【文學亂曰】點樣睇得明古典文學？詩詞散文有趣概念逐個講！

真係好，探長夜晚出文
朝早搭車返工就有得解悶

特登比大家等車坐車睇

返放工特別多愁善感，睇到好 touching好入腦

真係好，探長夜晚出文
朝早搭車返工就有得解悶

特登比大家等車坐車睇

返放工特別多愁善感，睇到好 touching好入腦

我就通常星期六日先有心情睇，慢慢睇

世說新語可唔可以算係“散文”嘅雛形？

中國黎講，呢種叫志人小說
當然都可以話係散文
中國文學大體只分韻文、散文
韻文如詩經、楚辭、賦、詩（含樂府詩、古詩、近體詩、詞、曲）
散文即係無押韻嘅文章，小說係其一

我都想好似樓主咁博學

留名

推呀

世說新語可唔可以算係“散文”嘅雛形？

中國黎講，呢種叫志人小說
當然都可以話係散文
中國文學大體只分韻文、散文
韻文如詩經、楚辭、賦、詩（含樂府詩、古詩、近體詩、詞、曲）
散文即係無押韻嘅文章，小說係其一

我覺得探討散文嘅時候會有兩種情況
一個係針對所有文體，同韻文相對
另一個係同駢文相對
即係前者實際包含駢文在內
後者實則專指句式參差不齊而且唔押韻，同駢文相對
巴打覺得如何

巴打講法無錯
古體散文確係同駢文好大分別
我對駢文無咩研究
邏要睇都係古體散文多
而中國小說概念，之後會專門再講

簡介古典文學基本概念：無題 兼讀無題兩首其一(鳳尾香羅薄幾重)

李商隱最出名最令人好奇嘅作品
正正係今日要介紹嘅無題詩
要了解李商隱呢一個文學創變之舉
我地必須問：
點解李商隱會寫出咁多無題詩？

如果我地睇返最早期《詩經》
本身入面嘅「詩三百」都係無題
只不過係編輯自己加個題目
文學創作本身係為左表達自我情感
而標題只係一個「閱讀定向」，係後尾先有

例如我地曾經講過嘅陶淵明
佢寫《歸去來辭並序》
唔單止有題目，仲有序言
讀者係無咩空間自己FF
因為題目序文固定左讀者嘅方向
呢種情況已經成為左一種主流

李商隱偏偏要顛覆解構呢一樣嘢
無題嘅出現
正係作者有意同讀者講：吹呀？
因為李睇得到，太過繁瑣嘅題目
必然會令作品嘅曖昧、多義消失
《詩經》之美，在於佢多向嘅詮釋空間
無題詩亦然，可以話係一反潮流嘅創變之舉



無題兩首其一
鳳尾香羅薄幾重？碧文圓頂夜深縫。

鳳尾香羅：有鳳紋嘅綺羅斗帳
碧文圓頂：青碧花紋嘅圓頂
深縫：掩合
兩句都係形容緊同一樣嘢
女性閨房嘅床上面可以垂落黎嘅布

我地可以想像
李商隱訓係人地張床見到嘅景象
又「香」又「薄」又「夜」
嗅覺觸覺視覺皆有
似乎比緊人一種留連再三嘅渴望

「薄幾重」同「夜深縫」係一問一答
詩詞入面嘅對答成日有對比、張力
前者形容輕紗嘅薄
後者卻係將輕紗掩合，化薄為厚



扇裁月魄羞難掩，車走雷聲語未通。

扇裁月魄：形似圓月嘅扇子
雷聲：車聲
出自司馬相如長門賦：
「雷殷殷而響起兮，聲像君之車。」

上一句仲係講緊一種留連、挽留
呢到描繪離別嘅情況
李商隱眼中都仲浮現緊情人嘅紅卜卜樣
但呢次離別係好突然，係趕住走嘅
「語未通」三字
講緊佢地無好好咁Say goodbye



曾是寂寥金燼暗，斷無消息石榴紅。

詩人突然情景一轉
話比你知，原來頭先係對往事嘅追憶
好多人解唔透呢一句
點讀都唔Make sense囉

我地稱呼呢種手法叫「情景並置」
人情　　　　景物
曾是寂寥　　金燼暗
斷無消息　　石榴紅
情同景之間，必然有所相似連結
呢一種連結係言外之意
要靠讀者不斷去連結兩者先能夠感受嘅

「曾是寂寥」係過去嘅孤獨
「金燼暗」成為呢種感情嘅對應
幻想吓香燭燒盡果一刻光芒嘅灰暗
所有嘅光都化成灰燼
呢種感覺
真係要燃點香煙飲啖酒先解得到愁呀

「斷無消息」，呢種離別係意外
「斷」意味左突然，又無法改變的感覺
「石榴紅」，石榴開花先會紅
而佢開花果陣又係春天完結之時
正正係一種好強烈嘅對比
等呀等花都開啦，所有美好嘅日子都要完啦
開花本身代表歡樂之情，但而家更加神傷
而「紅」，又何嘗唔係詩人情感嘅熾熱呢



斑騅只繫垂楊岸，何處西南待好風。

斑騅：毛色青白相間的馬

呢邊有一個好關鍵嘅字：「只」
點解斑騅只能夠繫於垂落嘅楊柳岸邊呢？
楊柳除左離別之意
呢到嘅「垂楊」係另有典故
韓翃《章臺柳·寄柳氏》：
章臺柳，章臺柳，昔日青青今在否？
呢個典故，係韓翃寫比一名娼妓
章臺柳亦都成為左妓女嘅比喻
睇到呢邊，無錯
呢首都係李商隱對某位妓女嘅情詩
你，最近還好嗎？

曹植《七哀詩》：
浮沉各異勢，會合何時諧？
願為西南風，長逝入君懷。
李商隱結句正係化用左呢個典故
離別，但我會永遠掛住你
等我搵到個好地方
化成西南嘅風，投入你嘅懷抱
PS，I LOVE U

再讀一次，下次講埋佢下一首
對解返呢首都好重要：

鳳尾香羅薄幾重？碧文圓頂夜深縫。
扇裁月魄羞難掩，車走雷聲語未通。
曾是寂寥金燼暗，斷無消息石榴紅。
斑騅只繫垂楊岸，何處西南待好風。

最近愈黎愈忙……
應該要搵返個助理幫手出文……

世說新語可唔可以算係“散文”嘅雛形？

中國黎講，呢種叫志人小說
當然都可以話係散文
中國文學大體只分韻文、散文
韻文如詩經、楚辭、賦、詩（含樂府詩、古詩、近體詩、詞、曲）
散文即係無押韻嘅文章，小說係其一

我覺得探討散文嘅時候會有兩種情況
一個係針對所有文體，同韻文相對
另一個係同駢文相對
即係前者實際包含駢文在內
後者實則專指句式參差不齊而且唔押韻，同駢文相對
巴打覺得如何

巴打講法無錯
古體散文確係同駢文好大分別
我對駢文無咩研究
邏要睇都係古體散文多
而中國小說概念，之後會專門再講

中國第一本散文係書經

lm

最近愈黎愈忙……
應該要搵返個助理幫手出文……

想問比正評嘅係咪應徵做義工
我真毒撚無朋友幫手

原來有新post btw點睇談憤怒

李商隱唔係咁易解，好多詩作到而家都有唔同解法，或寫兒女情，或寫失敗既政治生涯，佢既隱喻都隱到好深


只能講寫得好唯美

原來有新post btw點睇談憤怒

歡迎李商隱巴打

我睇法係並非針對單一事件
實際每年根本都有好多唔合理之事
要由根本入手，成個中文教育問題極多
例如教科書之保守過時
可謂兩岸三地之首

原來有新post btw點睇談憤怒

歡迎李商隱巴打

我睇法係並非針對單一事件
實際每年根本都有好多唔合理之事
要由根本入手，成個中文教育問題極多
例如教科書之保守過時
可謂兩岸三地之首

考評局班老野真係要人跟死個standard ，內容寫情愛又話唔好，科幻偏鋒小小都話你離題，或者比低分係要人地十幾歲仔寫人生大道理

我支持回歸文本教學，因為語文係高度模仿既技能，背得多學得多係定律。下下講作法不談文本，係本末倒置，只會訓練出一班考試技巧高超但語文水準低下的學生。

利申：當年公開考試無範文

原來有新post btw點睇談憤怒

歡迎李商隱巴打

我睇法係並非針對單一事件
實際每年根本都有好多唔合理之事
要由根本入手，成個中文教育問題極多
例如教科書之保守過時
可謂兩岸三地之首

考評局班老野真係要人跟死個standard ，內容寫情愛又話唔好，科幻偏鋒小小都話你離題，或者比低分xx(係要人地十幾歲仔寫人生大道理

睇到呢個point都頗為認同，為賦新詞強說愁，十幾歲人生經驗尚淺又豈能真切表達人生道理

原來有新post btw點睇談憤怒

歡迎李商隱巴打

我睇法係並非針對單一事件
實際每年根本都有好多唔合理之事
要由根本入手，成個中文教育問題極多
例如教科書之保守過時
可謂兩岸三地之首

教育內容混亂，時時變改，考試嘩眾取寵
乜撚談憤怒
實實在在問問題都唔得

迫學生未學行先學走
正字正音又係雜亂無章，咩標準都無
學生點學
教師點教
死得喇

其實我想問呢D評分係咪都頗取決於改卷果個主觀感受？

簡介基本古典文學概念：妓女 兼讀無題兩首其二(重幃深下莫愁堂)

上次講李商隱流鶯詩
談妓女同文人之間特殊關係
正如小貓咪絲打提及：
「唐朝伎女地位不低
更有官伎一職
伎女才學有要求
不少伎女詩作流傳後世」

根據一本有趣嘅書《中國娼妓史》
指出中國最初「伎」，係宗教跳舞唱歌嘅人
最初「伎」係不分男女嘅，而且唔係負面
隨住社會愈黎愈文明啦
就開始由政府管理而有明確制度
而且以女性為主
變成左「妓」啦
大致分作：
1.宮妓(分可出官同不可出官)
2.軍妓(唔需要多講啦)
3.家妓(有錢人玩意)
4.私妓(自己做生意)

李商隱身處嘅晚唐時代
長安有個叫「教坊」
係專門訓練、管理妓女嘅地方
唐代孫棨見證左呢個晚唐妓女文化
寫左本叫《北里志》嘅書
「京中飲妓，籍屬教坊，凡朝士宴聚，須假諸曹署行牒，然後能致於他處。……諸妓皆居平康里，舉子、新及第進士、三司幕府但未通朝籍未直館殿者，咸可就詣。……」
總之妓女服務主要嘅對象係：
1.啱啱考上進士嘅人
2.黎長安考科舉嘅人
3.豪門貴戚有錢嘅人
當時佢地Sell嘅主要唔係肉體
而係Sell佢地嘅talent，佢地嘅才學



無題兩首其二(重幃深下莫愁堂)

重幃深下莫愁堂，臥後清宵細細長。

重幃：室中多層嘅窗簾
莫愁堂：莫愁本是以前有名嘅歌妓，成為妓女代名詞

無題詩充分表現左文學嘅多向詮釋
沒有標準答案，只有更好嘅解讀
呢兩首無題詩千古以來有好多唔同嘅讀法
而結合黎理解，會比單獨去睇，更能理解當中嘅深意

如果上一首講緊抒發對情人嘅思念
呢到更進一步去描述李商隱思念之情有幾深
首先佢係到想像對方嘅日常生活
係層層疊疊嘅簾幕之間透視愛人身影
半夜間醒來，時間係漫長，已經訓唔返
時間本來係就係咁樣流逝
「細細長」係一種寂寞嘅心理
寂寞難耐，令時間亦難耐

神女生涯原是夢，小姑居處本無郎。

「神女」同「小姑」都係特別嘅文化象徵
戰國時有個叫宋玉嘅文人，好鍾意FF神仙同皇帝搞野
寫左《神女賦》、《高唐賦》
「旦為朝雲，暮為行雨。朝朝暮暮，陽台之下。」
巫山雲雨，形容性愛嘅四字詞正係出自呢到
正因為咁
後人成日用仙女、神女黎做妓女嘅代名詞
六朝《神弦曲．青溪小姑曲》其一曰：
「開門白水，側近橋樑。小姑所居，獨處無郎。」
小姑個故仔係未結婚就死左嘅悲劇
代表左得唔到好嘅歸宿

妓女嘅愛情生涯，成日只會係一場「夢」
「夢」係假嘅，係會醒嘅虛幻
因為古代女性最大嘅夢想係有一個完整嘅家
但要從良，又談何容易呢？
結局只會好似「小姑」咁未嫁而卒

呢到盡見李商隱對情人嘅憐惜之情
妓女嘅愛情，始終唔係合於倫理
好難會真係登堂入室，有好多壓力
「神女」同「小姑」，都意味無結婚
從古典愛情而言，得唔到好嘅歸宿
唔可以「男有分，女有歸」
係女性人生一大不完滿嘅象徵



風波不信菱枝弱，月露誰教桂葉香。

月露：月光下嘅露水

我地讀詩一定要從實解中睇到佢嘅虛意
風吹菱枝，露水沾草，本來都係客觀嘅實際情況
但「不信」、「誰教」卻係詩人嘅主觀之情

「風波」講嘅係環境，係妓女悲慘嘅人生
呢一種困境，摧殘緊脆弱如菱枝嘅愛情
詩人用事物間共同相似嘅地方
去形容佢地愛情嘅悲劇

「月露」係雨露之恩嘅男女恩情
邊個好似露水一樣咁愛護桂葉呢？
李商隱呢到正正暗示
如果可以，佢願意



直道相思了無益，未妨惆悵是清狂。

李商隱已經一早明白，佢迷失係呢場愛情遊戲
唔會有完滿結局，唔會白頭到老
本身就係唔合於倫理嘅愛情關係黎
所以佢幾乎係好灰、好絕望咁講：
即使抒發再多呢種相思之情，又有咩用呢？

但下一句又係相反意思
「未妨」，係描述佢矛盾嘅心理狀態
好似佢咁浪漫多情嘅人，即使理性明白係無好結果
但佢嘅感性壓低左理性，根本停唔到去掛住人地
因為「清狂」係一種「不狂似狂」嘅形容
「如今白痴也」，為愛情而痴狂
呢種無結果又不受控嘅思念，造成惆悵悲愁之情
又何嘗唔係我地成日係愛情經驗到嘅事呢

呢一首無題寫得真係好好，道出愛情悲劇嘅惆悵
我地一齊再細細品嚐一次：

重幃深下莫愁堂，臥後清宵細細長。
神女生涯原是夢，小姑居處本無郎。
風波不信菱枝弱，月露誰教桂葉香。
直道相思了無益，未妨惆悵是清狂。

對唔住呢排太忙
一定會盡快補返出新post
再同大家吹水討論