[PKM]澳洲國際賽次旅

握

Day 4 續一

回返帶先,之前講過Olympic Park站附近未有個澳職球會既足球場既,我地就都係係CENTRAL搭TRAINS過去。我最初以為呢個球場係悉尼FC既主場,不過原來係另一隊澳職西悉尼流浪者既主場,佢場個主場叫ANZ. STADIUM。睇返資料, 西悉尼好似2014年拎過亞洲聯賽冠軍盃,不過呢幾年沈左,所以無悉尼FC咁出名。

果然,始終唔係悉尼最大球會,實力同名氣都低少少,所以球迷唔係好多。
波飛價分兩種,中央位就46AUD,籠門前後位就23AUD。







我都係足球愛好者黎,澳職既足球風格都係好英式,即高Q大棍,粗支大葉,長傳急攻,底線傳中多。球技唔係好幼細,不過好在多入波, 西悉尼入左4球,入場就有7千幾人,多過香港超級足球聯賽既觀眾,睇完波就返屋企了。

P.S. DAY1搵左CENTRAL好多人食個間沙嗲馬拉野食晚餐,不過趕時間去睇波就無影相,但都幾好食。係球場就食左隻熱狗,味道同IKEA差唔多,不過大隻D。

推

推

Day 5

呢幾日,一來想懶下(打完香港比賽),另一邊又較忙(返工),所以無出POST。不過有始有終,趁香港下次大賽前,完埋呢個遊記啦。

去澳洲除左去悉尼歌劇院之外,都仲有另一樣必做既野。就係捉袋獸睇袋鼠同唔L係掛(樹熊)。同隊友傾好左用搭船呢種方法去動物園,因為可以睇下海景同想係澳洲搭下船。

我地朝早又係去返Circular Quay,因為呢度有船去動物園。我地先係附近食左個算係LIGHT D既早餐，奄列加多士,連野飲大約20AUD,之後就去買飛。


動物園套票連船飛,要50AUD,唔太平都唔太貴啦,咁我地就上船去動物園啦。

推

推

Day 5 續一

落左船上左岸,發覺動物園門口唔係碼頭,原來一係行上山去南入口,一係坐吊車去北入口,咁就梗係坐吊車啦。




吊車可以坐6個人,工作人員就塞爆6個人入去,咁就我地4個隊加友,再加2個鬼妹,問左佢地邊到黎,佢地話係悉尼。上到去就見到有紀念品店,咁我地就當然想去同搵袋獸對戰(睇袋鼠)先。





袋鼠應該係比賽溫馴既動物,所以我地只要行入一個養住袋鼠俾鐵絲網圍住既區(入邊既木欄都只係到膝頭之下),就可以睇到佢地啦。有D攤係樹蔭下,有D去食野,有隻袋鼠仲拎住一個草球係手,我地仲笑話佢應係一隻帶左回復果既袋獸。袋鼠雖然而家多左動物園有,不過可以咁近睇到佢地都幾正。

推

推

淨係玩過pokemon showdown
好快厭，ou來來去去果幾種打法

雙打變化性大Ｄ

Day 5 續二

睇完袋獸,就去睇唔L係掛(樹熊),除左袋鼠,而家POKEMON都有一隻參考樹熊既POKEMON, 樹枕尾熊。佢既特色都係同樹熊一樣,都係經常攬住棵(樹)木訓覺。

不過我地見到個兩隻,雖然有一隻訓緊覺,但有一隻食緊野,仲係食緊樹葉,個樣都唔L係掛張圖都有8成似。

之後我地就行去睇埋其他動物啦。

推

Day 5 續三
其實我地去動物園最主要目的都係睇袋鼠同樹熊,不過俾得入場費,當然盡量去睇哂佢,有既動物唔詳細寫啦,一次過數哂出黎算啦,
有蜥蝪,貓頭鷹,科莫多龍,長頸鹿,象熊,猩猩,老虎,啊祖(草泥馬),羊等等

推

比較好奇日月隻火主火貓有2個人用
樓主都話苦戰
隻野勁係邊
利申廢手

識下馬威（即封對手行動一回合）
高特防，火惡系仲識格招

showdown 見random battle 果隻好似係 item AV + 威嚇
下馬威+火惡雙本
最後一招u turn 打遊擊

不過火系遊擊好怕岩釘

雙打無岩釘同少蜻返