【HKDSE】♚史科人必入♚世界歷史History 討論

車士打會唔會講中史
我以前識你 你比過啲學校mock我
但我上年搞唔掂

搞咩嚟

中史
炒左

完全無概念點讀 反而讀econ就讀得熟好多
今年retake全科。。。

中史真係無咩心得

中史好大鑊呀我 搞唔掂

你考果份卷已經同我考果份好唔同

其實大家答既野都係差唔多
點先拎到4/以上
點先做到比較突出啲？

同樣嘅史實
有唔同嘅表達
舉例推論完唔完整、解釋到唔到位、用字準唔準確等

唔知同學仔咩情況
建議做條pastpaper 或者free exercise 望吓先

【常犯錯誤】不完整線索
唔少同學仔拆解漫畫果陣都會先睇簡介（Caption）。當然啦，簡介得字或年份，好使又好用，引用完解釋就一個論點。以下為例︰
．
⭐️題目│2012DSEQ2b︰資料D是否對德國存有偏見？試參考資料D，並就你所知，解釋你的看法。
⭐️簡介（Caption）︰以下漫畫於1939年4月在英國出版。
⭐️參考答案︰資料D出版於1939年英國，面對納粹德國步步進逼，英國經已有所防範，反映1939年英、德關係不甚討好。因此推斷，出版於1939年英國而內容描述德國的漫畫確存有偏見。
．
事實上，當年嘅評分準則（Marking scheme）都有依個論點。
．
不過，好用係一件事，用得啱卻係另一件事。以下為例︰



⭐️題目│2013DSEQ3a︰從資料E引用兩項線索，以證明威爾遜就國際聯盟的成立發表演說。
⭐️簡介（Caption）︰下文取材自1919年美國總統伍德羅．威爾遜在美國國會上的一次演說。
⭐️同學答案︰From source E, the speech was happened in 1919. It showed that the speech was about the post-war settlements. After the WWI in 1919, the Paris Peace Conference was held. During this conference, League of Nations was formed.
．
先唔講國際聯盟（League of Nations）成立喺1920年。上述答案係由三點所構成︰
．
1. 巴黎和會喺1919年舉行；
2. 演說發表喺1919年；
3. 國際聯盟由巴黎和會而來；
∴ 線索「1919年」證明到資料同國際聯盟成立有關。
．
的確資料嘅演說發表喺1919年、的確巴黎和會（Paris Peace Conference）喺1919年舉行、的確和會入邊有討論過國際聯盟。不過，單係線索「1919年」可唔可以推論到演說關於國際聯盟成立？
．
可以，不過依個唔係好嘅選擇。
．
點解？即使上述推論成立，都唔代表巴黎和會剩係討論國際聯盟，當中仲有其他議題，包括《凡爾賽條約》、民族自決等。點樣確保資料一定係講緊國際聯盟而唔係《凡爾賽條約》？
．
無辦法。
．
換言之，「1919」係個不完整線索。喺作答上，有時間當然可以寫吓搏一搏，反正寫多無蝕底。之但係，依條題目係要「從資料E引用兩項線索」。咁，「1919」就唔會係同學首選嘅線索啦。
．
無錯，當你唔知幅漫畫講緊咩嘅時候，資料簡介隨時救你一命。不過喺作答上，同學仔就唔可以咁草率。考慮到線索同論點嘅關係，先決定用唔用簡介（當然，大部分題目有時間都建議用咗先），唔係就「捉到鹿都唔識脫角」啦。
．
#Chehistory
#常犯錯誤

《有問必答》
Q: Hello 我係18dse retaker 我知道今年(2018)dse dbq 分數上有變動 會有7/8/9/10分題
請問佢地既conclusion&comparison計唔計分？mark allocation for 7/8/9/10各自係點樣？感謝！
．
A: Hello，介紹吓2018年卷一嘅變動先 — 時間方面，由105分鐘增加至120分鐘；分數方面，由50分增加至60分。即係咩意思？整體咁講啦，你2018年4月21號（星期六考歷史人都開心啲）答果份卷每1分嘅題目比過去少6秒鐘時間作答。
．
6秒鐘係咩玩法？其實唔使理會，純粹係想搞吓笑，嘻嘻嘻嘻。
．
唔玩啦。見時間改動唔係同學仔關心嘅問題，唔喺到多講啦。相反，分數轉變確實值得大家諗吓，份卷由50分變咗做60分，果10分點安排好呢？喺依刻，希望大家試吓做考評局，代入身份，幫幫手諗吓點拆掂佢。
．
發問同學講到改變題目分數，即係有7分、8分、9分同10分嘅題目出現。唔錯，增加題目分數係個合理推斷。事實上，操開Pastpaper都知道考評局曾經出過7分、8分嘅題目。
．
2012PPQ3b│資料D能否充分反映1919-1938年間集體安全所受到的威脅？（8分）
2017DSEQ3c│第一次世界大戰有否使歐洲變得更好？試參考資料E及F，並就你對歐洲直至1929年的發展所知，解釋你的答案。（7分）
．
但係9分、10分呢？未見過，出嘅機會率亦都唔高。因為改變題目分數唔係一兩下就做到嘅事，將會產生更多問題 — 多咗果1分、2分點比？據考評局評分準則（Marking scheme）係L1、L2同L3，係咪要整個L4出嚟？咁，L4又應該點寫？
．
未解決、未解決。除非你哋做白老鼠啦，嘿嘿。
．
暫時擺低分數改變方案。仲有啲咩方法呀？嗱，其實可以增加題目嚟處理多咗果10分。唔係吹水，有跡可尋。DSE開波果陣歷史卷好鍾意問提問語，平均一份卷問3-4次（PP-2013），前世同佢有仇咁。但睇返近年，愈嚟愈少（2014-2017），去到2017剩係問咗態度，唔講以為歷史同提問語分咗手。
．
【陰謀論】唔難推斷考評局依個趨勢係為2018年鋪路。一方面，2018年歷史科考核修訂早喺2014年、2015年新學制中期檢討通過，時間會唔會巧合咗啲；另一方面，開首同大家開玩笑2018年份卷比之前啲卷少6秒鐘作答，6秒鐘嘅意義唔係時間長短，而係反映考評局背後嘅諗法 — 唔希望啲學生「大包圍Chok5**」。將啲題目拆得有咁散得咁散，你要大包圍？下邊仲有(c)、(d)問喎。
．
當然，上述只係個人猜測，孰真孰假，4月21號咪知囉。增加題目分數好，增加題目數量都好。同學仔你本身就係個5**嘅人，仲有嘢難到你咩？嘻嘻。記住四隻大字 — 見招拆招！
．
#Chehistory
#有問必答
#你問我答

個人認為18年會出多幾題3-4分題
應該唔會有9-10分題出現

Same

個人認為18年會出多幾題3-4分題
應該唔會有9-10分題出現

Same

9-10分題如果出嘅話應該1題dbq有3-4個資料先做到
唔排除eaa會玩鳩啲考生

9-10 分真係一條mini essay 嚟
至於3 個資料都有依個可能性
但考慮到整體題目分佈，可能性都唔大

《有問必答》
Q: CE嘅essay題目有無參考價值? 因為睇翻前幾年嘅Alevel essay question 有好多都係響嗰度寫落去DSE啲題目度 同埋CE有啲essay有part a part b 應唔應該操?
．
A: CE嘅論述題題目當然有參考價值啦。學你咁講，唔少DSE題目同CE一模一樣架，以下為兩例。
．
2011CEQ8│追溯並解釋1945-2000年間歐洲國家之間的經濟合作。（30分）
2012DSEQ5│追溯並解釋1948-2000年間歐洲經濟統合的過程。（15分）
．
2010CEQ6│從下列年份（1949；1978）中選取一個，解釋該年份在哪些方面是中國現代化史上的一個轉捩點。（30分）
2012PPQ3│1949年在哪些方面是中國近代史的轉捩點。（15分）
．
就咁睇，其實DSE論述題同CE都幾相似喎，係咪？的確係真，早期DSE論述題題目基本上係CE嘅「翻版」。話雖如此，但若細心留意，近幾年DSE出現咗變革，多咗問啲提問語以外嘅字眼，好似「侵略性」、「蛻變」、「不可避免」、「人禍」咁。作答起上嚟，除咗基本題型架構做啱外，仲要特別解釋或處理依啲字。唔係嘅話，未必拎到最高層級（Grade A:23-25）架！
．
至於操練，分咗兩部分，即Part (a)同(b)，嘅題目都可以做。事實上，DSE會喺同一條題目到問兩個問題，只係出得方式同CE唔同，如下。
．
2012DSEQ2│「巴黎和約（1919-1923）旨在維持和平；不幸地，它成為另一場世界大戰的重要成因。」你是否同意？試解釋你的答案。
．
依條2012年嘅題目正可分拆成兩部分︰
Part(a): 試討論巴黎和約（1919-1923）如何在維持和平；
Part(b): 你是否同意巴黎和約是導致另一場大戰的成因？
．
雖然作答上有啲唔同（a唔使比立場，b要），但作答內容其實差唔多架！
．
講起Pastpaper，上網睇有啲同學到今日都搵唔齊。不如唔好煩，一次過由2006年CE去到2017年DSE擺哂上Google drive，開心些牙好唔好？
．
#Chehistory
#有問必答
#你問我答

經濟協作Free exercise (2)
數吓手指DSE 仲有四五個月就考，緊張都嚟唔切，做吓練習定定神啦。經濟協作雖然喺2017DSE 出過，不過必答題嘅嘢，始終有備無患比較好。
．
中文版︰http://chesterhistory.blogspot.hk/2017/11/c201711_21.html
英文版︰http://chesterhistory.blogspot.hk/2017/11/e201711_21.html
．
上星期Free exercise 參考答案︰http://chesterhistory.blogspot.hk/2017/11/a201711.html
．
#Chehistory
#免費練習

Retaker想問下今年essay轉25分1題要點玩法?架構會唔會有咩唔同

Retaker想問下今年essay轉25分1題要點玩法?架構會唔會有咩唔同

當題目分數同數目無分別嘅情況下，作答框架原則上係唔會轉變
只係比果個分唔同啫，情況就可以上考評局個網睇
同樣係2016年DSE 答卷，一個係15 分準則，另一個係25 分準則咁啦

Retaker想問下今年essay轉25分1題要點玩法?架構會唔會有咩唔同

當題目分數同數目無分別嘅情況下，作答框架原則上係唔會轉變
只係比果個分唔同啫，情況就可以上考評局個網睇
同樣係2016年DSE 答卷，一個係15 分準則，另一個係25 分準則咁啦

ok,唔該你

早前做過非官方統計問整個資源庫出嚟好唔好。當大家都都話好嘅時候，點可以拖手肘呢？
．
嗱，機會嚟啦，只要入Blog 撳條link 就拎到你想要嘅Source — Pastpaper、Students Sample、Exercise etc。現階段係未齊嘅，比啲啲時間，嚟緊會逐步Upload 架啦。
．
【先帶頭戴】搞依壇嘢主因係上網見到啲學生話無依樣無果樣，咁啱有，咪搞囉。無收取任何利益，僅供學術交流之用。不幸比人Report 咗就係咁先啦～
．
有練習有人幫你改，無藉口避啦？嘿嘿嘿嘿。
．
BLOG:https://chesterhistory.blogspot.hk/
．
P.S. 仲有啲咩想要隨便講，整到又合理實整～
．
#Chehistory
#歷史科資源
#History
#世界歷史

【三個習慣足以毀掉你的DSE】
聽人分享考試心得實有啲奇怪方法，好似清晨五點起身溫書、先做運動再溫書、夾埋班朋友喺淺水灣租間屋溫書都有。唔理你本書係點溫，捉到老鼠就係好貓，同樣嘅，溫得入腦就係好方法。不過，若然你有以下三個習慣，咁就大獲啦。
．
1. 社交媒體│Social Media
喺香港，平均一個人每日用3粒鐘玩社交媒體。數學Section A題目︰一個人用7粒鐘瞓覺、2粒鐘食飯、1粒鐘去廁所、8粒鐘返學，1粒鐘交通，咁剩返幾多粒鐘？5粒鐘。3粒鐘比咗社交媒體，換言之，即係得返2粒鐘溫書。天啊，讀4C+2嘅話即係每科每日得20分鐘溫，一條Essay都做唔到呀…
．
依個計法仲未包補習、娛樂、其他活動等，仲有啲同學仔係讀3X呢…你話，點算？
．
2. 打機煲劇│Video Game
依個世界有好多好好睇嘅劇集 — Game of thrones、Prison break、Blacklist、Westworld，同時亦都有好多好好玩嘅遊戲 — LOL、Overwatch、PS4、Switch。每個人都需要娛樂，偶爾煲吓劇打吓機，享受吓屠人等現實生活中做唔到嘅感覺，確係爽。
．
不過，你真係需要咁多娛樂咩？依家係你享受緊娛樂，定係娛樂享受緊你呀？
．
3. 心靈雞湯│Inspiration
聽人分享成功經驗、睇吓啲激勵圖、或者學啲新技巧，確實會令你好鼓舞、信心澎湃，然後覺得依個世界無嘢難得到你。但隨時間消逝，熱情難免退卻，於是你開始懷疑自己︰「到底我點樣繼續走落去？」總係覺得差緊啲嘢咁。跟住，你又開始上網睇YouTube、Google吓人哋心得分享、或者喺Facebook掃又掃。
．
之但係，你唔行永遠都唔知你可以走到幾遠。同樣地，就算你學咗再多嘅成功之道，你唔做，都仲係原地踏緊步。所以，唔好講，做啦～
．
Actions speak louder than word.
．
#Chehistory

免費批改服務
時至今日原來唔係好多人知有免費批改服務，喊出嚟，高抬貴手比個機會喺到介紹吓。所謂「免費批改服務」第一件事當然係免費，即係你交一條分題又好，10條論述題（Essay）都好，結果都係唔收錢幫你改。當然，假若你係個練習控嘅話唔該比啲人道，有題目就交咪囤貨。
‧
第二件事係咪所有題目都改呢？過去就剩係改免費練習（Free exercise）同歷屆試題（Pastpaper），考慮到大家都忙，未必有咁多時間做練習。好，依家係題目就改。當然，咪玩嘢比條地理、中史或者通識題目嚟，雖然答法相似但唔完全一樣㗎。
‧
第三樣係唔少同學都關心嘅，交比你唔係啲咩難事，但幾時收得返先？你有壓力，我有壓力。大家都係學生，一般情況，1－3日內點都會改好比你。當然你話聽日考試、測驗想望吓比啲意見，盡人事啦，反正「沒有什麼會永垂不朽」。
‧
最後一樣，點交？
1 首先﹐將你做好嘅練習打落Word/ 影相；
2 將個檔案變成PDF（唔識嘅話就Google「jpg to pdf」，或者手機影相有個Apps叫Camscanner好使又好用）；
3 將你份練習連同題目（Free exercise或者Pastpaper唔使）Email to chehistory@gmail.com；
4 等待。
‧
可以為你準傭嘅都七七八八，同學仔，到你啦喎。
‧
注意事項
A. 批改完嘅練習要用電腦Download落嚟先睇到Comment，手機剩係睇到個分；
B. 改完嘅練習會上載到歷史科資源庫（Google drive）做參考用途，比錢補習睇學生示範好咩；
C. 依家係人手有血有肉咁改，唔係機械人AI，唔該保持返禮貌、基本電郵格式。你點對人，人點對你份練習呀，同學仔；
D. 明白每種服務未必適合每個人，都係果句，將心比己。啱你咪用，唔啱咪「I dont give a shit」囉。況且，無收你錢無攞你著數㗎。
‧
＃Chehistory
#免費批改練習

免費練習丨社會文化協作
做社會文化協作練習就好似做緊通識練習咁，又係《京都議定書》呀？係囉，又係《京都議定書》呀。既然通識單元六學過，依家歷史國際協作課題實難你唔到啦，嘿嘿嘿嘿。
．
中文版︰http://chesterhistory.blogspot.hk/2017/11/c201711_28.html
英文版︰http://chesterhistory.blogspot.hk/2017/11/e201711_28.html
‧
另外琴日有同學仔問中文練習改唔改？當然改啦，仲唔快啲交，哼！
‧
#Chehistory
#免費練習
#免費批改

【新嘗試】
最近收返啲免費批改有個明顯問題 －錯配例子。咩意思？即係亂咁用個例子，問你溫歷史用咩方法好，你答補習。好，有冇好介紹呀？點知你話我知教科書A個內容唔錯，值得一睇。
．
（？？黑人問號？？）
．
既然係咁，逐個課題內容教返你，唔該咁多位唔好再亂咁嚟。比部MacBook你，都要上網睇吓教學先知個OS點用。比著你溫咗好多好多例子，但係得個「知」字，唔知幾時同點用...
．
有意思咩？
．
#Chehistory
#免費練習
#免費批改
#免費筆記

【2017DSEQ2】依條中國題目一啲都唔簡單，除咗要證明佢係蛻變嘅方法之外，仲要比較兩者邊個好啲，相信難到唔少當年考生～
・
參考架構：http://chesterhistory.blogspot.hk/2017/12/2017dseq2-20.html
・
#Chehistory
#免費批改
#免費練習
#免費筆記

Free exercise丨國際協作（4）
最後一份關於社會文化協作嘅練習已經上載咗喺個Blog 到啦，想喺依個課題做多啲練習嘅同學仔可以留意返～
・
中文版：https://chesterhistory.blogspot.hk/2017/12/c201711.html
英文版：https://chesterhistory.blogspot.hk/2017/12/e201711.html
・
#Chehistory
#免費練習
#免費筆記
#免費批改

賣廣告時間

千祈咪撚報lori tsang個歷史mock
https://lihkg.com/thread/464271/page/1

好有恆心

【免費練習丨中國(一)】
就算唔寫落張紙做，諗吓Pttttt 都好呀 😀 參考答案暫定上返個Bloooog 到睇，或者IG 就過兩日再Up 埋上嚟～
・
◇中文版題目◇
(a) 孫中山作出資料E的演講，目的是什麼？參考資料B，解釋你的答案。(4分)
(b) 就理解孫中山的革命思想而言，資料C有何局限？試加以討論。(4分)
(c) 從資料B推斷作者對清末新政所持的看法。參考資料D，解釋你的答案。(4分)
(d) 「就實現現代化而言，革命比改革更為有效。」你是否同意？參考資料A及B，並就你對1900-1912年間中國歷史發展所知，解釋你的答案。(6分)
・
◆英文版題目◆
(a) Infer the purpose of Sun’s speech. Explain your answer with Source C.(4 marks)
(b) What is the limitation(s) of Source C in understanding Sun’s revolutionary ideas? Discuss using your own knowledge. (4 marks)
(c) What was the view of the author of Source D towards the Late Qing reform? Justify your view with the source. (4 marks)
(d) “Revolutions are more effective than reforms in achieving modernization.” Do you agree? Explain your answer with reference to Sources C, D and your own knowledge. Limit your discussion to 1900-1912. (6 marks)
・
最後祝大家Merry Christmas、學業進步 😎

如果係答就你所知
你會係在資料以外開新point，定參考資料內容作補充作答