健身初哥 減肥重點係重訓 （絲入）

玩左一年健身 都係一個初哥
有請教下啲師兄同埋上youtube 上網睇下應該點樣玩
想開post同絲咁多位絲講 要減肥就健身啦！

利申我係絲
開頭玩健身係因為想減肥 最後鍾意左健身


一開始減肥係靠跑步 因為仲未接觸健身
由一開始跑5分鐘行5分鐘 到最後堅持到跑半個鐘唔停
但因為自己其實唔鍾意跑步 所以靠堅持最多都係跑到半個鐘
咁減唔夠快 然後就去試健身重訓

好多女仔包括自己都係下半身肥
淨係想修下半身 咁應該做咩？
但其實我搵過好多資料 係冇局部減肥呢樣野！
你下半身肥啫係你肥 要減肥
肥你冇得控制肥係邊到 減亦都係
冇得話你要燃燒大脾既肥肉先
冇得話淨係瘦手臂
雖然係咁 但係你都仲有得揀
你可以揀係邊個位增加多啲肌肉去燃燒脂肪

好多女仔抗拒重訓係怕大隻
想同你地講 咁易練大隻 周街都係大隻佬啦！
你地身體仲要冇男性hormone 想大隻難過登天

我一開頭練重訓 身邊啲人都話我大隻左
然後我就驚 原來自己係脂包肌
開始練肌肉 肌肉多左 脂肪未減 脂肪加肌肉睇落勁
但再做返少少帶氧 已經瘦返仲要有線修

咁樣減肥最正係咩
係可以正常食野

請各位絲用正確方法減肥修身
大家一齊迎接今個夏天

No body cares!

LM學野

Lm跟絲打學野
利申岩岩開始練一星期

可唔可以講下每日做幾多重訓同帶氧？

聽日都要返工 慘了

本身要返工 盡量隔日做
一日一個大部位 例如胸/背
或加埋肩 / 3頭 /2頭
大部位做6-7個動作 每個動作做3組
一組8-10次

帶氧就睇心情

我都唔係好識 係康到玩 啲師兄會指點又睇下youtube

https://www.youtube.com/channel/UChMD47wga5QpBnplqBb2x8A

推薦睇佢

絲打留名

仲搵緊人一齊整仁愛堂gym 2人優惠

我係男
同你差唔多，不過我會跑一個鐘步
Only跑步 跑左半年 減左50磅
近2個月開始做埋健身，但係冇減過磅😂

我一星期做5-6日

新手Lm
有沒絲打一齊做高脂

同路人 成日係hall gym做 一係就campus 唔洗比人sell 想搵gym partner身邊又無朋友重訓

有無試過做之前食CLA??

如果想減上半身呢？

仁愛堂啲人好雜

啱啱開始試食 muslcepharm cla

食完180粒包膠

利申男

玩重訓就開始唔係睇磅數 係睇體態

有興趣

有無理大絲打一齊做gym

我認真答你 雖然唔知你係咪認真問

上半身肥係危險過下半身肥
蘋果形肥胖 體脂高 內臟脂肪高

減肥係冇得局部減 上半身肥胖 同下半身肥胖都係要靠做運動同帶氧運動
你可以上網search一啲上半身既重訓運動睇下學下 增加上邊既muscle

但除左呢兩樣最重要都係飲食
唔好食有糖飲品同埋零食 特別係上半身肥胖既人 千其唔好節食！
瘦得快 反陣得仲快