[長氣多圖][絕不爛尾] 南九州公式過年之旅

我都無好好explore宮崎
用左一日去日南 (又係極度推介) 夜晚行Aeon Mall
一日就9行 夜晚睇聖誕燈飾

我仲有綾城大吊橋果邊
同埋宮崎神宮果D想去
諗諗下如果再去南九州
去多次完全唔同行程既都得

大吊橋我係離開宮崎時去
條吊無乜特別
但渣車上去條路好似頭D咁

渣車同坐鐵路真係好難揀
渣車可以去多好多地方
但步兵又可以享受到鐵路之旅

一次鐵一次揸咪剛剛好囉

Lm

應該再出多三四篇就可以結束今次呢個遊記
雖然今年會去兩次歐洲
但最想去始終都係日本
諗住今年制霸成個中部佢
去晒春天同冬天既白川鄉
每次PLAN行程已經好似去左咁

DAY6 續

架巴士得我地包車
去到城下町按左鐘落車
點知司機話係飫肥城呢個站落先最近
日本司機真係好好人

落左車就會見到呢個城下町案內所


大約十一點半落車
係度逗留一個鐘左右
搭1240班車出鵜戶神宮

其實今日係有少少趕
問左老母同阿姨意見
佢地都話朝早食左KFC唔肚餓
所以今日決定放棄LUNCH爭取時間

行出去轉左

一條直路就係飫肥城大手門


飫肥城本身就無料既
不過城下町就係由七個館組成
有610YEN既套票可以買到

不過時間唔多而且好多館都無乜興趣就無買

大手門


仲係新年期間
門口都掛住兩支國旗

飫肥城入面有學校

希望大家唔好以學生為攝影對象

入左大手門右手邊已經係學校範圍

禁止內進

左手邊入城

已經見到飫肥城最出名既飫肥杉

呢一堆數量比起本丸唔算好多

繼續行就見到資料館

感覺好細間伏味濃
所以都係無入

學校就係格離

新年應該放假無人番學

繼續行

左轉係松尾之丸
前行就係本丸
去左本丸先
而本丸既飫肥杉都已經過百年歷史

睇番飫肥城既古圖

並無天守閣之類既建築

一入到本丸
成大片既杉樹林盡在眼前



好寧靜好舒服
係個好有靈氣既地方

後門唔知係咩黎

無出到去睇

不過都係有D樹已經枯左要劈

感受完種靈氣就去埋松尾之丸



其實即係御殿之類既野

無買套票就需要比200YEN入場
我覺得幾抵玩

成個飫肥城都無咩人
比起指宿D景點真係舒服好多






邊條傻仔真係會用呢個觀賞用廁所



成個城唔算太多野睇
但淨係睇飫肥杉都值晒
仲要免費參觀
飫肥城真係幾值得黎

下面城下町都算係一個古城


幾古色古鄉

出番去飫肥待合所既巴士總站搭宮崎線去鵜戶神宮


續

樓主對炸豬扒有份執著 好可愛
10月尾我都帶老豆老母去南九州 見自己都開始有收入做下孝子
最近搵下資料 南九州地大車班次唔密 去好多地方都要搭好耐車
想去屋久島 但又怕船程折騰兩老
Btw 高千穗影得好靚

我係對得唔到既野有份執著姐
無去過屋久島
不過我諗應該唔係咁適合帶兩老去掛

每次都係停係最後果幾篇度
今日出埋呢一篇
應該再出多篇就可以完左南九州
以前
有幾次都係出遊記會出到去旅行都未完
不過今次
終於可以旅行前寫完
或者應該話
今次真係影少左好多
畢竟仲要照顧其他人
要兼顧太多野的確有D難度

DAY6 續續

由飫肥坐到鵜戶神宮大約要四十分鐘車程
坐係海邊可以睇到好多類似鬼之洗衫板之類既海岸
所以呢程巴士
記住記住記住坐右手面既座位
好似我咁坐左左手邊
係咩都睇唔到架

而由呢個站上車既乘客
以後幾個景點基本上都會一齊落車又一齊上車
好易認

鵜戶神宮巴士站


大約70分鐘一班巴士
我覺得呢個時間岩岩好
兩個鐘既話又會太多
留太耐就會失去其他景點既機會

鵜戶神宮山地圖

神宮位置係山後面
離巴士站有一段距離
預半個鐘來回
半個鐘參拜就差唔多
本殿即係山洞其實唔大
唔會花太多時間

先爬幾十級樓梯

就會見到鵜戶崎隧道

呢度寫離本殿大概十五分鐘距離

我覺得真係差唔多




又落番樓梯


鵜戶神宮既新年熟食檔明顯比起霧島神宮既規模少好多

唔知同落雨又有無關係呢

難得老母竟然想食街邊小食

不過佢話都係麻麻地

其實真既
呢D小食
好多都係好睇唔好食
味道真係好香
但好多都係伏黎
而且價錢唔平
我自己都成日忍住唔食

終於到入口



夫妻岩

同雀岩
好似係

成個神宮都係沿海建成
如果唔落雨
應該會行得幾舒服

最後會黎到條橋

參拜就要行左路


下面就係傳說中既本殿


細路仔曾經跟團去過一次九州
我有印象去過一次海邊既神社
但就諗極都諗唔起係邊度
淨係記得有好多人
要落樓梯
同有好多繩既

照計都唔會係鵜戶神宮
所以呢度我應該真係第一次黎
掛

本殿起係海邊山洞入面
真係好特別

去得多神社其實都係大同小異
但鵜戶神宮係真係與別不同
我覺得係一定要黎

真本殿

人唔算話係超多果款
可能都叫做過左年差唔多一星期啦
唔洗點排象

鐘乳石係真係有水滴落黎架

滴住水寫繪馬

入面真係好黑

掛上去都要摸黑進行

轉個大運出番去
玩埋呢個運玉

100YEN五粒石仔

要掟入個窿就其實唔難

難就難在男仔要用左手
加上角度風向
結果係全部炒晒既
睇黎今年都係無運行

其實成個景D岩石都幾好睇



遊番出去巴士站
其實都仲有十幾分鐘時間等車

無聊係度睇下停車場D車由邊度黎
最遠已經係呢架由滋賀黎既私家車


續


希望呢個星期可以完左佢啦
咁我就可以進入PLAN意大利行程既MODE啦

Google左滋賀真係離飫肥好遠

睇到第五頁先

半個日本囉

渣半日車

好快睇晒

DAY6 續續續

今次呢個第六日係比較長既
因為我覺得宮崎係各方面都真係完勝鹿兒島
所以係玩得比較盡興既

霧島雖然有個神話之里
風景都好神話
但始終都只係得一條滑道可以玩
有D唔夠喉

而宮崎
亦都有個sunmesse公園
算幾大好多野睇

由鵜戶神宮坐巴士到sunmesse日南
係馬路邊落車

要行條長命斜先上到去

仲有100米


公園係無門口既
呢個收費亭

除左收泊車錢
仲會賣埋入場券

入場費700yen
係有d貴
而且仲將我當成同前面三個一樣既泡菜人
點睇都唔似啦下?

佢都有個細細地既牧場

d馬牛羊會係度走黎走去

sunmesse日南最出名既
就係呢個授權複製既復活節島石像

智利真係諗都唔敢諗
唯有黎日本睇住先

七隻排排企

摩代表未來
艾代表生
摩艾即係代表活在未來

我估都係日本仔亂咁up既

不過佢話每一次都代表一樣運氣
咁我諗都唔洗諗緊係摸下隻金運啦

有錢就乜都有
其他六隻全部唔洗理都得

玩完就上山

行行下竟然見到人地儲齊七色戰隊影相

好鬼型呀

大片草原

好舒服

唔知個千秋會唔會玩玩下飛左落山呢


除左果七隻
仲會有其他石像


金運之外
我同呢隻就最fd啦

大家同為毒撚
互奶傷口

仲有七色人像

發現藍色呢隻竟然喊緊

有滴眼淚留左出黎

影影下相
天空竟然放晴

成個天都變得好靚
個畫面好正

天空之塔

我好鐘意呢d對稱既建築
只係我影得唔夠對稱

塔頂

可以透過個罅隙望到石像


最頂最頂就係太陽樓梯

盡頭係地球感謝之鐘



有團火唔知點感謝
不過我都入左幾yen比佢

由山頂望番落去真係好正


我支wide鏡終於都有d用

晴天本身都無乜野
但由落下轉晴呢個心境既變化真係好好多

我對呢個公園既好感即刻升爆

最後係太陽之丘

天地望蝶



佢改到d名好型棍子

難得最後番到黎已經無晒人入鏡

個天仲要變得咁藍
真係好正

差唔多時間番去

d馬牛羊都已經排排企食熙野
個天既顏色仲最初黎果時已經完全唔同
好強烈既對比

係度玩左兩班車既時間
好好好舒服
好滿足

出番巴士站
坐日南最後一班巴士去最後一站
青島

續

終於等到樓主

有無拜金運先

真係唔建議帶老一輩去
屋久島巴士好疏
去得都係想行山掛？ 咁最易個條行山徑其實已經好難行
條路係好raw既山路 又不斷上樓梯 仲要跣 因為個度99%日子都落雨
唔行山齋睇沿海既景既話 咁就唔洗特登過去