【美國】闖盪西岸半個月 閃婚 Road Trip 自駕遊

LM

我係大阪環球影城有玩侏羅紀
個陣著住件雨褸入去玩

臨走前見到有歌劇院


要同環球影城講再見，唔知以後仲有冇機會嚟到同一個地方。




做下ON9 野


大家記得有機會去，而依個牆仲未拆既話去影相喔

玩完環球影城
寶寶帶我去一陣好有情調既餐廳
環境好暗 好熱鬧好嘈 我地坐係bar枱，平時我地都好鐘意坐吧枱，一黎快啲有野食，二黎可以睇下佢地點樣調酒，bartender 間唔時仲會撩下你傾計添
嗌左兩份野食一份慢煮鴨胸，一份意大利雲吞（我地好小心睇清楚係咩餡咩醬，唔想再發生之前發生過既錯誤。我地係芭堤雅一間意大利餐廳，因為餐牌係意大利文唔識睇我地點左一個四重芝士餡既雲吞，再配芝士醬


點解？！點解又有紅菜頭？

食完我鐘意食既野，要去食男朋友鐘意食既，之前食左shake shack 依家要食 in and out
我就話香港都無得drive through 不如試下啦
然後我就拎去第二到食


去左santa monica 沙灘食。
依個地方係男朋友好想好想踏觸的地方，而我地最後幾日會留係到既，依家試下個夜境先
其實依到夜晚唔比泊車，但係無人所以我地停左係到食。
開住蓬吹海風食漢堡包， 個包一點都不好吃


我地食完仲聞到有人開車黎依到隊草

push

推

爛尾
嫁唔出?? 最想睇結婚果段

2018-02-21
開始行程之前無錯呀！又係還車既時間喇！
（雖然依間野銷售手法有點令人難受，但係車黎講又真係好正既）
（我曾經為左依架BENZ G系 撞左落燈柱）



還完代表啲咩呀？
又要租車呀喂

我真係唔知男朋友今趟租左幾多架車。。。

大家都知道租車無得指定要咩車，只可以揀類型到時有咩就比咩你，我地今次搵既係ALAMO 阿啦母
揀既都係Convertible，網上有既有機會係BMW 4 系開蓬

點知去到全部都係黑/銀野馬，仲有點殘舊，準備出車之前咁岩有架鮮藍色新返黎。
就揀你啦藍精靈！！


坐完雪佛蘭既配置，對於野馬有點失望

我自己影得唔好，所以搵左網上圖片對照一下

以下只屬本人意見與本台立場無關，雖然我識揸，但係唔熟車既，純粹觀感上啦
Chevrolet Camaro
Chevrolet Camaro 不論外觀同內餡都好型仔，因為天氣凍既關係，我成日開暖氣，佢個出風位係好似飛機turbo 咁既樣，好正，出風位有樣野好貼心，就係放係枝棍到，揸車果陣隻手都有暖風吹。 中控台好靚啦，芒夠大，介面清晰。開閂蓬只要長按一個制直至完成就可以，座位都非常舒服，後面dog seat 大家都係架喇。儲物空間都足夠，因為我成日都係出左門口先係車上面化妝。



Mustang
因為我地揀左架鮮藍色，所以成日覺得佢好似玩具車，而且租車公司打理得唔太好，內[籠感覺有點殘舊，暖氣方面你見到，中間三個做乜姐，都吹唔到自己既，不過有樣好既就係佢張凳可以調教三級發熱，屁股大脾同腰都會暖暖的。另外佢開門會有小馬燈射係地下。有樣野好低B佢開閂蓬車尾果到怪怪地，搞到有個細窗合唔埋，會有條GAP 走左出黎，而且閂蓬之後要手動扭返個手制鎖實。

我下次去都可能參考你呢個

攞完車我地食少少野就出發去賭城，我都無乜野做都係撳下電話 播下歌 傾下計


今趟車程都好似有啲長，大概行左個半鐘之後我地見到有休息站，男朋友話想痾屎，我地就駛埋去starbucks，好厚臉皮買左杯茶，佢就入左廁。成間starbucks 計埋我地 客人只有4個，佢員工都有3 個，係香港真係唔洗指意有間starbucks 係無乜人又咁靜，好奇點樣賺錢，一日可以幾多杯咖啡，成本係幾點....etc…

坐左陣連我自己都要方便一下...唔好意思

放低左幾舊金之後男朋友叫我係到兜下圈玩下，左駄我未試過，架車個頭又咁長，我係要拉到最埋張凳我先開到車，係幾過癮既。泊車我唔係好睇到個車頭，男朋友叫我試下可以咁樣泊車，係開蓬車既專利喎

我叫佢試下一陣咁樣開車ok

你下次去幾時呀
可能你去完我都未打完架

我？有牌 visa 都未拎

啋過你 無計啦鬼叫窮又咩唔中六合彩
做到隻閪咁都無心機無時間打...
依家記憶仲開始有D 懞龍

諗住都係去SFO LA VEGAS?

或者會去seattle instead of vegas 掛，未plan其實

比男朋友繼續開車去拉斯維加斯，我記得依程車我係唱周這輪比佢聽。
由圖片下刪數十字











多次以為就快到，只不過是妄想。



見到塊金色棺材板證明終於到了!!!








--------------

有文
vegas!!!

訂左MGM，因為佢價錢係最平只係四百幾五百蚊港紙，不過距離大街中心有點遠，但係無法啦，因為賭城會間酒店既resort fee 都好乸利，幾年前我黎果陣20蚊美金，依家已經要42蚊喇。興高彩烈地上房等男朋友可以休息一下先出去，原來房錢平係有代價...
大概就係行無盡的走廊，你看到盡頭嗎...?

(google圖片)

我地拉住喼跟住門牌房號，大概行左5分鐘都只係去到一半位置...
為左加快速度，我地決定係鬥快推喼跑

同樣係因為價錢平既關係，你唔好當佢係澳門五星級酒店，有D 野佢都係無提供既，首先水，是沒有的，平時酒店都會提供 2 枝樽裝水，佢係無的；然後咖啡機，大部份酒店(即使係knight inn) 都會有部咖啡機提供，用唔用係你既事啦，MGM佢係無既；好喇咁想煲水啦，水煲佢都係無既，如果要既話請打去服務台然後乖乖附上35$美金，謝謝......

【結婚登記篇一】
黎vegas 首要既任務就要今晚開始準備，我地要去登記先，咁就要去Las Vegas Marriage Bureau，我地去到既時候已經差唔多入黑，但係竟然有2個人派卡片問我地係咪結婚，可以我地搞手續同埋行禮，我地收左其中一個人既卡片，佢既教堂就係附近，我地話登記完再搵佢。

行入Las Vegas Marriage Bureau，如果之前未填form 亦可以即場online appply，我地就係到慢慢填返自己同埋家人既資料
https://clerk.clarkcountynv.gov/AcclaimClerkPreApp/

非常簡單，填完就行去格離counter 比錢，officer 知道我地係遊客所以都好用心講解比我地聽最後要點拎返張正式既結登証明，因為佢依家比我地既果張紙只係for 行禮用，行完禮後神父比果張紙都未係正式架，一定要上網通知返Bureau 再郵寄/自行領取文件先係正式完成。
係Vegas 必須要行禮及見証人，估唔到我倆唔係天主教徒都有機會行教堂。

粉紅色紙已經有晒所有的資料，睇唔明都可以問下Bureau的人會再解釋一下

Vegas

【結婚登記篇二】
登記完比完錢，我地就出返黎搵卡片果條友，原來間教堂就係Bureau 的對面街，我地泊車果到就係，佢係一間啡色既小教堂(入黑影唔到相)，咁岩入有新人岩岩行完禮同緊神父(?)傾計。

我地大概了解左價錢
因為我地無親友在場，都係諗住簡簡單單行禮就可以了，所以睇basic package，而officiates 係須要另外收費的 (上網見有人話會係神父，但係似乎是証婚人就OK了)，話係因為佢地係無收錢咁做喎，咁比幾多就請施主睇下佢地收費標準喇。


寶寶話其實唔洗咁快決定依間，因為佢之前已經睇中左一間叫A Little White Wedding Chapel ，好多名人都係依到結婚架，好似Michael Jordan 同埋結左55小時婚就離左婚既Britney Spears

所以我地又開車去睇
依間亦有幾個套餐比我地揀，而且有合符美式風氣的 Drive Thru
而且收費都寫好詳細，唔洗又加幾多幾多% 所以最後決定就係呢間，聽日佢又有時間比我地行禮，咁就everything is ready to go


*PS. 除左簡單package 外，仲有好多唔同豪華套餐，你可以租用埋佢架超長房車遊街示眾tim!

去到戲肉喇