【HKDSE】♚史科人必入♚世界歷史History 討論

Hello
原則上係資料以外嘅pt
不過有啲提問語e.g. 用處局限就會要你補充資料
結論都係睇清題目問咩

【免費練習丨中國(1)參考答案】
琴日份練習嘅參考答案，同學仔記住做完先好對呀。懶得睇圖嘅話可以睇以下文字版，科科～
・
【(a) 孫中山作出資料C的演講，目的是什麼？參考資料C，解釋你的答案。(4分)】
・
孫中山演講目的是希望團結各階層支持他進行革命建立國民政府。
．
參考資料C，孫中山認為參與革命的都「一定彼此相爭」，就算「爭不到手」都會「各據一方」，結果將中國「瓜分起來」。有見及此，孫中山透過指出革命將面對之阻礙來勸喻各階層團結一致，共同進退，以免發生內鬥。
．
同時，孫中山認為革命「定要由平民」所帶領，「平民革命」有利於「建國民政府」，讓中國富強起來。可見，孫中山希望團結各階層後，邀請他們支持自己所策劃的平民革命，建立國民政府。
・
【(b) 就理解孫中山的革命思想而言，資料C有何局限？試加以討論。(4分)】
・
資料只能反映孫中山民權思想。
．
參考資料C，孫中山希望團結各階層支持他的「平民革命」，最終推翻政府「建國民政府」，實行由一般平民所共有國家的民主政治，確為三民主義中的「民權」思想，創立民國取代舊政府。
．
然而，資料未能反映民族和民生思想。
．
就我所知，三民主義中包含民生思想，希望將中國土地重新劃分，並鼓勵創辦民族實業，從而促進中國經濟。這一點實為「民生」思想，平分地權，讓國民富起來。
．
同時，資料未能反映三民主義中民族思想，一方面終結滿族專制統治，改以五族共治，彼此尊重；另一方面，從列強手中解放中國，收回主權，實現民族自治。
・
【(c) 從資料D推斷作者對清末新政所持的看法。參考資料D，解釋你的答案。(4分)】
・
作者認為清末新政不過是權宜之計，欠缺誠意，目的旨在延續清朝國祚。
．
參考資料C，作者指出清朝對於改革的態度是「消極」，認為改革可有可無，所以她並沒有明確的「改革計劃」，只是「故作姿態」胡亂承諾「不切實際的內容」，所以作者認為清末新政實欠缺誠意，任意妄為。
．
同時，作者指出清朝改革目的「為了保護清廷」統治，讓她「不受漢及外國人的攻擊」，希望繼續愛新覺羅家族的管治。即是說，清朝改革目確為權宣之計，以「延續清朝的壽命」為實，此為作者之看法。
・
【（d）「就實現現代化而言，革命比改革更為有效。」你是否同意？參考資料C及D，並就你對1900-1912年間中國歷史發展所知，解釋你的答案。(6分)】
・
題目所言確能成立。
．
先從革命方面討論。
．
參考資料C，孫中山指為免中國「瓜分起來」和「彼此相爭」，他希望團結各個階層支持他的「平民革命」，推測當時政府並「建國民政府」，扭轉中國積弱之勢，實現現代化。
．
就我所知，1911年辛亥革命成功推測滿清皇朝，結束達二千多年君主專制制度，落實共和制，建立國會、政黨等民主政治機構。由此可見，革命能夠革新政制發展，推動現代化進程。
．
以及，1911年辛亥革命後推動民族實業發展，如成立中華民國農商部協助達1500家企業成立，鼓勵民族辦業，刺激經濟發展。可見，革命能改善中國經濟困境，讓中國人民富起來。
.
再加上，社會方面，1911年辛亥革命提倡「民族思想」，落實五族共和，希望新中國政府由五族（漢、滿、蒙、回、藏）共治，無分彼此互相尊重。可見，革命有助於消除民族歧見，塑造和諧社會。
．
以下，將從改革方面討論。
．
雖然，就我所知，改革由上而下能夠帶來根本性轉變，教育方面，晚清改革廢除八股文考核（1902）和科舉制度（1905），建立新式學校培養人才，為實現現代化邁向一大步。
．
然而，參考資料D，資料指清朝事實上「並沒有自己的一套改革計劃」，頒佈的改革內客都是些「故作姿態」和「不切實際」的方案，未能針對當時中國所面對的問題革新，無利於現代化建設，成效欠奉。
．
最後，參考資料D，資料認為清朝對於改革的態度是「消極的」，毫無誠意圖強中國，目的只求「保護清廷」，維持愛新覺羅家族的統治。由此可見，改革未能為中國成為現代化國家，成效有限。
．
總括而言，儘管由上而下的清未改革在多方面提出革新，不過因倡導者欠缺誠意，如憲法改革成立之內閣被時人譏為「皇族內閣」，成效有限；相反，革命由下而上，具有明確目標，如廢除君主制落實共和制，從此皇帝角色一去不復返，甚有成效，故革命比改革更為有效，題目所言成立。
・
#Chehistory
#免費練習
#免費批改
#免費筆記

論述題示範丨2016DSEQ2
・
同學仔做做吓係咪發現中國依個課題成日出「比較題」呢？依條題目除左「內容」之外，仲要比較埋「目標」，好多考生都唔記得咗兼顧兩者，結果損失慘重。
・
所以做果陣，記住記住要睇清楚題目，再寫個大綱先落筆，咁就萬無一失啦！
．
#Chehistory
#免費筆記
#免費練習
#免費批改

論述題架構示範丨2012DSEQ2
・
老實講依條題目唔算難，喺作答技巧方面考唔到咁多位同學仔。不過內容上呢？辛亥革命同五四運動相信大家都唔陌生，不過要就住佢哋嘅「影響」比較又好似係另一件事，嘻～
・
link: https://chesterhistory.blogspot.hk/2017/12/2012dseq2.html
・
#Chehistory
#免費批改
#免費筆記
#免費練習

論述題示範丨2012PPQ3
・
轉捩點唔係普通嘅比較題，除咗要「ABC」之外，仲要做埋「前中後」。咩意思？即係要解釋1949 年帶嚟嘅影響。生活化啲咁諗，相信18 歲或者考DSE 係咁多位同學仔嘅「轉捩點」啦嘿嘿。
・
參考連結：https://chesterhistory.blogspot.hk/2017/12/2012ppq31949.html
・
#Chehistory
#免費批改
#免費練習
#免費筆記

我想問下其實呢科點背架
好多例子史實都背唔到 由其年份

用聯想同理解嘅方式會好啲
腦漿有限，死背記唔到太多嘢

【免費練習丨中國（2）】
中國上半葉主要都係圍繞住「革命」、「改革」、「現代化」同「蛻變」依幾個字眼不斷問黎問去，唔知今年會唔會有轉變呢？
・
話說今晚倒數還倒數，注意人太多走散嘻嘻
祝大家新一年繼續咁開心 😀
・
中文版：https://chesterhistory.blogspot.hk/2017/12/c201712_30.html
英文版：http://chesterhistory.blogspot.hk/2017/12/e201712_30.html
・
#Chehistory
#免費練習
#免費批改
#免費筆記

【參考答案丨免費練習（中國・2）】
依個係琴日練習嘅參考答案，望吓，係咪唔難呢～
・
XD
．
#Chehistory
#免費批改
#免費筆記
#免費練習

【論述題示範丨2014DSEQ2】
實不相瞞，當年就係答依條拎咗12/15，換算返依家25 分嘅評分標準，大約係20 分左右啦。有咩心得？無，真係無，唔係想呃你，而係份答卷實在不堪回首，補習班同學睇過就知咩料啦，唉～
・
分享吓做依條題目嘅領悟，講答題技巧好多時都係分析題目，舉例問親「因素」好多時都要駁論，或者見到個「較」字擺到明就係要駁論㗎啦。之但係，一本通書讀到老，到底篇文點樣組織、應該用咩技巧去寫會更加、運用咩史實論證會更加有說服力。其實，又邊有方程式？
・
學習有三個境界，一開波你咩都唔識當然係搵師傅學，吸收前人係點樣成功；之後你略有所成，當然就迎刃而解，見招拆招啦；去到最後啦，最後係點？我覺得自己是零。無錯，就係零。唔記得中文係咪有篇文叫「刨丁解牛」，中文有啲差都係廢事喺到獻醜，總之去到最後就係無答題技巧，以無法為有法，以無限為有限。精通所有答題技巧之後，見到條題目咪隨心所欲去答，你認為駁論有說服力，咪寫駁論；你認為比較會更加準確，試吓寫比較，心領神會或者就係咁解，嘻嘻～
・
到依刻都理解唔到當時點樣見到「蛻變」兩隻字就當咗「轉捩點」咁做，可能都係神來之筆，搏一搏㗎咋。
・
#Chehistory
#免費批改
#免費練習
#免費筆記

【有問必答】目的題點樣答？
Q: Halo 想問下 purpose 嘅DBQ題目 點答呢？
・
A: 目的（Purpose）都算係資料題常見嘅提問語之一，出場率當然無看法（View）、態度（Attitude）咁高啦，但都不容忽視㗎。喺正式教點樣處理依隻提問字眼之前，不如先回顧吓歷屆試題（Pastpaper）幾時出過目的？等你想操都有個個指引嘛，嘻～
・
2014DSEQ2b丨根據資料E作者的看法，綏靖政策有什麼目的？試參考資料E，解釋你的答案（4分）；
2012DSEQ3a丨推斷該海報的目的。試參考資料E，解釋你的答案（4分）；
2012PPQ4b丨從資料F推斷赫魯曉夫發表這篇演說的目的。試參考資料F，解釋你的答案（4分）；
2012SPQ1c丨根據資料D，推斷漫畫的目的。試解釋你的答案（3分）；
2011CEQ1b丨孫中山作出資料B的演論，目的是什麼？參考資料B，解釋你的答案（4分）。
・
就咁睇，目的題嘅出法有兩個特徵：
・
一、屬於基礎類提問語，簡單咁講，你見目的問親都係3－4分。早前講過資料題5分可以當係一個界線，5分或以下嘅題目作答要求會低啲，評分準則得L1同L2。反之，5分或以上嘅題目要求高啲，有L3嘅評分指引，或者最明顯就係要同時運用資料（Source）同個人所知（Own knowledge）作答。
・
既然係咁，答目的果陣主要都係睇有冇恰當運用線索，妥善解釋理據。Ok，大家都知依兩點知易行難，但起碼好過要用駁論、比較或者其他技巧處理先。
・
二、有內容，說來就真係有啲廢，無內容點樣答題目呢？Errrrrrrm，依到想講嘅與其係話「內容」，其實想指嘅包裝會更加準確。咩意思？即係目的唔會顯而易見，而係有些布遮住咗咁。好合理，諗返你細細個想買新衫或玩具果陣，除非呀媽真係好錫你，不然你都會用各種包裝去傳送依個意思 － 「呀媽，我最近成績進步咗呀！」、「媽咪，我件衫好舊啦。」哈哈哈，唔舉例子啦，你懂的。
・
既然係咁，初步對目的有印象之後就易處理啦，主要考慮3樣嘢 － 以2012PPQ4b為例
・
1. 內容
啱啱先講完目的嘅特徵係包裝，咁當然要知道個資料本身係講啲咩啦。喺2012PPQ4b入面，赫魯曉夫發表篇演說內容正關於和平共存啦。點樣知道？依點就關乎拆解資料，換言之，即係另一個問題啦。
・
2. 對象
嗱，同一件事你同A或B講係可以懷有唔同目的，打個比喻，考到5**你同屋企人講係希望佢哋以你為榮、同朋友講係分享喜悅。即係話，到底依家個「包裝」嘅對象係邊個都好緊要。返去2012PPQ4b，赫魯曉夫當時就係同莫斯科居民講，一個國家領導人同佢嘅國民講，會懷有咩目的呢？
・
3. 反應
反應指預期反應，即係你嘅對象知道「包裝」嘅消息後，佢最有可能係作出咩回應？依個回應其實就係目的。2012PPQ4b，作為莫斯科居民，聽到領導人係咁話和平共存正，別無他法㗎啦，當然係會支持啦。咁，咪搞掂囉，Yeaaaaah！
・
目的題話易唔易，出親都難到唔少考生，既然有成3年無出過，重溫一吓真係無壞呀～
・
歡迎利用個人簡介嘅連結提出疑問，識答一定答，科科。
・
#Chehistory
#免費批改
#免費筆記
#免費練習

【有問必答】追溯並解釋有咩題目？
Q: 唔知可唔可以分析下追溯與解釋仲有咩題目可能會問可以比我地唸下呢？因為好似好多主要的都有系以前或者DSE出過🙏thanks
‧
A: 當然可以啦！一如以往，喺拋磚之前，先回顧吓有咩歷屆試題（Pastpaper）出過關於追溯並解釋）先啦～
‧
2016DSEQ5丨追溯並解釋1943－1991年間美國與蘇聯的關係；
2015DSEQ1丨追溯並解釋20世紀下半葉直至1997年間香港的政治發展；
2013DSEQ2丨追溯並解釋1919－1949年間中國共產革命的發展；
2012DSEQ5丨追溯並解釋1948－2000年間歐洲經濟統合的過程；
2012SPQ4丨追溯並解釋20世紀法、德兩個關係的發展。
・
唔答又唔覺，追溯並解釋題原來喺DSE都成日出喎！
・
就同學仔話齋，常見嘅內容好似「美蘇關係」、「歐洲經濟統合」或者「香港政治發展」等都出過啦，點算好？追溯並解釋仲可以出啲咩呀？嗱，咁睇啦，追溯並解釋題一大特色係針對一段長時間轉變而討論，但係咪一定要長時間先有轉變呢？其實不然。
・
當發現依點後，就發現好多嘢都可以被追溯同解釋啦，嘿嘿 － 以中國同日本為例
・
〖中國方面〗
追溯並解釋1949－2000年中國經濟現代化的努力；
追溯並解釋1966－1976年文化大革命的發展；
追溯並解釋1978－2000年改革開放的發展。
〖日本方面〗
追溯並解釋1900－1945年間日本的政治發展；
追溯並解釋1945－2000年間日本經濟發展；
追溯並解釋1945－2000年間日本與中國的關係發展。
・
話長唔長，話短唔短，有明顯轉變就出到追溯並解釋㗎啦。另外，其實拎追解題目嚟溫書真係一流，既溫到史實，又練習到作答技巧。咁，何樂而不為呢？
・
科科～
・
關於歷史有任何問題歡迎用簡命嘅連結提問，識答一定答。
．
#Chehistory
#免費批改
#免費筆記
#免費練習

【免費練習丨中國(3)】
轉眼就嚟到中國下半葉啦，睇落好多嘢要學咁，但實際上都係由經濟計劃入手，再慢慢學埋其他方面就可以啦～
・
(a) 指出資料A及B所反映關於第一個五年計劃的特徵。試以資料A及B的相關線索支持你的答案。(4分)
・
(b) 第一個五年計劃成功嗎？試參考資料C，解釋你的答案。(4分)
・
(c) 「第一個五年計劃對中國而言是利多於弊。」你是否同意？試根據資料A、B及C，並就你所知，解釋你的答案。(7分)
・
#Chehistory
#免費批改
#免費練習
#免費筆記

Support!!! 之前交過練習比你改，感激

幾時再交haha

【參考答案丨中國(3)】
其實琴日份練習都唔算難呀，係咪嘻嘻？特徵嘅題目成日都見，即係搵返一五計劃有咩「特別之處」就可以收工；最後一問「利多於弊」，同學仔有時間當然可以用比較題嘅作答框架寫，不過有限時間未必可以做到出嚟。喺依個情況之下，先陳述好處再論證壞處，最後總結解釋返點解有利有弊，但衡量過後立場係「利多於弊」就可以啦～
・
⚠一般情況下，問親立場嘅題目順題目比你個立場答係會易啲，好似係。
・
#Chehistory
#免費筆記
#免費批改
#免費練習

《免費批改題目通知》
基於臨近考試（其實都係考Mock啫嘻嘻），提交練習批改嘅數目持續上升（真係唔到最後一分鐘都唔溫書，撞鬼你）。為保持質素起見，嚟緊批改時間會耐啲，由一開始話7日內改完變成14日。換言之，即係提交後2個星期都收唔返份練習，你可以禮貌地查詢吓到底發生咩事。
・
都係果句，依個世界無嘢係適合每一個人，覺得有用啱你咪交份練習嚟改。知道你用咗好多時間去做好辛苦，咁麻煩將心比己，改果個都要時間睇，你估真係望兩眼就比個分咩，要比建議㗎大佬。
・
曾經諗過搞咁多免費嘢會唔會做到Cheap哂，但事實免費唔代表低質，大家都可以認真地看待每件事。再講落去就老態，過去就讓它過去，曾經畢竟只是曾經，一齊成為個更好嘅人，好冇？
・
【重申遞交練習流程（唔跟就唔改，哼）】
1️⃣歷屆試題（Pastpaper）就寫低年份同題號，學校或其他練習就影低題目；
2️⃣答卷記住順次序咁影相並連題目（如有）整成PDF檔；
3️⃣將你個PDF檔電郵至 chehistory@gmail.com記住寫上款下款，基本電郵架式Google search幫到你；
4️⃣等待，原則上你好禮貌會改快啲。
・
〖注意事項〗
⭐️有個Apps叫Camscanner好使好用，自行摸索點用；
⭐️單純影相想轉PDF可以Google打「JPG to PDF」就得；
⭐️所有提交練習會上載至Google drive比其他同學參考。
・
有問題歡迎Comment問，無就繼續改嘢，拜拜～
・
#Chehistory
#免費批改
#免費筆記
#免費練習

《有問必答丨點樣突破》
Q: 想問下點先可以essay再拎高啲分？Ps平時19至22分最高得22分
・
A: 其實依個問題最好附上一條你做過嘅論述題（Essay）會更加好，起碼知道同學仔實際情況到底係點。姑勿論19至22依個分數係邊個比，始終就算係考評局改卷老師都有機會改錯 － 事實上最近收到條經3個閱卷員改嘅題目（2017DSEQ2），第1個比12分、第2個比8分、第3個比7分。單睇第1個同第2個閱卷員評改分數就相差4分，足足1個Grade有多，問你死未。
・
假設你已經係個19至22分嘅學生，咁問題就係，到底點樣有突破？
・
嘿嘿，補習班或者熟悉嘅同學都知最近有唔少教育心得。要突破首先要了解自己 － 寫論述題（Essay）唔係計數，計數1＋1＝2依個係真理，就算係特首都改變唔到嘅事實。但歷史「清末新政能否為中國帶來現代化」依條題目你可以持「同意立場」，亦都可以持「反對立場」，無絕對答案。重點在於言之成理與否。明白嘅話，換言之，即係就算Alex拎22/25，而Ava都係拎22/25嘅分數，佢哋嘅用字（Wording）、表達、史實、論據或論點無可能完全一樣，因為依條論述題確確切切係由你親手創造，屬於你自己。
・
即係點突破？了解到歷史科嘅獨特性後，下一步係要認識自己。乜話？唔係講個人成長果隻（雖然都有啲關係），而係將自己成為自己嘅老師。咩意思？當一樣分數都未必啱或錯相同內容、技巧嘅時候，要知道點樣突破就要從錯誤中學習。唓，到頭嚟又係啲老生常談嘅教法。正因為好使好用所以去到今日仲未被淘汰，方法教咗你，重點係你點看待。就算去補習結果都唔係個個好成績，有人5**、有人Level4，點解？答案你心中有數。
・
嚟到第4年，心入邊有個問題 － 係囉，歷史使乜補習？你唔識歷史，Google search基本上答到你所有問題。返學上堂，或者放學去補習為咗啲乜？
・
依個問題值得諗，科科。
・
#Chehistory
#免費筆記
#免費練習
#免費批改

《有問必答丨蛻變？轉捩點？》
Q: 蛻變同轉捩點答法有冇唔同架
・
A: 答你個問題前要搞清楚一樣嘢 － 咩係「蛻變」？乜嘢係「轉捩點」？【蛻變】原本形容蟬蛻殼變嘅過程，換言之，即係本質轉變（另亦稱為根本性轉變）；【轉捩點】據台灣教育部字典就話係關鍵的轉變，依個解釋指你每時每刻都變緊，但係果啲唔叫轉捩點，而係一個好重要好重要嘅轉變先算數 － 例如你初戀啦（聽講一生一次，一次影響一生）、考DSE啦、返工啦，依啲先算係轉捩點，嘿嘿。
・
打完一堆都唔知講緊咩，講到尾，即係有冇分別啫？心水清嘅同學仔唔難發現 － 【轉捩點】好重視時間點，例如初戀、考DSE、入大學、18歲等，都有個劃分點一分為二成前同後，所以答起上嚟就有「前、中、後」三舊嘢，以下為例：
・
題目：初戀係咪你人生嘅轉捩點？
・
◇轉捩點前
所謂自己一個更開心，大時大節？唔係同屋企人過，就上網搵世界各地嘅朋友過。情人節？唔講你以為真係有朱古力食，心酸嘅嘢，無謂再多講。
◆轉捩點影響
直到一天你認識咗初戀，佢嘅出現改變你一生，過去你以為世界剩係得黑同白。因為多咗佢，將你由單細胞生物變成識少少為人著想。
◇轉捩點後
依家你做每件事都覺得好開心，生活唔再單調，放假？當然係約初戀出去食好西、放風箏、行街、Shopping、扮靚靚啦。世界不再一樣，人生都多返啲色彩。
・
講明先，為咗令你明乜係轉捩點，其實上邊個示範唔係做得咁好。Anyways，初戀示範帶出咗轉捩點題目係要交代「前、中、後」，討論到吓轉捩點點樣改造你（或者點樣無料到，假如你持不同意立場的話），最好做到點對點對比，亦都係依個原因所以初戀例子唔好。
・
至於【蛻變】好多時講緊一舊嘢點樣轉變，簡單咁講，就係由A變成B（基於解釋係話質變先算蛻變，所以A變A+唔算㗎）。情況就好似亞古獸時空進化成戰鬥暴龍獸咁，唔單止係由成長期變成究極獸咁簡單，根本兩隻嘢就唔同（無睇過數碼暴龍真係幫你唔到，經典都無睇過，返去煲哂0102先再讀歷史啦）。
・
換言之，單從【蛻變】同【轉捩點】依兩個詞語討論，明顯分別就係作答果陣前早係前後對比，後者係「中、前、後」再對比啦。當然，好多時都係問一樣嘢可唔可以帶嚟蛻變，咁就另一回事啦。
・
#Chehistory
#有問必答
#免費筆記
#免費批改
#免費練習