[長氣多圖][絕不爛尾] 南九州公式過年之旅

西大山真係靚嘅個景對住開聞岳，反而流水麵係得個麵好食其他都麻麻，覺得唔洗特登去

其實使唔使book 定位，同埋1個人食有冇問題

我都想知，有興趣食呢間

咁多人想食
如果早d知咪好lor
我掉低老母自己去食嘛

我新年好多人

想問住新幹線站上邊係咪有新幹線過就好嘈

停站可以有幾嘈
通過就話嘈啫

DAY3

當我PLAN行程既時候
其實諗左好耐去唔去高千穗好
我諗呢個係成個南九州最靚既地方
但佢既距離又係南九州最遠既
而當時我已經BOOK左住四晚鹿兒島兩晚宮崎
所以無得去延岡住一晚甚至係由近少少既宮崎出發
天人交戰之下最後我決定係鹿兒島出發
我估應該好少人會咁做
首先要坐一個鐘新幹線到熊本
然後再坐三個半鐘巴士先到高千穗
由八點出發
十二點半先到高千穗

其實仲可以揀係延岡走直落宮崎
但我又好想去熊本食勝烈亭炸豬扒
所以就花左四千幾YEN由熊本坐左七粒鐘巴士來回高千穗

最後係
勝烈亭新年無開門
三個人加埋足足搭左差唔多成千蚊港紙既巴士
結果得個吉
係有遺憾既
不過高千穗峽個瀑布真係好靚
同埋划到船
係滿足既

是日行程表

今日仲係南九州PASS開庖既日子

如果想要用盡呢張PASS
一定係坐新幹線去熊本
淨係單程已經值回票價
如果有多一日
我會諗去天草睇海豚再係市中心睇下熊本城既
不過而家就留番下一次去北九州先再諗

當日熊本天氣得一度

係南九州黎講應該算係好凍架啦
但係無雪落


車站黎講
好似鹿兒島仲大過熊本

熊本市電

回程果時叫做坐過一次
同鹿兒島市電無咩分別
每程170YEN
就咁睇香港電車真係世界級
成個香港島走晒都係兩個三
又有特色
真係無得輸

巴士站就係車站附近
連埋我地三個上車都唔夠十個人
時間表


回程都同一架巴士


但呢架野係熊本市係兜到仆街
足足花左成粒鐘仲要去埋熊本機場

中間仲有兩個休息站
所以如果有車牌
真係租一日自駕去好過

熊本機場

呢個係最尾一個上客既站
同時
係呢度亦都打爆左架車
係有好多唔係去高千穗峽既本地人

另一個休息站
高森町觀光中心



入面無開門
純粹介紹下阿蘇市D野
今次行程無阿蘇火山
因為細路仔年代去過
大概係當時旅行最深刻既地方
到而家都仲未有意慾想一個地方去兩次

雖然路程好遠
但完美準時十二點半到達高千穗巴士中心

落車首先搵野食
本來係想食呢間蕎麥麵

點知又無開


好彩另一間有MARK低既終於有開到
唔係又碰灰

呢間係家庭餐廳
係GOOGLE MAP睇雖然唔係好多人評過分
但有成4.9分真係好顛

佢唔只係間餐廳
仲係咖啡店
漫畫室
呢度主打應該係優閒
我都係第一次黎度呢種地方

有漫畫睇

仲有D小玩具可以玩下


試左個招牌南蠻雞

淋淋地
唔太好食

不過氣氛好好
係差在有人食煙

番去巴士站等巴士
點知問完職員幾錢先知今日係無車
我即刻黑人問號
又話假期有車


直到今日我先知原來2018年1月2日並唔係假期
2017年既1月2日先係假期

咁唯有坐的士落去
好彩巴士站仲有幾架的士係度
一千YEN有找
其實同巴士應該都差無幾

千辛萬苦終於到達呢個高千穗峽

再望下天氣報告

我屌
星期五落雪!!!!!!!!!!!
果時我都係宮崎
不過係宮崎南
唔係宮崎北LOR

算數
黎到高千穗峽
唯一既目的都係真名瀑布
即刻搵位影相

成個場都啪啪聲
應該係船撞船既聲黎
因為真係好多船

沿住條河搵到乘船處


2000YEN船30分鐘

超時要加錢

上網聽人講因為呢度太出名
下晏黎到要排好耐隊
點知黎到又唔算好多人
排左一陣就到

要著救身衣

我地架船

岩岩好最多坐3個人

我無辦法一邊划船一邊影相
就交左部相機比老母
點知佢亂咁舞都舞唔掂
都係比部電話佢算

細佬我淨係玩過一次獨木舟咁大把
落到船真係淨係識係個碼頭打轉
真係比人笑死

好彩划划下都開始習慣到加速轉灣同停
結果都係我自己渣番部機影下相好過

其實好多契弟掛住自拍架船係塞係河中心唔郁既頂佢
技術差D就會比人迫左埋去淋水

認真
我真係覺得帶老母黎高千穗峽係我成個旅程做得最岩既地方
因為划船睇個瀑布真係靚過係上面影相十倍
如果我一個人黎
大概真係唔會去划
今次唔划既話
真係唔知何年何月先可以影到呢張相

再入去會有條鎖鏈唔比你繼續去

其實我都係划下影下
但都無超時
所以30分鐘係好夠架啦

落左船上番橋再影

完全係兩種唔同既感覺

心意滿足就走

但係等極都等唔到有的士番去
就唯有行番去了
好彩唔算遠
不過要行斜路

中間經過高千穗神社

新年都算幾熱鬧
不過都3點幾好似少左人
去程坐的士經過都係度塞左一陣

睇遊記平時應該係得小猫幾隻

呢個神社好細
但都要排隊
八百年巨樹


今次旅行第一塊繪馬

上次旅程我每一塊繪馬都有寫考車合格
結果終於都PASS左
今次可以寫少一個願望

行番去巴士中心

呢個指示牌好型

油畫黎

有車真好
可以去埋天岩戶果邊
唔知16分鐘車程要行幾耐呢

回程番熊本上巴士好似都係黎果時既人咁
番到去高森町觀光中心
又得番1度

今次唔係熊本站落車
而家交通中心落車

對面就係呢條SUN ROAD
感覺熱鬧過鹿兒島好多


但仆你個街又唔開門

我真係好想食炸豬扒呀安西教練

成個熊本因為只係預左黎一個夜晚
又淨係想食呢間豬扒飯
完全係無諗過其他野食

即場搵左間TABELOG都過3.5分既拉麵
唔洗食門釘啦

個BAR台圍住入面兩個主廚

食左個沾麵

我其實幾鐘意呢種魚湯味
食完仲可以免費加飯
其實都幾好食

係真係無得食炸豬扒太過失望
即係無勝烈亭
我真係無理由黎熊本
直接係鹿兒島最後一日黎到延岡走落宮崎好過

食完都成九點
坐電車番熊本站
呢個電車站無瓦遮頭

係路中心就咁起個壆就算

熊本站有好大隻部長


月店


我以為全部新幹線尾站都係鹿兒島
點知中間有架停站既列車既然唔上得
原本終點係熊本
仲要係架幾靚仔既九州新幹線
並唔係由大阪駛過黎果隻

無聊得濟
試下用APPLEPAY用SUICA卡比錢
真係得
同啪卡完全無分別
電話一碰埋去就搞掂
勁方便
但模型同實物不乎lor

我見幾得意見買架

又坐一個鐘番鹿兒島
成日足足坐坐九個鐘車
J都無力打

DAY3完

我果度應該只係在來線路軌黎
嘈係少少嘈
不過唔算影響訓覺
同埋十一點幾就已經無車

上次係京都住BNB真係係正路軌下面
諗番起都想死

唔怪得你哩日行程咁癲啦⋯⋯原來為咗嚿豬扒⋯⋯飯
剩係睇高千穗峽好似小咗d囉⋯⋯下次有時間再去多幾個地方啦
本身我都有plan去架，可惜果時啱啱打完風，想坐果架火車停駛，搞到我即刻改行程

旅行就係咁 ，下次一定再去

係名古屋食過幾間都無咩話好好食
我想試下炸豬扒係咪無可能好似鰻魚飯咁驚為天人
不過之後係鹿兒島車站食左一間
係真係好食過名古屋既
好鬆軟

我4月去東北睇櫻花book哂幹線旁酒店 慘

名古屋 矢場 簡值垃圾 我應該唔再食豬排 食牛算

Ok既
住高幾層應該唔係太覺

矢場當真係得大份

勝烈亭都唔錯不過無話食到眼前一亮，不過二千幾yen幾抵食

希望啦 住幹線口真係好方便

我一定係住車站
即係唔會去天文館通或者橘通住
最緊要機動性強