貓乾糧資料庫(2)

http://petpethome.com/product_images/y/318/cat-subzero-prairie-red__93586_zoom.png[img][/img]

但平時隻衰貓食得唔多, 2~3歲都係10磅左右
自動餵糧機, 定時定侯有糧, 但次次淨到滿哂倒返入去
夏天到, 比平時食得更少, 一直都食唔肥
之前食過fromm 同 呢個都唔錯, 便便都靚. 但都係唔食得多
食完fromm就轉過wellness, 但d便便就軟左d.
再食完就轉nutrience 到宜家, 食左都1年幾. 係幾健康又唔爛便便.
但係咪食天然糧都冇咁易肥? 主人係唐貓
買過d 營養膏, 唔食, 溝罐頭落多少少, 聞到味就唔會食.
罐頭又挑食, 一星期會烚3~4條雞柳, 2餐罐頭.

唐貓10lb標準體重喎 隻隻貓吸收都唔同，只要唔係過輕真係唔使擔心 肥左要減就好慘

有無跟翻包裝餵10lb應該食幾多？正常情況下一日兩餐可以食得晒

2個月後試下，正常有晒牙都食到

最好唔好揀任何魚味為主嘅糧 重金屬污染嚴重傷害貓貓肝腎，所以咩年紀嘅貓都少食魚比較好

至於thrive 買成貓抵啲，幼貓罐太糊仔好多水有啲呃錢 成分無咩分別

我係日日比罐呀 我啲貓抗拒針筒灌水，逼佢驚會有壓力患尿道炎
如果你隻貓唔介意可以試試

日日食罐都可以??
因為我係新手養貓唔太清楚
雖然話罐頭無加工野
但日日食都無問題??

日日食乾糧仲大鑊過日日食罐

我明白間唔中係要食罐
但我想知道食罐同乾糧嘅次數比例係幾多

最近打算轉Thrive雞肉乾糧，
我見佢包裝上寫的建議份量為2.5 kg 就40g 每日，
但個糧其實好少，會唔會唔夠佢食？
有冇巴絲都餵緊呢款？

其實可以全濕食，荷包負擔得起就得

罐頭，講緊係主食罐，比乾糧健康好多，又可以補充水分，又無咁多加工成份

我個隻停咗食乾糧大半年，而家主要食凍乾同罐，唔使再煩佢有冇飲夠水，啲屎又靚仔

乾糧就真係加工野啦
不過都要睇下你負擔
負擔唔到就一半一半啦

正常餵係好少㗎 因為你要考慮埋吸水之後會膨脹，抽乾水分嘅肉粒同新鮮肉粒size都有明顯分別啦
乾糧食落肚要等佢吸收水分膨脹先開始有飽肚感，會耐啲時間

高碳水糧餵多左無咩即時問題，只係長遠影響健康
高蛋白糧餵多左就會容易出現軟便

一係你比翻一餐食罐，易啲飽肚
一係睇貓貓腸胃能力，佢可以食多過建議分量唔軟便就加多啲

買左三隻唔同味嘅凍乾每隻都係食左一兩餐就唔要，試過狠心唔餵其他佢就同我絕食左兩日
而家變左蒸雞再係上面加凍乾碎佢就食到jipjip聲

老母表示轉凍乾轉到心累

咁都好呀, 慢慢轉等佢接受咗個味先，你食邊隻凍乾？

我隻鍾意食凍乾呀，但係只愛食乾狀態，一加水即刻唔吼，就咁俾就多多都即刻清哂，妖咪又係一樣嘅嘢

仲有唔知點解佢d屎唔係差(比起之前痾咗幾個月爛屎) ，但總係痾完成個屎忽都污糟，次次同佢文屎都打哂交咁，係咪d屎太黏，點可以改善

你食邊隻凍乾呀，，有冇加水，想參考下

你食邊隻乾同罐？

我覺得每日都有一餐濕好d，可以補充水份。好多人餐餐罐㗎，但都幾重皮。

朝早食汪喵，有加水，晚餐食thrive罐，都有加水，日日都屙2-3督屎，隔日先屙一次屎

我老細係食方面好易搞，咩都食，都想試下其他牌子既

我情願啲錢用黎買好西俾佢食，都唔想益啲獸醫

想問下holistic select 貓罐好唔好 最近減價入左貨

轉另外一部流動水機，之前我屋企都有流動水機，不過貓貓都唔多飲水機既水，所以後黎轉另外一部，佢地就飲多左好多

原來幼貓係糊啲多水啲 咁我下次都買大貓

我隻都係食汪喵呀
都係轉咗2,3星期，買咗雞同鴨味佢都食，乾就即刻清，一加水就不感興趣

有隻咩都肯食嘅貓貓好幸福，少咁8成煩惱

第二部水機有咩特別 我等呀仔遲下大個啲冇咁鍾意玩水就買

邊部好呀，介紹吓

我隻八婆又係開頭太鍾意玩衝擊水機，抹極都成地濕，嬲得滯買咗塊硅藻土地墊墊底

日日2-3督尿先岩，打錯字

轉糧無難度，仲長期餓底，俾獸醫叫控制食量，咁算好定唔好？

你個隻本身唔鍾意食肉醬？會唔會係加太多水？有冇買汪喵既雞肉乾？試吓滅少少加啲响面引佢食