貓乾糧資料庫(2)

想間下要買咩營養素或者補充品俾喵食
個仔而家七個月 早排佢周圍屙尿以為要帶佢絕育
點知照完話個腎有結晶
話隻貓唔受得太高蛋白
我平時養開wellness core乾糧 同ziwi peak罐 間唔中會宵夜kakato 有食開益生菌同魚油
然後個獸醫話wellness太高蛋白
又話我餵得太雜 俾太多唔同罐佢食 要我停哂所有糧
要齋食hills vet essentials乾同 hills urinary care c/d罐 仲叫我長糧⋯⋯
食咗兩日都食完過無耐又嘔返出嚟 前日又睇多次 話咩個腸胃有好多屎 排便唔好 話因爲無食化毛膏所以咁 我真係好擔心 睇咗三千幾蚊 啊仔又無哂精神
我而家都唔知應該俾咩佢食好
大家有無試過咁嘅情況

我都係
Ziwi nv (仲要頂級蛋白）k9 thrive
輪流餵
雜到爆

我唔知駛唔駛睇過一次先
我果次就係隻野冇呢神氣痾爛屎
捉佢去睇完話冇乜野
然後俾個樽仔我
話一痾爛就幾個鐘頭之內裝過去俾佢地

你可以問下診所話好難捉
淨帶屎泥驗得唔得

想問 Prolife 點睇？
我幾次貓食左2-3年都冇乜問題 除左一隻過肥之外

肥仔

Orijen 好易爛屎 太高蛋白 妹似係
我個隻麵係腸胃唔受得
一食親orijen就爛

Core同ziwipeak 罐每日分量係？每日水量夠唔多隻貓體重需要？因為你唔係全濕食，飲水量唔可以忽視，高蛋白質靚糧只係防止因食高碳水化合物而引伸嘅糖尿病胰臟炎IBD等相關疾病，但只要係食乾糧就有機會因唔夠水分而容易積聚晶石，所以有關腎臟同泌尿道問題從來都係水分不足

（蛋白質唔會傷害腎臟，否則所有肉食動物一早絕左種，但係腎臟需要足夠水分排出蛋白質廢物，當腎唔夠水就會出現問題繼而影響排出廢物能力）

Ziwipeak 罐係咪一路食緊新版？轉左版我已經無買過，又貴碳水又高，如果尿係鹼性真係小心要停左ziwipeak ，碳水係令尿變鹼原兇

唔知醫生有無同貓驗尿？比得c/d罐應該係鹼性石，1至兩內只食佢嚟酸化啲石，keep住驗尿pH值，喺一個月後再驗下，睇下結晶情況，任何乾糧都唔好食

呢兩日係食左邊隻醫生糧先嘔？始終隻糧成分太差，初初食唔習慣好正常⋯⋯小食多餐會好啲

平時食core同ziwipeak 屙屎情況係點？
排便問題睇下啲賣健康食品嘅鋪頭有無洋車前子粉賣，食住佢幫助排便先，每日按摩下肚仔，HKTVMALL 都有賣汪喵排毛粉，但要等幾日

2-3年睇唔出咪問題，我細個養嗰隻貓食左8年偉嘉先腎衰竭成 死前一次醫生都無睇過，喺未死之前我都覺得食偉嘉好好，又平，隻貓又無病無痛，而且Prolife比偉嘉好，正路食佢又真係無問題嘅

2歲真重3-4餐有啲誇張，而且剩食乾糧每日有無灌水比隻貓？

如果只係間唔中出現唔係日日都咁問題不大，但你真係要考慮餵食餐數同分量問題，腸胃幾乎全日做緊嘢無休息過，你知成貓訓覺時間幾長啦，上一餐都未完全消化就食下一餐，食多左自然消化唔切屙出嚟，好易屙損左直腸流血

另外orijen 出名多魚肉，有重金屬問題，美國嗰邊比人告緊，橙包雞肉味都有三種魚，英短又出名腸胃差，唔應該食咁多含魚肉嘅糧，揀翻啲成分單一嘅糧，例如成分得雞肉火雞嗰啲，或者貴少少可以試左ziwipeak 風乾糧先，有純鹿肉，成分比乾糧再簡單好多

本身餵緊一日兩餐ziwipeak 加水
去旅行前都係正常屎(未去到勁靚屎)
去完就爛屎。
問屋企人原來係因為驚佢肚餓
餵左一日三餐
仲話一日痾三次屎。。。
佢仲話我一返嚟先係爛屎(我唔信)
係因為食得太多而爛屎定點？
因為佢之前係成日都爛 我好辛苦先整好返佢個腸胃
真係好嬲
一歲唐貓 食得跳得玩得 要keep住都係咁食定點？
定係要停食唔知幾耐，等腸胃消化哂先？

想問下餵緊生肉糧既朋友你地會唔會再加水落去先餵？

自己隻貓食得唔多又完全唔飲水，計返條數其實佢轉左全濕食都係唔夠水，飲唔夠200ml(佢4kg)

我係一日餵四餐 三餐濕一餐乾
Wellness core我係餵廿幾粒
罐頭每次六份一罐到 我都會加幾多水溝濕糧 每次都有加50ml到 佢每日飲水大概都有200ml左右
Ziwi peak一路都係食緊舊版
但原來碳水高會咁 真係唔講唔知
醫生開咗哩款乾俾我 食我唔洗食濕住 話佢腸胃唔好


味有事之前屙啲屎都幾靚 每日都有兩篤
而尿就係大球嘅尿 都有四五球
而家轉全乾 每日得兩三球 仲要係細球
啲屎勁臭 又深色 有時仲會係粒狀
養到佢咁我好心痛

我係一日餵四餐 三餐濕一餐乾
Wellness core我係餵廿幾粒
罐頭每次六份一罐到 我都會加幾多水溝濕糧 每次都有加50ml到 佢每日飲水大概都有200ml左右
Ziwi peak一路都係食緊舊版
但原來碳水高會咁 真係唔講唔知
醫生開咗哩款乾俾我 食我唔洗食濕住 話佢腸胃唔好


味有事之前屙啲屎都幾靚 每日都有兩篤
而尿就係大球嘅尿 都有四五球
而家轉全乾 每日得兩三球 仲要係細球
啲屎勁臭 又深色 有時仲會係粒狀
養到佢咁我好心痛

唔係要處理左腎石先咩？尿係酸定鹼性？
嗰隻乾糧對腎臟完全無幫助喎
cd罐都叫做可以溶解鹼性結石吖，除非啲石係酸性姐

我見excel表wellness core幼貓同成貓個成份一模一樣，其實係咪無必要另外買幼貓？

我都試咗 佢又真係呆咗咁望住我之後落慌而逃

我唔記得睇過邊個獸醫講分開年齡出糧只係商人啅頭，想令消費者多啲選擇咁，貨架可以擺多啲嘢，所有動物喺斷奶之後都係跟父母有乜食乜，食物從來都無分老中青

不過正常幼貓糧會細粒啲嘅，方便幼貓食，好似thrive罐都有隻比幼貓嘅，整到啲雞肉好爛同比較糊啲容易食，成分都係差不多
但我最近買嘅core 成貓已經比之前買細粒左好多，未買過幼貓款唔知係咪再細粒啲

Core 成貓你係咪買橙色包裝果種？

係，original 嗰隻

我係幼貓款呀，直徑好似5mm 咁大

幼貓同成貓size一樣，佢連後面個成分表都樣

咁真係gimmick嘢