【美國】闖盪西岸半個月 閃婚 Road Trip 自駕遊

2018-02-15 (GMT-8) SFO 比香港慢16個鐘，所以到埗時我地時光倒流到15號嚕
咁我地會由機場坐BART ((地鐵)) 由國際機場坐到Civic Center


BART買飛部機感覺上係歷史猶久的，如果講緊香港地鐵新型售票機係window 10既話，我相信佢係window 95。我地大概研究5分鐘先睇清楚佢係咩玩法，首先香港係直接係mon撳個站 佢就幫你計幾錢，你就入幾錢；而佢既玩法就好似日本咁要自己搵返你要去果個站要幾錢，然後! 你入左幾錢就係部機撳減幾多錢，一蚊一蚊或者五仙五仙咁減
同埋佢最多只會找$4.95比你，所以如果你得10蚊，又搵唔到兌錢機，而你程飛又唔夠$5.05 唔好意思囉咁就。

佢係一架都幾舊既列車，一行入車箱唔係話有濃烈既味道，不過有陣好陳舊氣味。非常非常之嘈同埋行經某啲位係刺耳既，同行既有對外藉父女都掩住對耳苦笑
https://youtu.be/Gb0Jqfsi_wc

我地一路打喊露一路留意住自己去到邊個站，因為佢地無電子顯示牌下個站係咩，而係靠個車長係個MIC 到好𠼱咁講Colma、Geln Park
咁人地英文聆聽邊聽到好似native咁姐，佢個綫路牌果條黑綫就代表有埋站，我一開始仲以為白色點點先係...好喇終於到Civic Center，又係好舊既地下鐵站，又殘殘舊舊又多蹟，好似十年無人清潔咁...咦呀死喇啲港女格出晒黎...

push

努力寫作中
唔知點解放係電腦UP既手機相變晒做頭已側
要用手機upload先會變返正常 好苦惱

去左玩，依幾日可以毒留家中打文

到黎 依到就係我第一眼既舊金山喇

酒店好近，一出站過馬路轉左就係Holiday Inn 都算幾方便，Checkin完放低行裝我地就出去搵食喇，咁男朋友就好鐘意 burger 佢又一早搵定左到埗後有咩地方可以比我地食返餐，所以我就跟住大佬就可以了
由於見唔係好遠，我地決定漫遊一下三藩市，但係真係一步一驚心，因為由Civic Center 一路行週圍都係尿味，有時會見到大便 ，我都分唔清係人定係狗 ，黑人亦有唔少，細分如下
https://static.fjcdn.com/pictures/Nigga+nigger+niggest+this+five+word+rule+is+silly_11dc1c_3668448.jpg
((真係好衰廢事貼相))
屎尿其實都算 最驚既好多癡線佬 醉酒佬對住橙柱鬧，我敢講依到既癡線佬一定多過連登，仲要好多道友，男友仲話見到有道友拎左枝針筒出黎吉
我地行到United Square 附近的 Super Duper Burgers 其實都差唔多係downtown.
我就唔係好肚餓所以嗌左個包+薯條 倆份食
依個係super burger $8.25 + Add Cheese $0.75 + Garlic Fries $3.5 + Add Three Dips1.50
(Super Sauce, Housemade Mayo, Chipotle) 咁就$14蚊喇仲未計tax

講真佢個包同薯條又真係幾好食既，包夠juicy，薯條又有香蒜頭又有芝士，超級邪惡，唔怪得美國人咁鬼肥
食飽飽我地又漫步一下睇下建築物 望下d人，果然愈近downtown 痴綫佬都少啲，反而多返D中國人同韓國人同埋名店

有興趣睇下Google境既朋友可以望下
Down Town: https://goo.gl/PnWjPa

2018-02-16
唔知係咪訓唔慣同埋間房太光 我地兩個都好快醒左準備今日既行程：漁人碼頭 COIT Tower, SFO Art Museum, United Square
由Civic Center搭BART 係Embarcadero落車經Ferry Building沿住海邊行去食早餐既地方，不過原來都少少遠同埋我又係咁影相，book左11點都遲左搭三先到


見到依個指示板好有感到平時睇電影去左英國火車站準備出發既畫面
https://youtu.be/8sspBdmgiLs
佢有好多唔同碼頭，仲有見到豪華郵輪添


終於行到余文樂碼頭喇Fisherman's Wharf，終於可以食野

慢慢出唔好走數

我見人地啲遊記好多都係一兩篇就一日
我就真係望住手機啲相跟返住咁打 當佢日記咁⋯⋯
好似好長篇大論唔知係好定係壞

咁近城隍廟緊係食返餐海鮮啦，之前上網 (yelp) book 左 Fog Harbor Fish House 見佢地d pasta 同埋海鮮同埋 clam chowder soup 好吸引，當然無得彈既係可以望住海邊同船




Linguine 侍應好好人咁幫我地分開左2份比我地share
有樣唔係好習慣就係太熱情咁問你有冇須要，雖然都知係小費份上，但係佢地好鐘意係含住啖麵、飲緊湯既時候問你is everything all good? 同埋見你食完就會比張bill 你，唔似香港餐廳你想坐多陣先叫佢埋單...
總數連小費係US$93 荷包既第一張百元美金就係咁吞左入肚嚕

恭喜哂 快啲到閃婚嗰part啦

仲有排喎

好正
三碟都成舊水美金

都幾貴喎...

係樓上望下依到係，好多顏色不過我無咩興趣入去果啲鋪頭到睇，不過呢就有個地方吸引到我去。


無錯喇係個咁逼狹既碼頭入面竟然有個迷你迴旋木馬 佢又幾靚既不過我諗都好貴，所以都費事行去睇，淨係係側邊影幾張相放上story算數。
然後我地繼續行，穿過左依個遊樂園，見到既就係一片大海

三藩市的日與夜對我黎講分別都幾大，朝頭早係一個正正常常遊客觀光的地方，而夜晚就係一個街角會充滿住奇怪瘋人的城市，不過就等我好好享受一下依家冬日陽光先，因為你唔好睇有人著短袖衫，其實氣溫大概係10度左右，我今朝換好衫出左酒店門口都頂唔順要加返條legging同 heattech打打底先得。講起享受陽光點可以唔提下依到既境點：海獅
第一眼望到佢地既時候係覺得好神奇，海獅對香港人黎講似乎係一種遙不可及的動物，除左係海洋公園有機會見到佢之外，佢就應該生活係北極附近凍冰冰既環境，令岩岩到埗的我都停低腳步望下聽下佢地搞咩。其實佢地班友都好嘈，不過諗深一層佢地睇人類又何嘗唔係呢? 我地佔據左其他動物好多的位置，更加污染左佢地既海洋，實在有少少感觸同唔好意思

行下行下又行返到正門嚕，個feel好正 因為有人係到吹sexphone Saxophone
https://youtu.be/NVLVOpd6cr8

係香港以外的地方見到雙層巴士有份親切感

然後我地就等待39號巴士上去COIT TOWER

係呀 其實三樣野加埋應該大概60-70蚊
不過加依樣加果樣就90幾了

都無辦法鬼叫依到係遊客區一定係劏你架喇
小費都18%起跳

由於等極都無巴士，我地無限自拍左多次後 男友提意不如坐係碼頭門果幾張凳到等啦咁曬。好啦唔坐又至可，一坐架巴士就到，但係因為司機見無人上落 直接駛走。。。OK 我地又要再等下一班，唯有死死地地乖乖地企返係巴士站到等。
終於等到有巴士，咁我地無散紙諗住直接入張十蚊入去佢部機入面啦，點知司機【Nonono is too big! 】咁我地話比佢知我地無散紙呀，司機同我地解釋巴士部機無得找錢架，一係入少D一係就Come on！Have a free ride. 哈哈估唔到啲司機咁得意，竟然賣一個人情比我地依對黃皮遊客，多謝晒喇咁就！
Coin Tower 位於電報山上面的Pioneer Park，係1933年時建造的64米高Tower，可以居高臨下俯瞰舊金山的景觀，要上去當然又要收費啦，盛為每位遊客8個大洋。盤川唔多上去又唔知有乜做 又好多人排隊，我地都係打個白鴿轉算喇。係COIT TOWER入面圍住一幅幅彩繪壁畫，不過因為好多人排隊遮住，我地都無辦法影相甚至睇唔清楚係講緊咩故事。
無辦法啦，當到此一遊影返張相就算喇。

之但係其實依到都好靚既，圍住邊邊行都有三藩市唔同的景觀，有海洋亦有城市。佢有個花園仔，有啲當地人(?) 或者遊客係到野餐，都未嘗唔係一件賞心樂事！不過你見到啦，啲樹太高影唔到啲乜野，所以我地都靜靜地離開依個地方。

見返今朝係碼頭見到果隻郵輪🛳

推

無乜人有興趣

買飛我冇記錯
如果冇散紙
可以買貴啲嘅飛
跟住出站嗰陣部機扣完錢見張飛入面仲有錢
就會退返張飛出嚟畀你下次用埋剩返嗰啲錢

用到$0 就會收返張飛

之後我都無搭過巴士了。。。

你讀過CITYU -ASSO?

放心, 我識你, 唔會爆你出黎
恭喜絲打

So sweet congrats