【美國】闖盪西岸半個月 閃婚 Road Trip 自駕遊

我一開始見到個post幾個月前開
仲有唔少回覆，以為一定已經寫完啦

點知
依加先入戲肉

幾個月無入黎
原來樓主仲寫緊

唔知樓主會著咩衫結婚呢

行程先寫左一半 開始記憶模糊

我都估唔到我打左咁耐...泰國都去完黎緊又準備去台南

我target 今年內打完

洗唔洗今年呀

搞掂晒啲野原來都有點晏，我地之前已經揀好左要重臨舊地，再食gordan ramsay 的 buger，雖然時間唔早但係都有唔少人等緊位，肚仔打鼓的我地好不容易先入座，竟然坐返幾年前的位置，一樣都係吧枱，唔同既就係今次唔係我自己一個食包，身邊多了個準老公。

準備要娶我既男朋友好似好興奮，點左2個包+ 2 個dish，係香港可能食得晒，不過係美國...

Farro-Quinoa & Chicken Salad串燒牛油果沙律 (好感動有菜食)

男朋友超想食既蘑菇煙肉醬薯條


Hell’s Kitchen burger

我的Farm burger 因為我鐘意食蛋



無錯! 最後沙律同薯條好似無郁過咁滯。

時間嘅嘢都係預鬆啲好 而家返工做到隻狗咁

好想食
幾錢左右?

實際價錢我唔係好記得啦，不過呢計埋稅同tips應該差唔多$100美金
相比起SFO and LA，拉斯維加斯嘅Gordon Ramsay 食物唔算太貴

咁又唔係超貴
話哂都ramsay
香港$800 都唔知食唔食到

但係佢係賣漢堡包嘅咋喎
佢仲有另外一間食法國菜再貴啲架我好想試...

啫係快餐店黎?
咁就貴喎

唔係快餐店嚟嘅，但係主要食漢堡包，你可以當係好似ruby Tuesday

Burger

2018-02-22

今日既行程本身係好舒服又well planned 的
我地打算先去行禮 > 影相 > 下午再去outlet shopping

首先執好衣服，化返個靚妝準備做新娘子。出發!!
落到樓下發現我唔記得帶我預先準備好既戒指...
所以又要上返樓，行上果條長長既走廊再重先出發... 咁樣行上行落又半個鐘
( 我記憶中好似仲漏左其他野又係行左一半 又要返轉頭拎....)

咁我地call uber 去到白色小教堂，提供 passport 啊 appliaction form / apprroval letter 果D 比職員。
事情永遠無法如你所願，萬事俱準 漏左文件
最重要的東西我地無帶，無得行禮... 又要返去拎...
問題係又要比幾廿蚊UBER 返去好似好唔抵，所以我地決定改去OUTLET 先，因為都比較近，行完OUTLET 再返酒店拎齊東西先結婚。

改一改計劃就開始shopping了，OUTLET 有分南北 2 面，可以揀好自己岩心水既去行吖，因為都分開幾遠下

等主題喇

仲寫緊

update呢

Lm

北面多舖頭 d，但响室外，夏天熱到 high high；南面响室內，有冷氣涼住咁行

我地去左nouth outlet
自己就想買件厚軍褸，竟然係American eagle 見到有件折左都係HKD$285，仲要厚毛毛，諗住結婚可以著黎襯返老公 因為佢都係著軍褸，而依到AE好似都係比香港平啲


Levis係依到都有outlet ，講真佢折左個價都唔平，計埋稅仲貴過香港咁，本身見到有件毛毛牛仔褸好鐘意都想放棄，點知臨行出門口見到佢寫學生巿85折 唔係本地學生都得架，只要你有學生証就可以了，優惠仲可以折上折架，所以男朋友買左幾套US$ 30兩件既tee恤，折埋計埋稅大概都係100蚊港紙一件，我件褸折左就大概480港紙，所以鐘意Levi's 想掃貨既記得帶學生証



黎美國最多女仔買既名牌一定係coach，而我亦係係依到花咁多錢，一入門口就派左張寫中文既紙仔比我，就係話全場貨品半價，折扣貨品6折 我見到啲細clutch 只係 US$25，我自己唔係好岩啲花花pattern 但因為有幾個阿姨我決定每人買一個做手信，sales仲同我講買滿200蚊可以再有85折。一睇就知我係土豪啦!! 咁我都買左啲飾物同clutch ，比錢果陣見到幾百幾百美金咁跳我仲以為我聽錯佢講既discount 計法，原來佢係全部入機用原價，原價成 700幾800 美金
計埋markdown 再扣折 只係180 美金唔洗 真係可以拎返香港賣