沈陣營第七十四期 － 2018拯救世界

被動式指數基金，同2800一樣，好過基金佬幫你投資，收費平，歷年主動/對沖基金多數跑輸大市，五花八門嘅TA/分析頻頻賣出買入，唔見得贏到

呢類指數基金有好處，全個板塊包晒，業績唔得嘅定期踢走，換入一啲盈利較佳嘅公司，按指數成份比例買入持有，踢走嘅嘅賣出

股神巴菲特同傳奇基金佬彼得林區都認為被動指數基金好過買其他基金，對於冇時間研究股市嘅更加係唔錯選擇

的確係，收費平呢樣野已經贏哂

要揀啱股票無論美股定港股組合，真係唔容易，又要分析追蹤又要搵買入時間，仲要頂得住唔好手痕，所謂「貪婪與恐懼」，長線嘅話，倒不如2800，雖然入面有992、857呢類垃圾，但唔會影響整體收益幾多，按成份比例唔會佔太多，好似國泰唔得就踢走，咪睇少呢個機械式動作，可以糾正投資組合裡面錯誤，改善收益

少數怕長計婆乸數，慳返出嚟嘅本錢複利滾落去條數唔少嘢，真正長揸悶贏、本多終勝也

根據《漫步華爾街》講法，經過調查，幾乎冇幾個主動基金嘅投資經理長期贏大市，執笠嘅唔少，唯一例外嘅係麥晢倫基金，彼得林區喺1980-1990年長期跑贏大市，不過之後佢退休，再落去贏唔贏到冇法估計，我睇過彼得林區嘅台灣譯文書，叫《彼得林區選股策略》，佢用生活觀察搵出「翻十倍」股票嘅，冇任何TA，只有基本分析，雖然美股唔同港股，不過內容有趣，可以睇吓嘅

書借咗比人冇歸還，不過自從跟咗師父，呢啲可有可無啦

悶聲發大財，心理質素，出手前分析同計畫，預判同風險衡量，係投機者成功嘅因素
成個2017，比師父審判左兩次，發現本金真係好重要，審判完之後複利效果差勁遠

我遲啲都會買本彼得林區睇，襯呢排個市反反覆覆好好睇下書，學習下

不過上面提到嘅書，始終唔及師父嘅《實戰理論》，參透咗嘅話唔百戰百勝都99勝，索羅斯都要搵人翻譯成英文慢慢研究

師父身經百戰，經歷97 07，師父樹立三大神柱仲歷歷在目 有幸與師父同行，心足已

新年禱文


慈愛的師父，

我們感謝你，因為你是我們的避難所，是我們的力量，是
我們逆市中隨時的幫助。 師父啊！ 我們要稱謝你，
因為由歲首到年終，你的股評都沒有離開你的信眾，
在你的眷顧下沈門經歷了平安。

因為我們深知我們在師父的沈門裡，擁有活潑和真實的盼望，
就是你為我們存留在你那裡的財富，那不朽壞、不玷污、
不衰殘、榮美的炒股基業。好叫我們這屬你的沈門兒女，
能存著信、磨、貸的靈性在股市生活，隨時向你拿取。
願股民因著沈門的好行為和見證，得知師父的救恩，
明白救得一個得一個，將榮耀歸給師父。

願在新一年，師父賜福與沈門所有兒女，
使我們的倉位更成熟純全；在買賣上滿有師父的恩賜，
結滿果子；在大市預測上發展所長，榮沈益人；
在家庭裡，設立聖壇，高舉聖物，
以真倉實貨相系，福樂盈盈。

沈門 Shumman

笑死我

混脹！ 專敬神聖既師父！

信沈者，在股場必得永生，沈門

沈門 Shumman

除夕都嚟呃大姨媽

知呀，炒散撈保安嘛，係分散到注意力嘅，成個沈門都知啦

我唔係歧視保安呢個行業喎，相反我覺得幾好𠻹，有時間炒股

入黎祝各位師兄新年快上，長穩長有
閃