【美國】闖盪西岸半個月 閃婚 Road Trip 自駕遊

對唔住

2018-02-18
今日時間有啲趕，首先要去機場還車，然後再租車去洛衫磯。我地第二架車車係GMC SUV，係出發之前要醫飽個肚先，機場附近無咩野食，求其入左間墨西哥(?)餐廳食野
男朋友食左個有飯有卜卜脆係底的東東
我就食 Burrito 又估唔幾好食喎，個餡係薯仔+腸+炒蛋+少少芝士
因為太好味 我食晒先醒起無影相

依餐超抵呀，兩個人加埋都係廿零蚊美金咋！

然後交比男朋友開車去LA 喇GOGOGO




終於見到Los Angeles 既路牌，但係仲有排都未到

網絡時有時無，我地都係靠大氣電波解悶，為左令男朋友揸車無咁辛苦，我都堅持唔訓教！最後係失敗既，頂唔順比人影左好多極醜既相

半夢半醒既我不時望下出面既境色，真係覺得香港依個地方太石屎森林，美國真係好大，有好多地方跟本杳無人煙，連草都唔多條。快將香港拋誅腦後之制竟然前面有架雙層巴士囉。


所以唔好以為雙層巴士得香港同英國非洲先有，美國都有架(上星期北上見到深圳都有了)。

拜拜你條尾

留名

睇完唔覺SF有咩好玩

lm, 今年暑假想去

睇你點定義好玩
cliff house 果邊係好靚 好舒服
藝術館雖然唔係咁識欣賞但係同男朋友一齊笑下「比少少誠意好冇」已經好過癮
去旅行除左當地多唔多娛樂之餘仲要睇下係同邊個一齊分享

我果張唔算平了 新加坡航空 我係ctrip 買 4790
果陣其實主要想去LA多啲但係見SFO果陣平啲所以先諗住去埋
之後聖誕同新年前 香港航空、聯合航空、國泰
無論係去三藩市定洛杉磯都失禁式劈價
不過我係經連登仔最唔鐘意既ctrip訂

如果夏天可以係cliff house 同Santa Monica 果邊個沙灘落真係好正
一出就係太平洋

應該會係LA玩耐d，gta fans朝聖
快d出LA遊記

大鄉里出城，對所有野都好好奇，因為係三藩市超市見到啲蔬果唔新鮮又貴，突然見到三個牛油果先一蚊會覺得好平(香港賣都hkd$ 7-13)

沒有最平只有更平

基本上乜都可以影

同時感受到唔開窗又曬又少少熱，開窗又嘈又大風又涼得滯

一望無制唔知仲有幾多路，GOOGLE大神也 cover 不了




本身話唔訓教既，但係估唔到周公咁遠都搵到我，恰一恰埋眼聽到啲聲又擘返大眼，勁多雀屎跌落黎囉...啲雀仔夠竟係邊到黎??明明個天都無雀仔... 定係都市傳聞，飛機D屎係會噴出機係真既??

開始入城了終於，唔係好明點解途中咁多車得一個人穿州過省，明明又唔係放工/返工時間，住係香港真係唔太明白

快D去到酒店快D可以郁下，加油呀


明明話就快就快點解咁耐都未到...
天都黑喇


點解又要去機場還車...

有冇須要一日換三架車...


我唔明...我真係唔明...
不過算啦... 男人既樂趣黎架嘛...

啱啱自己一個獨遊完美西20日lm

推
終於到LA

Chevrolet Camaro
正

push

快d寫到結婚啦，

今次租車公司係SIXT，顯現唔係傳統公司
google 圖片

企係counter 的姐姐望落去完全唔係平時租車公司好平實既服務員，而係非常美國style 既女人，仲係好似美劇入面果啲八婆咁添！
不得講多啲今次租車既經驗，男友話依家公司就係話為遊客提供價格相怡而又有高級車款既租車體驗，的而且確佢啲車係又新又靚又有型。係入去之前，男友已經話到時無論佢sell d 咩都好都要堅決同佢say no 原來依間租車公司係網上都有唔少人討論過佢銷售手法有啲問題，會軟硬推銷你買保險。咁我地去到佢又係叫我地揀保險啦，男朋友已經話唔須要，租車需要的野已經係網上做BOOKING 果陣比左，佢就係咁話我地無第三者(?)/全保果啲，我問佢is it compulsory? 又拎張紙出黎話係加洲法例一定要有先可以攞車，但係我明明指比佢睇明明寫住optional，淨係對住張紙都搞左好耐。又話咩自身安全呀，架車比人破壞/ 偷野果啲，份保險講緊係50蚊美金一日，真係貴過你租車。最後佢都放棄唔sell 我地但係塊面超黑，男朋友就好好禮物笑笑同佢講我地明白如果啲咩事會自己負責，個八婆就話 that is not funny. I am just helpping you to protect yourself. If the car got any damage is all your responsibility.
跟住再話我地租果個class 既車都無 (本身男朋友係租bmw/benz convertible)，所以要比第二款車我地，因為我地係prepaid 既會有返 discount 退返落信用卡。
我諗係依到都搞左成個鐘，又要等，係車場我地遇到對台灣家庭，原來佢地都一樣比人sell 佢都係堅持唔加果個額外保險。

因為天都黑晒，我地拿拿聲放晒啲行李入車就開車走喇
無錯，開蓬車車尾箱又點夠位放2個大喼呢? 大喼放左後座又冚唔返個蓋⋯⋯
出面天氣得10 度8 度，所以我係著住羽絨笠埋帽呢埋係位到。

咦? check 車呢?

2個人都遊玩完美國🇺🇸而我都仲未打到一半
早知唔轉工。。。

係呀終於到喇，終於入城了

支持樓主

車都唔洗check

唉屌我上次係西雅圖係佢間公司租車上温哥華, 冇查過佢個背景就硬食咗個保險, 早啲見到絲打咁講就唔理佢啦