《無底線你問我實答》
Q: 未來2018出題有咩趨勢?見到上年dbq chin個題問如果你喺個時嘅知識分子，你會唔會support communist party,下年會唔會有差唔多嘅題目?同埋見你CW個個free ex有問title,其實係咪都喺有可能會嘅問題?
同埋想知做essay嘅時候應該點樣拆題?寫幾多分先可以上5?
thank you soooooo much!
．
A: 一次過咁多問題真係比你嚇親有啲應接不暇。為方便其他同學閱讀，分【資料題】同【論述題】兩方面答你。
．
先帶頭盔，好耐之前講過歷史比其他選修科內容係少，所以唔建議貼題。但問題擺咗喺到自然要答，唔答即係玩嘢啫。根據返近6年Pastppaer嚟睇，主題甲中國年年都出，即係點都要溫啦。另外，日本同香港分別出咗3題，不過香港喺2016年同2017年都出咗。換言之，日本會比香港更熱（a_a）；至於主題乙，一二戰同中國一樣年年出走唔甩，其次就係冷戰同國際協作分別出咗3題，不過2016年出冷戰而2017年出國際協作，依方面無咩意見可以祈吓禱擲聖杯睇吓有冇咩指引（有消息記住話我知）。
．
咁睇2018年卷一即係要溫中國、一二戰、日本、冷戰同國際協作，咁貼嚟做咩呢？無錯，咁樣比個答案你應該唔會滿足亦都自覺唔合格。一係唔貼，一貼就貼到盡︰
。中國。南京政府、改革開放
。日本。軍國主義、戰後亞太角色
。香港。經濟發展、都市化
。一二戰。維和努力（集體安全）、兩次大戰意義
。冷戰。爆發原因（有機會連埋二戰問）、結束原因
。國際協作。人口問題、環境問題
．
至於論述題答你每個課題都會出，揀兩個你特別鍾意溫嘅都唔會收貨啦係咪？
。中國。群眾運動
。日本。戰後經濟發展
。香港。經濟都市化、亞太關係
。一二戰。集體安全
。冷戰。爆發原因（有機會連埋二戰問）
．
答答吓發現無敵咗。記住貼題意義唔大，就算講中咗內容但答錯題目要求都於事無補，依啲叫做捉到鹿都脫唔到角。與其花時間同心機考究貼題，倒不如努力鍛鍊自己成為個5**嘅人，咁自然咩問題都考你唔到啦，呵呵。
．
【資料題】Free exercise大部分嘅題目都係根據Pastpaper出，所以情景題（即你所指嘅假如一個身份）同標題黨（即係設計一個標題）都有機會喺DSE見到，以下係過往題目參考︰
+*情景題*+
2017DSEQ2︰假如你是一名活於1945年的中國知識分子，你會否支持中共？試參考資料D，解釋你的答案。（4分）
2012SPQ3︰若你是1938年的一個英國人，你會支持張伯倫與邱吉爾哪一位的看法？試參考資料E及F，並就你所知，解釋你的答案。（7分）
2012DSEQ2︰假設你是當時納粹德國的一名發言人，你會如何分別回應資料C及D有關納粹侵略的指控？試參考資料C及D，並就你所知，解釋你的答案。（7分）
+*標題黨*+
2016DSEQ4︰為資料G的漫畫建議一個標題。試參考資料G，為你的選擇提供理據。（2分）
．
處理情景題果陣以考慮到自己身份，好似2012DSEQ2咁，你身為納粹德國嘅發言人係唔會話希特拉嘅行動屬於侵略，反而會以民族自決、生存空間等藉口去包裝，情況就好做緊PR咁；身份之外更加要留意年份，以2012SPQ3為例，作為1938年嘅英國人，你係唔會知道德國將會喺1939年侵略捷克同波蘭，要注意返啦。
．
標題黨呢，話明標題黨就自然要講到幅漫畫嘅意思，注意解釋果陣引用線索講返標題同個漫畫內容有啲咩關係。多數都係一幅兩格漫畫，咁你就要透過上下兩格內格比較再推斷漫畫家主張啦。
．
借個平台賣吓廣告，可以見到免費練習（Free exercise）係以公開試題目為中心出嘅練習，唔敢話參考性高，但有時間做吓真係無妨。反正又唔使錢仲幫你改埋，啱唔啱聽先？
．
【論述題】因為無公開講過拆題同拆字技巧係啲咩，所以有時未必知我講緊咩。機會嚟啦飛雲。決定喺到講一次，拆題嘅目標係搵到論述題嘅作答內容，需要對教育局份課程綱要有一定認識，以下為示範︰
．
第一次世界大戰內容（根據課程綱要）
1. 列強關係
2. 爆發原因
3. 維和努力
．
題目︰試解釋歐洲於二十世紀初導致競爭與衝突的原因。
．
收到條題目配對返屬於課程綱要嘅第二點（爆發原因），咁就知道依條嘅論點包括民族主義、殖民地爭奪、同盟制度同軍備競賽啦，搞掂。
．
至於拆字又係咩一回事？拆字嘅目的係搵到論述題嘅作答技巧，唔需要諗到咁辛苦，技巧離不外三種，包括︰
A. 評論
B. 駁論
C. 比較
．
賣廣告就死遠d 啦
