好多謝你打咁大篇支持。
好多謝你喺我寫得咁慢嘅情況都刷咗十次!(你痴線嫁?)
我諗呢個故,真係有共嗚嘅人,
心入面一定有過一個李紫彤,
愛過,傷過,念念不忘。
(女讀者們你哋將啲性別掉轉咁睇,自己代入馬駿堯,再唔係就自已代入做李紫彤啦。)
普通讀者可能唔知,但係識我又睇過我篇文嘅人就會知,裏面大部分角色都係我生活中真係存在。
每個角色我都喺佢哋現實個名抽一個字出黎改嘅。
(金智泫呢個係例外,呢個人由頭到尾都係FF嘅,後面有佢嘅劇情都係FF嘅。講定先,廢事一陣「李紫彤」以為我呃佢。)
我睇完你個回覆,你話你唔記得陳家琪個名點寫,嗰下我心都離一離。
我真係連自己都唔記得,現實中佢個名係琪定琦。
我甚至連佢個名點寫都唔記得。
當然我可以呃自己,話自己又無同佢一齊讀過書溫過書,唔識寫都好合理。
但係我一直都中意同熟嘅人用中文名相稱,呢個藉口連自己都說服唔到。
諗諗下我發現自己原來不知不覺都做過一個仆街,都負過心。
嘿嘿。
你執到啦,李紫彤推post我都唔敢覆咁長,當係第100個正評嘅獎勵啦。