【文學亂曰】點樣睇得明古典文學？詩詞散文有趣概念逐個講！

正啊

lm

原來有新post btw點睇談憤怒

歡迎李商隱巴打

我睇法係並非針對單一事件
實際每年根本都有好多唔合理之事
要由根本入手，成個中文教育問題極多
例如教科書之保守過時
可謂兩岸三地之首

不嬲都垃圾

英文系留明
鍾意現代文學多少少
但都好有興趣

英文系留明
鍾意現代文學多少少
但都好有興趣

中文現代文學好垃圾

留名兮

英文系留明
鍾意現代文學多少少
但都好有興趣

中文現代文學好垃圾

但最代表到當代文化就係現代流行文學
雖然我唔睇 但聽講金庸衛斯理都好多人欣賞
新少少有喬靖夫
女性作家反而冇乜邊個我比較鍾意
張小嫻
深雪
亦舒都麻麻
岑海倫

個人比較鍾意啲貼地少少嘅所謂 low arts

我幾鍾意小克寫嘅嘢
唔係啲乜高深文學
但從佢眼中睇到香港
麥兜都可以算有代表性
我知呢啲唔係純文字
但藝術文化就係會帶連到人民生活經濟歷史文化
英文有 Sophie kinstella 寫啲都幾輕鬆得意

英文系留明
鍾意現代文學多少少
但都好有興趣

歡迎絲打
我讀文學本身由現代文學開始
將來希望有機會再細講

英文系留明
鍾意現代文學多少少
但都好有興趣

中文現代文學好垃圾

但最代表到當代文化就係現代流行文學
雖然我唔睇 但聽講金庸衛斯理都好多人欣賞
新少少有喬靖夫
女性作家反而冇乜邊個我比較鍾意
張小嫻
深雪
亦舒都麻麻
岑海倫

個人比較鍾意啲貼地少少嘅所謂 low arts

我幾鍾意小克寫嘅嘢
唔係啲乜高深文學
但從佢眼中睇到香港
麥兜都可以算有代表性
我知呢啲唔係純文字
但藝術文化就係會帶連到人民生活經濟歷史文化
英文有 Sophie kinstella 寫啲都幾輕鬆得意

馬家輝近年寫咗本《龍頭鳳尾》
內容都好「貼地」
可以話係講香港史嘅有趣小說
絲打有興趣可以睇睇
都引起台港唔少人討論

簡介基本古典文學概念：用典 兼讀李商隱賈生詩

我地閱讀古典文學果陣
不論中西方，都會發現成日有典故
掉返轉頭去諗，現代嘢好似好少會咁
點解會咁樣呢？

我地講過，中國古代係「不學詩，無以言」嘅世代
上層知識分子之間嘅交流，詩係一種好重要嘅工具
亦都因為咁，詩嘅世界本身就形成左詩文化、詩語言
用典故，就好似inside joke咁，並唔係一件難事
當詩人嘅對象都係詩文化嘅讀者，自然會講詩語言
同今時今日講潮文個情況係相似嘅

中國古詩，點解可以咁精緻，咁簡短嘅情況
呈現出中國古典文學嘅最高峰？
我地必須了解：
詩唔止係單純嘅藝術品，而係一種龐大、豐富嘅詩文化
詩文化代表左，詩人只要運用短短一兩句文字
可以召出歷代的古魂，可以喚起神話的怪誕，可以昇華植物的精神
歷史人事、神話傳說、哲理思想、民間風俗等等
每一種都係詩文化入面累積，每一種都潛藏著厚實的泉源
每一種典故運用得好，都係呈現左詩文化嘅美



賈生
宣室求賢訪逐臣，賈生才調更無倫。

宣室：帝王住嘅正室
賈生：賈誼，西漢文人

李商隱呢首詩以人作題，係一首「詠史」之作
所以要理解呢首詩，必須先知道賈誼一生
根據史記講：
「賈生名誼，雒陽人也。年十八，以能誦詩屬書聞於郡中。吳廷尉為河南守，聞其秀才，召置門下，甚幸愛。……廷尉乃言賈生年少，頗通諸子百家之書。文帝召以為博士。」
賈生係一個充滿才華嘅年輕人
漢文帝好欣賞佢，就比佢做左史上最年輕嘅高級教書人
好可惜嘅係，後來佢建議新禮制果陣
比埋老屎忽反對，皇帝唯有外放佢去第二到做官

邊個鍾意比堆老屎忽玩，賈生緊係勁唔開心
期間仲寫左好出名嘅《弔屈原賦》
後黎雖然返左去，做左太子個老師
「居數年，梁王騎，墮馬而死，無後。賈生自傷為傅無狀，哭泣歲餘，亦死。賈生之死時年三十三矣。」
點知過左無耐太子死左
賈生覺得係自己責任，其實關鬼佢事咩
結果傷心到死左，果陣先得三十三歲咋陰公

呢兩句正正係講緊，賈生被人反對流放外地
有一日漢文帝無啦啦諗到條千古難題
希望搵到賢士黎解答
而果陣最醒目嘅就係賈生
頭兩句都係好強調漢文帝嘅覺醒
賈生終於可以一展平生之學啦



可憐夜半虛前席，不問蒼生問鬼神！

史記講：
後歲餘，賈生徵見。孝文帝方受釐，坐宣室。上因感鬼神事，而問鬼神之本。賈生因具道所以然之狀。至夜半，文帝前席。既罷，曰：「吾久不見賈生，自以為過之，今不及也。」

賈生作為一個咁醒嘅文人
作為一個中國古代知識分子嘅一流人物
但被皇帝流放左去長沙，再突然叫佢返黎
試幻想吓，果刻賈生係幾咁期待
自己治國平天下為萬民著想嘅大志終於可以用得著啦！
點知……
原來皇帝只係想問佢鬼神嘅迷信嘢

「可憐」呢個字，當然係李商隱嘅睇法啦
同時間，佢作為一個「沈淪下僚」嘅人
都係表達緊自己嘅自傷自憐之情
兩個同樣咁出色嘅文人，同樣都係懷才不遇
「虛前席」係形容緊皇帝同賈生坐係地下
「不自知膝之前於席」，聽到入哂神虛心受教咁
但一切都係空虛不實，一切都係妄為嘅

「不問」和「問」之間係一大對比
同時間都係最大嘅諷刺
個情況好似係高官去車公廟為香港祈福咁
李商隱寫呢一句果陣，係好深刻感受到果一刻嘅荒謬
似乎係充滿左憤怒咁揮筆書寫

李本身因為一生都不受重用，同樣係早死
詩人以生命去讀歷史，讀歷史嘅共鳴寫下詩句
呢一個典故，除左係詩文化傳統之美
亦係李之生平入面互相呼應，成為左佢一生嘅註腳



最後我地再讀一次：
賈生
宣室求賢訪逐臣，賈生才調更無倫。
可憐夜半虛前席，不問蒼生問鬼神！

lm
近排識左個幾鐘意古文既女仔，想學下野，睇下有幾吸引

【古典小說】竹林七賢係古代MK仔？用《世說新語》講比你知！
https://lihkg.com/thread/467487/page/1

新Post！
周末無出，補返先
誠邀大家入去留名撐場

可憐夜半虛前席，不問蒼生問鬼神

我又係中學個陣背左呢首
但唔知係李商隱嘅詩

連登清泉
不過連登仔浄係識睇女睇av

愈黎愈多人睇
至少而家又多絲打一個

lm
近排識左個幾鐘意古文既女仔，想學下野，睇下有幾吸引

實不相瞞
我當初會接觸文學
都係為咗溝女
又真係製造咗好多話題
巴打有咩都可同我吹水
話唔定會幫到你

lm
近排識左個幾鐘意古文既女仔，想學下野，睇下有幾吸引

實不相瞞
我當初會接觸文學
都係為咗溝女
又真係製造咗好多話題
巴打有咩都可同我吹水
話唔定會幫到你

你跟住發現港女好膚淺

lm
近排識左個幾鐘意古文既女仔，想學下野，睇下有幾吸引

實不相瞞
我當初會接觸文學
都係為咗溝女
又真係製造咗好多話題
巴打有咩都可同我吹水
話唔定會幫到你

你跟住發現港女好膚淺

要睇巴打想識邊種女仔
香港女仔都有睇書嘅人

lm
近排識左個幾鐘意古文既女仔，想學下野，睇下有幾吸引

實不相瞞
我當初會接觸文學
都係為咗溝女
又真係製造咗好多話題
巴打有咩都可同我吹水
話唔定會幫到你

你跟住發現港女好膚淺

要睇巴打想識邊種女仔
香港女仔都有睇書嘅人

好少

可憐夜半虛前席，不問蒼生問鬼神

我又係中學個陣背左呢首
但唔知係李商隱嘅詩

中學會講呢首都好難得

lm
近排識左個幾鐘意古文既女仔，想學下野，睇下有幾吸引

實不相瞞
我當初會接觸文學
都係為咗溝女
又真係製造咗好多話題
巴打有咩都可同我吹水
話唔定會幫到你

你跟住發現港女好膚淺

要睇巴打想識邊種女仔
香港女仔都有睇書嘅人

好少

大家睇嘅嘢唔同啫
好多係睇啲比較類似 self help 嘅書
或者係外文

簡介基本古典文學概念：類無題 並讀李商隱暮秋獨遊曲江詩

我地之前介紹過咩係「無題」
而又有一種講法，係由「無題」引申出黎
叫做「類無題」，即有題目如無題目
即係作品題目並不能為讀者提供任何「閱讀定向」
「無題」嘅本質正是如此

就算作者有題目，但都可以同作品嘅閱讀無關係嘅
呢一種「類無題」作品，係李商隱詩中成日見到
往往更強調詩歌嘅想像、詮釋空間
而唔係實際事情、作者本意去追求唯一答案
我地今次讀嘅呢首詩，正正係「類無題」之作



暮秋獨遊曲江
荷葉生時春恨生，荷葉枯時秋恨成。

呢首哲理詩，係李商隱另一種面貌
無用典故，用字淺白，完全唔需要查字典
一眼睇落去，隻隻字都識
但加埋一齊，偏偏睇唔明

李商隱係短短幾句入面
已經充分咁講左中國傳統典型嘅宇宙觀
所有嘅事物，都係二元嘅辯證思維
即係生即係死，愛即係恨，完滿即係缺憾
最能夠呈現呢種思想嘅例子係《周易》六十四卦
六十三卦既濟
六四十卦未濟
完結，即係開始，一切都係不斷循環

正因為咁，「荷葉」代表左一切客觀存在嘅事物
萬物一出現係呢個世界，荷葉一出生果一刻
春天嘅時候萬物滋生，已經代表「春恨生」
埋伏左佢消逝於世嘅因子
所以隨往時間過去，事物變化
荷葉係必然會枯萎，萬物一定會滅亡
「秋恨成」，生之於死，係一體兩面
現代哲人話：「人是向死的存在」
李商隱呢一首詩何止講人，萬物生，萬物亦死


深知身在情常在，悵望江頭江水聲。

前兩句以象徵比喻說明哲理
後兩句，將詩人李商隱嘅深情表達得極好
從客觀萬物之變化生滅，走回詩人主觀嘅感性心靈
一切都係李商隱嘅人生感悟，係詩人真實咁經驗過

可能係家人，可能係愛侶，可能係朋友
李商隱就算體驗生命嘅無常
李商隱就算知道死亡嘅必然
但佢更加明白到「身在情常在」嘅存在過程
起點同終點都唔係最重要
最重要嘅係過程，係呢種過程只要人身尚存
亦都代表左我地感情常在
我地必須經驗呢一切嘅事物

由「深知」對「悵望」，係一個強烈嘅對比
詩人會認為消逝係「恨」，正因為佢有「愛」
感情常在，喜怒哀樂，愛恨交纏不清
正因為人有感情，先會有咁多遺憾
「深知」哲理，係無方法解決人生嘅種種遺憾

所以詩人只有「悵望」江水嘅流逝
「天地有情」
「天若有情天亦老」
連天地都解決唔到嘅事，凡人又點會解決到呢？
我地可以做嘅，亦都唯有好好咁感受一切
正如李商隱好好咁望住流水，好好咁聽住水聲

暮秋獨遊曲江
荷葉生時春恨生，荷葉枯時秋恨成。
深知身在情常在，悵望江頭江水聲。

高質回覆：

好仔的肥假

追返之前呢首先.....

---正如戈登巴打所講，呢首詩用詞好簡單，雖然句式用詞都有重複（例如「荷葉」、「時」、「恨」），不過真係好有深意，佢亦令我諗起李商隱既另一首名作「夜雨寄北」（唔知會唔會講呢？)

首先詩題已經營造咗詩人嘅心境：「暮秋」、「獨」；另外詩人嘅著眼點放嘅竟然係荷葉，而唔係荷花，呢樣野幾有趣。但無論花又好、葉又好，邊樣靚d都好，一樣生有時、死有時

生成枯死只係一刻既事，但每一刻都有唔圓滿，唔完備嘅野，因為你擁有呢一刻嘅 "生"，喺呢一刻你亦無 "成"、"枯"、"死"或其他既可能性，可以話，詩人怕嘅唔係由生至死，而係每一個當下，都有佢既缺失

接落去既「深知身在情常在」，亦係解釋咗呢個道理，身在情常在，詩人無法搣乜肉身與感情，正如佢所見既荷葉，無論生死都會處身於江水之上。最後一句有意思既係──詩人唔係聽江水既聲，而係去望。「江頭」亦有一切源頭既意思，令成首詩真係達到帶有哲理、生命既層次，雖然係咁，李商隱始終都係一個詩人，感性高於理性，所以先至會用「悵」呢個字...

多謝巴打介紹呢首好詩！

比之前嘅版本係咪多左D內容？