[長氣多圖][絕不爛尾] 南九州公式過年之旅

荷蘭有風車睇
我儲左好多年架啦
見呢個市道買樓無望先開始散左佢

早啲返天文館行吓，同埋想坐玉手箱號嘛

池田湖好似冇乜野睇，好似有椰菜花 油菜花
當打個卡算
至於jr果度我真係驚，但佢巴士個time table真係咁，好柒
如果上唔到就唯有等坐jr返指宿站

初四？你上年新年去南九州架？

一月四號咪年初四

南九州有4個神宮
鵜戶 宮崎 霧島，重有一個係？我諗極都醒唔起

我見池田湖d相好on9完全無考慮過

農曆先叫年初x架喎

鹿兒島神宮
不過鹿兒島同宮崎神宮都無去到

而家先知有個鹿兒島神宮

日本無農曆嘛
我見佢元旦都係叫大年初一

竟然

年末年始喎
所以有好多地方都唔開

真係唔知，第一次聽日本叫新年做大年初一

膠咩姐，香港叫開大年初一係農曆年架嘛

都係年初啦

你間房好似打完杖咁
間西餐廳我都有去過，食早餐

蛋糕好正
原價¥1400，埋單¥1000

臨走果日影既
我第一日去到宮崎無行李用架

果兩日我都煩緊食咩早餐好
結果一日食便當
一日食九州pancake

DAY6

雖然仲會係宮崎留多一日
但聽日基本上係無行程
淨係去AEON
所以行程上黎講
呢一日就已經係LAST DAY

而前三日已經用盡左張南九州PASS
所以今日搭既海幸山幸
係要比全費既

最後一日先至黎落雨
都算唔話得



條路幾乎都係民居
一路行都唔多遊客

不過宮崎站都算係幾殘下
出面巴士站個頂直頭爛到無人理


宮崎西口
就係向著我地酒店果邊

宮崎東口
係科學館果邊
最後我都無去過


時間仲早
先係站入面買番張宮崎觀光PASS

其實日南同指宿都幾似
大家都係係首府既南面
有一架觀光列車
沿路海景
幾個大路景點
唔同既係
日南架宮崎線巴士直頭可以番到宮崎市
亦都適用延岡至高千穗峽果架巴士
所以呢個PASS簡直係無得輸

今日既行程


因為呢條日南線太公式
所以時間係完全照足實行到

轉左酒店
呢間唔包早餐
就係宮崎站搵下睇下有咩可以買上海幸山幸食

因為本身已經迫左老母去食火鍋
再迫埋佢去食燒肉就真係幾衰仔
結果今次旅程無PLAN到去食到宮崎牛
所以見到呢個宣傳模型係真係好吸引


可惜朝早未開門
唯有買番傳統便當


樣樣都好似麻麻地咁
求其買個no.1算

海幸山幸仲可以參加一日遊食龍蝦

不過咁對時間黎講真係太過奢侈

其實海幸山幸成十點幾先開車
真係一種節磨
不過人地個時間予定係咁都無辦法
想一早出門口既可以倒轉回程先坐
但咁樣亦係好浪費成個日落時間

終於見到今次旅程最後一架觀光列車

外觀黎講
海幸山幸係最靚既
白雪雪
成要起晒角

車身側面係啡色
每卡都有唔同名
第一卡係山幸

而第二卡叫做海幸


亦都唔似得之前果兩架中間會有大既觀景窗
全車大部份都係呢款1+2既座位設計

岩晒我地三個人
可惜唔夠快手比個鬼佬BOOK左第一行個位

座位係可以因應行駛方向調前後角度
所以單丁位係可以教到向窗既方向

因為呢個角度無得LOCK死張凳
對腳都會坐得唔舒服
所以無人會咁做

亦都有呢款聽故仔專用既座位


個廁所都幾特別


小擺設


山幸同海幸張布廉背對背咁靠住



第二卡海幸採用藍色色調

感覺靚仔過我坐山幸果卡

沿路有我單丁位果邊既田景



亦都有雙人座既海景

可以影到呢個洗衫板形狀既海岸
不過坐巴士果時睇得仲靚仲清楚

是日早餐


堅唔好食

當架車就到飫肥
姐姐就會開始講故仔

叫左D小朋友上去前面聽

我係聽得明少部份
大概話說有海幸山幸兩兄弟
唔知做咩事落左水
咁細佬係海入面就遇到女神
仲結埋婚
類似係咁啦

聽完故仔就到飫肥
飫肥唔係總站
不過大部份人都會係度落車
我地都係其中一份子
而架車會係度停一段時間
可以再次影相

飫肥站唔大
就一間屋仔咁

有小朋友畫既海幸山幸

好得意

行去飫肥需要20分鐘

我地選擇左坐巴士

飫肥站出面係只有日南既市內線巴士
宮崎線巴士並唔係呢個站
想坐宮崎線巴士既應該係日南或者油津站落車

而飫肥站門口都幾型仔下

等無耐就有巴士出現
同指宿等巴士個時間差唔多
不過上客既人就好多LU

續

點解我up唔到圖架
我都係兩晚食便當咋

D便當太昂貴