【美國】闖盪西岸半個月 閃婚 Road Trip 自駕遊

我成日都自爆，不用怕

好喇要走，頭先又賤格搭左一程免費巴士，我地又唔消費，唔振興一下當地經濟，邊有錢落返山呢？無錢就用腳行啦！但係又比我地發現在原來有條捷徑喎，行樓梯一下子又落返黎喇。


三藩市依到好多地方都好似山丘仔咁，個個block都係起起伏伏咁，有D路仲斜過港島咁，淨係行上行落都好快累。

因為之前係越南粉紅色教堂影左張放閃照好靚，所以行到黎華盛頓廣場 公園對面依個Saint Peter and Paul Church 我都想返張靚相，可惜無帶腳架又搵唔到好位置，所以D相一係斜一係斬左教堂個頂頂。而依個公園好多小朋友係到玩，後生仔係到heaChill，同埋老人家係到散步，咁岩就有對講廣東話既老人家坐係附近睇住我地自拍


成日都不停行，身為都市人認真唔多慣，男朋友話依到距離下一個景點行去有啲遠，搭BART又唔係好方便，我地又無散紙搭巴士(又要唔知等幾耐)，不如試下搭uber 啦! 作為UBER同總部，依到既UBER 又多少少function 就係uber pool
uber pool 既玩法就係幾個唔識既人去同一方向的目的地，夾埋一齊坐uber
uber pool 專車 就係發起人，平過uber x但貴過普通uber pool 的rider，不過司機會去你指定目的地接你
而uber pool就係搭順風車既，收費最平，但係就要去司機指定位置上車。不過如果接單果架間本身無載緊專車的客，佢都會去你位置接你。
uber pool 依個設計非常之適合2個人既旅行，因為 uber pool 最多只會接2個人，而單人同雙人既收費大概都係2-3蚊上落，所以相比起uber x 甚或至係的士，都係非常抵玩既交通公具。
而我地去搭巴士/bart 兩個人大概都要$5-6，咁比$7-8 搭uber 就可以點對點去到我地既目的地實在係慳時間慳腳骨力的選擇。



竟然坐到架寶馬三系(好似係) 同車有2個rider 個樣好似大陸人不過其中一個講得一口流利雞腸

幾時到戲肉

無甜架喎

閃婚

唉依家返工好難打文...

係sf唔應該住city hall果邊，地點唔算話好方便加上果邊黑人同homeless都比較多
係三藩市內酒店都比較貴，妳地應該直接係機場租車，住附近d酒店，價錢低d環境好d，朝早先再開翻入市區

泊車都貴呀 不過都係住兩三晚

樓主又話租車?
咁耐都未揸嘅

打緊喇

好似剩係bart 先得

SF 泊車好似全國最貴
我之前去同啲local 吹水佢哋話令願搭bart 都唔揸車

係sf唔應該住city hall果邊，地點唔算話好方便加上果邊黑人同homeless都比較多
係三藩市內酒店都比較貴，妳地應該直接係機場租車，住附近d酒店，價錢低d環境好d，朝早先再開翻入市區

泊車都貴呀 不過都係住兩三晚

SF 泊車好似全國最貴
我之前去同啲local 吹水佢哋話令願搭bart 都唔揸車

最貴一定係Manhattan啦，weekday一個鐘全部都係十幾蚊起
sf呢幾年d物價又真係升得好快，以前都無咁誇張

岩岩返新工要偷時間打 唔好意思
即刻繼續先, 希望唔會無晒癮啦

好喇終於到埗，去到三藩市現代藝術博物館，兩位嘅入場費加埋好似係$50，其實我哋去到嘅時候都已經差唔多三點鐘，博物館呢就係收五點，佢又刷刷所以都諗緊兩個鐘頭夠唔夠時間行晒，不過其實佢啲展品都唔算好多，所以走馬看花咁嘅話都睇得晒。
我自己就好鍾意行藝術館同埋博物館嘅，不過呢一個現代藝術呢我就唔係太識得欣賞，雖然有一啲作品真係好特別，用到唔同物料去製作一幅作品，有啲感受得到畫家當時候嘅心情，不過可能係因為同男朋友一齊去，佢就成日講啲嘢令當時候認真嘅環境變成一場笑話。因為都行咗成日，隻腳都好攰，但係當睇到呢件作品嘅時候都忍唔住企左係佢面前笑左幾分鐘。

可唔可以俾啲誠意啊大佬？ 其實藝術依家野我真係唔識。

佢有個 area 放左舊時代的產物，我諗我都會留返起依家本MacBook，等二三十年後可以出展覽，一定 fatfat嚕

我哋去嘅時候聯合廣場周圍都係圍左板，有工程做緊，估唔到喺The Cheesecake Factory 依到可以望到 United Square 的全景，所以我地係到企左陣，欣賞一下呢一個打卡名勝。






男朋友其實係一個港女，所以我早前為佢搵左間甜品鋪係食芝士蛋糕既，睇完藝術我哋又未見肚餓，又有啲累，就決定take away返酒店享用。
依件就係The Cheesecake Factory的芝士蛋糕
無記錯係Adam's Peanut Butter Cup Fudge Ripple Cheesecake
講真唔好睇佢細細舊咁，佢都幾聚手

我唔係好嚐甜，汽水甜品糖呀朱古力我都唔多掂，不過想一齊感受下美國食物有又唔健康，我狠狠地畢左一羹放入口。

「嘩～媽呀」我好似將成個人浸淫係花生醬同砂糖入面，口腔咸甜交錯的，加上toping 脆脆既口感，感覺實在令我明白到美國人咁肥係有原因的。

樓主其實係咪想講Union Square

無錯手機auto correct

食咗兩啖甜品之後都係覺得唔可以再食落去，如果唔係夜晚就會食唔落我哋預先打算食既晚餐，因為今日由朝到晚都已經行咗好多路，我地都好攰，我地攤左係張床到，男朋友話想恰十分鐘，咁我就玩下電話咁，點知撳撳下我都瞓着咗。
「喂做咩你又訓著左？仲打鼻寒」
男朋友搖醒我，一擘大眼原來已經由7點鐘變成8點半，其實都好鬼攰，但係我哋又好想食嗰間餐廳，所以最後都係無搭巴士/地鐵 去左call uber 去 Tony’s Pizza
咁樣呢佢哋有分餐廳同埋外賣兩邊嘅，買嘅嘢都係一樣，但係呢餐廳就要俾小費，所以呢我哋就決定外賣拎走，系出邊食。我哋帶咗一個意大利色嘅攞過獎既Pizza，同埋一個sub，sub就唔好提啦，因為佢係大量辣椒包住一條肉腸同埋超辣，我咬第一啖就忍唔住眼濕濕。不過呢呢依個Pizza超好食，佢唔係我哋平時食開嘅千島醬或者茄汁底，而係有一種酸酸甜甜好似果醬咁樣嘅，上面加芝士同埋巴馬火腿，在喺上面淋balsamic vinegar(應該係）



好食既野要再講多次，真心好好食！！！平時我都唔多食pizza都係食一塊就算，但係依個pizza我食左一半
食到飽飽要行個圈散下步，想去買個野飲，而我地由落機到今日都唔係好見到好似香港咁周街都係既 7仔，習慣香港既生活真係麻Q煩。我地就問下途人有冇 convenience store，佢就指左我地去 liquid store (學會了新事件了)，點知基本上都係賣酒既，同埋汽水，我就唔飲甜野，所以都係返去飲水算。。。

Welcome to America and have a nice day.

個紙皮