貓乾糧資料庫(2)

你改番1餐1罐好啲，呢個係營養問題唔關水事 尤其發育中比成貓要食更多，正常食半罐你要另外再比一半乾糧，咁先叫一餐

2kg重，細罐裝本身有水60ml，本身一日兩餐唔加水已達水量，但因爲中午有乾糧，咁每餐要加多少少水平衡就得

另外有無方法唔比朋友上嚟玩住 唔係隻隻貓鐘意同外人玩，至少而家佢身體情況唔太許可咁做，我驚就算每餐食罐加水都會出事

係呀，而家係一餐半罐溝乾糧 　

盡量都無比朋友上黎喇 　之前有朋友貓貓因為壓大太大痾唔到尿要插喉好慘

Evo全港斷貨？
買開果幾間都話唔再出口

Evo邊到買開

off topic問有冇人想夾汪喵星球？

主子11個月大
食緊thrive全雞肉濕糧
想問其實佢每日要食幾多先夠
佢好似長期唔夠飽咁，勁快食完一餐然後仲想繼續食
食乾糧一食得多又痾爛便，都係早晚兩餐濕糧中間餵少量乾糧比佢頂下肚但都好似唔夠咁
求指教究竟點餵先係最好

報告

HKTVMALL thrive雞罐今日VIP優惠 $145/12罐 仲有10%回贈

N1砂17.5L都有特價 $105

又要大手入貨

只限雞味，其他味未有折
已入手一pack

而家幾重？要計下隻貓每日需要幾多卡路里先知食唔食得夠，中午食幾多乾同咩牌子？

一罐thrive雞係55.5kcal, 2罐111kcal
本身thrive 卡路里唔高，會易餓

一係轉肉醬嗰啲脂肪高嘅易飽肚，一係加罐，一係每餐食完罐再加乾糧

要入貨

依加轉緊食 stella&chewy’s 兔肉生肉糧
一隻貓就轉食無難度
另一隻就好挑食 唔係羊或牛都無乜興趣

有無羊/牛既生肉牌子好介紹？
或者有無轉食緊生肉既巴絲可以一齊討論下？

sad 今日冇左,呢排全部罐都加晒價

今日同我隻女去覆診哮喘同心臟病
醫生話夠期一年驗一次血叫我順便驗埋
好啦 個結果出左黎 紅/白血球指數正常
磷/鈣離子正常 肝指數正常

BUN 就正常嘅 30 （標準16-36)
偏偏CREA 2.5 (標準0.8-2.4)

佢話呀女可能有腎病 要裝尿返去再驗
睇下係咪飲水唔夠定真有腎病
我又真係唔覺佢有自己飲水
唉 好擔心呀我
腎病係最唔想發生嘅事

佢最近都一路食開thrive全濕糧加4匙水
上ptt睇話餵生肉糧同高蛋白質都會影響crea偏高
我想問係咪真架？
前晚餵左一次汪喵星球生肉罐
唔知關唔關事

如果真係腎病 我可以點做？
有咩要注意？

Thank you!!!

之前問過巴打貓b耳仔污糟問題
咁岩問完幾日就去診所打針兼例行檢查下
確診係真係耳蚤 keep住搽藥膏2weeks
依家已接近好返晒喇

咁乾糧亦都買咗Thrive 佢地真係勁中意食
但奈何仲未食晒之前係X高買個隻N字頭糧
Btw, 我個問題係 我發現我隻仔好似唔中意食肉絲既罐罐無論係tuna or chicken 佢真係飲晒我加既水 之後係咁意舔幾啖啲肉 食幾條就算 但佢明明仲係好餓 因為佢之後會坐係包糧面前 但冇話會喵你叫你比佢食 但見到咁又係忍唔住會拎出嚟餵佢 隻女就乜都食 肉絲都冇問題 咁我應該點? 我已經有試過剪碎比佢食但佢都係狗也不屌的樣子
我依家係有特登買肉醬罐比佢 當然佢係貓衝
但長遠落去 我驚佢大個啲都唔肯食肉絲 啲牙會唔會冇咁好?

Sorry for 1999

利申返 對貓B就嚟4個月大

個range係for 食乾糧嘅貓，對食濕糧生肉係有少少偏差，而且腎病多數係Bun同CREA都高
本身CREA高嘅原因真係好多，幼貓，有肌肉嘅貓，過度運動，食肉，脫水，心臟病令液體減少（或者醫心臟病嘅ACE抑制藥物）。除左睇血檢，重要睇尿同血壓

所以先會有SDMA呢個test，可以更準確知道係咪腎病

即使咁不幸有腎病，初期到中期都只需要補水同限制磷飲食，個表有一頁有講腎病，你睇下有個idea先

Thrive 同汪喵都有寫到磷含量，唔算高，一日兩罐thrive腎貓都可以食。BTW平時食幾多罐同加左幾多水？貓幾重？

係呀，我琴晚上去睇都冇平，可能係再之前一日減

不過見到thrive乾糧減到188

我隻囡都唔太食thrive肉絲罐，但明明佢勁愛蒸雞柳，但thrive係好香雞湯味㗎嘛。於是我加dd蒸雞柳撕成絲落去thrive罐度撈埋再加多d水呃佢飲多d, 咁佢就會成兜清哂。我懷疑係罐d肉絲太碎佢擔唔起來食，撈埋真雞一堆咁佢就食到了。

好翻就
食咩罐都好，襯而家細個好幫佢地刷牙，咁先係對牙最好，大左先刷會好難 練牙力係咬骨，或者好大件嘅肉先得，其實鐘意食肉醬都幾好吖，選擇多好多 而且肉醬脂肪多，的確吸引啲

之前日日上去睇thrive罐有冇減價 淨係冇睇2日就冇左個價惠
上次150/12罐都入左pack

我認我懶 養咗冇一個月 本身諗住餵罐罐睇下佢食唔食啲雞絲先諗住homemade 因為我覺得佢連罐個啲都唔肯食點會食我整個啲
同埋我唔係淨係餵thrive罐 我有試過Applaws, kakato呢2隻比較易買既罐罐 都唔肯食 呢個先肯頭痕位

多謝巴打!但可能我新手 我認知既肉醬品牌唔多
好似得Instinct, Blue seal同埋漁極
敢問巴打有咩ok既介紹下?
刷牙個邊 我暫時冇刷 但有比so call有潔齒成份既小食佢食 亦有買免吐漱口水比佢浪下口 咁樣o唔ok? 我知有啲直情可以倒入水比佢飲 但我唔想個水機每日供應既水都係個啲水 even無味 我係佢都唔會想飲

唔識刷牙，剪指甲都打哂交咁