[極長氣][多圖] 意大利西北意假朝聖之旅

Lm

我機票就4k左右
遲買貴左少少

羅馬真係太多人
睇你想睇d咩
如果要睇晒我諗三日都幾趕
鬥獸場一定要跟tour，可以睇多好多野，最緊要唔洗排隊，加埋格離塊遺址都要用半日以上
梵蒂岡又係勁多人，博物館同教堂都排到顛，其實全部野一係要一早或者網上買好飛
如果唔係每個地區都用太半日
加埋其他萬神殿，聖天使堡，別墅，大大小小教堂
三日趕住行既話都勉強ok既

唉⋯都係果d啦 ，咁應該5日好d
最怕係治安問題

巴打, 我岩岩都搭左Qatar去匈牙利
飛機餐幾好食
不過回程果架777好窄
去程係A350就好dd

多哈轉機都方便, 個安檢好快手

多人治安實雜
唔好行巷仔同睇緊D個人物品都OK

佢最衰係有個電視盒係凳底頂鬼住晒

DAY2

天氣雖然涼爽
但係酒店勁開曖氣
搞到個人勁眼訓好累好唔想出去

明明一早起身但就要好遲先出門口
呢D都係米蘭既日常
之後轉左酒店好似情況有所改變咁

酒店早餐都係呢D野


意大利早餐應該幾重視甜品呢一項
係有一半係甜品黎

黎到米蘭第二日
出左去墓園
其實一早都諗緊到底去唔去好
墓園有咩好睇
又未必影得相
但上網睇過又有相又好多好評
最後都係去左

米蘭紀念墓園
座落米蘭市中心
仲有專屬地鐵站
好似好多名人葬左係呢度

去到門口已經見到呢座建築

好似無開門咁

好彩都叫做有小貓幾隻
跟住佢地都搵到路入去

其實真係景點黎





會有開放時間
星期一休息之類

入到去可以清楚見到主堂
白雪雪好靚仔


雖然墓地影相真係好似好不敬
但我作為一個遊客就真係豁左出去
見到鬼佬影我都照影
當係去左日本D寺院咁

記得以前去寶福山都見過有鬼妹當係景點咁參觀
不過呢個墓園就真係完全景點設計
一個個都係唔識既墓



行行下有隻主子痴左埋黎



但就係唔比我影佢正面相

主堂既背面


其實呢度先至係墓園既開始

成個墓園都好大下
中間有一條好寬既路可以行


周邊好多藝術性墳墓




我估
佢地應該都唔會介意我係度亂影

呢個水龍頭D水

係飲得既
真係見過有人拎黎飲

呢個係墓園既中心

無入到去
唔知係拜緊邊一位
不過地位應該幾高

行行下又落雨
係意大利咁多日
幾乎得復活節既幾日先有真正既晴天
入左建築裡面避雨


原來個主堂係入得既
仲好靚好神聖
黎到意大利
幾乎只要抬起頭向上望
全部都係靚到痴線既建築
我真係唔明以前既人係點樣建設設計既




呢個直頭有埋像



其實外面都仲有D雕像



最後就有D同我地見開差唔多既墳墓


呢個場無咩人
好清靜
又有咁靚既建築
真係好值得黎
臨走果時見到有D團體入左黎
好好彩

續

留名

lm

DAY2 續

黎意大利
有大半係為左意甲黎既
意大利既景色雖然都好靚
但唔係我既重點
加上米蘭主要景點其實唔算多
所以我就首先去左米蘭總部
然後再去聖西路

對上一次去倫敦
因為我對英超無興趣
無去到見識一下倫敦球會既球場
而家諗番起
都算係一種遺憾
畢竟做左咁多年球迷
再無興趣都好
都應該去參觀下
踩一下草皮
做個粗口手勢都好
直到選擇左黎意大利旅行
認真資料搜集過先知道
其實無咩幾多個球場係可以係比賽時間外參觀
聖西路係其中一個可以既
祖雲達斯球場係其二
除此之外
連奧林匹高都唔可以入
可能同球場係政府既有關係都未定

米蘭總部離開地鐵站portello都算幾遠下
要行十幾分鐘先到
唔係一個就腳既景點

去到見到呢個AC米蘭既總部都幾大

係呢度有博物館亦都有STORE

不過就無更衣室亦都無球場踩
所以15歐其實係有D貴

一入到去就見到米蘭最後一個飛機盃

係多哈舉行既意大利超級盃
呢個比賽之前係大陸踢
性質似表演賽多D

博物館唔大
一入黎到全部都係衫



邊個邊年奪冠

之後係播片

呢場歐聯決賽當日係亞洲播
保方救唔到舒夫真高球十二碼
十五年之後
保方連救最後一個歐聯十二碼既機會都被褫奪埋
諗起都心痛

07年歐聯復仇成功


由11年開始


7年黎
米蘭除左個飛機盃就再無任何冠軍

卡卡

米蘭最後一個球王

之後係獎盃座



呢個盃

保方加盟之後第二年拎唔到
直到而家
已經經歷過三次決賽
全部都輸晒

最後一個飛機盃


現役球員

最出名已經係當拿隆馬
但其實質素都係一般般
踢左幾年意甲
雖然得十九歲
但已經踢左幾年意甲
唔似有幾大既進步空間

金球獎得主




韋亞當年我係香港大球場見過
仲拎過佢簽名
而家已經做左總統

當年有分世界足球先生同歐洲足球先生
不過佢都已經當左舒夫真高係金球獎得主

而卡卡
係美斯同C朗壟斷球壇前既最後一個球王
都已經係十一年前既事

仲有D意甲球員



可能我唔係FANS
好快就行完呢個博物館
所以先覺得15歐唔太值
後尾睇番
其實J博物館同佢地其實都係差唔多
只係我係FANS所以有唔同既感受

間米蘭STORE都仲有少少野可以睇下



以往去旅行
行完博物館習慣係買番個鎖匙扣
但米蘭個鎖匙扣成十幾歐好撚貴
咁我不如買番條頸巾
橫掂遲D都會入場睇米蘭打比

續

我同個FD去英國個時都係感覺好安全

個氣氛真係差好遠
英國d黑鬼正正常常
但意大利係大部份都賊眉賊眼

巴打我幾年前去過一次，已經唔記得曬
黎緊5月頭會去多次羅馬，想問下你day9個行程係唔係好趕

我應該預1.5日比羅馬，鬥獸場個pass 去邊度預先買？
梵蒂岡我唔記得有tour/pass 可以skip 排隊

多哈個tour 得唔得
我回程要5pm 留到第2日9am
諗住出去行下，當去多個國家

唔知boook 唔book 酒店好，定係訓果d lounge

lm

勁趕呀
我係坐5點半火車去羅馬
因為book左鬥獸場個tour十點
但就可以一早去到個無乜人既許願池

https://www.coopculture.it/en/ticket.cfm?office=Colosseo%3A%20Sotterranei%20e%20Belvedere&id=0&evento=6
我參加底層加頂層意大利文
不過一個意大利人都無所以最後都轉左channel講英文

但其實我個行程係四點幾就完架啦
如果唔係約左人六點食飯同場波九點踢
其實我排埋梵蒂岡個教堂都夠時間架

博物館可以預約時間
好似係

Between,羅馬日半真係唔係好夠呀

樓豬有d相幾有feel

好掛住米蘭d 早餐同咖啡

無辦法 第2日晚上6點幾要坐火車上pisa 搵個friend 繼續行程

諗緊點樣先可以book 定d 野, 唔洗浪費時間排隊

好難得有人讚

仲有雪糕都唔錯
下下都兩三球

試下第一日book鬥獸場tour，加埋d遺址，萬神殿許願池
第二日一早去梵蒂岡，應該可以去晒教堂同博物館
不過會好累

你係用相機影?

gelato 我見上巴打有間羅馬百年老店 又係好正