貓乾糧資料庫(2)

腸癌：有關消化道疾病最理想係零加工食物（生肉糧），咁先可以做到對腸胃無負擔，營養又最易吸收，乾糧要停，碳水化合物會影響腸吸收營養
平時可以煲下骨湯，尤其當中膠原蛋白可以修復腸道黏膜，又可以補水

腎：照睇10月SDMA係二期腎病，同腸一樣，除非乾糧係隻貓唯一會食嘅食物，否則都係停左佢好啲 。專注補水，貓要到好口喝脫水先會自己飲好多，佢自己主動飲即係平時水分唔夠

一般揀低磷罐係0.3-0.6%乾物質，選擇極少 加上你隻貓係挑嘴貓，適合計數揀食，4.5kg每日要260kcal，磷限制在195-390mg（亦有人指最高唔超過308mg），你可以set在300mg以內，愈低愈好。如罐包裝寫明磷係0.2%，範指含水在內，直接x罐重量，如重85g，磷即是0.17g/170mg

揀罐：成分最好揀無膠質，對腸胃好啲，無膠選擇少，汪喵，thrive, canagan, natures menu, ziwipeak, K9, tiki cat, NV, little big paws（有啲無講磷幾多，要send email問）

Fussie cat super premium（金罐） 雖然有刺槐豆膠，但對腸胃影響輕微，加上磷都算低，80g一罐只有90mg磷。如果發現隻罐高磷但貓肯食，你可以溝熟蛋白中和翻，因蛋白無味最好用機打爛先餵，例如ziwipeak鹿肉 85g罐有195mg磷，每餐只食2/3再溝一隻蛋白，或者當日食完ziwipeak 再食fussie cat super premium，唔超上限就得

每日食一粒魚油，維持腎血流量同消炎，但由於日日食，每兩星期左右補翻粒維他命E抗氧化（揀200IU就夠）。補充B雜防止無食慾同貧血，方便可買支胺寶，或者買人食B雜，50mg嗰啲分1/5比貓食

有關低鈉可維持血壓係對人嘅研究，未必適用貓。而且貓不能太低鈉，反而會令血壓升高，加劇腎衰，所以適量就得，無需刻意揀低

腸：現時除左小腸壁稍厚都無大問題，但最大問題係生肉糧佢唔食！而且有另一隻貓女，貓女有時又唔肯食罐要食乾，真心好頭痛，所以先要請教係買低磷但高CARB糧，定係照食依家個隻。

腎：罐頭呢期係thrive，佢中意飲曬汁先食，我諗要輪流轉先得。

魚油已經食左三個月，依家係朝早雲芝，夜晚魚油，B雜同E我再加

呢兩樣野係有咩用嫁?
如果缺少左會有咩事
同埋要幾耐喂一次

魚油主要係omega3，消炎同降膽固醇，最有價值係EPA同DHA，植物油無的，提高免疫力，保心臟腎臟同消化系統
平常飲食動物脂肪以omega6為主，過量會令身體促炎同可能刺激腫瘤生長，適當補充omega3可平衡翻，人都啱食

牛磺酸係貓必需氨基酸，主要保護視力同心臟，尤其有啲品種貓易患心肌肥大，安全性高唔怕補過多，自煮鮮食容易流失，嗰時就會補充，平時唔會煮鮮食同貓無心臟問題可以唔使食

另外我見普遍生肉糧磷都高到1-2%，相對於罐頭會否有問題？

咁要分開食嘞，乾糧計磷只可以食好少，高碳水又會影響腸胃同其他器官，點睇都對呢隻貓無益處
以now 鱒魚計，磷係低0.6 DM，但55g重已經成304mg磷，係一日上限，每餐只可以食28g乾糧 所以點解hills隻腎糧要用大量穀物做到0.49 DM，只係為求飽肚，無營養可言。但魚肉糧重金屬問題又會傷腎

而家嗰隻formm只可食到30g一日 唔可以食其他嘢

now 鱒魚我搵唔到地方有得賣，搵來搵去都係得now成貓糧…
now成貓糧係 0.68 phos, 35.73 protein, 0.35 Na, 21.59 Fat, 34.00 Carb，唔知算唔算可以。

乾糧個度，依家一日兩隻加埋1/2 cup左右都有剩少少，即係一隻大概食1/4 - 1/3；
而貓女中意乾糧多，實際我估計癌貓頂多食26 - 35g 一日，而兩隻會爭野食，無法分開，加埋癌貓中意乜都食一份，食食下又行開，我諗我都只可以繼續擺長糧…

唔好意思咁多問題，呢兩隻搞到我好頭痛，特別係我想加罐，而佢地竟然次次都食唔曬！

品牌糧普遍高㗎，但primal急凍都有唔過1%，每日食唔多過100g

自制會好啲，最簡單係買隻腎貓專用嘅綜合營養粉，好似TC feline , balance it 都有比腎貓用嘅營養粉，直接溝生肉即可（好似要揾代購買）USDA 網站有個食物營養分析，你可以查到肉類有幾多磷，如紐牛每100g約有160-200mg磷，每日預備150g肉就得，不過要隻貓肯食先

now 鱒魚我搵唔到地方有得賣，搵來搵去都係得now成貓糧…
now成貓糧係 0.68 phos, 35.73 protein, 0.35 Na, 21.59 Fat, 34.00 Carb，唔知算唔算可以。

乾糧個度，依家一日兩隻加埋1/2 cup左右都有剩少少，即係一隻大概食1/4 - 1/3；
而貓女中意乾糧多，實際我估計癌貓頂多食26 - 35g 一日，而兩隻會爭野食，無法分開，加埋癌貓中意乜都食一份，食食下又行開，我諗我都只可以繼續擺長糧…

唔好意思咁多問題，呢兩隻搞到我好頭痛，特別係我想加罐，而佢地竟然次次都食唔曬！

如果貓貓食得唔多now隻火雞都可以，但咁高碳真係驚有糖尿⋯⋯
而且食得太少了，希望補翻B雜可以有翻食慾，唔係一路瘦落去，同埋記得定期驗血同驗尿

罐係咪加太多水？

罐無加水，thrive就咁倒就係。

兩隻貓中意係慢慢食咁，變左一餐唔食得多。
諗起係每次覆診都有打B12，但應該都係再加好。

驗血的話，星期六做會否太短？上次係十月中。

罐無加水，thrive就咁倒就係。

兩隻貓中意係慢慢食咁，變左一餐唔食得多。
諗起係每次覆診都有打B12，但應該都係再加好。

驗血的話，星期六做會否太短？上次係十月中。

放長糧嘅習慣 如果唔停長糧食得慢嗰習慣應該幾難改

通常嗰啲B雜補充B12個量少，所以會額外補充，但平時其他B雜都要食，而且係水溶性，好易因多尿流失，食多好過無

三個月驗一次差不多了，嚴重嗰陣要個個月check

醫生無叫再驗，所以我都唔知貓點

屋企兩個人都返工，其實長糧即係早晚一餐，食唔曬由佢地凌晨照食

咁既情況⋯腎指數跌返去正常，真係頭暈

醫生建議都係盡減Carb同盡量低磷，亦唔可以太高蛋白質免佢受唔到，唔知邊隻糧得？

雖然指數正常，但GLOB偏高，而ALB/GLOB 比例低過正常1，顯示身體發炎中，可以係肝腎腸胃，都唔可以掉以輕心，GGT同ALKP有少少低，驗血前是否禁食過？如果唔係可能同營養不良有少少關係

要低碳水低磷，乾糧真係無咩可能 得merrick 嘅無穀鴨肉成貓糧可以試下，但最好都以濕食為主

佢本身腸Mast Cell Tumor，近一年當IBD醫，應該係腸問題，因之前幾日都有少少爛臭便，好大機會係因偷食

醫生基本上主要睇佢白血球指數同腎指數兩大項，ALB/GLOB反而無留意過，會問問

濕食應該無問題，癌貓中意罐，係有時食曬又食乾糧，主要係順手考慮埋貓女。

再加咀：問左兩間睇過的獸醫，買胺寶要醫生開，有間重要收配藥費；

美國Amazon有同款Rx Vitamins Amino B-Plex 4oz，價錢平香港一半，成份一樣，之後都係美國訂算

屋企隻貓美短男仔4歲
1-3.5歲時食Orijen六魚
最近大半年轉食ziwipeak靖魚+羊味
琴晚今朝發現佢係砂盆徘徊痾唔出即刻睇醫生
話係膀胱炎，小便有血同有結晶
醫生重話可能係啲糧啲蛋白質太高
建議要30%左右
但係睇嚟睇去三十幾%嘅糧都好似好差
巴絲會唔會有其他建議？

主子之前都有食attu 鴨肉加雞肝咪濕糧，呢排唔知點解佢食都唔食就走左，一放thrive或者其他罐佢就食，有冇人試過甘，仲要岩岩買左一大pack

原來係味淡問題… 唔怪得要成日轉

一定要瘋狂轉味

加水食
蛋白質around 40%
Ziwipeak罐蛋白係9%
同貓係食肉動物
我而家唔太信獸醫

新手想請教咁多位經驗人士 救賜予意見。

我隻貓係異國短毛, 男仔, 1歲。老公個朋友唔養…

前主人一路俾開PRO-NATURAL 乾糧佢食, 放長糧, 冇食過濕糧同零食。

佢黎左我o地到一個星期, 我分早晚2餐比佢食, 佢會食一輪就飲好多水..再食再飲咁...得閒都會自己去飲水。大小便正常, 屎靚, 唔係話超臭。少肥。
但我唔放長糧,, 佢都冇咩野, 又唔扭野食咁, 食野都係慢慢食, 代表佢唔為食嗎?

但我想同佢轉糧, 因為知PRO-NATURAL唔好, 想轉Canagan 無穀物走地雞配方, 但佢一路食得好地地, 咁轉唔轉好呢?
另外都想比濕糧佢食下, 但佢冇食過突然間食會唔會痾?

如我朝早7點起身俾半罐細主食濕糧佢食, 到我7:45出門口再俾乾糧(要俾幾多?), 到夜晚7點再俾淨低半罐濕糧,
每星期再俾monge水果湯罐佢食下? 咁OK 嗎?
但佢從未食過呢D...唔知佢食唔食呢...

唔夠水膀胱內尿液會過濃，本身正常排泄嘅礦物質結晶唔能夠隨尿排出，長期刺激內膜，唔發炎都難
只有水可以不斷沖洗膀胱污垢

同埋你可以換個醫生 蛋白質得30%，咁碳水咪好多？你問翻醫生食到有糖尿病點算
得閒去dr Pierson 網站睇睇