[長氣多圖][絕不爛尾] 南九州公式過年之旅

咁多人係好難影得靚，所以係手信鋪行一陣食埋個咖哩飯d人都已經走得七七八八，到時再影都未遲

如果想慳翻行路既時間可以係指宿站租單車踩
呢個十分推介因爲佢d單車係電動所以踩起上嚟係好舒服

我果時係搭完第一班玉手箱就去食流水麵再搭去池田湖再搭去jr開聞再搭jr去西大山，留左一個鐘原本諗住行去德光小前不過凍到仆街就請間鋪頭幫我地call的士去山川站，好似千幾yen 有個後生仔中學生識英文

我坐十一點幾班車實際得幾個人係呢個站落車，部車走左之後點影都得

西大山好似都有電動車租

廿幾度我都開始項唔順

嗰時個行程

有無去秒速五CM果間便利店
如果我一個人一定去

巴士經過但係無時間，種子島你唔揸車靠巴士就要stay 多日

好掛住鹿兒島

之前見有個巴打係渣電單車去
好好feel

去三日兩夜快閃

DAY5 終

坐巴士番霧島神宮呢一程好順利
完全無塞車
忽然覺得自己好有決斷力

巴士站離神宮並唔遠
係迴旋處落去
向前係就係呢條橋

而前面
就係鼎鼎大名既霧島神宮


係日本
叫得神宮既大概都係勁野
所以霧島神宮應該好勁
而係南九州
就足足有四個神宮
係個好勁既地區
好似係

要行好多級先上到去

又要辛苦老母
其實佢兩個一直都唔鐘意入呢D寺院
阿姨係耶撚都算啦
老母明明係信佛
但都好抗拒呢D地方我就唔明啦
我地成日為左呢D事係度嘈
嘈交嘈得多
就變番一個人
咁其實獨遊係開心既
如果我掉低佢係度
大概佢兩個都唔會識番屋企
每次諗起
個心又會有D不忍

呢一日係年初四
雖然已經唔係假期
但一樣係超多人

不過因為呢D日子
先至有咁多街邊小食

睇番D BLOG
平時霧島神宮係應該無人行既

新年雖然有新年既唔好
但其實我揀新年過黎
都係想感受下呢種氣氛
就好似細細個初四會去黃大仙拜神一樣
雖然大過左以後都無再去

比起其他神社
霧島神宮係真係大D既



上面就係正殿

點知原來拜神係要排隊既

仲要排到出街

不過條街都唔係塞實好度
行下停下好快就排到入去

快速咁影下周圍


個個都好誠心咁拜
搞到我都誠心埋

勁多散紙係度

拜完神
寫番隻繪馬

隻猫猫好得意

霧島大樹

唔比摸

神樂殿




神宮仲有個展望台

但係唔夠高
唔夠神話

出番去
老母佢兩個已經係車站浸緊街

霧島最後一站係
高千穗牧場
我一直都諗唔明
點解離開高千穗町咁遠都仲可以叫高千穗
到底高千穗呢三個字係咪有D咩特別意思

牧場5點就收工
我地坐4點巴士過去
其實就純粹真係到此一遊
我對動物興趣就唔係話好大
不過有少少時間睇下都無妨

牧場已經屬於宮崎
所以唔再係坐鹿兒島交通
而係呢架高崎巴士


每日得六班車由霧島神宮出發

如果假期就得番三班

巴士唔再係之前見過有計分牌果種
而係由人手計錢
上車司機就會問你去邊
然後MARK低人數
而呢個司機竟然係識講國語
問我地係咪去牧場
睇黎真係好多外國人去呢個地方

七分鐘到達
其實都仲有大半個鐘可以行下
巴士站同牧場都算幾近

唔知係收工定點
無乜動物可以睇到


牧場一月尾會有差唔多成個星期唔開

唔係好大

不過睇宮網佢係有好多親子活動
小朋友黎應該會幾開心
我讀日文格離個同學佢都話帶過個仔黎玩
可惜我唔係小朋友
亦都無小朋友

處於宮崎同鹿兒島邊界既高千穗牧場
係可以望到霧島D火山群
風景好好


一樣有足浸可以玩
不過老母話頭先已經浸到夠皮


無動物睇
都仲有一樣野要做

食雪糕

話晒都係牧場
自家制牛奶
唔係唔試下佢隻牛奶雪糕下嘛
比起神話之里公園仲平二十YEN

今次揀杯裝

真係超重牛奶味

最後係度買左唔少手信
我諗點都好過出面手信店果D掛
結果
就變成專登坐車入黎食雪糕同買手信

五點收工
等巴士走人

停車場D車都已經走得七七八八

我地霧島既一日亦都完結
要離開了

由高千穗牧場去宮崎
首先要坐番巴士出霧島神宮
再坐第二程巴士去霧島神宮站
好彩佢接駁時間唔錯
而且亦都算準時
一落車就有車可以即上

一早就用PASS換左1807去宮崎果架特急霧島

今次可以坐指定席
不過巴士同JR中間有半個鐘空檔無野做
個等待室又唔係室內
入夜又再凍左
買左枝熱野黎暖下隻手先

車站貼左好多通緝犯

不過全部都係幾十年前既事
比人捉左個細路而家都廿幾歲
唔知而家點

差唔多夠鐘上月台

成個站黑媽媽又無人

都咪話唔恐怖

特急霧島並唔係觀光列車
不過同平時D特急都會有少少唔同
有廁所有電話室

指定席門口有個自動門

幾靚仔
由霧島神宮去宮崎都要個半鐘
可以係度好好休息

一出宮崎站
第一印象同鹿兒島真係差好遠
鹿兒島站有個大型商場
屋頂仲有個摩天輪
即使係無咩人既大除夕
睇落去都仲係好繁華
而係格離無新幹線既宮崎
完全係鄉下FEEL
車站無商場
車站僅有既舖頭都就黎收工
講緊只係七點半
不過亦係咁
我更鐘意呢份寧靜
就好似當日第一次去到松江咁
無新幹線既地方
先至係日本僅僅最後既淨土

雖然都想搵野食
但CHECK IN放低D手信重要D

我地係SKY TOWER HOTEL住兩晚
呢間野仲抵玩過東橫INN
我間單人房講緊係連三舊水都唔洗
離開車站只需要幾分鐘路程
間房仲要好大間

不過唔係幾實用

部電梯機咁樣擺法係咪即係要我坐係床腳睇呀
個廁所普普通通


搞好晒就出去搵野食
其實我本身都搵左幾間
不過全部都係橋通果邊
老母唔想行
而且又唔食燒肉
就去左車站果邊
淨番一千零一間仲開緊既餐廳

我係估唔到黎到日本要食西餐

個環境其實係幾OK既
仲有私人房
講野大聲D都無問題

前菜

蝙蝠叉

叫左個咖哩漢堡排

都唔要求有D咩驚喜啦

係食食下見到呢杯野

飲得既蛋糕
覺得好得意
就叫左杯黎試下

其實就真係有舊蛋糕係杯咖啡上面
類似雪糕新地樂咁樣
並唔係話好好食/飲
不過解決完呢杯野真係飽到上心口

門口有隻咁撚樣既野

但係個TOUCH SCREEN就點按都無反應

食完飯
附近都無咩娛樂同買下野
就番酒店休息

DAY5 完

霧島神宮個站好恐怖
好彩去個陣係下午不過都係一個人都冇

儲緊錢去歐洲

巴打去邊
我復活節都會去意大利

種子島個火箭基地，睇過youtube片覺得超正
竟然可以即日來回？不過來回種子島交通好貴，放棄左

依家度咗咁樣行，唔知得唔得

07:51-08:59 JR鹿兒島中央-指宿
09:10-09:14 指宿-砂會館(巴士)
10:14-11:05 砂會館-唐船峽(巴士)
12:05-12:14 唐船峽-池田湖(巴士)
12:30-13:22 池田湖-山川站前(巴士)
13:25-13:36 山川站-西大山站(JR)
14:18-14:35 西大山站-指宿(JR)
15:07-16:00 指宿玉手箱返鹿兒島

四點就翻到去會唔會太早
去埋個露天溫泉吖嘛

諗住去荷蘭
你就好啦 我仲有排儲

去池田湖行三個字？
不過要小心d巴士時間
如果架巴士慢左有可能上唔到jr