[極長氣][多圖] 意大利西北意假朝聖之旅

咁都無辦法 呢個又係意大利文團加上佢英文真係唔得

我地就9 fing fing 係咁影相同睇

成個畫面好搞笑

DAY9 續

古羅馬市集就係鬥獸場格離

中間會經過君士坦丁凱旋門


古羅馬市集並唔係咩街市或者夜市之類既野
而係一堆遺跡群組合而成既公園
頭先鬥獸場張飛已經連埋包埋市集既入場

個公園除左市集
仲有個叫帕拉丁山丘既地方
到而家我都唔知個公園係點稱呼

一樣要排隊過安檢入場


公園既範圍比我想像中大好多
基本上黎呢度就要預左花上半晝時間

公園入面既另一個凱旋門


頭先係鬥獸場見到既維納斯和羅馬神廟

由呢度可以望番去鬥獸場

另一邊係帕拉丁山
無窮無盡既古代產物













時間靠近中午
曬到仆街
中間有個鬼妹直頭除埋件外套大露背

不過要召喚梁國雄議員

外面係好大片既綠色空地

好難想像平時羅馬人到底係點樣伴隨呢D遺跡生活

可能真係太早起身
行鬥獸場又興奮得濟
越行就真係越辛苦
好想番酒店休息
但一場黎到
以後都唔知仲會唔會再黎
真係死頂都行落去

呢個山頂係我唯一無去到既地方

我驚上到去真係會死

好大個廣場

應該係扮緊古羅馬當時點樣教書

可以想像到蘇格拉底講學既感覺







其實我都唔知係咪真係行晒

不過已經唔想行番轉頭
就係中間個出口離開


呢個位比起鬥獸場果邊少人好多

出到去食番杯雪糕


唔知係咪太平
今次比較普通

如果今晚係羅馬既歐聯
我一直又會入去買番件頸巾

反而我一直都見唔到有拉素既store

終於搵到我住果間酒店check in
hotel coztina
黎到門口要禁鐘仔

第一次入呢D傳統既大廈


仲要有呢隻老爺lift

間房就普普通通


不過職員態度真係好好
會出門迎接你
起碼feel到係用心黎serve你
地點又唔錯
如果下次再去羅馬我都會揀番呢間

續

應該出多一篇就可以完左呢個意大利遊記
每一次寫完遊記
就好似呢個旅程真係真正完結一樣
星期四又會去日本
雖然好多野做
都希望係離開香港之前可以完得到
當完結一個旅程
先再開始另一個新既旅程

有冇氣氛呢樣嘢睇現場班死忠性格, 鍾意做自修室毒撚既嘢話個場幾靚都冇用， 我一個海外球迷就希望起新球場，起碼賺錢同埋傳播機位靚好多， 成日覺得意甲啲機位好平淡

我去羅馬都係住呢種巴洛克時期大廈， 踏果部𨋢房內籠同你一模一樣 意大利真係古蹟隨便住
不過我果間係民宿， 服務重要非常劣質
可唔可以講下你買嗰張係咩飛?點解包咁多樣嘢 我買嗰張淨係包鬥獸場同埋隔離市場，差好遠

座位？
D位真係好鳩

https://www.coopculture.it/en/ticket.cfm?office=Colosseo%2C+Sotterranei+e+Terzo+Ordine&id=0&evento=6
要參加tour
張飛貴一倍但舒服好多

Lm

DAY9 終

坐地鐵去梵蒂岡係最快最方便既方法
買左兩張飛

諗住回程用
點知最後變左睇完波坐電車轉地鐵先用到
個半歐一張飛
可以100分鐘內轉乘巴士電車乜都得

但我係唔明點解
意大利D地鐵站月台係暗到仆街

都唔知係咩畸形設計黎
但係呢
原來羅馬連地鐵站月台都有兵人註守
真係好痴線
不過我唔敢影

行一陣就已經可以見到梵蒂岡個圍牆
警力係更明顯有加強


因為得一日時間
我就揀左羅馬最重要既景點黎行就算
梵蒂岡係地球上最細既國家
曾經睇過一個旅遊節目
兩個人向唔同方向圍住梵蒂岡行
大約半個鐘後就可以相遇
真心覺得呢件事都幾浪漫


作為一個天主教最神聖既地方
其實我真係無咩感覺
唯一有感覺既就係見到呢條人龍

我就知道自己無機會參觀教堂了
除左要去睇歐霸
仲約左人食飯

教堂同博物館
都要等再下一次黎羅馬既時間先有機會啦
真係早知去萬神殿好過
係度影相打卡叫做黎左







格離係聖天使城堡



同樣都無時間參觀啦
天使與魔鬼既場景
睇黎都同我無緣

坐番巴士番去同友人食飯
今次呢程由梵蒂岡去火車站既火車係迫到痴撚線
仲要防住周圍全部都係賊樣既人
真係好辛苦

呢一餐
基本已經係我係意大利既最後一餐
雖然最後一日坐下午四點幾機
但仲要由羅馬坐火車番米蘭
由米蘭去機場又要一個鐘
已經再無機會食好西
所以雖然得兩個人
仲叫多個PIZZA黎食




係唔知點解佢地好鐘意整到pizza好燶咁
不過呢間野等左成十分鐘都無意慾找果兩歐
果然係遊客區

今晚張波飛

60歐坐中間位
算幾抵玩

奧林匹高都算離開市中心遠啦
而且仲要無乜車到
都幾唔方便
由火車站坐巴士坐左差唔多成粒鐘先到

奧林匹高既外形係
一D特別都無既
直頭唔覺得呢個係球場黎



更重要既係
我入錯左閘
搞黎搞去入到場都已經差唔多開波

睇左五場波
呢次係睇得最狼狽

更加大既問題係我個位唔見左
而且唔只我一個
仲有好多人都搵唔到
我極度有理由相信佢係賣左double飛

最後有個阿叔話佢隔離有位叫我坐先叫做有位ja
好多人都要坐樓梯
真心痴撚線

由過去到未來
我都覺得奧林匹高係全世界最靚既球場
而羅馬打比永遠都係呢個世界最好氣氛既比賽
我係狙都係咁話
作為一個首都球場
條跑道真係一D都唔礙眼
南北看台既弧形設計仲要好J到



雖然只係歐霸比賽
但到過意大利三大球場我已經好滿足

可惜佢封左作客區隔離既位
將主同客分到好開
近年已經好少可以見到坐滿呢七萬個位既情況出現

但我都估唔到呢場歐霸八強首回合既人座率都幾高
連主看台頂都坐滿咁濟

拉素既球迷打氣係睇左幾場最激情既
係連細路仔都屌埋一份
好撚正
而且場波真係勁黑
半場雖然打和都已經成隊走去投訴



當中又有D作宮球迷係主場區搞下事

入波緊係屌左老母先再算



最後贏四比二

開開心心咁散場
心諗羅馬兩隊波今年可以一齊打入歐洲賽四強咁威威
點知拉素作客竟然輸一比四出局

原來不經不覺係羅馬都行左廿幾公里路


DAY9 完

DAY10

朝早食完早餐check out就去坐火車番米蘭
唔知係咪之前放慣左上頂
已經有舖癮抬佢上去


去到米蘭再轉機場快線
買左張飛但D打卡機全部都打唔到卡既
差D比佢陰到不過無人查飛

唔知點解
成日有D撚樣係行李架前面行黎行去

好難唔令人懷疑你有野wor

係機場見到好多凍野賣
有芝士有腸

但唔知帶唔帶得番香港
最後淨係買左雲吞番去

去多哈班機



餓左一日有野食已經好好

第二餐件三文治空姐派漏左
之後又唔記得左影

DAY11

今次要係多哈轉機等八個鐘
如果係日頭既話
就可以有免費tour
但我係成夜晚十二點先到多哈
無tour又無床位

多哈機場最出名果隻熊

其實個機場就無乜野行
同阿聯酋相比真係差幾遠下

申請國泰張AE唯一好處就係送張PP卡
可以去lounge坐
但個場好鳩
而且仲要限時四個鐘


食物仲要極之難食

係完全放唔到落口咁隻

夠鐘出去原來個quiet room仲舒服仲好訓
差D醒唔到miss班機
好彩後尾多左香港人入黎嘈生晒嘈醒左

見到呢個牌真係差D喊出黎

係呢十日真係玩到身心都好累好累
終於回家啦

今次我揀左機尾坐
法國機尾係會仲有幾行位無係揀位果度顯示出黎
如果夠快既話直頭仲可以搶左一行位黎訓
不過我而家後面無人可以埃到好後好後
再加上格離都無人坐真係好正
尤其係最入面窗邊個鬼佬成八個鐘都唔洗去廁所
呢一程機真係咁多程最舒服

食完兩餐飯終於番到香港啦



不過一番到香港
又同屋企人食呢D野


全程
完


一次旅程
完左一生既心願
而家去過睇歐聯決賽
歐聯主場賽事都睇過
世界盃決賽亦都即將去睇
係估唔到兩年就完結左咁多年黎都想做既事

其實世界真係好簡單
只要坐言起行
乜都可以做得到

今次呢個旅程
除左可以朝聖之後
仲識左班志同道合既人
雖然唔知仲有無機會再聯繫落去
但呢個係一個好好既經驗
如果唔踏出去
就真係乜都只會原地踏步
雖然依舊仲係一隻毒撚
但我都覺得自己呢兩年係有D進步

即使溝通唔到
都有過嘗試去接觸
去接受下呢個世界
唔再活係自己既生活
我覺得真係好重要

雖然好似自言自語咁
都多謝每一個有睇我廢話既人

薩利亞 btw多謝巴打分享

自從樓下開左薩利亞
老母好鍾意去
多謝你睇晒

正

巴打，想問下去梵蒂岡洗唔洗預先買票？
同埋我見佢好似將d票分到好散，想問下有冇d類似套票？

btw,我都岩岩訂左鬥獸場門票，睇完巴打你個post 但無晒日間underground果隻，簡左個night 2018, 夜晚2020開始

多謝

好似得博物館先有得預約
大教堂要排
不過都係早d去就ok

羅馬有張羅馬pass
但淨係去得兩個景點
完全係呃錢野黎

夜晚入鬥獸場又好似幾正wor
不過小心入夜之後行d細巷

早知join你呢個 分開買咁多地方重貴

留名

lm

完晒啦