[極長氣][多圖] 意大利西北意假朝聖之旅

我係上網book定，排十五分鐘到就入到去。梵蒂岡真係好值得去，以佢個入場費(20eros)黎講，真係超值

唉
book左鬥場場太興奮唔知要book其他野
成個羅馬真係要book晒先好去

DAY4 終

咬完包
其實都差唔多時間
場波夜晚八點九開波
香港時間兩點九
屬於每周既重頭節目
如果係香港
就未必會睇lu

同球會約左五點半係比賽前係球場門口集合
大拿拿三個鐘到底有咩做呢
真係好期待

係外面圍住球場足足繞左半個圈

其實真係好撚遠
次次睇波都要搵番自己個閘口都幾麻煩
尤其係奧林匹高果次
球場安排極之混亂
相比之下祖雲達斯真係算好
可能比較少觀眾掛

終於見到正門

個閘口離開球場真係好鬼死遠

雖然話上次比人收左部相機
但今日話晒都係參加官方活動而黎
而且咁多人都帶
總有辦法既
黎到主場館
唔係唔影相下嘛

終於終於
見到球會工作人員係入面走出黎
原來除左我地香港黎既
仲有一班類似本地既球迷
派左通行證

同龜背比我地


嘩
真係開心死
著住件龜背
完全感受到同普通球迷既差別
真係好慶幸有跟到球迷會黎

著晒衫帶晒證
跟住呢位導遊

bypass晒門口班等入場既球迷
係正門進入

唔好意思
我太興奮
真係乜撚都影




周圍都歷代球星既相

轉左好多個圈
黎到廣告牌


我地影球場設施
球場職員影我地

其實由個tour開始
已經有兩個cam man一直跟住我地
最後官方剪左段片
不過係放上微博
佢真係當左香港係中國

通往更衣室之路

一樣都係球員相
同聖西路唔同
人地擺球場相
而祖雲達斯球場
係一個真正屬於自己既球場
唔知球員出場見到會唔會興奮D

廁所都影呀

醫療室

另一邊就係更衣室
唔係一陣班球員係咪就係著呢D衫落場呢



保方係獨立位黎

支旗一陣落場交換既?

最後特別推介
屌帥專用戰術板

好想係上面寫野

兩邊更衣室就會係出出場通道相遇

通往球場之路

sorry
真係影唔到張無人既
希望上左境既巴絲打唔好怪我放左你地上網
我應該有好好遮晒你地個樣架

出場啦

有球迷已經入左場
個feel真係好正
因為兩個鐘之後就會開波
我真係估唔到竟然真係可以落到球場
格離個黑鬼係保安黎
因為我地真係影得太多相
一直都係度催我地行快D



D凳同聖西路真係無得比

以前迪爾艾比可以容納六萬七觀眾
新球場放棄左第三層既看台
而家只可以容納四萬人
係感覺真係細左好多
但氣氛

就唔見得好好啦

真係好開心有帶相機黎
12mm真係好撚正



真係比人趕狗咁
下一站係訪問室

點都要打番張卡先


記者室


幻想一下屌帥就係呢度講野



之後就入球場啦

唔洗過安檢
相機可以直入球場呀

有機打

有波踢


有隊友即場同意大利佬開波

有士多

仲有得make up

我都刻左jj係塊面到

仲可以入去感受下球場

不過時間仲早未太多人

原本呢
我地都以為黎到呢度就完架啦
點知

係呀
我地落左場邊呀!!!!!!!!!!!!!!!!!

原來官方安排左兩個節目比我地兩班球迷
頭先本地果班去左接大巴
有機會同球員擊掌
而我地
就直落球場近距離睇球員練習

J撚死後面班球迷


本時唔會自拍既我
今日真係用盡左一生既能力去自拍



球員出場啦


因為我支鏡係超廣角
所以我係相機同手機交換不斷狂影
我都唔理乜撚野角度啦
總之就係影

迪巴拉斜恩全部都沖馬過黎啦



嗚呀
企係場邊真係J到命都短幾年

保方同CCC尼一齊練習


下年應該由CCC尼把關架啦

小組傳波




仲有單對單練習













咁都有對面米蘭既



25仔傻邦

J夠班球員入番更衣室
我地都埋番我地自己個位啦
我地坐係第五同第六行

好近球場

角落頭坐左作客既球迷

雖然唔爆
話說去得作客都係死忠黎
打氣真係好齊心

出場陣容
全部呼喚保方




仲有會歌唱
有頸巾既舉頸巾

南看台化身成班身

fing黎fing去
而我
係唔識唱既

可惜我地坐主看台既對面


只可以睇到球員既背面

不過主看台既飛大部份都係唔對外發售既
有錢都買唔到
我地113區已經係最貴果區
成170歐一張飛

雖然周中有歐聯
但都差唔多夫添全力打米蘭




賽前默哀

應該已經唔係為左艾斯托利

今次真係第一次真正係球場睇意甲
好夢幻
無係電視睇得咁真實

米蘭成隊波都由蘇素主導

不過條仔次次都cup番中間斬波

後面傻邦就解除屌帥封印
當正自己係派路咁大師分波

一掂波就全場狂屌

祖記對米蘭已經稱唔上係真正既大賽
成隊米蘭
可以稱得上世界級既球員都真係無幾多個
場波雖然稱唔上一面倒
但實事係真係全場佔優既

除左呢個角球

條25仔真係沖去產草
係咪真係咁撚憎踢左咁多年既球隊呀

意大利亦都引入左VAR

不過其實如果要黑既
球證一樣有權唔睇重播

下半場亦都換入左古亞達度

當年車仔為左買佢而放走沙拉
沙拉而家已經成為全部最火辣既球員
不過古仔其實都係好好用
有速度有技術
斬波又靚
係上年決賽發神經踢鳩人申請出場

全場3:1

成場波都無火爆事發生

雖然輸波
米蘭都有答謝球迷既

祖記呢邊當然都有


保方同我地拍手呀





作客球迷唔比走住

要等我地散晒先走得
雖然話米蘭都都靈好近
但踢完已經十一點
出番球場應該係已經無火車番米蘭既
雖然而家係復活節假期唔緊要
但平時真係唔知D人點睇作客比賽

夜晚既安聯球場

球場附近無地鐵站
得巴士站
幾乎全部人都係坐巴士離開
迫到痴撚線
仲要小心有賊仔添

總結番祖雲達斯球場
球迷既支持度係真係唔夠既
可能都靈呢邊比較有錢掛
球迷都傾向偏靜既
係淨番南看台果班忠班FANS打氣
有時我地叫得大聲
反而係會比人白眼
同香港既情況有D相似
都係果句啦
睇波唔打氣
番屋企睇電視好過啦祖記圖書館
我覺得呢一D真係要好好改善下

睇完波
大家都各散東西啦
有D去羅馬
有D去佛羅倫斯
有D好似我咁
留係都靈
直至睇埋歐聯場波先走

DAY4 完

輕輕一推

DAY5

經驗過第一次意甲之後
終於可以係遊覽一下都靈呢個城市

從來意大利既遊記
都不外乎米蘭,羅馬,佛羅倫斯同威尼斯呢BIG4
都靈一直都係被認為除左祖雲達斯一無所有既城市
工業
汽車
有錢
就係都靈多年黎既印象
之但係詳細研究過之後
就發覺都靈並唔係想對中咁簡單

除左擁有王宮
主教堂
城堡都有幾座
裹屍布教堂亦都算得上幾出名
仲有座觀光塔
郊外有纜車又有別宮
大球場都有兩個
更加唔洗講多個博物館
如果真係要玩足
三四日都未必夠

交通方面擁有兩個大型火車站
亦都係italo既起點
貫穿全意大利
絕對係大城市既級數
以我自己認為
絕對好玩過米蘭

而都靈最有名既
就係呢張博物館pass

上面係交通pass
你可以選擇一二三五日
幾乎全部博物館都去得到
價錢又平
係全意大利最抵玩既PASS
好似係

復活節既第三日
天氣好好
而都靈都道路大致上都係咁既款




都幾寬落

castle square


雖然係假期
都唔算話太多人
聽朋友講五魚村比薩之類出名既景點係多人到痴撚左線
我好慶幸呢個復活節留左係都靈渡過

太好天
仲可以望到阿爾卑斯山

而頭先講果張PASS就係係呢度買

買左三日連交通都只係48歐

本來諗住留番皇宮呢一PART到最後先去

可惜計算錯誤
到最後歐聯日佢竟然無開
唯有又留番唔知幾耐既未來啦

結果我係米蘭都都靈既皇宮都無去到

都靈除左皇宮同博物館
仲有觀光電車

話說呢條七號線係三十至五十年代既經典路線
圍住都靈市中心轉一個圈
只有假期先行駛

內部都叫翻新得幾靚

如果係日本
大概仲會有紀念品賣同可以給印仔

不過我今日都無咩時間可以搭下呢一架上左年紀既電車
睇左當坐左

呢個係今日都靈既起點

夫人宮
曾經被命名為都靈城
作為都靈既中心
古羅馬城門既存在
而家已經成為一座博物館
同日本100名城差唔多

門口同背面可以話係完全唔同

完全睇唔出佢係一座城堡

意大利既景點多數星期一二休息
不過復活節假期多數長開

同樣有LOCKER可以輕裝上路

用PASS可以免費換入場券入場

呢個室就唔算太多野睇



但就叫做有D遺址藏左係腳下面


四四方方咁幾分鐘就行完
當時我心諗唔撚係呀咁就玩完?
雖然唔洗錢姐都唔係咁流掛

原來佢仲有其他別室
不過D收藏品就可以九唔搭八
幾乎係無一樣野可以同城堡扯得上關係










係樓梯都仲可以有番古色




去到中層有唔同既房睇


每一房都靚到DUM一聲






只要抬起頭向上望
都會驚訝到底係點整出黎

頂層係其他收藏品
認真唔算太有特色






以都靈既序幕黎講
夫人宮都係個唔錯既存在
不過可能本身就唔夠其他幾個博物館出名
如果想時間更加運用得好既話
可以一早去排尖塔或埃及博物館

續

睇到呢個post諗番起Florence
Florentine Steak
街市個百年老店牛肚包

嗚呀

講起食就真係喊出黎

Lm樓主祖迷

我祖今年一冠都無

DAY5 續

夫人宮既下一站
唔係埃及博物館
因為見到都幾多人排隊
去左佢前面既卡里尼亞諾宮

外型係咁既樣


裡面其實係意大利統一博物館黎

同樣用pass可以免費換飛

門口大堂都幾宏偉

上面應該係以前意大利唔同既小國既國旗黎
仲有隻模型




雖然小弟讀文科
但中三揀科果時揀左宗教呢科
所以就無讀到世界歷史
我喜歡意大利既足球
但對意大利既戰爭史就無咩特別概念
不過地理都算仲有d興趣




大大小小唔同既條約
仲有D歷史人物咁

我估呢個人應該幾出名

成間房都重新打做番出黎



最出名應該係呢個議會

不過只可以係窗外面觀看
同埋係真係幾逼
座位好窄



仲有個電影院播緊有關呢個議會既電影
不過全意大利文
唔識聽
睇番GOOGLE MAP D圖應該係可以入去參觀既
不過今日鎖住左入唔到

大大小小既刀刀劍劍




之後都有小量世界大戰既裝備

掛畫天花



去到成個博物館既最後
係完全震懾到我

雖然都睇左幾日好靚既天花
但要講成個旅程最壯觀既
一定係統一博物館最後呢間房


我覺得中間D畫有D多餘
如果移走晒D畫
成間房會更加震撼

房既側轉有個教堂仔


博物館唔算太大
唔會行得太耐
我覺得岩岩好
有D個博物館太大困係密室太耐真係會睇到好眼訓
如果對戰爭史有認識既應該好值得黎

同埋復活節黎講既都唔算多人
平日應該真係會好少人行

卡里尼亞諾宮既背面

同佢正面又係完全唔同既風格


續

DAY5 續續

呢一日
應該可以係咁多日最好天
無論日頭定夜晚
去到邊
個天都係藍色既
如果日日都係咁就幾好
可惜天氣不像預期




意大利街道其實係好靚
可惜周圍都係賊真係好影響心情

離開左都靈市中心之後
就去左比較遠少少既城堡區
valentino castle一個月只有第一同第三個星期六先開放
就無機會睇到
去左格離果個Medievale


唔知係咩樹
今年復活節分身唔到去日本
無得睇櫻花
我當睇左架啦

呢片公園係都靈黎講應該都算係大


應該可以hea足大半日
因為真係好好天
好多本地人係度玩同hea
可惜我只有一個人

城堡既外形怪怪地咁

城外面係都靈市內唯一一條河
唔知咩河



真係好曬
不過心情亦都因為太陽變得正面
呢個公園感覺上無咩賊

入到去我終於知道怪係邊啦

原來呢個係一個設計成城堡外型既市集





氣氛就幾歡樂
好似係電影或者遊戲入面中世紀既村莊咁
通常都係伴隨住音樂同啤酒既感覺

不過假城堡入面係真係有個真城堡係度


用pass一樣可以免費進入
係呢個中心換飛

不過意大利既城堡同日本既好唔同
意大利
通常都要有guide先入得
我喜歡一個人
所以覺得呢個係比較麻煩既地方
不過規矩係咁都無辦法

入場券上面寫左tour個時間
仲比埋本英本書比你
大概係個guide都係講意大利文
你自己睇書翻譯啦
咁既感覺

未夠鐘就繼續行
係好多野食

由早餐開始成日都未食野
就買左個冬甩黎咬

無錯
又係包呀

咬完夠鐘入場

原來都幾多人

個guide堅係講意大利文
咁其實同我自己睇根本無分別
本書仔我都係求其睇下而家身處係咩地方就算

其實個城堡真係更加似一間大宅

應該直頭就係
城堡一樣都係住人既地方









大概係d比較低級既貴族住既地方

都仲有禮拜堂之類







當然唔少得既係地牢同獄室




外面花園已經用左黎種野



簡簡單單一個小城
又唔可以話失望既
只係無乜特別咁lor

續