[長氣多圖][絕不爛尾] 南九州公式過年之旅

高千穗果間用長竹好似仲特別d

好似好虛無咁 d 景點

差唔多啦
係無天守閣果d睇下
不過我鍾意宮崎多過鹿兒島

宮崎靜啲同風景靚啲

如果有多一日可以去埋綾城同照葉大吊橋

Push

文呢

尋日有野做
今日睇下有無時間蛇黎出

之前搭隼人之風直頭有一卡用左指宿玉手箱個車箱

之前我係第二個post都講過，呢度都講多次啦

JR九州有兩卡キハ140後備車，一架係指宿玉手箱塗裝，另一架係伊三郎新平

當熊本運轉區既翡翠山翡翠要後備車卡就會借用伊三郎新平既キハ140

而鹿兒島運轉區既隼人之風就會借用指宿玉手箱既キハ140

翡翠山翡翠都要用後備車

DAY4 終

指宿既最後一站
係HEALTHY LAND
佢其實係一個集團
除左露天溫泉同砂浴
仲有其他好似室內溫泉 餐廳同泳班咁
不過主打就係山川砂蒸溫泉同埋玉手箱溫泉呢兩個

坐巴士到HEALTHY LAND入口落車

去露天溫泉仲要行十分鐘路先到
巴士一個鐘一班
如果要兩樣都玩晒
起碼要預兩班車既時間
所以我就預到尾班車既時間離開指宿

沿路都好多指示牌


仲有隻猫仔跟住你行


座山好靚

個露天溫泉可以望住座山黎浸

咁我覺得如果浸完溫泉沖乾淨晒涼先去玩砂浴整烏糟自己好ON9
所以就去左浸砂浴先啦
首先係露天溫泉買套票

其實砂浴果邊都有得買
無咩所謂

去砂浴場中間會經過呢個鹽工場

期待已久既砂浴

鹿兒島既一大特色
唔知點解其他地方無呢


拎住條抹身毛巾去到個場佢話唔夠
仲要比多200YEN買埋佢條細毛巾
一陣要墊住個頭
都幾識做生意

佢會比件浴衣你入去換
入面乜都唔好著
換完衫記住記住記住帶埋手機出去
職員會幫你影唔同角度好多相

終於試到呢個傳說中既砂浴

聽講D砂會好熱
又好重

但我一D熱都FEEL唔到
比海風吹住仲有D涼
佢建議大約十至十五分鐘就夠
但我過左十幾分鐘都唔係好夠喉
同想像係真係有D出入既

不過因為仲要過去露天溫泉
所以訓多陣就起身
D砂真係唔重
自己起身都無難度
不過一起身
就發覺成身都係汗
咁我諗
都算係叫做有用既

沖完身
入面都有個細細地既室內溫泉
不過一陣有個大既露天溫泉浸都唔係度花太多時間係度

原路番去露天溫泉
諗住終於可以睇到個無敵大海景
結果番到去佢竟然話唔比入
話入面FULL左
要排隊等叫名

其實時間就唔多淨
一邊等就一邊諗住架尾班車開左點算
老母就叫我算啦唔好浸啦
我就死硬頸一場黎到就算得幾分鐘都要浸
問職員話尾班車走左點算諗住比D壓力佢可以快D放人
點知後面等緊既韓妹插口話的士番去指宿3000YEN左右
咁我都無野好講

最後等左差唔多三四個字先入得
入到去多人都爆炸
連沖身既位都無晒
心諗岩岩沖完涼
就直接落水算
等左咁耐終於可以試下個無敵大海景
入面無得影相
得示意圖

靚真係好靚
但實在太多人
好似入到公眾泳池咁
當場乜MOD都無晒
心諗上次去伊東
果間DHC日歸溫泉真係無得輸
地方又大
仲有護膚品放題
又係對住太平洋
仲要車你去到地鐵站

呢度個景雖然幾靚
但設施就麻麻
更衣室好細
又多人
搞到我對呢度無咩好感
仲因為排隊晒晒時間要趕尾班車
浸左唔知有無十分鐘又要上水換衫走人
完全無辦法好好咁享受

結果尾班車都好多人
要企到番去指宿
我建議如果用JR PASS既可以去到山川站就落車
因為指宿架JR都係由山川開出黎
可以唔洗企到出指宿站

回程唔係坐玉手箱

架普通車感覺坐左好耐咁

鹿兒島車站有間好大既手信店
買完手信番酒店放低埋
就係車站個AMU商場行下
原來呢度都幾多野食
早知第一晚就黎呢度唔洗食頹食

雖然都過左一日
我都仲係覺得食唔到炸豬扒好唔甘心
咁周圍搵下鹿兒島有咩豬扒飯好食
原來係AMU商場都有間炸豬扒都過3.5分既
叫做かつ寿
就決定係呢度食鹿兒島既最後一餐夜晚

入面大部份都係BAR店位

餐牌

唔理啦
就試下佢最貴果隻黑毛豬

D咖哩汁係老母果邊拎既

食落去真係堅有肉汁
明顯好食過阿姨點果款普通豬扒
都叫做滿足番果少少遺憾

走果時已經收舖唔比入

呢間野GOOGLE MAP寫八點收工
但實際係九點先收工
所以都係唔係信太多
如果有官網直接上去睇比較好

番房執行李
諗住如果前一晚寄既話聽日可唔可以送到去宮崎
結果佢都係話唔得
要隔一日先到
所以之後果兩日
我都無行李無衫可以換
又無拎住大褸出黎
結果未來果兩日係凍撚到仆街

DAY4 完

多謝巴打解答
翡翠山翡翠坐中後備車好慘，翡翠山翡翠靚好多

覺得玉手箱溫泉好正，好彩去個時冇咩人
專登揀開右邊個日去，望住大海同開聞岳浸超正
如果可以睇埋日落浸更正，可惜要搭尾班巴士等唔到日落

無人應該幾好
我老母都話女湯果邊無乜人
同埋好多阿叔去沖涼
一邊沖一邊剃鬚

長崎鼻果到我覺得好靚喎

我都覺
成個指宿最靚果個位

評已正
黎緊8月尾我都會去鹿兒島

係架，但本身架車都要做維修/多客時加卡，所以實有機會用後備

北九州定南九州好玩

why not both，利申九州打手

高千穗個流水麵伏到仆街

九洲個動物園正