【文學亂曰】點樣睇得明古典文學？詩詞散文有趣概念逐個講！

不問蒼生問鬼神 我地身邊都不斷發生一啲不合常理，荒謬絕倫嘅事

比之前嘅版本係咪多左D內容？

有略為修正內容

不問蒼生問鬼神 我地身邊都不斷發生一啲不合常理，荒謬絕倫嘅事

天下間太多迷信
自古至今，人性不改

正評，高質且內容淺白廣泛。
感激巴打拉高連登質素

終於追晒辛棄疾同呢個PO

我支持回歸文本教學，因為語文係高度模仿既技能，背得多學得多係定律。下下講作法不談文本，係本末倒置，只會訓練出一班考試技巧高超但語文水準低下的學生。

利申：當年公開考試無範文

祟本息末

正評，高質且內容淺白廣泛。
感激巴打拉高連登質素

感謝巴打賞識
有巴打支持，我會繼續努力出文
愈多人愈好啦緊係

比之前嘅版本係咪多左D內容？

有略為修正內容

精讀班

易經都講埋，高深莫測

留名學野

終於追晒辛棄疾同呢個PO

難得絲打追哂
一定會功力大增

暮秋獨遊曲江
荷葉生時春恨生，荷葉枯時秋恨成。
深知身在情常在，悵望江頭江水聲。


呢首再度回味一番，實在覺得充滿形而上嘅哲理
頭兩句嘅實，轉到後兩句嘅虛，末句梗係虛到唔虛，看似係9唔搭8咁。巴打話流動既江水象徵流逝不息嘅生命，亦有巴打提出“江河”即象徵所有自然萬物置身既“生死場”，而家重讀一次睇到呢D觀點確有所悟

簡介基本古典文學概念：名句 兼讀李商隱無題詩(昨夜星辰昨夜風)

今次講李商隱呢首無題詩
入面有一句相信大家都會係電視機聽過：
「身無綵鳳雙飛翼，心有靈犀一點通」
大家又有冇諗過，點解呢句會咁出名呢？

其實名句選係古代已經有呢種書
而現代更加多，主要為咗現代人精讀嘅需求
呢種選出名句嘅標準，著眼於「共同經驗」
詩歌＞特定人事嘅題材＞名句超越具體而至抽象＞普遍人類共同經驗
讀者從「共同經驗」睇到自己嘅人生經歷
所以即使得一句，都可以好多FF空間

「句」同「篇」係文學討論成日見到嘅字
有名句未必係名篇
一句出名唔代表成篇都出名
一句寫得好唔係等於成篇都寫得好
我地評價文學作品時
都可以思考呢兩者之間嘅關係


無題
昨夜星辰昨夜風，畫樓西畔桂堂東。

「昨晚」係表達時間
「畫樓」係地點，但唔係一個好明確嘅地方
詩人係到追憶緊尋日嘅事情
只係咁睇，無咩特別

但只要我地一讀出聲
就發現當中嘅「聲音之美」
近體詩按照平仄格律創作
必然會有節奏，呢一種節奏有時更係詩意
例如呢到詩人故意用兩次「昨夜」
呢一種特別句法，比人一種輕快嘅感覺
大家不妨讀多幾次


身無綵鳳雙飛翼，心有靈犀一點通。

綵：彩色
靈犀：犀牛角。傳說犀牛係靈異之獸，條角叫做靈犀

山海經入面有隻「單翼鳥」
成日比人用黎創作詩歌
例如白居易嘅《長恨歌》：
「在天願為比翼鳥，在地願為連理枝」

李商隱正係化用左呢個浪漫嘅典故
兩人合而為一，先係一個整體
但我地卻唔能夠化為「雙飛翼」
即係愛情受到阻隔無方法一齊

前面講嘅係現實嘅困境
係客觀而無法改變嘅事實
但詩人係到話：
只要我地相愛，相知相重
就算現實有再多的難關
都唔會影響到我地之間嘅愛情
因為愛情，從來都係屬於心嘅國度


隔座送鉤春酒暖，分曹射覆蠟燈紅。

送钩：古代遊戲，把鉤互相傳送，藏係其中一個人手上，睇吓估唔估得中
分曹：分組
射：猜測
燈：燈謎

呢到係講緊詩人回憶尋日嘅事
似乎係一場公開嘅聚會
大家玩得好開心，但無人知道佢地嘅感情
一段無法公開嘅感情
就算相愛都要隱瞞，無方法光明正大一齊


嗟余聽鼓應官去，走馬蘭臺類轉蓬。

嗟：嘆氣
蘭臺：京都文書省
類轉蓬：似蓬草咁係空中飛吓轉吓

呢到好簡單講緊李商隱聽到五更鼓聲
係時候起身番工啦
上馬出發去文書省做嘢
日日返工無咩貢獻都唔知做緊咩
好似香港人咁心靈係好空虛嘅

有人話，從「隔座送鉤春酒暖」以下
都只係客觀描寫，落於俗套
比人一種虎頭蛇尾，無言外之意
欠缺咗一種可以回味嘅深刻
「有句無篇」，唔算得上係名篇
所以其實大家都唔會讀過佢後面四句

唔知大家又點睇呢？
不如係到再讀一次啦！

無題
昨夜星辰昨夜風，畫樓西畔桂堂東。
身無綵鳳雙飛翼，心有靈犀一點通。
隔座送鉤春酒暖，分曹射覆蠟燈紅。
嗟余聽鼓應官去，走馬蘭臺類轉蓬。

易經都講埋，高深莫測

反映中國古代人思考模式
往往係一體兩面
唔似西方咁二元對立死不往來

暮秋獨遊曲江
荷葉生時春恨生，荷葉枯時秋恨成。
深知身在情常在，悵望江頭江水聲。


呢首再度回味一番，實在覺得充滿形而上嘅哲理
頭兩句嘅實，轉到後兩句嘅虛，末句梗係虛到唔虛，看似係9唔搭8咁。巴打話流動既江水象徵流逝不息嘅生命，亦有巴打提出“江河”即象徵所有自然萬物置身既“生死場”，而家重讀一次睇到呢D觀點確有所悟

好開心巴打遇到自己鍾意嘅詩作
會係人生中愈讀愈有味道

推

高質lm

高質lm

推一推

易經都講埋，高深莫測

反映中國古代人思考模式
往往係一體兩面
唔似西方咁二元對立死不往來

周易係本好書

易經都講埋，高深莫測

反映中國古代人思考模式
往往係一體兩面
唔似西方咁二元對立死不往來

周易係本好書

研究中國思想必讀

簡介基本古典文學概念：代擬 兼談東坡早期詞作少年遊(潤州作，代人寄遠)

少年遊(潤州作，代人寄遠)
去年相送，餘杭門外，飛雪似楊花。今年春盡，楊花似雪，猶不見還家。
對酒捲簾邀明月，風露透窗紗。恰似姮娥憐雙燕，分明照畫梁斜。

詞嘅開始，並唔係始於宋代嘅
文體之能夠成熟，變成一個時代嘅代表
往往係經過演變而成嘅
唐代果陣已經開始人寫詞
睇返今日嘅古典詞選入面第一首往往係李白嘅詞
有學者咁樣概括詞嘅發展：
「勾萌於隋，發育於唐，敷舒於五代，茂盛於北宋，煊燦於南宋，剪伐於金，散漫於元，搖落於明，灌溉於清初，收穫於乾嘉之際。」

「少年遊」唔係題目，而係詞牌名
古人填詞，要配合音樂，按返詞牌嘅字數平仄去寫
係東坡之前，詞嘅寫作好少加題目：潤州作，代人寄遠
正因為東坡加題目，令到詞作得以脫離詞牌名限制，變成寫咩都得
亦都可以話，東坡令詞呢一樣嘢更加獨立

題目係「代人寄遠」
呢到涉及古典文學入面嘅一大傳統：代擬
換言之，文學作品唔一定係自述之作
設身處地嘅想像，代其他人表達情志，亦都好常見
雖然古人覺得呢種係遊戲之作，評價唔高
但其實都好有好多作品，例如東坡呢一首詞



去年相送，餘杭門外，飛雪似楊花。今年春盡，楊花似雪，猶不見還家。

首先要講嘅係詞大多都分上下半片
作為詞入面一個轉折位
每首詞牌不同，上下半片嘅位置都唔同
上面就係少年遊嘅上半片啦

既然係代人而寫，咁我地就會諗：代邊個呢？
可能係佢老婆，可能係其他人
唯一可以肯定，呢個係女子思念男子嘅情景
上半片好精彩嘅交代時間嘅流逝
女子依門而望，望自己嘅情人歸來
呢一個情景，係中國古代係不斷出現嘅

空間嘅轉變，往往表達時間嘅變化
飛雪飄飄，直到今年春盡，楊花飛盡凋零
一個固定嘅鏡頭，景物卻不斷變化循環
飛雪似楊花，楊花似飛雪，等候嘅人依然不歸
「猶」字盡見女子係呢個環境嘅心焦
點解點解你仲未返黎呀BB



對酒捲簾邀明月，風露透窗紗。恰似姮娥憐雙燕，分明照畫梁斜。

下半片係描述女子依門等待之外嘅情況
「邀明月」係側筆，點解要拿起酒杯對住月亮呢？
正正係旁照出無人共飲嘅孤獨，愛人遠去嘅悲苦
空寂中舉起酒杯，聊以自慰
寒風漸漸從窗紗直透室內，身心俱冷

李白詩曰：
「舉杯邀明月，對影成三人」
李商隱詩曰：
「縱使有花兼有月，不堪無酒又無人」
正和此情此景相似



姮娥，即嫦娥
我地之前講李商隱〈常娥〉已經有講過：
「嫦娥，羿妻也，竊西王母不死藥服之，奔月。……，嫦娥遂託身於月，是為蟾蜍。」
姮娥飛月本為蟾蜍，係愛情悲劇的象徵
不死不老，係廣寒宮嘅無盡孤寂，無完結嘅一日

「恰似姮娥憐雙燕，分明照畫梁斜」
其實雙燕又何必旁人憐惜
就算無得長生不老，至少都係雙宿雙棲
姮娥對照雙燕，更顯孤苦無依
由明月到姮娥，姮娥又回到分明照
畫梁斜即係長廊上的橫渠，同時都係燕子之巢

我地不妨咁睇
真正好似姮娥咁嘅孤寂之心，正正係女子自己
係屋入面眼看月亮，聯想到姮娥
又由月光嘅照射，望見燕子嘅自由，雙燕嘅恩愛
雙眸隨著明月斜照，照出了燕子嘅歡喜
正正反映妻子嘅孤寂之心

東坡早期詞作，大多都係婉約之風
當時好多詞人都係寫愛情，寫女人，好多代擬之作
同佢日後嘅詞作相比，風格非常唔同
就等我地一步一步閱讀啦

易經都講埋，高深莫測

反映中國古代人思考模式
往往係一體兩面
唔似西方咁二元對立死不往來

周易係本好書

研究中國思想必讀

推介高亨同黃壽祺解釋

精彩，推