貓乾糧資料庫(2)

試過aatu 佢都食不過食得慢好多
試嘅時候已經中間唔放乾糧比佢食
餓住就唔鍾意

*都

我隻都唔太食aatu,要放成日先食得哂

餵緊dr.b生肉糧
佢地近排都屙骨粉屎咁樣
望落屎好乾仲有少少血 懷疑屙損左
我想問如果自己溝生肉要唔要補返咩supplement?

我指加返d生肉落去一齊餵

就咁加生肉就得，Dr B出名多骨亞洲貓好多都受唔到

想問下汪喵星球係咪沙西米生肉糧唔送香港呀，我見佢話常溫嘢先送，想試下都唔得添。

買咗2款凍乾，一個鹿罐試下，仲買咗益生菌，魚油，排毛粉，仲有冇嘢推介？

同埋想問下消化酵素邊度買咩牌子呀，唔該哂

同埋睇番舊post樓主話會去spca配杜蟲藥，我想問下係咪就咁去配就得，定係要帶埋隻喵去睇醫生先可以配，同埋幾耐食一次，因為隻囡長期軟便都想幫佢杜下蟲。

另外滴蚤係咪要定期滴，我滴咗頭3次後，上2個月滴多次後冇搞過，見而家天氣開始熱係咪滴下穩陣？同埋仲想問打哂3針後係咪仲要每年打一次針？唔好意思好多問題，唔該哂

係呀 沙西米唔送的。
消化酵素係iHerb買Dr.mercola 可以試下

我以前dr. mercola係益生菌咋，都有消化酵素？

益菌係中間藍色，消化酵素係中間紅色

同埋貓貓係咪愈大 胃口會愈細？
佢地而家9個月大，7個月個時絕左育
每餐都係半塊半塊咁樣餵佢地
但近依一個月開始就成日食剩（有時會只食到一半
已經一日食兩餐only

明白，唔該哂

因為隻貓喺愛協領所以順便配 但發覺食完依然生蟲（三毛滴蟲）獸醫話貓B抵抗力下降就好易中，自始無再比杜蟲藥，因為呢類原生寄生蟲一般杜蟲藥係杜唔到

如果懷疑有蟲我會拎大便sample比診所驗，可以知係咪真係有，無謂食多左，始終都係毒藥

睇多左蝨水資料後發覺重毒過杜蟲藥 所以走去買左隻天然成分嘅（ecolife cat），滴左兩次後，原來貓唔可以接觸精油，即時停左，幾個月後驗血話肝指數高，我就懷疑因爲呢隻精油蝨水影響

想用天然方法建議買本蘇菁菁新書「用香草守護毛小孩」

呀仔最近越嚟越曳，郁啲就咬人大大力嗰隻，鬧又鬧過，打又打過，好似專登同你作對咁，要點教好

打鬧對貓無用 鬧時把聲好自然高音，啲貓當你開心，打要起碼到電擊情度啲貓先識痛（貓出名忍得痛）
我自己做法係當佢咬時會急速呼吸（噴到佢重好）同低嗚好似喊咁，佢地會呆左望住我跟住收口 不過始終佢愛你先同你咁玩，唔好怪佢

唔怪得佢對於我打佢一副who fucking cares 嘅樣 我都唔知到底佢係愛我定憎我 好似自己個仔咁教極唔聽好傷心

由bb糧 用royal canin 立定主意七個月開始轉食靚糧
誤打誤撞經寵物店介 orijen 再買一定唔會伏嘅雞肉味 ， 普通家貓愈食愈靚毛 我都知包糧居功不少

我個女快高長大

想轉糧 想問下有咩靚糧 推薦

我試咗，佢應該覺得我痴咗線 但真係成功令佢唔再咬人

唔該哂，咁即係都係去驗下屎穩陣

買咗d汪喵凍乾佢試下睇下有冇改善先

如果其他野正常
醫生上門都做唔到啲乜
不如去診所攞定樽仔
一有血屎就裝去驗好過