【文學亂曰】點樣睇得明古典文學？詩詞散文有趣概念逐個講！

好帖強推

好呀！緊係無問題啦！
巴打應該知道可以係邊搵哂我寫李商隱文
巴打讀緊咩呢？
同埋如果做報告講李商隱
可以有位一定要提
就係台灣學者顏崑陽
而家研究李詩，每一個人都要睇佢
係報告到提及，有加分效果

讀緊中文HD
多謝巴打提醒
我一定會係powerpoint入面加你嘅名入去

HD幾好呀
我識唔少朋友入返中文系
如果有興趣，就好好努力！
有咩問題隨時可以吹幾句

千其唔好加我個名呀！
可能老師會覺得唔專業唔正經
你引多幾句顏崑陽
我主要都參考佢
你推薦多幾位朋友like page仲好

簡介基本古典文學概念：遊戲筆墨 兼談陶淵明止酒詩

中國古典詩有一個非常重要同獨特嘅地方
就係中國古代，由周至清
詩並非如現代人想像：脫離俗世嘅純藝術品
孔子講「不學詩，無以言」係一針見血
因為詩係一種日常應酬、交友、擦鞋嘅重要工具
同題競寫，各逞才情
睇返好多有名詩人嘅全集
呢種作品多數佔左一半以上，數量驚人

我地會稱呢種作品為「遊戲筆墨」
並唔係為左咩嚴肅嘅抒情言志而寫
但我地而家睇文學史、選集
都成日忽視咗呢批作品，係件可惜嘅事
所以為咗以正視聽，今次特別介紹陶淵明一首玩嘢之作，止酒
止酒，即係陶淵明呢一個咁鍾意飲酒嘅人
竟然話自己要停止飲酒，呢到已經夠幽默啦
廢話唔多講，即刻黎講吓首詩先：

止酒：

居止次城邑，逍遙自閒止。
坐止高蔭下，步止蓽門裡。
好味止園葵，大懽止稚子。

止：有停止、居留之意，同時都係語助詞
蓽門：柴門

睇呢幾句，相信大家都會發現一個趣怪之處
就係每一句都有一個「止」字，呢個正正係陶淵明玩嘢嘅地方
佢創造左一個新嘅形式去寫詩，強制限定左自己每句都加個止
去配合返自己止酒嘅主題
呢幾句都係講陶淵明嘅日常生活
鍾意食自己種嘅菜，鍾意同自己個仔玩
呢到亦都可以留意，古詩係成日忽略主詞嘅
所以唔明果陣可以加返主詞

平生不止酒，止酒情無喜。
暮止不安寢，晨止不能起。
日日欲止之，營衛止不理。
徒知止不樂，未知止利己。
始覺止為善，今朝真止矣。

呢幾句都幾好笑
都係形容自己飲左酒就訓唔著又起唔到身
營衛：中醫術語，指要保全自己嘅氣
唔飲酒，個心唔開心，飲左酒，身體唔開心
但都係唔飲酒先係好嘅，都係唔飲啦
呢到由不止到止，幾有一問一答嘅趣味

從此一止去，將止扶桑涘。
清顏止宿容，奚止千萬祀。

呢到嘅止，連結至桑涘
桑：扶桑，係山海經神話入面嘅樹名
連埋上面嘅善同神仙世界
止酒就有修仙、長生不老嘅意思
清顏，即係有仙氣啦
止左酒就可以一直有仙氣，直到千千萬萬年
呢到表達左陶淵明生活美學嘅理想
又有邊個唔想身體健健，開心生活呢？
現實同理想當然有差距，陶淵明一生都無真正止酒
呢種詩文成日都反映左好多野，思想矛盾、時代問題等等
不全然遊戲筆墨，嘻笑怒罵皆成文章
先係真正嘅大文學家

再讀一次啦喂：

居止次城邑，逍遙自閒止。
坐止高蔭下，步止蓽門裡。
好味止園葵，大懽止稚子。
平生不止酒，止酒情無喜。
暮止不安寢，晨止不能起。
日日欲止之，營衛止不理。
徒知止不樂，未知止利己。
始覺止為善，今朝真止矣。
從此一止去，將止扶桑涘。
清顏止宿容，奚止千萬祀。

好鍾意巴打啲post 繼續支持

今次係咪算係誇文學家？

今次係咪算係誇文學家？

誇獎文學家？
唔講笑啦
我一直都有出「簡介基本古典文學概念」
文學家本身係一系列主題
而從各個文學家，我又有設另一系列
不過此一系列更需要日積月累
而家共有二十篇左右，都叫初見成績

今次係咪算係誇文學家？

誇獎文學家？
唔講笑啦
我一直都有出「簡介基本古典文學概念」
文學家本身係一系列主題
而從各個文學家，我又有設另一系列
不過此一系列更需要日積月累
而家共有二十篇左右，都叫初見成績

巴打有心，好有條理

好鍾意巴打啲post 繼續支持

多謝巴打
暫時都無打算結束
不過出Post會慢咗

g持

世說新語可唔可以算係“散文”嘅雛形？

好鍾意巴打啲post 繼續支持

多謝巴打
暫時都無打算結束
不過出Post會慢咗

越花時間，內容越豐富精彩，支持

lm

lm

留命

原來我唔記得留名

真係好，探長夜晚出文
朝早搭車返工就有得解悶

留命

多謝巴打留命

留命

多謝巴打留命

留名
Btw 之前果d都唔得閒睇

真係好，探長夜晚出文
朝早搭車返工就有得解悶

特登比大家等車坐車睇

世說新語可唔可以算係“散文”嘅雛形？

中國黎講，呢種叫志人小說
當然都可以話係散文
中國文學大體只分韻文、散文
韻文如詩經、楚辭、賦、詩（含樂府詩、古詩、近體詩、詞、曲）
散文即係無押韻嘅文章，小說係其一