水了。

原來佢將啲煙塞落去斜坡上嘅排水洞。

每次返工收工，就係攞煙嘅時候。

「哈哈哈，有啲咩快活過係返工前，嘆支煙？」

搭到去黃大仙站後，佢哋總會坐在7仔外的凳上，享受一陣。

我則久違地入了7仔，睇下有咩好食。

好啦，短暫hea完，係時候真係返工啦。

搭到去灣仔，間嘢係謝斐道。

一入店門，已經有好多著西裝嘅客人等緊落order。

正所謂入屋叫人, 入廟就拜神啦。

「超哥早晨！」
「超哥早晨！」

見兩個前輩都叫咗人，我亦都照說

「超哥早晨！」

他就是我返工的老細，超哥。

大概三四十歲人吧？

超哥佢著住方便進出廚房,邋遢左都不會心痛的便服，踩著拖鞋走出來，

「誒新落山啊，啱啱放出黎，餓唔餓啊?」
聲音爽快，又有些溫柔。

「呃。。。我。。。」
我緊張結巴起黎。

「喂𡃁仔，唔使緊張wor，」
超哥拍拍我膀頭，笑說

「呢到又唔係沙咀，我唔會食咗你嘅。 喂諸仔，入去換衫拆咗凍肉先，等陣帶啊，啊，啊係，你叫咩名？」

「呃，Good，啊唔係。 我叫蔡衡。」

「好難讀wor，有無其他朵啊？」
超哥笑著皺了皺眉。

「呃。。。我」
下，我邊有所謂嘅朵姐，你當我出黎行嘅咩

「超哥叫佢肥衡就得啦。佢未減曬肥嫁」

啊屌，呢個都算！？

「噢，咁就叫你肥衡啦。等陣我會叫諸仔帶你行下街，送幾單外賣認認路先！阿大！你唔好掛住吹水啦，入水吧！」

超哥邊說邊指揮起來，有模有樣，過程仲還有股專屬於老細的威嚴。

「至於肥衡你呢，坐係到等等先，呢個包就獎你食啦。係！宜家黎，食啲咩嘢啊？ 蛋牛治凍奶茶走甜！ 收到！ 蛋牛治~~！」
說完，超哥塞了袋腿蛋治過來後，隨即入去廚房幫手了。

啊哈。。。

真爽快呢。

呢種帶著效率感嘅行動方式，讓我覺得這才是香港人的節奏。

果然係快餐店。

等諸仔忙完後，佢拎住一份外賣同一疊傳單，便同我一齊出去送外賣。

咁到底，係灣仔送外賣，係個乜嘢體驗呢？

我只知道，我之前真係睇少咗送外賣呢份工了。

先唔講超哥間鋪頭食物味道如何，但佢送嘅外賣範圍認真廣闊，不但止灣仔，就連附近的中環，銅鑼灣都一併包埋。除咗我之外，阿大和諸仔更識得踩單車走遠嗰幾轉，而我就岩岩上手手，唯有送住啲近嘅先。

上至中環廣場的OL，下至一般店鋪的老闆娘，送外賣這行確實會見到好多不同的人，不同的東西。

而且這份工最有趣的地方，是有一個特別的收入。

就是貼士。

更讓我驚喜的係，不止是客人會俾貼士，就連超哥都會俾貼士。

送外賣接單時，如果送的單是很遠的地方，這樣一個來回不免會累人，所以次次頂住太陽行完一輪返黎後，超哥都會俾個五蚊二蚊，好似打賞咁犒勞你，太熱嘅話仲會俾多樽可樂你添。

追到live
好彩臨瞓入嚟望一望

講到呢到，一定有人會諗：哇，咁咪好抵屌？

哈哈，其實又唔係嘅，這些貼士，只不過是杯水車薪。

俾或者唔俾，對外賣仔的收入都不會有太大影響。

但我很喜歡客人俾的貼士就是了。

不是貪嗰十蚊八蚊，而是喜歡他們給了貼士之後，對我說的那句“辛苦曬”。

這些情，會讓人會心一笑。

而且，我是個喜歡觀察的人。

通常，會俾貼士的都是市井裡面，大街小店中的客人，他們會笑住咁樣遞錢俾我，然後笑住口話：「唔使找啦，辛苦你。」

如果之後又有這些客人的單，我一定會搶住黎送。

至於送上有冷氣的廣場寫字樓地方，那些穿著帥氣西裝的人卻只會拎完外賣轉頭就走。

「幾錢？」
「五十」
「呢到五十，拜拜」

一句多餘說話都不會有。

久而久之，這真的顛覆我認知了。

我仲以為，有錢返好工的人，一定會大方些。

但做落先知，原來人不是有錢就一定會大方體諒人的。

那些不是很有錢的人，卻更懂其他人的辛苦。

我還記得自己有次送某座唐樓，又遠又要爬幾層樓梯。

拍門收錢後，那個阿叔居然請返我食嘢，笑瞇瞇咁話食唔曬。

我當然唔好意思咁拒絕咗啦。但最後都係俾佢塞咗一罐嘢飲入手。

「唉，天時暑熱，咁高都要辛苦你爬上黎送俾我，麻煩曬你啦後生仔。 黎啦，坐低飲埋汽水款先走，抖下啦。」

「但係鋪頭仲。。。」

「誒，你咪話個客好撚閪，拍極個門都唔撚應咯。坐下啦。」

之後，就連錢都話唔使找了。

嗰陣時，新聞偶爾會有啲大陸人見死不救的報道。

但我心裡一直覺得，在香港應該不會發生吧。

畢竟這裡的好人，也不少。





大概又送多了一個星期外賣。

“晉升”機會到了。

「肥衡，識唔識踩單車啊？試唔試下踩住單車去送？」

我一個驚訝，連忙對住超哥搖頭。

踩住單車送外賣，咁危險嘅嘢我先唔做！

「Sorry啊超哥，我唔係好識踩。。。」
我吞吞吐吐，講住大話

我好想拒絕佢，

「唔好扮啦你，試下啦。」

仆街，保險又未撚買，乜都未撚做過就要搞啲咁危險嘅嘢，萬一被車撞死點算！？ 灣仔啲車多撚到。。。。。。

心中千百樣藉口。

於是我堅毅地，拒絕了超哥一個星期。

再一個星期後，有日鋪頭嘅生意真係太忙了，

「喂肥衡！呢單同我踩住單車去！ 快！」

「呃超哥，我唔。。。」

「聽話啦，去試下，四個街口就到啦。下一個！係，想食乜嘢啊？講！」

唉，今鋪真係騎虎難下了。

我逼住踩上單車，學之前諸仔咁將嗰外賣袋掛在一邊車柄。

「咁我走啦超哥。」

「去啦衰仔，小心睇車啊」

一蹬，一放。

「哦哦哦噢噢！」

哈哈哈哈，

我仲以為自己做唔到添。

人生第一次踩馬路嘅成就，咁就達成了。

回過頭來，我已奔馳在馬路之上。

除咗注意交通燈，路人，睇車，靠邊行之外，原來在馬路上踩單車係件咁暢快的事。

和汽車並排而飛，飛插在大街小巷，直路斜波之中；

踩到去軒尼詩道， 我甚至仲可以偷偷望住叮叮上面的人群，望著大家趕著生活。

嗰陣時總覺得，踩著單車送外賣，被空氣在耳邊刮過的時候，是最自由的。

所以每次踩單車，我都會有些興奮，可以去享受速度。

不過，對於我可以踩單車這件事，最開心的不是我。

而是超哥。

因為踩單車送外賣，係個優勢。

踩去地盤又得，踩去中環，銅鑼灣又得，甚至某些好大嘅Order，我都可以二十飯盒直接送過去。

掛著大袋小袋，穿插在這個喧嘩熱鬧的城市中。

我晉升成為一個，可以踩住單車送外賣的外賣仔了。