《新著龍虎門》重用三招了舊橋 老妖「神經病」忽然說教?
期第924期《新著龍虎門》,我睇到笑出聲。話說老妖惡鬥甚麼鷹爪門主,兵凶戰危間,老妖竟然話:「我有話說,雖然應該是白說的!我老妖是過來人,為錢為非作歹,沒好下場!」卻換來對手一句:「神經病!」梗係神經病啦大佬,劈緊友呀依家,打到一身血先嚟無端端說教,這是甚麼神邏輯?唔知仲以為佢係社工。另外,韋陀戰燕長空一戰,玩各打對手三招唔還手,韋陀先打,燕長空憑玄氣經捱得過,到燕長空打,韋陀憑九霄真經勉強頂得住,點知燕長空食言還拖。其實呢種打法之前舊著都玩過,無記錯的話,應該係蚩尤對龍貫天,一人一招輪流打對手,打打吓龍貫天笠水還拖,最後俾蚩尤一招雷霆擊鼓KO,不過講到嗰種血肉橫飛嘅畫面迫力同針鋒相對嘅對白咯喎,就真係新不如舊咯,舊著睇得人肉緊好多。
http://gameover.com.hk/?p=374815