[極長氣][多圖] 意大利西北意假朝聖之旅

巴打 記得去之前我哋有喺某個post傾過話會去意大利睇歐聯 不過我遲你一個禮拜睇

最尾去咗睇羅馬對巴塞 贏3:0嗰場 我仲要住球迷區 high爆呀

嘩屌
呢場你都買到
我記得好似秒速賣晒

我就唯有睇住愛隊輸三粒

去左三個球場
我都覺最好氣氛係奧林匹高
但座位好混亂
去到係成堆人搵唔到自己個位

我都覺得好好彩呀 頭一分鐘入到去官網都要排咗成個鐘先買到飛 之後勁快就賣晒 不過氣氛真係好正 球迷區啲球迷勁癲勁正 仲要反勝真係感動到喊

不過我都認同個球場入口好亂 可能因為個場大啦 我起碼搵咗10分鐘先搵啱個入口

另外我去咗napoli roma 覺得治安反而冇想像中咁差喎 冇人埋我身偷嘢 所以冇你咁大壓力 可能因為我著得太hea

我直頭入錯gate
搞左好耐先去番我果頭
開場都無得睇
不過隊19拉素主場贏完作客又比人炒

Napoli我都想去龐貝古城睇呀
可能我疑心重掛
成日好不安
同埋試過唔少人都覺得我係賊即刻彈開
真係灰左

所以我唔再企人後面
亦都唔比人企我後面

DAY5 終

話說係迪爾艾比建成之前同拆除之後
祖雲達斯一直都係沿用都靈奧林匹克球場
我都叫做睇左呢個球場幾年
可以話係祖雲達斯既第二主場
所以黎到都靈
都應該參觀一下呢個球場
而且睇過資料
雖然唔知可唔可以踩下草皮
但應該至少都有個運動博物館可以行下

球場邊係好高既鐵絲網

唔比人亂過馬路?

點知足足圍住成個球場轉左成個圈
都搵唔到門口入去






唔係復活節唔開下嘛?!

唉
白行一轉

球場格離有個奧林匹克公園


好大
不過好曬
又好眼訓
可能尋日叫得太興奮
決定番酒店休息一下

下一站係電影博物館
因為成八點先收工
可以訓到六點幾先出發
雖然電影博物館係起係安托內利尖塔入面

但博物館同觀景台個入口係分開既

觀景台實在太多人
所以就入左唔洗排隊既電影博物館

入面講下攝影既原理






點樣由畫紙變成動畫
幾得意

上層就有D電影道具同場景







不過都唔夠呢個尖頂吸引

呢幾條威也
就係上觀景台架電影既威也
全程外露係博物館入面

直插屋頂
好神奇

而博物館另一個神奇既地方
就係好多呢D床型既椅

係好多人係上面休息

沿住樓梯上去可以搵工具人員拎遙控
然後自己霸一個銀幕黎揀睇咩戲
所以成個博物館係真係有好多銀幕



由頂望落去係一個個訓係度既遊客
因為我去到都就黎收工
所以有番D空位
我都唔執輸試坐下

係真係好舒服
床頭兩邊係重有好休閒既音樂播出黎
一邊聽音樂一邊睇住前面個大銀幕
真係HEA到唔想走
可惜博物館八點就收工

天開始黑
周圍行下
第一次夜遊都靈
天氣好
夜晚都好靚






今晚食呢間rock burger

因為見佢幾高分
係少數去意大利之前已經mark低左既餐廳

門口餐牌好似好抵

但入面係搵唔到既

佢個餐牌住部都係band隊黎
我一隊都唔識
求其叫左樣

登登登登

我已經唔記得咬左幾多餐包啦

之但係佢個size真係大到嚇死人

而且都叫做終於有塊扒可以食下
中間芝士仲要好大舊
好鬼漏

其實真係唔差
連埋野飲十五歐左右都唔算貴
可惜我真係食左太多包啦
開始有D抗拒

行左一日都累啦
食完就番左酒店好好休息下

DAY5 完

push

話說今日睇左段都靈既4K片
雖然係無日本果堆4K片咁好睇
畫面係幾靚既
但一諗起成個意大利周圍都係賊同黑人
即刻覺得成段片好造作
我諗呢種感覺
應該以後都會一直係我腦裡面存在
就好似一提起韓國就只有悶一樣
不能忘掉既焊印


DAY6

屬於復活節的最後一日
一早就去左埃及博物館
其實話早唔早
都差唔多十點

已經要排隊

大概
埃及博物館應該係全都靈最多遊客既地方

貴為全球第二大既埃及類博物館
僅次於埃及本土


外觀實在係稱唔上叫做吸引

不過大廳好大
排我前面果兩個前頭帶埋GIP入去


今次個LOCKER要收一歐

但唔比帶袋入場都要豪比佢啦

雖然LOCKER要錢
但呢部AUDIO GUIDE反而唔洗錢

呢個地方同其他博物館既做事手法係有D出入既

其實呢
本來對呢個博物館就無乜期待既
如果一早知道最後去唔成王宮既話
我寧願去唔到既係埃及博物館















事實木乃伊曾經運到香港展出過
我自己亦都曾經到過大英博物館睇過
埃及其他展品實在係稱唔上吸引
結論係其實唔需要太時間係呢個博物館到
金字塔
獅身人面像
太陽船
呢D先係我真正想見到埃及既野

而且人流實在太多

你根本唔會係同一個展品花太多時間逗留

復活節去旅行本身就係一個錯誤
即使本時都靜靜地既都靈都變成咁
就好似當日我新年去到鹿兒島
成條商業街都唔開既情況係異曲同工
無可否認
假期的確係真係可以慳番幾日假
但行得辛苦亦都係事實
有辣有唔辣咁啦

木乃伊數量的確係壓倒性既多過大英博物館
每個展品外面都會有公仔
即係話比你知入面有無野

好似呢個空既就無公仔



但有D係真係認真成條屍SHOW出黎






係好撚恐怖
但係歷史本身就係一種恐怖既事
當時本來就只係想入土為安既故人
而家都比人盜晒出黎流落異鄉
我地亦都只係見證人而已
就好似我地只能夠見證住香港行政區成為香港市一樣

係博物館就黎比人迫到窒息死
但為左完整性
都係裡面轉左個半鐘
所以其實都真係幾大下

離開左博物館
又去番尋日果度
安托內利尖塔
唔好以為條龍唔係好長好快入到
我係足足排左兩個鐘先入去
呢個一小時既牌其實離開門口真係無幾遠

點解要排咁耐?
都係因為呢架LIFT

一轉淨係入得幾個人
上又要時間
落又要時間
又多人
唔排到死先出奇
但話晒係都靈既制高點
點都要去會一會佢既

坐係電梯入面升上去

又可以望番電影博物館入面訓緊既遊人

觀景台唔算大

亦都有圍爛

但係都可以伸到鏡頭出去

成個都靈都一覽無遺



一個個一模一樣既屋頂
大概就係都靈既城市設計

雖然個天無尋日咁清咁藍
但都可以完整咁望得到阿爾卑斯山脈




係意大利完左心願之後
如果再去歐洲既話
應該一係去冰島睇極光
一係就去搵瑞士山區肺

即將會到達既蘇佩爾加大教堂

原來都靈仲有熱氣球玩


已經習慣左係意大利唔食午餐
求其食少少野就算
今日就食雪糕


以物價黎講
係真係平
仲要兩球起跳
而且裡面真係堅足份量


續

今次真係堅係無人睇

A7ii
唔識執相全部直出
玩左成年幾都無進步過

DAY6 終

食完雪糕
就出發其中一個都靈幾想去既地方
蘇佩爾加大教堂

中間又見到呢個七號列車

原來除左星期六日
復活節都會行駛既
所以傳宣真係唔可以盡信

想要個教堂最主要原因都係佢既地理位置
教堂位處山頂
係需要坐纜車先上到去

自從去左幾次日本之後
我覺得交通工具係旅程好重要既一部份
無論係飛機
火車
巴士
電車
定或者係吊車纜車
我都覺得係很重要既旅程之一
凌駕係美食之上
去到當地
一定要見識一下當地既特色交通工具
而都靈就有兩種
一種就係頭先果架七號線路面電車
另一種就係呢架纜車

蘇佩爾加教堂係為左紀念當日係蘇佩爾加空難既拖連奴球員
而家已經變左旅遊聖地
其實交通都幾複雜
要轉兩程車先去到山腳纜車站

用PASS可以以四歐優惠價買纜車車飛

意大利一向都唔重要係門票方面
電子票尤其盛行
呢張車飛
可以話係少數有特色既門票


我以為離開市區較遠
應該都算係冷門既景點黎掛
唔知係咪復活節關係
竟然好多人等車

所以話意大利係歐洲支那真係無錯
完全係無排隊既觀念
一味淨係識迫迫迫

閘口有個牌係度寫住145人
每過閘機都會COUNT數
無企位
好似係

前面隻狗大隻到痴線
但好鬼乖

車卡有兩種
一種係無窗車卡
另一種係有窗車卡
我鐘意坐車頭
就坐左呢種無窗既車卡

有D似日本既小火車

座位向前向後教

不過我懷疑意大利佬係弱智既
竟然唔識較以為真係要倒向坐

後面呢卡就係有車窗果隻

落山時坐埋就可以完整乘搭

落左纜車仲要行一小段路先到山頂


尋日係博物館日
而今日
就係同阿爾卑斯日
上到制高處
係邊度都係望住阿爾卑斯山


所以都靈被稱為阿爾卑斯之都
可惜今日個天唔係幾靚
如果同尋日既行程倒轉就應該好唔錯

大教堂

可惜背景變左白色
之後兩日仲要落雨濕濕
真係唔係幾爽

正門

教堂免費參觀
傳統既圓頂

我覺得比起起角既屋企有型好多
而且通常仲可以上埋頂

教堂都算幾細
一眼望得晒






入面有個禮堂仔


但係個個都係純參觀
無人真係黎祈禱

除左參觀教堂
仲可以上埋屋頂
欣賞真正既河山景色
同樣用pass可以免費換飛
係教堂左手面既office換得到

呢張係我係意大利最hea既一張門票

大概屋頂容納唔到太多人
所以要係門口排隊等上去

因為個教堂唔大
條樓梯都真係好窄

一路轉上去轉到暈到頭埋

牆身都比人花到畫晒



終於上到頂
可惜視野唔太清晰

但呢個就係都靈都全境
比起尖塔上面睇得更遠更寬




圓頂內部無得入
只可以係圍住圓頂係外面行

條路就係咁

全部無得圍住行晒成個圈
大概得半圓左右就無得行


教堂背後既建築

入面好似都可以參觀
不過無入到去

教堂既設計又係無得輸
加埋背景係真係好唔錯


望番落去其實都唔算好高

不過戶外真係好鬼大風
吹到人都顛

唔記得好似六點幾之後就無纜車
所以欣賞完風景就走啦

纜車站


已經無乜人上黎
不過咁樣包車坐車頭又真係幾正


呢卡有窗既全部都係固定坐位

所以我話歐洲支那係弱智係係真係有根有據既
明明有個手把係度仲成個白痴咁係咁搞個窗
堅低能


支那人係成日撞黎撞去
好辛苦先可以唔比人流撞走留番底影番個全相

外型同路面電車都有少少似

原本想上去埋Santa Maria del Monte呢個小山丘
不過太肚餓都係搵野食醫肚算

食左太多餐麵包
今晚我真係好想食意粉
但唔知係咪復活節關係
竟然行左半粒鐘都搵唔到有意粉食
唔係食pizza
就係食西班牙野
仲有好多間都無開
就係絕望之際
見到一間pizza專門口門口個餐牌食埋pasta
雖然得三款
但真係諗都唔諗就狗沖左入去

第一次係全意大利文既餐廳食野

都唔知UP乜
又唔係貴
求撚其就要左最貴果款

個小二都完全唔識講英文
不過或者就係呢種唔識英文既餐廳
態度都特別好

又係包

黎左咁多日
餐前包聽就聽得多
都真係第一次食

之後佢就比左兩隻碟我

心諗一個人要咁多碟做乜鳩

嘩頂你
佢拎左成盆意粉過黎


夾左D落碟
平時我地食開大概就係咁既份量


但盆意粉好似無郁過咁


我估佢應該係FOR SHARE比兩三個人加PIZZA叫既
不過我今日好撚肚餓
你黎幾多我都同你清晒佢

第一餐係意大利係可以食到好滿足
唔係話好好好食
但係好足料

聽日就係歐聯八強首回合既日子
可惜我要換酒店
我呢幾日住呢間四星酒店復活節都係講緊五舊水唔洗一晚
但歐聯夜竟然要2K一晚
最後揀左間坐火車站既
方便歐聯第二日番米蘭

DAY6 完

DAY7

最後一天在都靈既日子
亦都係我第二次欣賞主場既賽事既日子
歐聯八強首回合對皇家馬德里
賽前我直頭想睇想到買黃牛飛
好彩最後都可以正價買得到

都靈最後一個景點
係維納利亞宮
三日係都靈旅行之中
呢個景點係屬於最大最靚既
維納利亞宮亦都曾經係都靈王宮
歷史唔識
我真係唔知都靈曾經有幾多個皇宮
但我自己已知既起碼都有三個
一個係市中心
一個係而家去既呢個
另一個就係訓練場格離既斯杜皮尼吉行宮

可惜天氣唔好
一起身就已經落緊雨
慣左唔戴遮去旅行
所以每次旅程後都會有新遮帶番屋企
不過今次只係買左雨衣
到最後都無買過任何一把遮

可能係完左復活節既關係
酒店早餐變番好少人
仲要check房number
前幾日都無遇過呢種事

check out完
坐11號巴士
大約半個鐘左右就到

人流同前幾日真係無得比


可能地方遠
我估就算係復活節
應該都無幾多人

維納利亞宮應該算係都靈最貴既景點
全包要25歐
亦都係都靈pass最抵用既一個景點


個花園其實係大過王宮好多倍



入左正門有管理員問
呢度有宮殿
城堡
花園
你想去邊個先

我心諗咁神奇要分開行
就揀左行城堡先

就係呢棟野
點睇都唔似城堡
行晒都唔似

結果到最後原來所有地點都係互通既
行邊先都無分別

意大利人HEA就係事實
但原來相入面講緊電話果個係查飛既人

佢根本注意唔到我入左去
係我入到去ON99諗緊點行果時佢先發現到我走過黎DO我張飛

入都去係條幾靚既通道
兩邊放左應該係歷代皇室既人物



無人既感覺真係好正
一D壓力都無
自由自在

成個博物館大概係講下王宮既歷史
同埋外觀之類既野







呢舊完全唔知乜撚野黎

去到中間有電梯向上行
會黎到藝術館既地方



唯一覺得特別既呢個燈飾

燈飾入面既圖畫係反轉晒
要用下面塊鏡既反射先睇得到







仲有D講解點樣修復D古畫